Regjistruar: 10/02/2007
Vendbanimi: AFERDITA
Mesazhe: 207

Cod. A30092007

Kondomi (prezervativi) mbetet mjeti mbrojtes me i mire dhe duhet perdorur perhere, por per disa patologji ai mund te mos mjaftoje.
Per semundje te renda si ajo e Aids, kondomi mbetet mbrojta me e mire por po flasim per semundje qe nuk duhen nenvleresuar e lene pas dore sepse mund te shkaktojne probleme me fertilitetin.
Nder patologjite me te perhapura jane Herpesi Gjenital apo dhe infeksione te ndryeshme te shkaktuara nga Papilloma virus. Ne rastin e Papillomes ky virus favorizon tek grate tumorin e qafes se mitres.

__________________
Erdhi dita e Arberit ...

Denonco këtë mesazh tek moderatorët | IP: e regjistruar

Regjistruar: 19/09/2006
Vendbanimi: Aty ku ti te jesh shiko gjithnje dy here aty jam dhe une mjafton vetem te me mendosh
Mesazhe: 1875

dhe burrat mund te marrin cancer ne gjoks dhe jo vetem grate

__________________
asgje nuk esht5e reale ne kete jete nuk ka dicka tjeter per lojes genjeshtres urrejtjes thashethemeve ja kjo ehste jeta qe jetojme

Denonco këtë mesazh tek moderatorët | IP: e regjistruar

Regjistruar: 17/01/2005
Vendbanimi: Raccon City
Mesazhe: 3634

Cod. A02102007

Doza e aspirines nuk duhet te kaloje sasine 75-81 mg ne dite kur ky ilac jepet per te parandaluar semundje kardiovaskulare. eshte ky rezultati i nje Review (me gjend ndonjeri ndonje fjale ne shqip per kete) te publikuar nga JAMA (1)

autoret kerkuan nje pike balance ndermjet efekteve mbrojtese dhe ato anesore qe njihen per sa i perket aspirines,e cila thone se merret nga gati 1/3 e personave te rritur ne U.S.A . burimet qe analizuan,edhe pse tregonin nje rritje te efekteve anesore me rritjen e dozes, "nuk treguan ndonje lidhje me dozen per sa i perket efikasitetit".

"per momentin,te dhenat klinike mbeshtesin me shume dozat ditore nga 75-81 mg" shkruajne.

(1) Aspirin Dose for the Prevention of Cardiovascular Disease: A Systematic Review (JAMA. 2007;297:2018-2024)

__________________
Kurre mos debato me nje idiot!Njerezit mund te mos e bejne dallimin! (Ligj i Marfit)
Think Different!Think Again! (National Geographic Channel)

Denonco këtë mesazh tek moderatorët | IP: e regjistruar

Regjistruar: 09/07/2007
Vendbanimi: tirane
Mesazhe: 103

Sipas nje studimi te bere  eshte vene re qe edhe femijet bejne IM(infarkt miokardi).E cuditshme por e vertet...Edhe pse per shume kohe eshte perjashtuar si diagnoze tek femijet eshte pare qe disa raste me  dhimbje gjoksi tek disa femije 13 vjecare kane ndryshime ne EKG te ngjashme me IM,rritje te  enzimave CK dhe CK-MB dhe pergjigjen pozitivisht nitroglicerines..... ne angiografi perjashtohej ateroskleroza dhe shkaqe trombotike...gjithashtu nuk ishin perdorues te droges .U trajtuan me Ca-bllokues.Autoret shkruan : Dhimbja akute tipike pektorale tek adoleshentet e paraqitur ne urgjence nuk mund te presupozohet si jokardiake.

