Regjistruar: 03/02/2007
Vendbanimi: larg & afer
Mesazhe: 10972

Citim:

---

Po citoj ato që tha Fajtori
Kam pershtypjen se po shkoni shume larg. Une jam per doreheqjen e Berishes, por kurrsesi jo per zgjedhje te parakohshme. Cdo veprim qe con shtetin ne destabilitet duhet evituar, sepse cojme uje ne mullirin e Greqise dhe Serbise.

Prandaj ceshtja eshte e thjeshte. PD duhet pastruar nga Berisha dhe intelektualet e tjere brenda PD-se te formojne nje qeveri te re. Duhet te dime te ndajme shtetin nga personi qe e ka ne dore aktualisht, ndryshe do perseriten gabimet e 1997-es. Eshte rast i mire per te cuar Berishen ne pension, por vetem ate, pa prekur asnje institucion dhe moral shteteror tjeter.

---

Sa larg shkon dhe ti ore Fajtori!!! Ne fakt eshte plotesisht e drejte ajo qe thua ti thjesht sepse edhe figura e Berishes tashme si politikan i vjeter mund te thuhet eshte e konsumuar. Mirpo dihet se politikanet e kane huq te ikin nga politika ose bejne sikurse ikin jo vetem maloket.

Ne rastin konkret Berisha duhet ta kishte dhene vete dorheqjen mirpo ai nuk e dha sepse nuk ka dinjitetin ashtu siç nuk egziston as nga ana tjeter nje dinjitet i tille duke kerkuar me çdo kusht doreheqjen e tij.

Tashme pranohet nga te gjithe se shteti ne Shqiperi eshte gjysmak dhe njerzit e korrupsionit etj bejne çte duan me aferet e tyre te korruptuara ku asnje nga institucionet e vendit nuk ka bere as me te voglen tentative per te kontrolluar qe nga tatimet ,sigurimet , shik, shiu etj etj. Qe ketu shihet qarte sa te dobeta dhe te pafuqishme jane institucionet e egzekutivit dhe qeverises ne Shqiperi.

Po Gerdeci, Vora kishin nje komune apo Bashki çfare bente ajo qe linte prinderit te punonin ne fabrika armesh.

Te gjithe jane fajtore ne Gerdec. Askush nuk mund ta fale nje gabim te tille.

Jemi ne prag te antarsimit ne Nato dhe nje vit na ndajne nga zgjedhjet e reja qe dihet se jane test per hyrjen ne Be prandaj duhet qe politika jone te stermundohet e te bashkoje forcat per arritjen e ketyre dy objektivave kryesore te vendit.

Dikujt si duket asgje antarsime te tilla por ja qe ne shqiptaret e kemi zakon qe per inat te vjehrres djegim shtepine dhe shkojme me mullixhine.

Denonco këtë mesazh tek moderatorët | IP: e regjistruar

Regjistruar: 23/11/2007
Vendbanimi: Frankfurt
Mesazhe: 6857

Shefi i Shtabit të Përgjithshëm kundërshton fabrikën e Gërdecit si dhe metodën e ndjekur nga kompania amerikane të demontimit të municioneve

Gërdeci është përzgjedhur pa marrë në konsideratë vëretjet e Shtabit të Përgjitshëm





TIRANË- Do të duhej të ndodhte një tragjedi me përmasa kombëtare që në këtë vend të merreshin vesh aferat ekonomike dhe skandalet në institucionet shqiptare. Nga i gjithë dokumentacioni që disposon gazeta "Shekulli" dhe që i është vënë në dispozicion dhe këshillit të Sigurimitdel në pah jo vetëm papërgjegjshmëria institucionale por edhe anashkalimi i informacionit dhe institucioneve.

Për ndërtimin e fabrikësnëGërdec jo vetëm që nuk janë marrënë konsideratë vërejtjet eparaqitura nga Shtabi i Përgjithshëm poras edhe rezervat për kompaninë amerikane.Nga e gjithë praktika e ndjekur dhe sidomo nga skresat mes mediut e Luan Hoxhëspër ndërtimin e kësaj fabrike del në pah mospërputhja në distancë ndërmjet tyre për këtë projekt.



