Forumi Horizont (http://www.forumihorizont.com/index.php3)
- Ditari (http://www.forumihorizont.com/forumdisplay.php3?forumid=179)
-- Ne anen tjeter te Henes! (http://www.forumihorizont.com/showthread.php3?threadid=14582)

~ Eklips ~

Hënë,
Balluket e shiut të kanë mbuluar sytë.
Harbueshëm,
Si duart e dashurisë
Të kanë mbuluar fytyrën,
Të përkëdhelin,
Të puthin me bulëza,
E pastaj
Dënesin,
Dënesin djersëve të purpurta
Që në dridhje të afshëta
Avullojnë pasqyrës së qiellit.
Hënë,
Dukesh lozonjare nën petkun e kuq të pasionit,
Tunduese,
Far i një deti të zi dhe të qetë,
Aspak i frikshëm,
Që murmurit me buzët e shiut
“ Ho fame della tua bocca” të Nerudës.
Hënë,
Trupi i Diellit rënduar
Si një shi kokërr malli
Që mezi pret të shkëputet nga Qielli
Po shuan etjen e tij në krahërorin tënd.
Po pi me buzët e shpirtit
Në kroin e pafajësisë tënde,
Po mbytet me hyjntësinë tënde,
Që të përhapet trupit si
Qershi e kuqe, e ëmbël, e athët…
Hënë
Ngjan si një sy i përgjumur
I përskuqur nga zjarrët e pasionit
Që rëndohet
Rëndohet,
Dhe errësohet nga duart e panjohura të
Një tjetër ëndrre,
Që do ngjizë në barkun e syve
Një tjetër
Hënë dhe
Një tjetër Diell.

16.06.2011 ©