__________________
ESHTE NJE KOMPLIMENT ME I MADH TE BESOHESH SESA TE DASHUROHESH NGA DIKUSH.

Denonco këtë mesazh tek moderatorët | IP: e regjistruar

Regjistruar: 17/01/2005
Vendbanimi: Raccon City
Mesazhe: 3634

Cod. A15102007

Londer 14 Tetor. 9 nga 10 nenat e femijeve qe vdesin nga sindroma e vdekjes ne djep (SIDS) pijne duhan gjate shtatzanise. kete gje e pohon studimi i universitetit angles te Bristolit i publikuar nga The Indipendent diten e djele. sipas ketij kerkimi,nenat qe pijne gjate shtatzanise kane nje mundesi deri ne 4 here me teper te shohin femijet e tyre te vdesin ne djep. kerkuesit sugjerojne te ndalet shitja e duhanit grave shtatzene!

(ANSA)

__________________
Kurre mos debato me nje idiot!Njerezit mund te mos e bejne dallimin! (Ligj i Marfit)
Think Different!Think Again! (National Geographic Channel)

Denonco këtë mesazh tek moderatorët | IP: e regjistruar

Regjistruar: 17/01/2005
Vendbanimi: Raccon City
Mesazhe: 3634

Cod. A27102007

Burimi: Gazeta Panorama Online
Data e Publikimit: 04/07/2007
Autori: Aida Malaj

Rreth 48 mijë persona në vit humbin jetën nga kanceri i lëkurës. Statistikat e Organizatës Botërore të Shëndetësisë (OBSH) “lëshojnë alarmin” që të gjithë duhet të jemi të vëmendshëm ndaj ekspozimit në diell, sidomos gjatë stinës së nxehtë.

Në një intervistë për "Panorama", mjekja dermatologe, Entela Shkodrani, shpjegon kush preket më shpesh nga kanceri i lëkurës, kur duhet t’i drejtohemi mjekut dhe si trajtohet kjo formë tumori:Sa i përhapur është kanceri i lëkurës dhe ku shfaqet më tepër?

Përhapja e kancerit është mjaft i shpeshtë. Sipas statistikave, kanceri shfaqet në 12 raste në 100 mijë persona për seksin mashkull dhe 7 raste për 100 mijë persona për seksin femër. Mosha e fillimit të sëmundjes mendohet se është mbas 55 vjeç, por në disa vende shumë të nxehta si Australi apo Zelandë e Re, mosha e fillimit të sëmundjes është rreth 20 deri në 30 vjeç.Kë prek më tepër, femrat apo meshkujt?

Për sa i përket sekseve, deri para ca kohësh mendohej se karcinoma bazoqelizore, që është forma më e shpeshtë e tumoreve të lëkurës, shfaqej më tepër te të moshuarit, në veçanti meshkujt, të cilët punonin në ambiente të hapura. Megjithatë gjithmonë e më shumë po preken gratë nga kjo patologji, edhe pse vazhdon të jetë e shpeshtë në individët meshkuj.Ku mund të shfaqet kanceri i lëkurës?

Karcinoma Skuamoqelizore e merr fillesën e vet nga disa elemente prekanceroze të quajtur keratoza aktinike apo keratoza solare. Këto lezione prekanceroze në qoftë se nuk trajtohen apo diagnostikohen në kohën e duhur, në 2 deri 5% të rasteve mund të shndërrohen në kancer. Këto lloj lezionesh nuk janë shumë të rrezikshme për jetën, por në qoftë se nuk trajtohen në kohën e duhur mund të "pushtojnë" indet përreth dhe të japin metastaza në organet e brendshme. Kjo formë tumorale zhvillohet kryesisht në pjesët e ekspozuara të trupit: në fytyrë, në vesh, në qafë, në pjesën e pasme të duarve dhe në buzë. Forma kancerogjene që prek buzën është një formë e veçantë agresive, i cili mund të përhapet mjaft shpejt në pjesë të tjera të organizmit.Cilët janë shkaktarët kryesorë të kancerit të lëkurës?

