Regjistruar: 04/11/2003
Vendbanimi: Italy ( Rome )
Mesazhe: 802

Minoritarët e pakënaqur, sërish peticion Papuliasit dhe Karmanlisit

Th. Nika

SARANDË- Me një peticion drejtuar presidentit grek, Papulias, kryeministrit Karamanlis është mbyllur një takim i organizuar ditën e djeshme në Krane të Sarandës, me pjesën që mendohet më e pakënaqur e minoritetit grek nga administrimi i problematikës nga drejtuesit aktualë të “Omonia” dhe PBDNJ-së. Deputeti i PS-së, Vangjel Tavo, ka qenë protagonist i takimit, i shoqëruar nga kryetari i LDNJ-së, Ligoraq Karamelo, ish-deputeti Makariadhis dhe disa kryetarë socialistë të komunave të Dropullit dhe Alikos.
“Nuk na falet të mbyllim sytë dhe gojën ndërsa shkelën të drejtat e minoritarëve”, -tha deputeti Tavo, duke kërkuar nga Greqia që më në fund ajo duhet të vërë dorë kur shteti shqiptar lejon të ndodhë kështu. Ai ka bërë thirrje për ta ndjerë rrezikun para se “shërbimi i fshehtë të na zbojë nga shtëpitë tona”. Në takim është konsideruar diskriminimi për shkak të etnisë, presioni që u bëhet biznesmenëve në dogana e tatime, në ndërprerjet e energjisë elektrike, në spastrimet e drejtorëve minoritarë nga qeverisja e re etj. Mungesa e një kanali televiziv e një radiostacioni për minoritetin grek, si dhe e një shkolle politeknike në jug të vendit, janë konsideruar si mosplotësim i detyrimit të dy shteteve ndaj tyre. Drejtuesit aktualë të Omonias dhe PBDNJ-së janë etiketuar si shitës të interesave të mëdha për interesa të vogla gjatë takimit të djeshëm. Më shumë është shigjetuar si i tillë kryetari i PBDNJ-së, Vangjel Dule, si dhe ministri Kosta Barka e ish-ministri Leonard Solis, Thoma Miço etj. Nga deputeti Tavo, por edhe nga Karamelo, u kërkua nga Athina që “të ndërmjetësojë për të vendosur përparësinë e interesave etnike mbi ato politike, duke reflektuar, së pari, me heqjen e diplomatëve të formatit të Karkabasit, që në vend të vendosjes së unitetit etnik i ka kontribuar përçarjes, duke bërë deri edhe propagandë elektorale, sipas preferencave të veta, në dëm të detyrimeve të shtetit amë ndaj pakicës së vet etnike në Shqipëri”. Sipas deputetit Tavo, presidenti grek, Papulias, nga kanale të tjera i di mirë gjërat dhe problemet që përmban deklarata e tij, megjithë konservimin e së vërtetës nga ambasadori Karkabasis. Moment krize politike është cilësuar nga Karamelo situata që përjeton minoriteti grek, duke argumentuar se në 15 vjet janë bërë hapa pas në mënyrën, cilësinë dhe nivelin e përfaqësimit të minoritarëve në jetën politike. “Nga 5 deputetët e Omonia-s në parlamentin e parë pluralist, ka kujtuar Karamelo, ka mbetur vetëm një Omonia-skelet, ku lëshohet tym për të mbuluar pjesët e pista brenda saj”. Kryetari i komunës së Alikos, Spiro Papa, e ka paraqitur si tregues të diskriminimit faktin që në buxhetin e komunës për vitin 2006 fondi i investimeve nuk është më i madh se 500 mijë lekë, apo që minoritarët janë të vetmit që nuk kanë përfituar nga 310 ha tokë që kishte në administrim firma e përbashkët shqiptaro-greke ALGR, ndërkohë që banorë të Janjarit e Berdeneshit janë trajtuar me tokë.




13/02/2006 ( Shekulli )

__________________
[o_O]-[JuVeNtUs]

Denonco këtë mesazh tek moderatorët | IP: e regjistruar