Përplasjet



Në gjithë dokumentacionin shkresor që kanë shkëmbyer me njëri-tjetrin ministri Mediu dhe Shefi i Shtabit të përgjithshëm, Luan Hoxha, tre janë momentet e kundështive sa i përket dy kontratave të Meico-s me amerikanët e SAC për demontimin e municioneve në Gërdec të Vorës.



Vendi



Nëse për vendin e ndërtimit të fabrikës që u piketua fillimisht në Bërzhitë, shtabi i përgjithshëm kundërshtoi dhe vërejtja u mor parasysh, në urdhrin e Mediut të datës 25.04.2007 përcaktohej se vendndodhja e fabrikës së demontimit duhet të bëhej në ish-repartin e tankeve në Gërdec. Pra përcaktimi i Gërdecit është bërë vetëm nëpërmjet negociimit midis kompanisë MEICO dhe kompanisë SAC, por pa marrë në konsideratë vërejtjet e bëra nga Drejtoria e Logjitikës e shtabit të përgjithshëm në rastin e Bërzhitës. Për këtë rast, Shtabi i Përgjithshëm kishte thënë se Bërzhita ndodhet shumë pranë rrugës nacionale dhe nuk merret përsipër furnizimi me energji.



Metoda mekanike apo industriale





Edhe për metodën e përdorur për demontimin e municioneve gjërat nuk janë shumë të qarta. Në bazë të një projektvendimi të Ministrisë së Mbrojtjesqë mban datën 09.02 2007 thuhet se SAC do të përdortemetodën mekanike të demontimit tëmunicioneve ushtarake. Ndërsa për të vijuar kontratën 2 firma amerikane me anë tëMeico-s i shkruan Mediut në datën 25.10 2007 se firma disponon makineritë e domosdoshme për demontimin industrial të municioneve dhe eksperiencën e këtyre sektorëve. Nga të gjitha faktet e zbuluara deri tani firma amerikane nuk rezulton në asnjë rast se ka pasur eksperiencë për demontimin e municionve dhe aq më pak atyre të rënda siç ishte rasti i kontratës së dytë. Por rezervat e Shtabit të përgjithshëm në këtë pjesë kanë të bëjnë me shkresën e Luan Hoxhës i cili i përgjigjet Mediut se demontimi i municioneve në rrugë industriale është përcaktuar si rruga më e mirë dhe avantazhe ekonomike, e sigurtë dhe impakte minimale në ambient. Por siç u zbulua nga ajo që ndodhi në Gërdec, punishtja ishte e tëra artizanale dhe në asnjë rast proceset nuk kryheshin me makineri, por vetëm mekanikisht nga punëtorë me çekiçë.



Po kështu pika tjetër e kundërshtimit me MM dhe Shtabit të përgjithshëm ka të bëjë me momentin e miratimit të kontratësdy me amerikanët. Gjeneral Luan Hoxha i kërkon kohë ministrit të paktën deri në 10.08.2007 për të bërë evidentimin e të gjithë municioneve me gëzhojë tunxhi të kërkuar nga kompania SAC, por MEICO, duket se nuk prêt dot dhe sipas dokumentacionit ajo i kërkon Mediut miratimin për kalimin kapital të pronës nr 146 në Gërdec, Vorë. Kjo kërkesë është formalizuar me urdhrin 1800 datë 22.10.2007 të Ministrit të Mbrojtjes. Në zbatim të këtij urdhri Komanda e Forcave të bashkuara i ka bërë kalimin kapital ndërmarrjes MEICO pronën e mësipërme.



Ish- ministri Mediu urdhërondhe kontratën e dytë me firmën amerikane edhe pse ishte një biznes fantazmë me një buxhet sa një kioskë

Kontrata 2 e Gërdecit, Meico gënjen: SAC, firmë e fuqishme




TIRANË- Firma amerikane "Southën Ammunition Commpany" me një buxhet sa një kioskëështë prezantuar nga insitucionet shtetërore si njëkompani mekapacitet të rëndësishëm industrial. Kështu skandalet e Gërdecit nuk kanë të sosur. Madje janë vetë institucionet shqiptare ato që i kanë paraprirë kësaj tragjedie duke miratuarvendime pa miratimin e organeve kompetente. Në bazë të materialeve që disponon gazeta "Shekulli", që i janë vënë në dijeni edhe zyrës së kryeministrit, firma amerikaneSAC arrin të sigurojë një marrëveshje të dytë të leverdisshme falë mashtrimevetë aktivitetit të saj të bëra nga ndërmarrja MEICO, që e paraqiste këtë kompani si të aftë dhe me kapacitete të mjaftueshme për të bërë demontimin e municioneve, ndërkohë që "Shekulli" në disa numra ka faktuar profilin shumë të ulët të kësaj kompanie.