Ekspozimi kronik në rrezet e diellit është shkaktari kryesor i karcinomave, të cilat verifikohen shumë shpesh në pjesët e ekspozuara të trupit: fytyrë, vesh, qafë, kokë, shpatulla dhe pjesa dorsale e duarve. Shumë rrallë tumoret dalin në pjesë të paekspozuara në diell. Në disa raste faktorët që mund të kontribuojnë në zhvillimin e këtyre tumoreve janë: kontakti me arsenikun, ekspozimi ndaj rrezeve dhe komplikacione si pasojë e djegieve, cikatriceve, vaksinimeve dhe tatuazheve.Kush është më i predispozuar të shfaqë kancer të lëkurës?

Personat më të predispozuar për të zhvilluar një kancer janë personat me lëkurë të çelët: biondë apo me flokë të kuq, me sy blu, jeshile apo gri. Janë më shumë të predispozuar punëtorët që punojnë në ambient të hapët, të cilët kalojnë shumë kohë në diell. Përveç kësaj dhe pozita gjeografike përbën një faktor risku. Sa më afër ekuatorit aq më i shpeshtë është numri i rasteve, veçanërisht ndërmjet atyre që kanë një lëkurë të çelët.Kur duhet të shqetësohemi dhe t’i drejtohemi mjekut?

Në përgjithësi në një tumor janë të pranishme 2 apo më shumë karakteristika. Ka dhe raste kur karcinoma mund të ngjajë me një psoriazë apo një ekzemë. Vetëm një mjek ekspert në përgjithësi një specialist mund të vendosë një diagnozë të sigurt. Duhet njohur mirë pamja klinike e karcinomave dhe duhen bërë ekzaminime të rregullta të lëkurës te dermatologu. Nuk duhet lënë pas dore lëkura e kokës, pjesa e pasme e veshëve, qafa dhe pjesë të tjera të padukshme, të cilat mund të kontrollohen shumë mirë me anë të një pasqyre, në rast se dyshoni për prani të një elementi të dyshimtë në lëkurën tuaj mos hezitoni të kontaktoni dermatologun. Në rast se gjatë ekzaminimit tuaj vini re një plagë të hapur të vogël në lëkurë, e cila nuk mbyllet për një kohë të gjatë, një njollë të vogël të kuqe, e cila zë një kore të lehtë, një nodus të vogël si perlë me ngjyrë të kuqe, rozë apo të bardhë. Apo një zonë, e cila mund të ngjajë me një cikatrice, atëherë mund të kërkoni sa më shpejt të jetë e mundur një takim me dermatologun.Si trajtohet kanceri i lëkurës?

Mbas ekzaminimit të lezionit, mjeku dermatolog në rast se dyshon se elementi mund të jetë kanceroz kërkon një ekzaminim dermatoskopik, me anë të një aparati të quajtur dermatoskop, i cili në 80 deri 90% të rasteve vendos diagnozën. Në rast se lezioni është i madh, dermatologu kërkon edhe një ekzaminim bioptik, i cili realizohet me anë të marrjes se një pjese të vogël të elementit dhe ekzaminimit të mëtejshëm në mikroskop, pikërisht për të vendosur praninë apo jo të qelizave tumorale.

Mënyrat e mëvonshme të trajtimit mund të jenë: heqja kirurgjikale, elektrokirurgjia, kriokirurgjia, radioterapia, kirurgjia mikrografike MOHS. Mënyra të reja të trajtimit të kancerit të lëkurës janë: kirurgjia lazer, kimioterapia intralezionale dhe elektrokimioterapia.A mund të shërohesh plotësisht nga kanceri i lëkurës?

Në rast se karcinoma hiqet në stadin fillestar, domethënë kur lezioni është ende i vogël, atëherë nuk ka pasojë për përhapjen e patologjisë. Megjithëse ky lloj tumori vështirë të përhapet në organet e brendshme dhe të japë metastaza në organizëm, shpesh mund të shkaktojë dëmtime të organeve në të cilat është vendosur si pasojë e përhapjes lokale si p.sh mund të shkaktojë humbjen e një syri apo veshi apo të një pjese të hundës. Personat që janë diagnostikuar me karcinomë të lëkurës kanë tendencën ta ripërsërisin atë gjatë jetës së tyre, ndaj për ta mbrojtja e lëkurës me krem solar me filtër të madh dhe ekzaminimi periodik i lëkurës së tyre është hapi i parë për parandalimin e kësaj patologjie.

