Forumi Horizont (http://www.forumihorizont.com/index.php3)
- Ditari (http://www.forumihorizont.com/forumdisplay.php3?forumid=179)
-- Ne anen tjeter te Henes! (http://www.forumihorizont.com/showthread.php3?threadid=14582)

Dita ka vue_ kryet n’prehen t’diellit
e po i _rrfen t’pa thanunat e mbarmjes t’kalueme.

Po_ tregon me andje
si andrrat_ qendiseshin reve,
hije t’pa forma arrnueme qiellit.

Si sytë nduknin Hyjntësitë
që n’yje kureshtarë kishin ndezun
ekzistencen e tyne.
_
Rrfente se si dashnitë
ishin shtrue rreth’rrotull
si çarçafë pafajsie
e n’to fshiheshin pa teklif
gjurmt e natës t’bamun pis
me errësinë.

S’dihet kur e si
rrfimi kishte fillue,
s’dihet as si e qysh
dita bahej natë
e nata çilte si syth në nji minut.

Vetëm kur degët e ditës
kputeshin krahëve t’natës
si dhimbje që kërkon me u shërue.

S’dihet as kur flinin andrrat,
apo n’cilin fyt t’etun për zbrazëti _
derdhej gotë e kohës!?

Xhurulldi Hyjntësish që linden
vend e pa e vend,
në maternitetët_ imaginer
ndërtuem mbi gërmadhat
e dashnive t’harrueme
n’braktisjen e shpirtrave.

Vetëm nji gja dihej me siguri:
që në nji natë shtrigë si ajo e mbramshmja
kishte lindun nji dashuni!



16.12.2011_©

_