Mashtrimi

Më datë 6.9 2007 Ylli Pinari, ish -drejtori i ndërmarrjes MEICO,i kërkon ish- Ministrit të Mbrojtjesripërsëritjen e kontratës së demontimit të municioneve me firmën SAC.Dhe pse për veprimtarinë e kësaj kompanie ka patur objeksione, nga Ylli Pinarireklamohet si një ndërmarrje që dispononmakineritë e nevojshmepër demontimin industrialtë municioneve. Në ripërsëritjen e kontratësnuk bëhet asnjë proces verifikimipër kompaninë që kishte muaj që punonte në fshatin Gërdec.Në firmosjen e kontratës së dytë nuk merren parasysh jovetëm gjendja reale e kompanisë ku punohejsi në mesjetë po as moszbatimi i kontratës së parë. Edhe pse kompaniaSAC nuk kishte paguar asnjë qindarkënë llogari të shtetit shqiptar, ministri Mediu urdhëronlidhjen e kontratës së dytë për demontimin e armëve në Gërdec. Në bazë të kontratës së parë të lidhur në prill të vitit 2007, shoqëria amerikane për periudhën mars 2007-mars 2008 duhet të kalontellogarinë me nr 200 338 353 01 mbi 1 milionë e 600 mijë US pagesë jo që nuk rezulton të jetë kryer. Por, në nënshkrimin e kontratës së dytë mekompaninëSAC nuk merren parasysh asnjë nga këto fakte.Kompania amerikane ka këmbëngulur tre herë që të ripërtërijë kontratën me MEICO-n dhe ish-drejtori i saj Ylli Pinari, përdor të njëjtën gjuhë lavdëruese si amerikanët sa i përketkësaj firme private.

Madje po në të njëjtën memo të dërguar nga ndërmarrja MEICO,me shkrim dore Fatmir Mediu i përcjell urdhrinzyrës së Shtabit të Përgjithshëm ku nënvizohet"Për zbatimim" kërkesa e Ylli Pinarit.Në bazë të dokumentacionevebëhet me dije se kjo memo që mban kokën e ndërmarrjes MEICO dhe vetëm shkrimin e ish- ministrit të Mbrojtjes nuk është zbatuar nga Shtabi i Përgjithshëm për shkakse pak ditë më vonë kësaj ndërmarrjeje, po me vendim të Mediut i kalojnë të gjitha kapitalet. Veç kësaj, burime të besueshmenga Ministria e Mbrojtjes thonë se memo është konsideruar e jashtëligjshme për shkak se Ministri nuk ka kompetencë tëurdhërojë "Për veprim" Shtabin e përgjithshëm. Siç thuhet nëshkresënqë mban datën 6 shtator të vitit 2007.Nga igjithë dokumentacioni që disponojmë,firma qëmerrej me tregtimin e fishekëve për armët sportive dhe biçikletat, e paditur në SHBA për mos-shlyerje detyrimesh fiskale, ka ofruar vetëm emrin, për të marrë çerekun e aksioneve në biznesin kriminal të trafikut të municioneve që vranë shqiptarët në Gërdec.Madjeedhe pse ekzistojnë dokumente ku ështëvënë në pikëpyetje kapacitetiindustrial i firmësajo reklamohet si një firmë që ka kryer investime nëGërdec.

"Southern Ammunition Company", Patrick C Henry III, 52 vjeç, fshihet një kompani fantazmë, si ato që shesin "stampën" për pak dollarë në sajte online. Ekzistojnë shumë fakte që tregojnë se ajo jo vetëm nuk kishte këllqe për punë të tilla, siç është demontimi i municioneve, por ka përfituar edhe ajo në mënyrë kriminale, duke dhënë hua emrin "amerikan" që nënkontraktori shqiptar të realizonte trafikun e armëve. Sipas të dhënave për profilin e shoqërisë amerikane, ajo ishte themeluar në vitin 1975 dhe linja e biznesit ishte shitja e biçikletave dhe pajisjeve për armët sportive.

