Forumi Horizont Gjithsej 18 faqe: « E parė ... « 4 5 6 7 8 9 10 11 12 [13] 14 15 16 17 18 »
Trego 177 mesazhet nė njė faqe tė vetme

Forumi Horizont (http://www.forumihorizont.com/index.php3)
- Mjekėsia (http://www.forumihorizont.com/forumdisplay.php3?forumid=266)
-- Gjenetika (http://www.forumihorizont.com/showthread.php3?threadid=7240)


Postuar nga NS-6 datė 16 Qershor 2007 - 00:19:

struktura e jashtme e nje kromozomi

Cod. A16062007

kur kam permendur strukturen e ADN dhe menyren se si paketohej ajo permenda deri ne piken e nukleozomeve.ne figuren qe po paraqes me siper po e sjell edhe nje here ndermend ate strukture. me pak fjale siper kemi ADN ne zinxhire dhe keto mbeshtillen rreth disa strukturave proteinore qe merrnin emrin e nukleozomeve (1) dhe keto paketohen tek ajo qe merrte emrin kromatine e cila ne formen e ngurtesuar formon kromozomet.tani e kapim ne kete pike



kromozomit, ne strukturen e vet te jashtme,mund ti dallohen 3 pjese kryesore. kemi nje krah te shkurter te tij (qe shenohet ne shkronjen "p" qe me sa kam degjuar vjen nga fjala "petit",i vogel ne frengjisht) dhe nje krah me te gjate (qe shenohet ne shkronjen "q" qe e ka marre kete emertim sepse vinte pas "p" ) dhe nje zone qendrore qe quhet centromer.
centromeri eshte zona ku lidhen fibrat qe vijne nga centriolet,organele qe marrin pjese ne ndarjen qelizore.



me pak fjale centriolet,gjate mitozes dergojne disa fibra qe marrin emrin "KINETOKORE" dhe qe shkojne dhe kapen pikerisht ne kete zone dhe prej ketu pastaj terheqin per ti ndare kromatidet njeri nga tjetri.

kini parasysh qe normalisht kromozomi eshte nje kromatid dhe se ky dyfishohet perpara mitozes per tu bere me 2 kromatide dhe ne fund te procesit perfundon serish me 1 kromatid (figura me poshte)



kjo besoj se eshte e mjaftueshme per momentin per sa i perket struktures se jashtme te nje kromozomi. nese kam harruar gje,ishallah,do shtohen me kalimin e kohes per faktin se do kete serish rast per tu bere kur te merren kromozomet ne analize per ndonje semundje te vecante ose kur te shpjegoj mutacionet.

ajo qe doja tu terhiqja vemendjen eshte tek ato 2 shkronja qe permenda me siper, "p" dhe "q". kjo per faktin se kur shpjegohen vendndodhjet e gjeneve perdoren keto shkronja kur vjen puna per te permend se ne cilin krah ndodhen. me pas ka nenndarje te tjera qe e bejne edhe me te detajuar vendndodhjen.



sic e shihni ne figuren ketu me siper,ku paraqitet kromozomi X, krahet jane ndare ne nendarje me te imta (secila me nje gjatesi te caktuar) per te treguar me ne detaj zonat (p22.33,p22.31,p22.2 etj).
kur perdoren metoda si "chromosome stretching" qe konsiston ne terheqjen e kromozomeve per te vene ne dukje zona me te imta te kromozomit,keto emertime marrin nje kuptim te rendesishem...

(1)nukleozomet (Cod. A 14022005)


Postuar nga NS-6 datė 22 Tetor 2007 - 23:09:

bashkimi i 2 proberthamave nga e njejta prejardhje

Cod. A23102007

thame qe gjenoma e njeriut eshte e perbere nga 46 kromozome dhe dhame disa karakteristika te percipta rreth tyre,se si jane ndare,gjatesia e tyre,si eshte struktura e nje kromozomi si dhe menyra e emertimit te tyre.thame qe ato 46 kromozome formohen nga bashkimi i gametit mashkullor (spermatozoidi) qe trasporton 23 kromozome dhe atij femeror (veza) qe trasporton 23 te tjere.te dy bashke formojne zigoten qe do formoje individin e ri.
ne kete pike dikush mund te beje arsyetimin e tipit:
nese duhen 46 kromozome gjithsej,pse te mos i bejme duke bashkuar 2 gamete femeror ose 2 gamete mashkullor?dmth ne rastin e 2 gameteve femerore,marrim njeren veze qe do sherbeje si baze dhe nga nje veze tjeter marrim vetem kromozomet (me pak fjale ate qe merr emrin proberthame) dhe i trasportojme tek tjetra (deri diku ajo qe behet tek klonimi)...kurse ne rastin e 2 gameteve mashkullore do merrnim nje veze te ciles ja heqim kromozomet dhe i vendosim kromozomet nga 2 spermatozoide.ne fund gjithsesi do kemi 46 kromozome! a eshte e mundur kjo gje dhe a do zhvillohej nje individ prej kesaj?

