Forumi Horizont (http://www.forumihorizont.com/index.php3)
- Ditari (http://www.forumihorizont.com/forumdisplay.php3?forumid=179)
-- Leter shkruar Vetes! (http://www.forumihorizont.com/showthread.php3?threadid=14789)

  Të shkruash  letër është shumë më shumë se përpjekja për të "mobilizuar" mendimet dhe për t’i standartizuar ato në forma  të përcaktuara gjuhësore. Është shumë më shumë se njollosja e  një  bardhësie nga gjurmë  fjalësh që  mundohen,ashtu të rreshtuara estetikisht  të shprehin dicka,ndoshta një shqetësim të brendshem. Të shkruash  letër është kontakt dhe  prekje , është  në të njëtën kohë rilindje dhe ndjesi. Të shkruash  letër është një akt dashuror midis gërmash që mbartin brënda formave të tyre të vogla potenciale  ndjenash dhe mendimesh të pakufinjta por që me  dëshirë koncentrohen në një gdhendje gërmësore dhe fjalësh , me dëshirën jo vetëm për të shprehur veten ,por mbi të gjitha për ta parë  dhe njohur atë  në një  dimension tjetër, atë të “Letrës”.
Letra është një ballafaqim , një bisedë dhe shpesh herë një shuplakë që të shkund nga gjumi ku mund të zhytesh herë pas here.
Letër  është kjo natë hëna e së cilës miklohet nga shiu melankolik , është ky moment  relaksi dhe shtendosje shpirtërore, ku shpirti lundron në qilimin e fidanëve dhe i lejon vetes thurjen e ëndrrave të “kapshme” ose "jo".
 Letra është kurthi që i ngremë vrapimit të kohës përmes minutave. Letra  nuk është gjë tjetër vecse një mal me puzzle,  gjatë leximit të së cilës duhet të kesh durimin për të  kuptuar gërmëzimin e ndjenave. Dhe  vetëm atëhere kur arrin të formosh puzzl-in mund të thuash se ke arritur të kuptosh dhe të njohësh vërtetë dorëshkruesin ose letërshkruesin. Por kjo nuk ndodh asnjëherë. ….!!
                                                        E hene, me 02 mars '09
                                                                  ora 00:24