__________________
I am the author of my life;
unfortunalty, I'm writing in pen & can't erase my mistakes.

Denonco këtë mesazh tek moderatorët | IP: e regjistruar

Regjistruar: 23/11/2007
Vendbanimi: Frankfurt
Mesazhe: 6857

I dashur Populli im shqiptar!

Me keqardhje por: Nuk ka asnje rruge tjeter per te dale nga Thundra shtypese e DIKTATORIT: Sali Berisha, vetem:


REVOLUCION

Ai Karagjoz Mafioz-Politikan, nuk njeh gjuhe tjeter dhe kjo u vertetua ne `97-ten!

Nuk duam me GJAK ne shqiperi si me `97-ten por REVOLUCIONT nqse drejtohen nga njerez te Zgjuar e te Kulturuar mund te perfundojne dhe pa Gjak!

Sali-Protopapa-Berisha ishte ai qe Pushtoji me dhune TVSH-ne dhe nxorri Tanket neper rruget e Shqiperise per te rimare pushtetin!!!
Pra, Ai nuk njeh gjuhe te Moderuar, gjuhe te Kulturuar,gjuhe Arsyetimi...! Ai njeh VETEM Forcen!

Per kete arsye, Shqiptareve nuk u ngel gje tjeter vecse REVOLTA-REVOLUCIONI!

Ai eshte duke u organizuer dhe Ndyresia Sali Berisha nqse nuk e ndjen dhe e kupton vete, momentin-situaten ku ndodhet, DO TE NDESHET ME FORCEN!

Ai, s'eshte gje tjeter vecse nje Burracek qe me `97-ten fshehu Prapanicen e pa lare dhe e la Popullin te vritet ne mes tije!

Ky njeri e ka vendin vetem para Drejtesise dhe jo asaj shqiptare por ne Hage!

Mgjate, tani ka momentin te zhduket pa u ndjere dhe populli shqiptare te shpetoje nje here e mire!


Bashkohuni ne nje REVOLUCION Demokratik, o Popull !

Vujtjet tona duhet te marrin Fund!

Nuk ja kemi borxh Salive kete lloj jete!

Zgjohuni nga Letargjija e frikes karshi atje!


REVOLUCION



Me nderime



Une Jam...!!!

__________________
I am the author of my life;
unfortunalty, I'm writing in pen & can't erase my mistakes.

Denonco këtë mesazh tek moderatorët | IP: e regjistruar

Regjistruar: 23/11/2007
Vendbanimi: Frankfurt
Mesazhe: 6857

LIBRI I VDEKJES

Njerëz që rrezikonin jetën për pak lekë. Sa paguhej një punëtor në fabrikën e Delijorgjit, si punohej, sa predha çmontonin

Libri i zi: Çmimi i demontimit të një predhe është nga 10 deri në 13.3 lekë. Shifrat e plota të fabrikës



TIRANË- Familje të tëra në kërkim të mbijetesës. Të mbytur në barut dhe të vetëdijshëm për rrezikun që iu kanosej. Nëse kishe mundësi, nëse kishe fuqi merrje edhe të afërmit e tjerë. Gjithçka për të hapur sa më shumë predha, për të fituar sa më shumë para. Edhe zhytja në barut pranohet, edhe loja me tritolin, edhe rreziku i të pashmangshmes. Gjithçka për të siguruar edhe një ditë ushqimin në tavolinë... Kjo është panorama e fabrikës së kobshme të Gërdecit. Aty ku njeriu shfrytëzon njeriun si qindra vite më parë. Aty ku një qitap bën ligjin, të jep bukën e përditshme të siguron jetesën e fëmijëve.



"Libri i Vdekjes" tregon gjithçka që ndodhte në fabrikën e tmerrshme të Gërdecit ku qindra njerëz punonin çdo ditë duke hapur predhat që të ndanin veç skrapin e veç eksplozivët. E gjitha kjo që pronari i tyre të fitonte sa më shumë para nga puna e tyre me "kokën në trastë". Një shikim i thjeshtë i ditëve të fundit të punës në këtë fabrikë tregon shumë thjesht shfrytëzimin e banorëve fatkeqë.