pergjigja eshte qe kjo gje nuk eshte e mundur te formohet nje individ i ri nga bashkimi i 2 proberthamave mashkullore ose femeroredhe kjo gje eshte vertetuar diku rreth viteve '80 me ane te eksperimenteve tek minjte. ne keto eksperimente u pa qe nese bashkoheshin 2 proberthama mashkullore mund te nisej nje jete embrionale por fillonin te formoheshin vetem ato inde qe do ishin jasht fetusit (dmth placenta etj) kurse embrioni kishte nje zhvillim shume te paket! e kunderta ndodhte nese bashkoheshin 2 proberthama femerore . dmth fillonte zhvillimi i nje embrioni por nuk zhvilloheshin indet e jashtme (ektraembrionale). ne te dy rastet embrioni ndalte zhvillimin ne fazat e para dhe vdiste.
keto eksperimente treguan qe per te zhvilluar nje individ tek gjitaret,nevojiteshin te dy gjenomat mashkullore dhe femerore si dhe tregon qe gjate rritjet,keto gamete i nenshtrohen nje procesi te quajtur "imprinting" gjenomik qe eshte i ndryshem per te dy gametet. jane pikerisht keto shenja qe vendosen gjate atyre proceseve qe i bejne te njohur kur bashkohen dhe formojne zigoten. duket sikur zigota eshte e afte te njohe prejardhjen e te dy gameteve

imprinting gjenomik ben pjese ne ate qe quhet epigjenoma,nje nga fushat e kerkimit me te reja te gjenetikes qe ka sjelle nje interes shume te madh ne kerkimet e sotme mbi funksionimin e gjeneve do ta permend serish kur te flas per kromozomet seksual.

thene keto rikthehem serish ne strukturen e kromozomeve. permenda centromeret,permenda krahet e shkurter dhe te gjate,por ajo qe me duket se nuk kam permendur jane telomeret.telomeret jane pak me ndryshe se pjesa tjeret e kromozomeve dhe kjo vecanti i ka bere te mundur qe te kene nje enzime te teren per vehte qe ti dyfishoje gjate procesit te dyfishimit te ADN-s,nje enzime qe quhet telomerazi.por ajo qe e ben edhe me interesante ceshtjen eshte qe telomerazi funksionon vetem gjate jetes intrauterine dhe pastaj disaktivizohet. atehere,vazhdimi i temes do jene telomeret,telomerazi...pastaj te shofim se cfare mund te themi per "chromosome stretching...me pas ti hedhim nje sy kromozomeve seksuale dhe ndonje kromozomi tjeter ne vecanti...


Postuar nga NS-6 datė 01 Dhjetor 2007 - 23:47:

telomeret dhe telomerazi (pjesa 1)

Cod. A02122007

thame qe telomeret jane pjeset anesore te kromozomeve dhe jane disi te vecante per nga karakteristikat qe kane dhe per funksionet qe kane. nese do permendim funksionet do permendnim:
-nuk lejojne humbjen e materialit gjenetik nga anet duke lejuar replikimin e molekulave te drejta te ADN-s.
-nuk lejojne qe te ngjiten anet e kromozomeve.
-nuk lejojne shkaterrimin e aneve te molekulave te ADN se drejte nga enzimat e ndryshme shkaterruese sic jane deoksiribonukleazet (1)


Figura 1 : sekuenca ne zonen e telomereve

edhe nga sekuenca telomeret jane te vecante sepse permbajne sekuenca qe perseriten dhe jane kryesisht te formes 5'-T(n)-A(n)-G(n)-3' ku n paraqet numrin sa here eshte prezente ajo baze.me pak fjale mund te kemi forma te tipit 5'-TTAGG-3' ose 5'-TAGGGG-3' etj etj...gjithsesi per sa i perket timines ne keto kombinime n merr vlerat nga 1 deri ne 4, Adenina mund te jete ose te mungoje ndersa guanina mund te marre vlerat n nga 1 deri ne 8 dhe kjo gje varet sipas organizmit. tek njeriu forma e perseritur eshte 5'-TTAGGG-3' (fig.1). kjo gje me sa duket ka nje rendesi te vecante per shkak te lidhjeve qe keto baza mund te bejne njera me tjetren. me te thene te drejten ne kete pike gjerat behen disi lemsh per shkak se akoma nuk eshte gjetur ne menyre te detajuar forma qe marrin dhe shpjegimet qendrojne ne modele qe tregojne lidhjet e ndryshme te ketyre sekuencave qe perseriten.


