Regjistruar: 20/03/2008
Vendbanimi: Ballkan
Mesazhe: 70

Bashkangjitje: q-map.gif
Ky file ėshtė shkarkuar 6 herė.

Në ditën e sotme mbushen 9 vjet nga sulmet e NATO-s kundër Serbisë, që ishin ndërmarrë për të ndalur represionin serb dhe spastrimin etnik të shqiptarëve. Bombardimet kishin nisur më 24 mars 1999 dhe zgjatën 78 ditë – respektivisht deri më 10 qershor, kur në Këshillin e Sigurimit të Kombeve të Bashkuara u miratua Rezoluta 1244.
Si rezultat i kësaj rezolute ka pasuar largimi i forcave serbe nga Kosova dhe hyrja e trupave të NATO-s, si dhe është mundësuar kthimi i mbi 800.000 refugjatëve shqiptarë nga Kosova, që ishin dëbuar nga ushtria dhe policia serbe drejt vendeve fqinje.

Sipas vlerësimeve të ekspertëve, gjatë këtyre bombardimeve Serbisë i ishte shkaktuar një dëm prej rreth 30 miliardë dollarë, ndërsa vlerësohet të jenë vrarë disa mijëra ushtarë serbë në Kosovë dhe Serbi.

Presidenti i Republikës së Kosovës, Fatmir Sejdiu, më rastin e këtij përvjetori ka dërguar një mesazh ku ndër të tjera ka shprehur mirënjohje për të gjithë ata që ndihmuan popullin e Kosovës kur atij i kanosej gjenocidi dhe zhbërja fizike.

“Do t’u jemi mirënjohës për jetë e mot oficerëve e ushtarëve të vendeve të NATO-s që morën pjesë në aksionin 78-ditësh për të ndalur agresionin ushtarak e paraushtarak të Serbisë kundër popullit të Kosovës”, shkruan ndër të tjera në mesazhin e presidentit.

__________________
Nga Pema e Heshtjes Varet Fruti i Qetesise

Denonco kėtė mesazh tek moderatorėt | IP: e regjistruar