"Grupi i parë i punës ka hapur 744 copë predha. Për këto duhet të paguhet 81163 lekë të vjetra. Ai përbëhet nga Shkëlqim Prini, Alberta Prini, Zelie Leti dhe Luli Lula. Secili prej tyre do të marrë nga 20290 lekë të vjetra",- shënohet në "Librin e Vdekjes". Kjo është shkruar në fund të ditës më datë një mars. "Llogaritari" u ka qëndruar secilit tek koka. Ai i ka matur, regjistruar dhe i ka caktuar secilit hakun. "Faleminderit. Dy mijë lekë është pagesa për secilin prej jush. Faleminderit edhe një herë që rrezikoni jetën tuaj për kaq para. Nuk e di se çfarë do të kishim bërë pa ju...",- duket sikur i thotë ai secilit prej punëtorëve në fund të çdo dite të lodhshme pune. Dhe këta punëtorë nuk janë makina por njerëz të përbërë nga mishi e gjaku e që kanë një nevojë të përbashkët mbijetesë.



Secilit t'i jepet haku i punës! Kjo do të ishte një batutë normale në çdo ndërmarrje të kësaj bote por në rastin e gërdecit merr një tjetër konotacion. Këta njerëz fatkeqë duhet të bënin një volum të tmerrshëm pune të rrezikshme për të marrë ato pak para. Tmerri nis që me çmimin që ka hapja e një predhe. Ai është rreth 10 lekë të reja. Një predhë kushton sa dy karamele tek dyqani ushqimor i lagjes. Imagjino se sa "karamele" duhet të bënin këta njerëz që të nxirrnin bukën e gojës. Të tjerët që merreshin me demontimin e predhave paguheshin 11 lekë të reja për çdo predhë që hapnin. Sa herë që ata rrezikonin jetën e tyre në kushtet më të këqija të mundshme merrnin 11 lekë. Një çmim i drejtë për skllavopronarin e tyre. 11 lekë për një jetë njeriu. Kurrë jeta e një njeriu nuk ka pasur një çmim më të ulët se sa në Gërdec...

Në disa raste çmimi ishte më i lartë se "dy karamele". Ata njerëz që punonin në kushtet më të vështira e të rrezikshme të punës, ata që merreshin me barutin e vjetruar prej 40 vitesh, i cili mund të merrte flakë vetvetiu edhe pa e ngacmuar askush paguheshin pak më shumë. Për ta një nxjerrje baruti paguhej mirë, por sërish jo aq mirë sa për të blerë tre karamele. Ata merrnin 13.3 lekë për çdo hapje baruti. Për çdo herë që rrezikonin jetën paguheshin me dy karamele dhe u mbesnin tre lekë, jo në kuptimin figurativ por plot tre lekë, në xhep.



E kështu me radhë lista e gjatë e "Llogaritarit" llogarit sa i vlen jeta secilit prej punëtorëve të tij fatkeqë. Ata që pastronin predhat apo gëzhojat e vjetra paguheshin një mijë lekë të reja në ditë. Këta dhe punëtorët e sistemimit të arkave ishin disi më të privilegjuar se të tjerët. Lista vazhdon ende me transportuesit, 1400 lekë të reja në ditë. Në krye të tyre qëndrojnë specialistët. Në disa raste oficerë të vjetër ushtrie të hedhur në rrugë nga reformat e shumta të këtyre viteve. Ata kishin bërë vite shkollë, dhjetëra vite eksperiencë pune dhe për këtë vlerësoheshin me tre mijë lekë të reja në ditë. Këta ishin edhe njerëzit më të aftë të fabrikës, edhe më të aftë se skllavopronari i tyre që kishte bërë vetëm një shkollë mekanike dyvjeçare dhe kishte punuar në bonifikim.



