sarandaebukur
Veteran ne forum
Regjistruar: 21/06/2003
Vendbanimi: New-York
Mesazhe: 817
|
Une jam nena e Renatos..Sigurimi dhe policia ne ate kohe e kishin te lehte te krijonin shpifje nga me te ultat e me cnjerezore vetem qe ai regjim ti bente qejfin shkrimtarit ku i cili ne ate kohe ishte deputeti i lagjes ku ne banojshim , nenkryetari i frontit demokratik ne nje zyre me kryetaren e frontit qe ishte Nezhmije Hoxha.. Ne oren 6 te mengjezit na rethojne shtepine me 40 a me shume police dhe kryetari i frontit te lagjes bashke me dy te tjere veshur me kostume . te cilet ishin te ministrise se brendeshme dhe na thane: Ju internoheni per 5 vjet ne Kosove te Elbasanit .. femijet te ngritur nga gjumi me force te friksuar e te hutuar.. une i thashe pse na internoni pa as nje dokument dhe cfare ne kemi bere.. mu pergjigjen : Ju e dini mire sepse keni shqetesuar Ismail Kadarene dhe ai nuk mund te shkruaj dhe te pregatitet per pleniumin.... ne 2006 kam pare ne gazeten panorama vendimin e komosionit te debim-internimeve lexoje ku thote Eshte ne kontroll te organeve te Sigurimit
REPUBLIKA POPULLORE SOCIALISTE E SHQIPERISE KOMISIONI I INTERNIMIT DHE I DEBIMIT SEKRET Ekzemplar Nr.1...
Tiranë, më 25.4.1984
VENDIM Nr.7
Komisioni i Internimit dhe i Dëbimit, i mbledhur më datën 25.4.1984, në bazë të Dekretit të Presidiumit të Kuvendit Popullor nr. 5912, datë 26.6.1979, pasi shqyrtoi propozimin e paraqitur nga Ministria e Punëve të Brendshme,
Vendosi:
Të internojë për pesë vjet kohë familjen e mëposhtme:
1. Janulla Mark Rrapi, e datëlindjes 1944, lindur në fshatin Përparim të rrethit të Sarandës e banuese në Tiranë, shtresë e varfër, me arsim te mesem, punëtore në NTU, e ve, e dënuar, me kombësi e shtetësi shqiptare.
-Renato Gori Rrapi, (i biri), i datëlindjes 1964, lindur e banues në Tiranë, me arsim të mesëm të pambaruar, pa punë, beqar, i padënuar, me kombësi e shtetësi shqiptare.
Qëndrimi politik i familjes së saj në regjimin e Zogut ka qenë indiferent; gjatë Luftës Nacionalçlirimtare kanë mbajtur qëndrim të mirë. Pas çlirimit nuk kanë mbajtur qëndrim të mirë moral. Nëna e saj rrjedh nga një familje shtresë e pasur.
Janulla ka qenë e martuar me Gori Rrapin, me origjinë nga Fieri e me qëndrim të mirë politik, i cili ka vdekur. Eshtë në kontroll të organeve të Sigurimit, pasi ka pasur shoqëri me gra sovjetike, që janë dënuar si agjente të zbulimit sovjetik, si dhe me dy shoferë hungarezë që vinin në vendin tonë. Karakterizohet si femër me qëndrim të keq moral. Në vitin 1983 është dënuar për kundërshtim të përfaqësuesit të pushtetit me një vit riedukim nëpërmjet punës me ndalimin e 1/6 e pagës. Djali i saj, Renato, karakterizohet si njeri që merret me akte rrugaçërie. Më datën 24.4.1984, së bashku me tre shokë të tjerë, pasi kanë pirë, kanë shkuar para pallatit ku banon familja e shokut Ismail Kadare dhe kanë fyer me fjalë fyese këtë familje, e kanë bërtitur me zë të lartë. Për këtë ka denoncuar qytetari, Petraq Nina. Për shqetësimet që ka krijuar Janulla me të birin janë thirrur e këshilluar disa herë nga Komiteti i Partisë dhe kryesia e frontit në lagje.
Të internohen në sektorin Kosovë të NB Belsh të rrethit të Elbasanit.
Afati i internimit u fillon më datën 25.4.1984 dhe u mbaron më datën 25.4.1989.
KRyetari i Komisionit
MANush Myftiu
Zëvendëskryetari
i Komisionit
Hekuran Isai
Anëtarë
Rrapi Mino
Aranit Çela
Denonco kėtė mesazh tek moderatorėt | IP: e regjistruar
|