Maria_Magdalena
Anetar i ri
Regjistruar: 10/06/2009
Vendbanimi: Shqiperi
Mesazhe: 13
|
KATARSIS
U ktheva në foshnjërinë e botës sonë.
Femrat e pyllit, ua blatuan foshnjat perëndive.
U shenjtëruam ne.
Gjyshet, u qëndisën rrobat nipërve me kuaj ere,
mbetën pa atdhe
Meshkujt, u vunë zgjedhën grave dhe i dërguan në arë.
Zoti,
shkruajti në librin e shenjtë se duhej vënë pak drejtësi
Djalli,
i shtrirë mbi re, dërgoi shi.
Ne,
si gaforret,
të larë nga mëkatet,
Rendim në Ardhmëri
!
Të JESH
Të jesh,
Duhet të të prekin,
Që të vërtetojnë hipotezën e rënies dhe ringritjes
Të qeshësh nëse do mundësh,
Mes rrudhave të thella të pritjes,
Duke rrëzuar jargë të lashta dhimbjesh,
Stuhi, përpëlitjesh.
Të jesh,
Do të thotë të vjellësh rininë nga goja e pleqërisë,
Kujtimeve të trishta të rrëmosh.
Ti këndosh kufomës tënde psalme biblike.
Të jesh,
Do të thotë: Të harrosh.
Suzana Zisi
Denonco kėtė mesazh tek moderatorėt | IP: e regjistruar
|