Regjistruar: 24/06/2007
Vendbanimi: Ne rruge
Mesazhe: 21

Majmunat në grevë, “shqiptarët” po ua zënë Kafazet

Mirsim Maliqi, Kumanovë

altruisti@gmail.com

Histerija e “altruistëve” të konformizuar ka shkaktuar revoltë tek banorët e kafazit, të cilët për të shprehur indinjatën e tyre shpallën grevë urije, mbase sipas tyre, kafazi i cili ka robëruar shumë krijesa nuk meriton të etiketohet me epitetin “i artë”, mirëpo, kjo nuk ishte e tëra, majmunat e revoltuar invokojnë të gjithë kafshët -kolegë të tyre- që kanë të njejtin vendbanim që në mënyrë kolegjiale -e defenzive- të kërkojnë të drejtat e tyre, e që të iu rikthehen pronat të cilat tashmë ua kishin rrëmbyer “promovuesit” e progresivitetit!

Si duket, nga frika se po privohen nga epitetet e të tjerëve, ca (pseudo) shqiptarë -për të mos rënë në negacionet e “kodeve universale” për dëfrimin e rinisë-, ua konfiskuan pronat majmunëve, e që këta të fundit në mënyrë konsekuente ftojnë të gjithë ata që kanë po të njejtin identitet që të dalin publikisht për të mbrojtur atë që iu takon atyre, e që pritet –ndoshta- t’i bashkangjiten në protestë edhe darvinistët, të cilët sot lirisht mund të themi se etiketohen si konservatorë të dështuar. Nejse, me rëndësi për të e potencuar është se, këta banorë që vëshgohen këto javë -ditë e natë- në televizon, janë njerëz mizor e tiran që padrejtësisht ua kanë zënë vendin dikujt tjetër, edhe pse rolin e tyre po e lujnë më mirë se ata, ndoshta faktor për këtë është regjija e specializuar që sigurisht këtë profesionalizëm e kanë arritur nga përvoja (si banorë të hershëm të kafazeve!).

Mua para ca kohe, kur u ktheva nga “Nëna e Botës” (kështu quhet vendi ku rrjedh lumi më i madh në Botë), më thanë se jam privuar nga një “shou” shumë i madh i ashtëquajtur “Kafazi i Artë”, e që filluan të më tregojnë se çka zihet aty mbrenda, e që po atë ditë pata “fatin” ta ndjeki një debat të avokatëve të banorëve të këtij kafazi, e që duke e bërë një koleksion mes asaj që më thanë dhe asaj që pash vetë, kuptova se këtu kemi të bëjmë me një kolaps moral dhe një konvergjencë tek degjenerimi, dhe largim nga vlerat humane. Ndoshta ky konstatimi im nuk do aprovohet nga ata që u janë mirënjohës hartuesve të kësaj ideje, që ua kanë sistematizuar kohën, pra të ndjekin me orë të tëra “prizmin” e jetës së disa njerëzve të panjohur, të cilëve u dërgojnë SMS për të ua shtuar reputacionin në publik, apo të marrin leksione nga “dashuriçkat” e dikujt, e këso paqavurrash të tjera, të gjitha nën hijën e një sllogani të tmerrshëm: “ta mbysim kohën” sikur kjo gjë e shtrejtë të ketë ushtruar ndonjë ekzod mbi këta të rinjë të zhytur në pishinën e quajtur “Kot e kot – free”. Ska dyshim se ky kafaz që robëron mendjet e njerëzve, influencon tek të rinjët “amcijoz” që shpresojnë robërimin në këtë pronë të uzurpuar për të fituar famë e për të bërë “karierë”.

Një grup organizatash konsultative duke mos arritur konsensus porse me mendime substrate arriti tek një përfundim që të lajmërohet opinioni ta bojkotojnë këtë emision, për shkak të gjendjes alarmante, mbase nëse ky nuk është edicioni i fundit atëherë greva e majmunëve do bëhet permanente, e do rrezikohet lloji i kësaj kafshe, mbase mund të arrihet deri tek zhdukja totale e saj! (A thua pastaj si do ta “mbrojnë” teorinë e tyre të çmendur nipërat e mbesat e Xhaxhit?).

Marrur nga: http://altruisti.blogspot.com

Gazeta Kritika, 01.06.2007

Gazeta Politika, 02.06.2007

Denonco këtë mesazh tek moderatorët | IP: e regjistruar