figura 2 : problemi i replikimit te telomereve

por ku qendron problemi ne replikimin e ketyre sekuencave?
me perpara kam permendur qe ADN polimerazi nuk eshte ne gjendje te dyfishoje te gjithe sekuencen e ADN dhe problemi kryesor qe has eshte pikerisht tek telomerazet. thame qe ADN polimerazi ne zinxhirin qe replikohet ne menyre jo te vazhdueshme kerkonte nje primer ARN-je per te filluar dyfishimin dhe pastaj formoheshin ato qe quheshin fragmente te Okazakit. ne fund ARN primer largohej dhe ajo zone zevendesohej nga nukleotidet qe do shtohen nga ADN polimerazi. per shkak se ne pozicionin 3' te telomereve mungon nje zone e lire 3'-OH ADN polimerazi nuk eshte ne gjendje te zevendesoje primer-in e ARN kur ai largohet (fig.2)! atehere si i behet? ketu futet ne loje telomerazi!


figura 3 : replikimi me ane te telomerazit!

cfare ben telomerazi? ne strukturen e vet telomerazi ka nje sekuence ARN-je e cila sherben si sekuence mbi te cilen shtohet zinxhiri origjinal dhe ne kete menyre telomerazi spostohet dhe zgjat zinxhirin e ADN-s. me pas nderhyn ADN polimerazi e cila shton nukleotidet qe normalisht do te shtonte nese zona 3' te kishte grupin -OH (figura 3)
pak a shume shpjeguar ne menyre te percipte keto jane proceset qe kryhen nga telomerazi!

cfare mund te themi tjeter per kete enzime dhe cfare efektesh ka ne trupin e njeriut?

vazhdon...

(1) principet e gjenetikes (Snustad)


Postuar nga NS-6 datė 11 Janar 2008 - 23:01:

efektet e telomerazit ne trupin e njeriut

Cod. A12012008

pra,permendem telomerazin,funksionet qe ka dhe si i kryen ato funksione. po ashtu permendem edhe qe kjo enzime eshte kryesisht aktive ne fazen intrauterine (para lindjes) dhe se pas saj c'aktivizohet. me te thene te drejten nuk kam mekanizmat e detajuar te momentit te c'aktivizimit por sido qe te jete duhet te jete nje mekanizem mjaft i nderlikuar por ajo qe eshte me e rendesishme i kthyeshem! pse them qe eshte i kthyeshem? tek nje sit shkencor bera nje pyetje per sa i perket klonimit duke perdorur berthama te qelizave te rritura. nese ne marrim keto berthama nga qeliza qe tani jane te rritura ku telomerazi eshte e c'aktivizuar dhe i kalojme ne nje veze te ciles i jane hequr kromozomet,cfare ndodh me telomerazin? pergjigja ishte qe per te pasur sukses nje trasferim kesaj natyre dhe per tu zhvilluar nje embrion,kerkohet qe te gjithe gjenet qe jane te nevojshem per embrionin te trasferohen ne vendin e ri! nga kjo mund te kuptojme qe edhe telomerazi eshte e nevojshme dhe si pasoje duhet te behet aktive edhe ne ambientin e ri!
nje aspekt tjeter interesant i telomerazit eshte ajo e lidhjes ndermjet gjatesise se telomereve dhe mplakjes! sic permendem,telomerazi ishte i nevojshem per ruatjen e telomereve dhe ne mungese te saj,kromozomet humbnin copeza nga anet. kjo gje limiton edhe numrin total te ndarjeve te qelizave qe eshte rreth 70 here para se keto humbje te godasin ndonje gjen i cili eshte jetesor per mbijetesen e qelizes dhe te shkaktoje vdekjen e saj. sa me shume rritet mosha e qelizave aq me shume shkurtohen telomeret.
prova te tjera qe tregojne se gjatesia e telomereve ka lidhje me mplakjen vjen edhe nga patologjia. eshte nje semundje me emer Sindroma e Hatkinson-Gilfold,semundje gjenetike qe karakterizohet nga shenja mplakjeje te hershme (figura me poshte) tek individet qe prek dhe eshte pare qe qelizat e ketyre personave kane telomere me te shkurter dhe paraqesin nje aftesi me te ulet ndarjeje.



