Forumi Horizont (http://www.forumihorizont.com/index.php3)
- Mediat Shqiptare (http://www.forumihorizont.com/forumdisplay.php3?forumid=129)
-- Berisha publikon dosje me abuzime 750 milionë euro “të njerëzve pranë Edi Ramës” (http://www.forumihorizont.com/showthread.php3?threadid=17482)
Postuar nga AngelDevil datë 03 Dhjetor 2009 - 15:27:
Berisha publikon dosje me abuzime 750 milionë euro “të njerëzve pranë Edi Ramës”
Tiranë, 2 Dhjetor NOA Update – Kryeministri Sali Berisha doli para pak çastesh në një konferencë të jashtëzakonshme për shtyp e cila po vazhdon, ku fillimisht hodhi akuza të përsëritura ndaj kryetarit të PS Edi Rama.
Berisha tha se kishte një dosje ku përfshiheshin personazhe si Dulaku, Ylli, Kokëdhima, Sula etj, kanë përfituar 500 mijë metra katrorë troje në qendër të Tiranës dhe në zonat e Unazës dhe përreth saj, me vlerë totale prej 750 milionë eurosh.
“Janë bërë dhunime monstruoze pronash dhe Tirana është kthyer në një lavatriçe parash”, - deklaroi kryeministri.
Ai ka akuzuar Ramën se ka dhënë lejet e ndërtimit në shkelje të ligjit. Ai bashkë me bashkëpunëtorët sipas kryeministrit janë si një “kupolë mafioze” ku çdo gjë e kanë bërë për përfitim të ardhurash.
Në akuza u përfshi Nard Ndoka, kryetari i Partisë Demokristiane që Berisha e quajti një “demokristian ateist” që u akuzua se ka përfituar një territor të madh toke në Tiranë.
Për Koço Kokëdhimën, Berisha tha se ka në dosje 24 mijë metra katrore leje ndërtimi që tha se botuesi i “Shekullit” i ka përfituar nga lejet e dhëna prej Edi Ramës në cilësinë e kryetarit të Bashkisë së Tiranës.
Për Tom Doshin, Berisha tha se ka përfituar 26 mijë metra katrorë leje ndërtimi nga Edi Rama.
Për Fidel Yllin, i njohur si pronar i lokaleve “West” te Kullat Binjake, Berisha tha se ka përfituar rreth 49 mijë metra katrorë sipërfaqe për leje ndërtimi nga Edi Rama, “e tëra në dhunim të hapur të ligjeve”.
Për pronarin e “Tajvan” tek ish-Parku Rinia në qendër të Tiranës, Besnik Sula, Berisha tha se ka përfituar nga Edi Rama 49 mijë metra katrorë sipërfaqe leje ndërtimi.
Më tej Berisha denoncoi Sadri Abazin që tha se ka përfituar 53 mijë metra katrorë sipërfaqe trojesh, dhënë në mënyrë abuzive nga Edi Rama me “3 mijë lekë të reja metri katror, brenda unazës”.
Berisha publikoi dhe 68 mijë metra katrorë që Arian Leskaj, djali i Valentina Leskajt ka përfituar për leje ndërtimi nga kryetari i Bashkisë së Tiranës.
Berisha përmendi tokat te xhamia e Karapicëve, te Lidhja e Shkrimtarëve, etj dhe përmendi se janë bërë shkelje në dokumentacionin e përfitimit të këtyre trojeve.
Personat të cilët janë akuzuar nga Berisha, për shkelje të ligjit, për përfitim të pronave të dhëna, me leje të Ramës kryeministri i renditi si më poshtë:
Artan Dulaku 145 366 metër katrorë
Sadri Ababzi 53 800 metër katrorë
Arjan Leskaj 61 840 metër katrorë
Nard Ndoka 27 743 metër katrorë
Fidel Ylli 47 384 metër katrorë
Ilir Mata 21 350 metër katrorë
Tom Doshi 29 600 metër katrorë
Koço Kokëdhima 24 800 metër katrorë
http://www.noa.al/index.php/politik...prane-edi-rames
Postuar nga erious datë 03 Dhjetor 2009 - 16:16:
.
