Regjistruar: 11/06/2002
Vendbanimi: Europe
Mesazhe: 10706

U çmenda, po lidhmëni,
Tek mikesha shpimëni;
Ajo di e bën magji,
Me mollët në ka në gji.

Tek dy mollët zgjidhmëni,
Sipër mikes shtrimëni,
Të më kthejë me magji
Nga të çmendur në njeri...

1976

nga një këngë e vjetër

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Veten time s'e kam dashur kurrë,
Të veçuar skutave mënjanë,
Si një kukuvajkë përmbi gurë,
Si një kambanore pa kambanë.

Ndaj në kamabanore kam kumbuar,
Nxitës i hareve dhe hatave,
Dhe me zhurmën time kam shurdhuar
Veshët delikatë të disave.

S'ke ç'i bën, të tilla punët janë:
Një shurdhohet dhe një tjetër zgjohet!
Jam kambanore me kembanë,
Ndryshe jeta ime nuk jetohet...

Nëntor, 1994

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Firosje ditësh brenda teje,
Si në inflacion, një pare shterpë:
Mëngjesit pije, mbrëmjes dehje,
Mbarim i kohës - varg pa qepë.

Pastaj në rrugë kot së koti,
Një përqafim, një zgjatim dore:
"Ah ç'bën, si vete, burrë i zoti,
Do kemi shi a mot dëbore?"...

A ke parÃ_, a shkon me gratë
Dhe kalli flamën politikës!
E zbrazët jeta, kohë e ngratë,
Mjerim në shpirt dhe vdekje ditësh.

Po ku ta gjesh një shteg për dalje,
Dhe si t'i lutesh Jezu Krishtit?
Ky inflacion s'ka kryq për falje,
Është inflacioni i madh i shpirtit.

1994

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Zbret nata nga qielli me pendë si galë,
Dhe unë shtrihem e fle në mishin e trupit tim,
Shpirti im më rrjedh në çarçaf me ngadalë,
Më rrjedh me rrëmbim.

Zbret nata dhe rrjedh shpirti i vakët,
Dhe mishin ma merr në çarçaf,
E shpie ne dete të largët,
Çarçafi si vela fryhet e zbardh.

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Pela do mëz, po kali është i tredhur,
Dhe tjetër kalë nuk ka.
Pela me barrë nuk ka për të mbetur,
Plepin me dhëmbë e ha.

Pela do mëz, po kali është i tredhur,
Me jargë veç vithet ia lan.
Pela bishtin përpjetë ka hedhur,
Si shatërvan...

Shtator, 1994

Denonco këtë mesazh tek moderatorët | IP: e regjistruar

Regjistruar: 02/05/2009
Vendbanimi:
Mesazhe: 14611

Citim:

---

Po citoj ato që tha Fajtori
Firosje ditësh brenda teje,
Si në inflacion, një pare shterpë:
Mëngjesit pije, mbrëmjes dehje,
Mbarim i kohës - varg pa qepë.

Po ku ta gjesh një shteg për dalje,
Dhe si t'i lutesh Jezu Krishtit?
Ky inflacion s'ka kryq për falje,
Është inflacioni i madh i shpirtit.

1994

---

__________________
.

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

-këngë vaji-

Unë për ty jam çezmë e thatë,
Ti ke çezmë tjetër,
Ajo gurgullon përnatë,
Unë s'mbush një vedër.

Unë për ty jam grua njerkë,
Ti ke grua tjetër,
Ty ajo të ndjek si shqerkë,
Unë si pelë e vjetër.

1992

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Çudira të ndodhnin në pemën e mollës,
Dhe pemës te rriteshin mollë e florinj,
Do zgjasja patjetër gishtërinjte e dorës,
T'i zbrisja veç mollët që lart me gishtërinj.

Florinjtë t'i merrte ai që s'ka dhëmbë,
Dhe gojën ta mbushte krejt me florinj,
Të bënte unaza në dorë e në këmbë,
Unë dhëmbët për mollë i kam mjaft te rinj.

1994

Denonco këtë mesazh tek moderatorët | IP: e regjistruar

Regjistruar: 19/10/2005
Vendbanimi:
Mesazhe: 10645

Më lodhi mundimi në shpirt tërë jetën,
Të them lakuriq të vërtetën.

Po s'munda ta them ngaherë të plotë,
Se ishte zuske kjo botë.

Tani më vjen keq për sa gënjeva
Megjithëse gënjyen dhe Adami dhe Eva.

Të parët gënjeshtarë të mjerë,
Dhe kjo më jep ngushëllim herë-herë.


1991

Modifikuar nga Fajtori datë 13/03/2010 ora 19:24

Denonco këtë mesazh tek moderatorët | IP: e regjistruar

Regjistruar: 19/10/2005
Vendbanimi:
Mesazhe: 10645

Unë s'jam nga ata që ikin nga lufta,
kur marrin në trup një gërvishje.
As nga ata që heshtin të futur në tuta,
kur i pështyjnë me tallje e skëmitje.

Unë jam gjithmonë mes luftës mizore,
dhe them: sikur dhe luftë mos ketë,
për dhimbjen njerëzore.
Do ndizja luftë me retë.

Modifikuar nga Fajtori datë 13/03/2010 ora 19:47

Denonco këtë mesazh tek moderatorët | IP: e regjistruar