ne figuren qe po ju paraqes me siper femija ne krahun e djathte eshte vetem 8 vjec ndersa ai ne krahun e majte eshte 9 vjec!

dicka te ngjashme paraqet edhe nje semundje tjeter qe futet tek i njejti grup si sindroma e mesiperme vetem se shenjat jane me pak te renda dhe se mplakja fillon ne nje moshe pak me te vone. kjo semundje quhet Sindroma e Werner-it!

telomerazi nuk ka lidhje vetem me keto qe thashe me siper por edhe me kancerogjenezen! eshte pare qe qeliza te ndryshme ne eksperimente in vitro (ne keto eksperimente vendosen qe me para kushtet ne te cilat do te rriten keto qeliza dhe kryhen edhe veprime te ndryshme mbi to per te pare se si sillen) fitojne aftesi te ndahen ne menyre te palimituar dhe keto qeliza aktivitetin e telomerazit e kane te aktivizuar! studime te ndryshme kane pasur si qellim njohjen e detajeve te ketij procesi dhe kane treguar qe nese kontrollohet telomerazi si dhe shkurtimi i telomereve,atehere mund te ndikoje edhe ne moszhvillimin e kancerit!

mendoj qe per momentin,keto informacione jane te mjaftueshme per sa i perket efekteve te telomerazit ne trupin e njeriut...ne te ardhmen shpresoj te gjej informacione te tjera rreth kesaj enzime!


Postuar nga NS-6 datė 20 Mars 2008 - 19:52:

teknika e zgjerimit te kromozomeve (chromosome stretching)

Cod. A20032008

te shohesh nje kariotip si ai qe kam paraqitur me siper per rastin e sindromes se Down-it nuk kerkon ndonje procedure komplekse ne ditet e sotme dhe gjerat jane lehtesuar edhe me teper nga aparaturat e ndryshme qe bejne rregullimin automatik te kromozomeve sipas gjatesise. por,nese kerkojne te futemi me ne detaj ne nje kromozom per te pare bandat e ndryshme qe ai paraqet (shihni figuren e kromozomit X qe kam sjelle me siper) duhet te nderhyhet me ane te nje metodike qe eshte ajo qe ne anglisht merr emrin "Chromosome Stretching", nje metode qe te lejon te zgjatesh kromozomet per te pare edhe me mire bandat! manipulimi i drejtperdrejte i kromozomeve te njeriut ne metafaze duke perdorur gjilpera xhami tregoi qe perberja e kromozomeve varet shume nga perberja e lageshtires. kromozomet jane te bute dhe shume elastike kur jane ne lageshti dhe jane te forte kur jane ne gjendje thatesie. elasticiteti i tyre mund te kuptohet edhe me mire kur mendojme qe nese ato fiksohen per nje kohe te shkurter kane aftesi te zgjaten deri ne 5 here gjatesia e tyre. deri diku mund edhe ta kuptojme kete gje nese mendojme se si ishte i ndertuar nje kromozom.
kjo metode lejon te ndash kromozomin ne banda dhe nenbanda,gje qe behet mjaft e dobishme nese mendojme detajet e sekuences qe mund te perftohen nga kjo gje si dhe ne analizen ne mutacioneve qe perfshijne nje bande te caktuar. normalisht qe per bandat pastaj ekziston edhe nje ngjyrim qe i dallon njera nga tjetra,gje qe mund te behet me ndihmen e nje materiali fluoreshent [1]

sinqerisht detajet e thella te kesaj ceshtjeje jane pertej mundesive te mija keshtu qe do limitohesha ne kete pike per sa i perket kesaj teknike duke ju kerkuar te mbani mend vetem qe kur duhet te analizohet me ne detaj nje kromozom ai mund te zgjerohet me ane te kesaj teknike dhe kjo ka rendesi ne rastet e mutacioneve te ndryshme te bandave te kromozomeve. fshirjet e bandave do ti kap serish si ceshtje kur te shpjegoj mutacionet
kjo metode eshte nje prej proceseve te shumta qe mund te kryhen mbi kromozome.

ok,mund te kaloj ne nje analize te kromozomeve te seksit, X dhe Y.