keta jane shume te fuqishem... e kam fjalen qe jane bizniesmene, dhe taksapagues te rregullt
dhe jo si e bija e Sali Berishes... qe eshte e regjistruar (ku dhe paguan taksa) per biznies te vogel, nderkoh qe zyrat e saj meren me kontrata me miliona euro.
gjithesesi, po ti bashkosh te gjithe bashke, nuk arine te barazohen me konkurentin e vetem firma ''Klani Berisha''
i hodha nje sy shkrimit te kurtit, tek tema e berishes dhe po i beja lidhjen.
ne vere per ato pak dite sa ndejta atje... kudo qe isha (veri perendim, jug lindje dhe jug perendim) punohej ne rruge.
ajo qe me beri pershtypje ishte uniforma e njejte e punetoreve me te shkruajturen GECI sh.p.k.
shkoj ne Jale plazh i himares vend fantastik... rruge tmerresisht e rrezikshme 
qe po punonin per ta zgjeruar, na ndalojne sepse me poshte kishin ven dinamit per te prishur nje gure gjigand ( imagjinoni çkafsheri njerez )
dal nga makina dhe i afrohem nje punetori me kete uniforme... ne muhabet e siper e pyes
nga jeni ?
nga tirona
me familje ne tiran i pergjigjem ?
jo, tash per tash po jetoj me vllan qe o brigadier te kjo firma.
po pra i pergjigjem un... çuditerisht ju shikoj kudo duke punuar dhe keni te njejtin dialekt, si tropojane me dukeni
po besa me pergjigjet duke me buzeqeshur, qeke i zgjuar fort.
nuk keni punetore te tjere e pyes ? d.m.th ketu jemi ne himare, ketu as shqip nuk flasin, e veshtire te gjeni punetore apo si ?
jo, me thote ky tipi... kur hapet kantier i ri pune kudo me qene, marim forca pune nga rrethi i tropojes, puntore te mire.
mohhhh, nejse plas dinamiti, futem ne makine dhe vazhdoj rrugen duke u pershendetur me kete palo burre 32 kile me gjith tokzen e rrypit.
pyes pasagjerin kush eshte kjo firma GECI ? eshte e burrit te vajzes kryeministrit te shqiperise Sali Berisha... ku praktikisht jan fitues te te gjitha tendave aktuale, nese nuk kan mundesi punimi (rradhe ndodh) tenderat ja shesin tjeter kujt me çmim gjithmone te fituar.
Postuar nga AngelDevil datë 03 Dhjetor 2009 - 16:30:
se di sa e njihni dhendrin e Berishes .... quhet Jamarber Malltezi ka punuar per shume kohe si ekspert(manaxher) mjedisi me United Nations ne Shqiperi si dhe me World Bank. Te puna e fundit pra si drejtues i 1 projekti te bankes boterore eshte akuzuar drejtperdrejt nga Banka Boterore qe ky projekt "per menaxhimin e bregdetit jugor të Shqipërisë" është përdorur për interesa të ngushta personale dhe afera te pista nga vete manaxheri pra dhendri i Sales J. Malltezi. lexoni ket shkrimin me poshte:
_____________________________
Në zonën bregdetare të Jalës nisi shembja e disa shtëpive, të cilat fillimisht janë paraqitur si ndërtime pa leje, nga njësia e kordinimit të projektit në Shqiperi. Prishja e ndërtimeve u raportua nga stafi i menaxhimit te projektit si e palidhur me vete projektin e Bankës Botërore.
Por raporti e BB-së shkruhet se "paneli i investigimit veren një lidhje të fortë mes prishjes së shtëpive dhe projektit "Për menaxhimin e bregdetit jugor të Shqipërisë". Në 2007 njësia e koordinimit të projektit u ka dërguar një letër të gjitha autoriteteve më të larta të vendit, përfshirë dhe policinë e ndërtimit. Më tej ne raportin e inspektimit shkruhet se "siç e shihni në Jale vazhdojne ndërtimet pa leje. Duke pasur parasysh rëndësine e zhvillimit të kësaj zone ju lutem që të merrni masat e duhura sa me shpejte te jete e mundur. Ështe e rendesishme te theksohet se letra është firmosur nga drejtori i njësisë së koordinimit të projektit. Drejtori është një person mjaft i njohur në qarqet administrative shqiptare. Shpesh here ne shtypin vendas ai nuk përkufizohet vetem si drejtori i njësisë së koordinimit, por edhe si njeri nga anëtarët e familjes kryeministrore".