__________________
Kurre mos debato me nje idiot!Njerezit mund te mos e bejne dallimin! (Ligj i Marfit)
Think Different!Think Again! (National Geographic Channel)

Denonco këtë mesazh tek moderatorët | IP: e regjistruar

Regjistruar: 17/01/2005
Vendbanimi: Raccon City
Mesazhe: 3634

Cod. B11112007

Burimi: Shekulli Online
Data Publikimit: 15/08/2007
Autor: Isuf Kurtaj

Komuniteti Evropian, në kuadër të programit INTERREG, financon projektin 7 milionë për diagnostifikimin e kancerit të gjirit dhe mitrës
Në bazë të një studimi njëvjeçar, të realizuar nga mjekët e Shërbimit të Onkologjisë në QSUT, vihet re se vitet e fundit kjo patologji po haset tek fermat 35-vjeçe

Vdekshmëria e madhe e fermave nga kanceri i gjirit dhe kanceri i qafës së mitrës në vend, është në shifra të larta. Kështu, sipas të dhënave të Qendrës Spitalore Universitare të Tiranës "Nënë Tereza", në vit, vdesin rreth 400 ferma nga kanceri i gjirit dhe 200 ferma nga ai i qafës së mitrës. Të dhënat alarmante që dalin nga QSUT-ja kanë nxitur fushatën sensibilizuese që do të nisë në muajin shtator, në kuadër të projektit të zbatimit të fazës operative të programit INTERREG III, Shqipëri-Itali. Kjo nismë e financuar me një vlerë prej 7 milionë euro nga Komuniteti Evropian, përmes Agjencisë Rajonale Sanitare të Pulias (Itali) do të shërbejë për diagnostifikimin në kohë, si dhe trajtimin me sukses të kancerit të gjirit dhe të mitrës.

Shifrat alarmante

Regjistri Kombëtar pranë Qendrës Spitalore Universitare në Tiranë, tregon një rritje të përditshme të rasteve të kancerit dhe këto ritme flasin për një dyfishim të rasteve në tre dekadat e ardhshme. Aktualisht, në Evropë, 1 në çdo 12 gra shfaq tumor të gjirit. Sipas onkologëve shqiptarë, pavarësisht se të dhënat tona janë më të mira, vihet re një tendencë rritjeje e rasteve, që me kalimin e kohës do të jetë e krahasueshme me statistikat evropiane. Të dhënat e Qendrës Spitalore Universitare "Nënë Tereza" në Tiranë, tregojnë se humbin jetën nga kanceri i gjirit rreth 400 femra në vit, ndërsa nga kanceri i qafës së mitrës, rreth 200 femra në vit. Nga të dhënat e shërbimit Onkologjik, disa forma të kancerit si ai i gjirit, në tre dekadat e fundit janë trefishuar. Vendin e parë e zë kanceri i mushkërisë dhe i lëkurës, për meshkujt, ndërsa për femrat e zë kanceri i gjirit dhe i lëkurës. Nga 9 lloje të kancereve që hasen në Shqipëri, shtatë prej tyre janë të mundshme për t'u parandaluar, duke shmangur shkaktarët parësorë të riskut. Nga të dhënat e OBSH-së, mësohet se në të gjithë botën ekzistojnë 10 milionë raste të reja në vit me kancer, nga të cilët 7 milionë do të vdesin nga kjo sëmundje. Më shumë se 70 për qind e vdekjeve nga kanceri ndodhin në vendet me të ardhura të ulëta dhe të mesme, ku burimet e mundshme për zbulimin e hershëm, diagnostikimin, trajtimin dhe kujdesin paliativ janë të kufizuara ose nuk ekzistojnë. Për këtë, OBSH-ja ka nisur dhe zhvilluar një strategji për kontrollin e kancerit, duke promovuar udhëzimet për ngritjen e Programeve Kombëtare të Kontrollit të Kancerit.