[1] Chromosomes are highly elastic and can be stretched. Cytogenet Cell Genet. 1994;66(2):120-5


Postuar nga NS-6 datė 27 Prill 2008 - 12:05:

kromozomet e seksit (pjesa 1)

atehere,i hedhim nje sy kromozomeve seksuale te njeriut dhe i bejme nje permbledhje te shkurter gjerave qe dihen rreth tyre ....

thame qe njeriu ka 46 kromozome te cilet ndaheshin ne 23 cifte. 22 cifte quheshin cifte autozome,kurse cifti i fundit merr emrin "kromozomet seksuale",kjo per shkak se ne brendesi te tyre gjenden informacionet e nevojshme per gjinine e organizmit te ardhshem.
keto kromozome,ne emertimet e ndryshme do ti shihni nen formen X dhe Y. kromozomi X dhe Y mund te dallohet me lehtesi ne nje kariotip duke qene se eshte i vetmi cift ku 2 kromozomet nuk kane dimensione te njejte njeri me tjetrin dhe ai Y eshte me i shkurtri.
nese kemi 2 kromozome X atehere individi pasardhes do jete femer,kurse nese kemi nje kromozom X dhe nje Y atehere individi i ardhshem do te jete mashkull. ne nje rast te vecante sic eshte sindroma e Turnerit (45,X) ku mungon nje kromozom seksual,individi eshte femer. e kunderta nuk mund te jete sepse prezenca e nje kromozomi X eshte i nevojshem per jeten e nje embrioni dhe eksperimente kane treguar qe zigotat me nje kromozom te vetem seksual, dhe qe e kane Y,nuk jetojne! pra,kromozomi X eshte patjeter i nevojshem,kjo kryesisht per numrin e gjeneve qe mban dhe rendesia e tyre ne funksionet e mekanizmit. nje qe me vjen ne mendje tani eshte enzima 6-fosfat dehidrogjenazi i glukozes e cila eshte e rendesishme ne uljen e radikaleve te lira neper qeliza dhe ne kete menyre e "stresit" oksidativ duke marre pjese ne nje seri reaksionesh qe kane si qellim prodhimin e glutationit . mungesa e kesaj sjell nje shkaterrim te qelizave si pasoje e ketyre radikaleve te lira. kjo ne formen klinike paraqitet me nje anemi hemolitike te theksuar dhe ne disa raste edhe vdekjeprurese. ndoshta ndokush prej jush e ka degjuar me emrin favizm ose semundja e batheve! kjo sepse ngrenia e nje sasie te madhe bathesh te cilat mund te ulin sasise e kesaj enzime. kjo semundje shfaqet me teper tek meshkujt duke qene se kane vetem nje kromozom X dhe si pasoje jane me te ndjeshem ndaj perqendrimeve te kesaj enzime. kromozomi Y nuk eshte i perbere nga shume gjene (duhet te jene rreth 50 ne total) dhe eshte nje kromozom relativisht i vogel ne dimensione.
por pse themi qe kromozomet X dhe Y jane pergjegjes per seksin?
keto jane gjetur ne kohen kur koncepti i gjenit nuk ishte akoma i kompletuar dhe po mblidheshin informacione qe tregonin qe gjenet ndodheshin ne kromozome. ne ate kohe eksperimentet e natyres gjenetike kryheshin kryesisht tek nje mize e quajtur Drosofila Melanogaster.



kjo mize ishte zgjedhur per 2 motive kryesore. e para sepse kishte vetem 4 cifte kromozomesh,ku nje pale ishin cift kromozomesh seksuale (XX tek femra dhe XY tek mashkulli dhe kromozomet X dhe Y ishin te dallueshem njeri nga tjetri)keshtu qe cdo ndryshim ne keto 4 cifte mund te verehej me lehtesi dhe e dyta se kjo mize mund te rritej me shpenzime minimale dhe kishte aftesi te medha riprodhuese brenda nje kohe shume te shkurter. kjo ishte e rendesishme per te pare efektet e mutacioneve te ndryshme,ose trasmetimin e tipareve nga nje gjenerate te tjetren. duhet thene qe rreth 60% te te dhenave qe kemi sot ne gjenetike kane ardhur si pasoje e eksperimenteve te kryera ne kete mize,eksperimente qe vazhdojne te kryhen dhe qe sjellin te reja te tjera. njeri nder kerkuesit me te medhenj qe kane kryer studime mbi kete mize ka qene edhe Thomas Hunt Morgan.



duke analizuar ngjyren e syve te mizes, Thomas Hunt Morgan hodhi hipotezen qe ngjyra e syve ishte ne kromozomet seksuale dhe mendoi se duhet te ndodhej ne kromozomin X dhe jo ne ate Y (kjo sepse kishte pare qe te gjitha femrat dhe gjysma e meshkujve kishin sy te kuq kurse gjysma tjeter e meshkujve kishte sy te bardhe). ai e shpegoi edhe me detajisht se si mund te trasmetohej ngjyra nga prinderit deri tek pasardhesit. kjo ishte edhe pikenisja e hartave gjenetike qe do gjenin lokalizimet e gjeneve te ndryshem ne kromozome....