Për këtë çështje bordi i drejtoreve të Bankës Botërore do të japë një vendim përfundimtar në datën 17 shkurt dhe në rastin më të keq mund të ndërpre së kredinë e këtij projekti për shkak të abuzimeve.
__________________________________________________
______
Nderkohe per ket firmen Geci di qe nuk rregjistron kjo kompani ligjerisht me emrin e J.M por te dikujt tjeter.
Si dhe e 3ta emrat e bisnesmeneve qe akuzon Sala njihen si financues se fushatave te PS-se kjo eshte dicka e deklaruar jo e fshehte.
Postuar nga erious datë 03 Dhjetor 2009 - 16:33:
.
po e vertete, nuk figuron me emerin e dhenderrit, por ai qe i beri lidhjen eshte teper i informuar... njeri 98 shkalle me lart se ty shejtone
pak a shume si taçi oil nje morracak pa pike burrnie, per 6 vjet me i pasuri ne shqiperi.. e ku ? ne mes te ujqerve... keta jane presta nomi.
amon shejtone.
Postuar nga AngelDevil datë 03 Dhjetor 2009 - 16:44:
po qenka morracak normal qenka me "lart" se une
amon mo erious mos me bej me fol se i njof shume mire plerat ... sinqerisht jane bere shume te fuqishem as duan me ja dit gjalle ne bote
Postuar nga erious datë 03 Dhjetor 2009 - 16:49:
.
morracak nuk i referohesha pasagjerit qe kisha ne makine, por taçit.
te fuqish the ?
perendine kane zbritur ne toke.
habitem me fajen, shikon kospiracion kudo me thote
Postuar nga Fajtori datë 03 Dhjetor 2009 - 16:50:
Citim:
Po citoj ato që tha AngelDevil
se di sa e njihni dhendrin e Berishes .... quhet Jamarber Malltezi ka punuar per shume kohe si ekspert(manaxher) mjedisi me United Nations ne Shqiperi si dhe me World Bank. Te puna e fundit pra si drejtues i 1 projekti te bankes boterore eshte akuzuar drejtperdrejt nga Banka Boterore qe ky projekt "per menaxhimin e bregdetit jugor të Shqipërisë" është përdorur për interesa të ngushta personale dhe afera te pista nga vete manaxheri pra dhendri i Sales J. Malltezi. lexoni ket shkrimin me poshte:
_____________________________
Për këtë çështje bordi i drejtoreve të Bankës Botërore do të japë një vendim përfundimtar në datën 17 shkurt dhe në rastin më të keq mund të ndërpre së kredinë e këtij projekti për shkak të abuzimeve.
______________________________________________
World Bank tregon ujkun, Sala kerkon gjurmet. Hajde hajde, te arrije World Bank te marre vendime te tilla... imagjino sa çorap e ka bere burri Argites.
Sala hap dosjet sot qe i rrezikohet pushteti. Po 4 vjet çberi? E mbajti mire me "kupolen mafioze"? Apo u vu dakort me Nanon qe deri ne 2005 e konsideronte mafioz? Kryeminister idiot.
Postuar nga AngelDevil datë 03 Dhjetor 2009 - 16:51:
e kuptova qe e kishe per Tacin apo per ndonji kategori e Tacit ... prandaj tu pergjigja me ironi ... nejse varja se ska shume rendesi
po diskutojme per dhendrin e Berishes.... personalisht e njof si ate ashtu dhe Argiten
Postuar nga erious datë 03 Dhjetor 2009 - 17:15:
Citim:
Po citoj ato që tha Fajtori
Kryeminister idiot.
je komplet gabim, eshte njeri shum i zgjuar dhe shum dinak... i ka gjetur temperamentin atij populli.
eshte humoristi me i madh sot ne shqiperi... siç ka qen fadil hasa nje here e nje koh.