Preken femrat e reja

Nga studimi i mjekëve në Shërbimin e Onkologjisë, në Qendrën Spitalore Universitare "Nënë Tereza" në Tiranë, kanceri i gjirit në Shqipëri është sëmundja më e shpeshtë tek gratë, duke zënë vendin e parë të tumoreve malinje që prekin seksin femër. Vitet e fundit kjo patologji po haset në mosha të reja, më pak se 35-vjeç. Ky është konkluzioni i një studimi njëvjeçar të realizuar nga mjekët e Shërbimit të Onkologjisë në Qendrën Spitalore Universitare "Nënë Tereza", në Tiranë. Grupi i Punës për Kontrollin e Kancerit në vendin tonë, konsideron si domosdoshmëri nevojën e një strategjie për parandalimin dhe trajtimin e sëmundjes së kancerit. Grupi i Punës për Kontrollin e Kancerit, të angazhuarit në këtë mision, janë në pritje të rekomandimeve dhe sugjerimeve të Organizatës Botërore të Shëndetësisë, për dokumentin strategjik për kontrollin e sëmundjes, tashmë të bërë gati. Bordi i Tumoreve rekomandon se duhet bërë një lëvizje në kontrollin e kancerit, ndaj të cilit shërbimi ynë shëndetësor është ende larg. Ky bord e konsideron një sfidë dhe sukses arritjen e INTERREG III, për të përfituar rreth 2.5 milionë euro, për parandalimin e kancerit të qafës së mitrës dhe të gjirit te gratë. Statistikat e QSUT-së tregojnë se në vit, shënohen rreth 400 raste të reja të sëmundjes së kancerit të gjirit. Gjatë viteve 1992-'96, maksimalisht u shënuan 225 raste të reja në vit, ose 14 raste të reja, për 100 mijë banorë, ndërsa në vitet 1996-2001, shifra maksimale ishte 305 raste ose 18, për 100 mijë banorë. Kanceri i gjirit është një problem mbarëbotëror, një nga problemet më të mprehta të mjekësisë, ku shifrat janë alarmante në Evropë dhe të tilla janë edhe për vendin tone. Statistikat evropiane flasin për një shërim në masën 80-90 për qind të rasteve me kacer të gjirit, nëse diagnostikimi realizohet në kohë.
__________________
nderkohe me date 30 gusht doli nje shkrim tjeter po ne te njejten gazete qe kishte te bente me te njejten ceshtje:

Burimi: Shekulli Online
Data Publikimit: 31/08/2007
Autori: e.b

Të gjitha femrat që dyshojnë se vuajnë nga kanceri tashmë kanë mundësinë të bëjnë mamografinë edhe në poliklinika. Kështu ekzaminimi do të fillojë të bëhet falas në Poliklinikën Qendrore të Specialiteteve në Tiranë nga mjekë Italinë. Këtë e bëri të ditur kreu i dikasterit të Shëndetësisë, i cili shpjegoi se nëpërmjet projektit Interreg 3 të Pulias kjo praktikë do të vazhdojë edhe në 4 qytete të tjera mëdha.

Ndërkohë shefi i shërbimit të Imazherisë në QSUT, Krenar Preza, pohoi se kjo nismë është shumë e rëndësishëm, pasi do t'i jepet fund pritjeve të gjatë në spitale. Ndërkohë bëhet e ditur se kanceri i gjirit shfaqet çdo vit në rreth 400 raste dhe se tashmë po gjen terren edhe në mosha më të reja se 45 vjeç. Për të gjitha ato që nuk ishin të siguruara, ekzaminimi me mamografi kushtonte rreth 2000 lekë të reja, ndrësa tani do të kenë fatin ta realizojnë të gjitha falas.