-----------------------------------------------------------------------------

Listat e zeza tregojnë njerëz me të njëjtin mbiemër që krijojnë grupet e punës e merren me demontimin e predhave


Familje të tëra të punësuara në fabrikë


Rregulli më i thjeshtë i kësaj fabrike ishte: Merr me vete të gjithë familjen se kështu mund të punoni më shumë, mund të paguheni më shumë, edhe pse rrezikoni që të mos dilni të gjallë prej këtej. Dhe punëtorët ditëzinj janë përpjekur sa më shumë që të kapin normën, të fitojnë paratë. "Grupi tre përbëhet nga Nikolin Hazizi, Mirela Hazizi, Taulant Hazizi dhe Vasile Gjata. Ata do të marrin nga 23272 lekë te vjetra për punën që kanë kryer sot",- shkruhet në ditarin e fabrikës së Gërdecit. Tre anëtarë të një familjeje formojnë një grup. Një i njohuri i tyre bën anëtarin e katërt dhe kështu i hyjnë punës për të hapur sa më shumë predha, për të fituar ditën e punës. Bari Plloçi, Mehmet Plloçi, Hume Plloçi dhe Fatbardha Koxheri formojnë një tjetër grup pune. Më datë 28 shkurt ata nuk kanë punuar ashtu siç kërkonte pronari i tyre, kishin hapur pak predha dhe për këtë arsye do të paguhen me vetëm 14501 lekë të vjetra. Muslim Dova, Ylber Dova, Flora Dova dhe Liri Dova ishin një grup tjetër i demontimit të predhave të topit.

Një familje e tërë që vinte çdo ditë jetën në rrezik për ato pak lekë. Këto janë vetëm disa nga grupet e punës që ishin krijuar në fabrikën e tmerrshme. Ne do të kishim dashur që ti nxirrnim të gjithë por janë shumë, janë me të vërtetë shumë njerëz që shfrytëzoheshin çdo ditë në Gërdec. Lista të tjera tregojnë me detaje se si familje të tëra të zonës së Gërdecit por edhe përreth saj kishin bërë të pamundurën për të siguruar një vend punë në këtë fabrikë të tmerrshme. Vetë dëshmitë e tyre por edhe shënimet e "Llogaritarit" të fabrikës tregojnë se ai ishte kthyer në biznes familjar për ta.

__________________
I am the author of my life;
unfortunalty, I'm writing in pen & can't erase my mistakes.

Denonco këtë mesazh tek moderatorët | IP: e regjistruar

Regjistruar: 20/12/2003
Vendbanimi: danimarke
Mesazhe: 900

Po pse kur nuk ka mashtruar Berisha???

__________________
Dite me te mira pasketaj vine
shkoi erresira

Denonco këtë mesazh tek moderatorët | IP: e regjistruar

Regjistruar: 06/03/2008
Vendbanimi:
Mesazhe: 5672

Revolucion??????????????
Cfare s'te lexojne syte keto kohe... Pse u dashka ky revolucion? Per te hequr Salen? Te shkaterrojme perseri shqiperine se nuk dime te heqim nje njeri nga pushteti???

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Revolucioni duhet shoqeror dhe i heshtur. S'ka nevoje per kryengritje te armatosur per te hequr nje politikan te papergjegjshem. Dhe s'ka nevoje as te behen zgjedhje te parakohshme 1 vit para skadences normale. Thjesht Sala te spostohet, deputetet e PD-se te vene moralin ne pune dhe te hedhin qeverine per te krijuar nje tjeter perseri vete. Zgjedhjet e kaluara duhen respektuar deri ne fund nqs duam stabiltet ne vend.

Denonco këtë mesazh tek moderatorët | IP: e regjistruar

Regjistruar: 05/08/2007
Vendbanimi: ne parajse
Mesazhe: 138

Ajo qe mendon ti fajtor ska per te ndodhur kurr,nuk je ne nje vend tamam demokrat dhe ehhhh mund ta heqesh sic mendon ti,ne ate vend vetem dhuna ose plumbi e rrezon ate egersire,,

kot se tha NAMIK HOTI ate shprehjen qe tani e din tegjithe...

Denonco këtë mesazh tek moderatorët | IP: e regjistruar

Regjistruar: 30/12/2004
Vendbanimi: rrugeve
Mesazhe: 892

Marre nga gazeta Shqip.