njerezia, mezi pret salen te dali ne televizor, te flasi per diçka veç te flasi s'ka rendesi per çfare po flet... por rrine para tv te gjithe me nje shikim te ngulitur dhe me nje buzeqeshje natyrale, duke pritur batuten e pare qe nxierr nga koja, dhe shperthejne pernjehere
''ho ho ho ky ka te forta per zotin, o sali mos vdeksh kurre''
sinqerisht e kam konstaktuar kete gje ka vite, nje here isha ne nje bar po lexoja gazeten ne mengjes, shikoj çuditerisht qe po mbushej ky bari, bile dhe ne tavoline me ulen 3 persona,
te ulemi ?
pa problem u pergjigjem
nderkoh po prisnin te fillonin lajmet, ça ka ndodh i thash, hiç asgje me pergjigjen, ka fol sala mbrem ne parlament.
dhe une bashke me ata, po prisnim lajmet... kur fillon sala, qelbesirlleqet qe e ka per zakon, ne nje fare momenti, flet pet TACIN & BACIN
filluan te gjithe te qeshin me te modhe, njeri qe kisha ne tavoline i bien tavolines me shpulla duke u zgerdhier, un tmerrohem sepse s'po i beja lidhje... dhe e pyes kush eshte taçi dhe baçi, eshte fino e anastasi, ministra te nanos te shkurter dhe te shendetshem te dy... spo pushonin se qeshuri faje, nuk u interesonte lengu i asaje qe fliste por thjeshte qeshnin per çfare fliste... dola nga klubi dhe mendoja bravo i qofte per karakter qe kane, fukarej por qe se vrasin shume mendjen.
dhe akoma s'ka ndryshuar ajo mimika e njerzve kur shikojne salen ne tv... edhe sot.
pra ai eshte zot per ate popull aty, aspak idiot, siç e mendon ti... por shum i organizuar per çfar ben, te zeza s'diskutohet, por ja qe ka mbeshtetje te atij populli te vrare.
Postuar nga Vizioner datë 03 Dhjetor 2009 - 17:23:
Në daljen më të fundit për shtyp, kryeministri Berisha rezervoi një vend të veçantë të sulmeve të tij për mediat shqiptare, të cilat nuk janë rreshtuar ende në krahun e tij.
Pasi ka blerë pjesën më të madhe të medieve, ai ka shfryrë dufin ndaj atyre që kanë preferuar që të mbajnë pozicionin që i takon, atë të opozitës ndaj çdo lloj qeverie apo pushteti.
Artan Dulaku, Koço Kokëdhima, Arjan Leskaj janë akuzuar nga kryeministri Sali Berisha si biznesmenë që kanë ndërtuar në kryeqytet. Ai nuk ka ditur të shpjegojë se çfarë ligji kanë thyer këta biznesmenë, por është kënaqur duke përmendur emrin e botuesve të disa medieve shqiptare.
Prej kohësh "TV Vizion+" dhe gazeta "Albania" janë pozicionuar në qendër të politikës shqiptare, duke mbajtur një qëndrim kritik ndaj qeverisë. Kjo duket se nuk i pëlqen aspak kryeministrit dhe sulmon botuesin e tyre, Artan Dulaku.
Gazeta Shekulli mban kryesimin në tregun e shtypit shqiptar, por jo krahun e kryeministrit dhe qeverisë së tij.
Qëndrimet opozitare të gazetës duket se e kanë thumbuar pak më shumë se ç'duhet kryeministrin Berisha apo ministrat e tij dhe për këtë arsye "urdhri" është që ajo të sulmohet.
Në pamundësi për ta bërë këtë, në mënyrë të drejtpërdrejtë zgjidhet rruga e shkurtër dhe kryeministri përmend botuesin Koço Kokëdhima, i cili është edhe pronari i "TV A1".
E njëjta gjë ndodh edhe me Arjan Leskajn, biznesmen, por njëkohësisht një nga anskionerët kryesorë të gazetës "Korrieri".
Dhe fjalët e tij duhet të nguliten mirë në mendjen e administratës. Ai që shihet me këto gazeta në duar ose ai që guxon të shohë televizionet që përmend kryeministri është "armik i partisë" që rrezikon vendin e punës. Nuk ka nevojë të firmosë vetë kryeministri për shkarkimet në administratë.
Militantët e tij ndodhen gjithkund dhe detyra është shumë e qartë "njerëzit të mos mësojnë për skandalet e familjes, njerëzit të informohen, sepse e vërteta dëmton çdo lloj regjimi që nuk është DEMOKRACI".