__________________
Kurre mos debato me nje idiot!Njerezit mund te mos e bejne dallimin! (Ligj i Marfit)
Think Different!Think Again! (National Geographic Channel)

Denonco këtë mesazh tek moderatorët | IP: e regjistruar

Regjistruar: 17/01/2005
Vendbanimi: Raccon City
Mesazhe: 3634

Cod. A24112007

duke marre per shkas rastin klinik te trajtuar ne temen "Diagnoze" qe edhe pse nuk doli me nje diagnoze te sigurte per bruceloze por qe ishte hipoteza me e mundshme po ju sjell ketu nje artikull qe flet mbi brucelozen ne Shqiperi ,te marre nga gazeta Shekulli!

Burimi: Shekulli Online
Data e Publikimit : 16/11/2007
Autor : Eglantina Bardhi
Sipas specialistëve të ISHP-së, rastet me brucelozë raportohen nga të gjitha zonat e vendit. Kujdes me produktet e qumështit
Alarmi

Bruceloza po kërcënon seriozisht shëndetin e banorëve duke krijuar një situatë alarmante, pasi nga i gjithë vendi raportohen raste të prekurish nga sëmundja. Kështu, të dhënat e Ministrisë së Shëndetësisë tregojnë se çdo vit në vendin tonë preken rreth 1200 persona nga bruceloza. Ndërkohë specialistët e Institutit të Shëndetit Publik theksojnë se duhen marrë masa emergjente për parandalimin e përhapjes së sëmundjes, pasi ajo është e rrezikshme dhe shpesh merr edhe jetë njerëzish. "Kujdes maksimal duhet treguar edhe ndaj produkteve të qumështit pasi ato shkaktojnë brucelozën tek njerëzit",- pohojnë specialistët e ISHP-së.

Përhapja dhe shkaktarët

Bruceloza sa vjen dhe po bëhet një problem madhor për shëndetin publik, ndaj dhe specialistët e ISHP-së japin alarmin. Sipas tyre, vetëm 2 vitet e fundit janë raportuar mbi 1000 raste të prekurish me brucelozë në vit. Gjeografia e rretheve të prekura sipas specialistëve është shtrirë shumë, aq sa sot, në të gjitha rrethet raportohen raste të prekurish me brucelozë. Por zona më problematike sipas specialistëve të ISHP-së mbetet zona verilindore. "Në vendin tonë aktualisht shënohen rreth 35,1 raste, për 100 mijë banorë, që është pothuajse e njëjta me atë të vitit 1960, kur ishte edhe koha ku bruceloza mori përmasa alarmante",- pohojnë specialistët e ISHP-së. Ndërkohë specialistët shpjegojnë se, një ndër shkaktarët e këtij fenomeni është pasojë e migrimit të kafshëve dhe e problemit që lidhen me vaksinimin e tyre.

Produktet dhe masat

Qumështi dhe nënproduktet e tij po rrezikojnë seriozisht shëndetin e popullatës për shkak të infektimit më brucela, duke kaluar rrezikun tek njerëzit. Sipas specialistëve të ISHP-së, studimi i 3 viteve të fundit që është bërë, ka konstatuar se rreth 19 për qind e qumështit dhe produkteve të tij është e infektuar. "Studime të pjesshme tregojnë që në mostra të ndryshme qumështi, të marra në rrethe të ndryshme të vendin tonë në 3 vitet e fundit, pozitiviteti i infektueshmërisë së qumështit dhe nënprodukteve të tij del me brucela rreth 19 për qind",- shpjegojnë specialistët e ISHP-së, duke shtuar se kjo është një shifër tepër e lartë dhe se njerëzit duhet të tregohen jashtëzakonisht të kujdesshëm në përdorimin e qumështit dhe nënprodukteve të tij. Ndërsa sa i takon masave që duhen marrë, specialistët e ISHP-së theksojnë se ato janë emergjente dhe nuk duhen neglizhuar. Sipas tyre, në radhë të parë, puna duhet të fillojë nga shërbimi veterinar, si përgjegjëse e vaksinimit të kafshëve, që është edhe aspekti bazë për parandalimin e fenomenit. Ndërkohë hapi i dytë, po sipas specialistëve është depistimi i kafshëve, për të deduktuar kafshët që janë të infektuara, por që nuk paraqesin ende shenja të sëmundjes. Ndërsa për kafshët që evidentohen duhet të merren masa për skartimin e tyre.