Buxhetorët, 10% e rrogës për Gërdecin

Juristët: është shkelje, nuk ka mbështetje ligjore


Qeveria shqiptare ka planifikuar që të vjelë 10 për qind nga rrogat e secilit prej buxhetorëve të saj, në mënyrë që të paguajë dëmin që ka shkaktuar në fshatin Gërdec pas shpërthimit tragjik të një jave më parë. Edhe pse nuk ka asnjë bazë ligjore për këtë "vendim" të pashkruar, por tashmë në ekzekutim e sipër të qeverisë, ata që punojnë në shtet do të kenë 10 për qind më pak nga pagesa e përhershme. Në listën e kontribuuesve do të jenë mësuesit, ushtarakët, policët, mjekët e infermierët, punonjësit e administratës së institucioneve të varësisë etj.

Duke e zhveshur çështjen nga aspekti altruist i saj, juristët mendojnë se kjo nuk është shenjë e mirë për shtetin ligjor. "Kjo është shkelje. Nuk ka asnjë bazë ligjore që buxhetorëve t‘u mbahet nga paga e tyre qoftë edhe një për qind e pagesës për qëllime filantropike apo të tjera". Kështu shprehet një prej juristëve, i cili ndonëse punon në një institucion shtetëror do të duhet që të "vuajë" këtë "altruizëm të detyruar" qeveritar me paratë e punonjësve të saj. Ndërkohë që justifikimi për paratë e munguara të emergjencave civile duket se nuk mungon as këtë herë. Institucionet shtetërore, në mënyrë "të pavarur", kanë vendosur që të kontribuojnë për të ndihmuar ata që u lënduan dhe u dëmtuan pas shpërthimit të fabrikës së çmontimit të municioneve në Gërdec të Vorës.

Por sipas vetë punonjësve, miratimi i tyre nuk është marrë aspak. Madje as që janë pyetur edhe në rast se ndonjëri do të kishte kundërshtime. Kështu ka ndodhur me uniformat blu, apo me një numër të madh pedagogësh, shefat e të cilëve kërkojnë që me këtë rast të manifestojnë "devotshmërinë" e tyre në ditë të vështira për partinë në pushtet. Gjithashtu, juristët bëjnë me dije se për raste të tilla fatkeqësish dhe dëmesh që duhen përballuar nga shteti, në përputhje me ligjin ka fonde të caktuara. Ato janë fondet rezervë që çdo shtet serioz duhet t‘i ketë të garantuara për qytetarët e tij në raste fatkeqësish natyrore apo "babëzish për përfitime të shfrenuara në kurriz të njerëzve", si në rastin e Gërdecit. Fatura e dëmeve po "përtypet" ende në Ministrinë e Financave dhe zyrën e emergjencave civile, që pas raportimeve të pushtetit vendor duhet të përballet me rreth 4 mijë objekte të dëmtuara ose të shkatërruara tërësisht, apo me plot 400 biznese që rrezikojnë falimentimin, nëse shteti nuk ndërhyn për t‘i rikuperuar dëmet. Sipas raportimeve të deritanishme vetëm 200 objekte kanë dëmtime të lehta që nënkupton faktin se shumat e dëmet janë vërtet të mëdha.

Megjithatë, askush nuk mund t‘i detyrojë buxhetorët që të heqin dorë nga 10 për qind e pagës së tyre mujore, për të mbuluar "arkën e rrënuar" të qeverisë, për të cilën ata punojnë. Madje, protesta e tyre nën zë shkon edhe ca më tej. "Vetë i vrasin dhe ne na mbajnë rrogën", shprehet një mësuese, e cila për shkak se duhet të ruajë vendin e punës, nuk mund të dalë dot e vetme përballë kryeministrit, për t‘i treguar atij përgjegjësitë që ka qeveria në rastin e kësaj tragjedie. Po kështu, të tjerë pohojnë se kontributi i tyre financiar për të dëmtuarit e kësaj tragjedie, në mënyrë të lirë ka shkuar dhe po shkon në llogaritë bankare, që tashmë janë bërë publike për këtë çështje. Por kurrsesi ata nuk bien dakord me faktin që qeveritarët t‘ia hedhin edhe këtë herë po në kurriz të qytetarëve, që duhet të paguajnë edhe faturat e gabimeve të krerëve të tyre.

Denonco këtë mesazh tek moderatorët | IP: e regjistruar

Regjistruar: 06/03/2008
Vendbanimi:
Mesazhe: 5672

Nuk besoj se do bejne nje gje te tille........ .

Denonco këtë mesazh tek moderatorët | IP: e regjistruar