Regjistruar: 01/02/2003
Vendbanimi: Philadelphia usa
Mesazhe: 3202

Piramida
U
rriç
Mendim
I madh i
Milingonave
Flini faraonë flini


VIZION

Në fund të fundit prapë
Vinë Akejët dhe Arbërit
Sekush ku e kishte vendin
Veriu në veri
Jugu më nga jugu
Në mos zogjtë dhe zoologjitë
Një fije floku na ndan
Nga lumturia e bimëve
Vizion zemërak i zotërave
Botën na e vizato ndryshe
Në shpatull të këndezit



SHQIPTARËT

Njeriu tha ndiquni lirinë
Ilirishtes, herruni bimën
I mbërthyen në bri të dhisë
U dhanë ujët e detit, u dhanë
Zogj dhe gurë
Miza ku na bren hekur
Zoti tha ruana zot nga
Mallkimi i madh i tyre

__________________
Thuaj ate qe mendon dhe mendo ate qe duhet.

Denonco kėtė mesazh tek moderatorėt | IP: e regjistruar

Regjistruar: 01/02/2003
Vendbanimi: Philadelphia usa
Mesazhe: 3202

ANAL

Qëmoti ishin kryer
Kremtet, ishin kryer kurorat
Ishin mbyllur librat
E të gjallëve, librat e të vdekurve
Ne po vinim kaluar apokalipsës


LAVDIA

Saherë u nis atdheut
Tek ylli i vet majë qiellit
Një herë hypi në një krismë
Dhe vajti
Biri i sëmës


ARMËT TROFE

Art anakronik, gjëmim
I heshtur hekuri

Eneu a e di ku janë
Tani trofetë e tyre

Gojët e zeza u gokësojnë
Uri kah Jugu

Në Ballkan e në Luvër
U lëngojnë
Luftëra të pakryera

__________________
Thuaj ate qe mendon dhe mendo ate qe duhet.

Denonco kėtė mesazh tek moderatorėt | IP: e regjistruar

Regjistruar: 01/02/2003
Vendbanimi: Philadelphia usa
Mesazhe: 3202

LUFTA

ç'është
Ajo gjëmë, ajo
Pushkë në mish të ashtit

Liria
Pëlcet si krypa
Nga kuptimi e bukuria
Dhe digjet


E BUKURA MARIGO

Tokën gur, qiellin
përgjysmë të çarë
Moj e mira

Të kuqen gjak, të zezën
Terr bartolomeu
Moj e bardha

Etjes qumësht na i dhe
Vetëm nga njëri gji
Moj e bukura

__________________
Thuaj ate qe mendon dhe mendo ate qe duhet.

Denonco kėtė mesazh tek moderatorėt | IP: e regjistruar

Regjistruar: 01/02/2003
Vendbanimi: Philadelphia usa
Mesazhe: 3202

KËNGA ME MIQ

Mos shkruani sonte poezi
As heshtjen si unë mos e shkruani
Ndizeni një varg si qiri
Dhe zjarrin e së pathënës e vuani

Dëgjoni si dhemb e pathëna
E beftë, e bukur. Poezi
S'është lot i qiriut as hëna
Është push i një etje dhe shi


KRONIKË

Portën kah jugu dikush e rrahu me natë
Kështu zë rrëfimi nga i cili flokët na ranë
Gujën e të ndjerëve ja qepëm vetes më të gjatë
Akti tjetër ndodhi pa ne a s'e pamë

Tatpjetë moshës na rrodhi prapë koha mushkë
U shkund një shekull me pupla dhe tuhamë
Grimin na mbrojtën ushtarë të Natos me pushkë
Paqës së gjumtë i pimë amështinë, u thamë

Fiku në fik u plak dhe molla në mollë
Një natë qindvjeçare njëri ndënj e shkroi
Të dytin libër të ferrit, të bukur, të hollë
Një qen u gdhi me ashtin e fjalës në gojë

__________________
Thuaj ate qe mendon dhe mendo ate qe duhet.

Denonco kėtė mesazh tek moderatorėt | IP: e regjistruar

Regjistruar: 01/02/2003
Vendbanimi: Philadelphia usa
Mesazhe: 3202

KREMTIM

Ngjitu
Trupit të vargut
Madërgonë mendimi tjetër

Amen! ra në tokë të vetën
Farë e mirë e
Fjalës, ra



UJËVARA

Ulesh ta vizatosh
Të thahet në buzë fjala

Ia prek stërkalët
Dora të bëhet skulpturë e kaltër

Të gjitha ia thua, të gjitha, pos
Shëmtisë së imazhit pa ujëvarë

Pëlcet prapë në një etje tënden


MALLKIMI

Më plase bir i Balës
Të plastë nusja e lalës

Gjethe e gjethe ranë
Plasën e nuk u panë

Nuk i deshi nama
E zanoftë zana

__________________
Thuaj ate qe mendon dhe mendo ate qe duhet.

Denonco kėtė mesazh tek moderatorėt | IP: e regjistruar

Regjistruar: 01/02/2003
Vendbanimi: Philadelphia usa
Mesazhe: 3202

MALLI PËR NJERUIUN

Ai vjen fill vetëm
Si vinë shpendët dhe shirat
Vjen kalluar harrimt

Vjen zogu i largët
Nga vise të kaltra të kujtesës
I bardhë flokut, i cemtë lotit

Nga farë e pjekur, nga plazma
Vjen e na i jep gjak gjenit

Malli për njeriun



SHTEGTARËT

Fundin e udhës s'e dinë
Ata që vajtën
Ata që u kishte koka udhë
Fundin e udhës e dine
Ata që nuk u kthyen



METAMORFOZË

Vazhdimisht e zhveshi
Nga një lëkurë gjarpëri
Të mos shihej gjartpër

Vazhdimisht e zhveshi
Secilën lëkure gjarpëri
Mbeti krejtësisht gjarpër

Tani ja kërkojnë kokën

__________________
Thuaj ate qe mendon dhe mendo ate qe duhet.

Denonco kėtė mesazh tek moderatorėt | IP: e regjistruar

Regjistruar: 01/02/2003
Vendbanimi: Philadelphia usa
Mesazhe: 3202

TJETËRSIA

Ajo na kishte dashur fort, ne nuk e dinim
Na kishte kërkuar gjatë, na kishte puthur ëndërr
Verbuar e kishte malli për largësitë mes nesh
Kur e pamë së fundi na lëbyri kryq shikimet
Së pari na mori sytë, pastaj gjuhën, gojën
Në filxhan vizatuam gjeografinë e ndarjes, heshtëm
Ajo qëndronte mes nesh si një përmendore argjili
I lamë nga një lule harrimi të këmbët dhe ikëm
ç'të bëj me të falat për pulbardhat, me ylberin



KËNGË E TURPSHME

Sonte
Qava sonte për ty
Arbëri

Nuk më vjen turp
Pse qava
Më vjen turp pse s'munda
Të bëj tjetër

Nga turpi qava

__________________
Thuaj ate qe mendon dhe mendo ate qe duhet.

Denonco kėtė mesazh tek moderatorėt | IP: e regjistruar

Regjistruar: 03/08/2010
Vendbanimi: tirane
Mesazhe: 1

Kam lexuar shume vite me pare qe ky poet i madh shkruan:

Sa here shihem me veten time
ne pasqyre
sy me sy
nuk di çka duhet me ba?...
Me e puth a me e pshty...

__________________
Nuk jam budall me u tregue i menēem.

Denonco kėtė mesazh tek moderatorėt | IP: e regjistruar