__________________
Kurre mos debato me nje idiot!Njerezit mund te mos e bejne dallimin! (Ligj i Marfit)
Think Different!Think Again! (National Geographic Channel)

Denonco këtë mesazh tek moderatorët | IP: e regjistruar

Regjistruar: 17/01/2005
Vendbanimi: Raccon City
Mesazhe: 3634

Cod. A28112007

cirroza eshte nje semundje e melcise dhe mund ta konsiderojme si nje faze perfundimtare i nje procesi qe e paraprin. ky proces mund te jete infektiv (hepatiti), i natyres toksike (alkoli), i shkaktuar nga semundje te tjera (fibrozicistika) etj. ne shtypin shqiptar gjeta nje artikull te botuar ne gazeten Panorama qe datonte korrik 2007 dhe po jua paraqes:
____________________
Burimi: Gazeta Panorama
Data e Publikimit : 13/07/2007
Autor : (pa autor)
Shumë alkool i bën dëm mëlçisë? Eshtë e vërtetë, por kush mendon se cirroza hepatike shkaktohet vetëm nga konsumimi i alkoolit gabohet rëndë.
Në rreth 2/3 e rasteve cirroza hepatike shkaktohet nga një hepatit viral. Në disa vende, hepatiti b dhe c është shkaktari për rreth 60% të patologjive të hepatiteve kronikë, ndaj 20% të rasteve të lidhur me abuzimin e alkoolit dhe një përqindje të rasteve të shkaktuar nga dëmtimet e metabolizmit, si pasojë e obezitetit ose diabetit.
Cirroza hepatike prek miliona persona dhe rreth 3% të tyre çdo vit u shfaqet kanceri i mëlçisë dhe e vetmja mundësi shpëtimi është transplanti. Por të dish numrin e saktë të personave të prekur nuk është e lehtë, sepse në shumë raste sëmundja qëndron në trup pa simptoma për një periudhë të gjatë kohe dhe evidentohet rastësisht.
Cirroza mund të degjenerojë në hemorragji të ezofagut, e shkaktuar nga çarja e venave. Shumica e rasteve te këta pacientë nuk ka bërë asnjë terapi për të parandaluar pasojat. Por hemorragjitë e ezofagut mund të parandalohen me ilaçe, që veprojnë në sistemin kardiovaskular.
_______________________

nderkohe kerkues angleze kane gjetur nje ilac te bazuar ne molekulen e sulfasalazines qe duket se mund te veproje mbi cirrozen dhe se shpejti priten te kryhen testet klinike ne Angli (1)

(1) ilac per cirrozen hepatike (Cod. A 25092007)

__________________
Kurre mos debato me nje idiot!Njerezit mund te mos e bejne dallimin! (Ligj i Marfit)
Think Different!Think Again! (National Geographic Channel)

Modifikuar nga NS-6 datë 28/11/2007 ora 05:25

Denonco këtë mesazh tek moderatorët | IP: e regjistruar

Regjistruar: 17/01/2005
Vendbanimi: Raccon City
Mesazhe: 3634

Cod. B28112007

Burimi: Gazeta Panorama
Data e Publikimit: 27/07/2007
Autor: Aida Malaj

Shytat janë sëmundje virale që mund të sjellin pasoja të rënda për shëndetin e personit që preket. Pasi në disa raste mund të bëhet shkak për infertilitetin.