Postuar nga Aljohin datė 03 Maj 2008 - 20:34:

dime (per ata qe nuk e dine le ta mesojne pra) qe ne jemi te programuar gjenetikisht qe te vdesim...kjo sepse qelizat ne te vertete jane te pavdekshme ne natyre (nuk mplaken, pervecse ne rastet kur jane te programuara)...per ata qe jane te interesur per argumentin mund edhe te zgjatem me shume por per momentin me intereson nje problem tjeter...nja disa vite me pare une kam degjuar per nje eksperiment ku dikush ndryshoi nje lloj gjeni tek mizat (mbase ishin drozofila), apo e hoqi fare gjenin dhe me kete shtoi dyfish jeten e mizave, ne se e njejta gje do te aplikohej tek njerezit do te te tho thonte qe ne do te jetonim mesatarisht 160 vjet...meqe nuk kam patur nerva te kerkoj per konfirmime per kete eksperiment ne internet ne se dikush tjeter do ishte i interesuar mund ta bente dhe te sillte ketu per cfare gjeni behet fjale dhe per te rejat (ne se ka te tjera)...

ciao


Postuar nga lost_soul datė 03 Maj 2008 - 20:45:

A keni degjuar per Aubrey de Gray?
Kerkon te sfidoje vdekjen.


Postuar nga Katilesha datė 03 Maj 2008 - 21:13:

Arrow

Ns-6 para 1 viti kam pasur fatin dhe fatkeqesine te takohem me nje vajze qe vuante pikerisht nga semundja e plakjes. Fatin ,sepse kam mesuar shume gjera nga ajo , nje nder to eshte qe ta marresh jeten ashtu sic te vjen , ashtu si te gjen dhe ta jetosh ate me vrull, optimizem dhe alegri , edhe nqs ti je "ndryshe" nga te tjeret. Fatkeqesine ,sepse me dhimbte shpirti per te, qe sado qe mundohej te "integrohej" ne kete shoqerine tone shume "empatike" ajo perseri nuk i shmangej syve kurioz dhe paragjykues te ambientit, qe cdo here qe dilte ne rruge i ulerinin : " Uuuuuuu , po ti nuk je njesoj si ne , pale den edhe me qesh, edhe me kendu, ,edhe me kercy, edhe me shkru poezi....". Ajo me moshen e plakjes ishte 93 vjece dhe fiziksht ishte e ngjashme me fotot qe ke sjell ti...Ajo ishte kaq e dashur, e sjellshme, e qeshur, dhe kishte nje energji lakmuese brenda saj,aq sa ne te tjereve na shpiente ne mendime dhe reflektime te thella per jeten. Une do te sjell nje poezi te sajen ketu ,qe e ruaj si nje "hajmali" le te themi... Dhe kjo poezi e saja flet me shume se cdo gje qe mund te thoja une per ate se cfare kam kuptuar nga Ajo.

Larg dhimjes dhe lotit
Larg shume larg nga dhimja dua te jem
afer lotin mos ta kem,
ne syt e mi dua te ndricoj nje drite
le te jet drita e lumturise
ne shpirtin tim dashuri kerkoj
qe dhimja rrugen nga un ta harroj
se jeta eshte e bukur dhe un dua ta shijoj
arg dhimjes dhe lotit dua te qendroj.


Postuar nga Klodel datė 11 Gusht 2010 - 16:27:

http://www.bbc.co.uk/worldservice/p...player/episodes

Dokumente interesante per Genom project.


  Gjithsej 18 faqe: « E parė ... « 4 5 6 7 8 9 10 11 12 [13] 14 15 16 17 18 »
Trego 177 mesazhet nė njė faqe tė vetme

Materialet qė gjenden tek Forumi Horizont janė kontribut i vizitorėve. Jeni tė lutur tė mos i kopjoni por ti bėni link adresėn ku ndodhen.