Më të rrezikuar për të shfaqur të tilla ndërlikime janë meshkujt pas moshës 12 vjeç dhe moshat e rritura. Në një intervistë për "Panorama", mjeku androlog, Evi Dani, shpjegon se përse parotiti (shytat) ndikojnë në infertilitet:
Doktor, është e vërtetë se shytat mund të çojnë në infertilitet?
Po. Nëse bazohemi në statistikat botërore shihet se parotiti epidemik, api si njihet shytat, në 12-16 % të rasteve çon në infertilitet dhe kjo sëmundje zë vendin e dytë si shkak për infertilitet. Shkak për këtë është orkiti (inflamacioni i testeve) që është bashkëshoqëruese e kësaj sëmundjeje.
Dua të theksoj se orkiti nga parotiti epidemik nuk është komplikacion, është bashkëshoqëruese e sëmundjes dhe ka afinitet nga vetë virusi. Në rastin kur shfaqet orkiti, përveç shenjave klinike të shytave (të sëmundjes bazë), shfaqet dhe ënjtje, skuqje, dhimbje në prekje e testeve, temperatura mund të rritet në shifra më të larta. Kjo gjendje mund të vijë disa ditë pasi është shfaqur sëmundja bazë. Prekja mund të jetë e njëanshme, por mund të jetë dhe më e rëndë (e dyanshme).
Të gjithë meshkujt mund të shfaqin një ndërlikim të tillë, nëse kalojnë shytat?
Për fat të mirë nuk i kap të gjithë. Gati 20-25% e meshkujve që kalojnë shytat mund të shfaqin orkit.
Kush rrezikon më tepër të shfaqë ndërlikime të tilla?
Kjo patologji është shumë problematike kur shfaqet në një moshë "të rritur" që përfshin moshën e pubertetit dhe mbi këtë moshë. Kjo pasi në këtë moshë, që përkon me ndryshimet hormonale, që shoqërohen me rritje të indit testikular që çon pikërisht në një ndërlikim që përbën orkitin. Ky i fundit sjell ndërlikime dhe prek tubat e prodhimit të spermatozoideve dëmtohen dhe sjellin probleme në riprodhim. Kjo bën që në një moshë më të rritur, kjo të bëhet problematike dhe të dëmtojë aftësinë fekonduese në kohë e riprodhimit. Por nëse e kap parotit nën moshën 12 vjeç nuk ka asnjëherë orkit, si bashkëshoqëruese në këtë rast fëmija e kalon pa problem, duhet që ta kalojë para kësaj moshe.
Si mund të arrihet që fëmija ta kalojë parotitin para moshës 12 vjeç??
Shpesh rekomandohet që nëse fëmija mashkull nuk i kalon shytat para moshës 12 vjeç, duhet "të vaksinohet" para kësaj moshe. Kjo do të thotë se nëse nuk e ka kaluar duhet të afrohet me persona që janë prekur nga shytat. Kjo bëhet për ta mbrojtur që ta kalojë lehtë dhe pa pasoja, pasi nëse e kalon në moshë të vogël, nuk shfaq ndërlikime.
Po në rast se shfaqet, çfarë rekomandohet për trajtim?
Rekomandohet që sëmundja të mos trajtohet me antibiotikë, sepse ky nuk arrin të trajtojë sëmundjet virusale. Nëse merren antibiotikë nuk bëhet gjë tjetër veçse zgjatet dekursi i sëmundjes dhe krijohen mundësi për shfaqjen e orkitit që sjell dhe ndërlikime të mëvonshme. Në rastin e parotitit rekomandohen anti-iflamatorë steroidë (kortizonikë) dhe vitaminoterapi në mënyrë që të qetësohen dhimbjet. Në rast se ndiqen kura e duhur trajtimi shkon mirë dhe i sëmuri shpëton pa shfaqur probleme dhe mund të shërohen plotësisht.

__________________
Kurre mos debato me nje idiot!Njerezit mund te mos e bejne dallimin! (Ligj i Marfit)
Think Different!Think Again! (National Geographic Channel)

Denonco këtë mesazh tek moderatorët | IP: e regjistruar