Fajtori
Apo jo?
Regjistruar: 11/06/2002
Vendbanimi: Europe
Mesazhe: 10706
|
BE nis ndėshkimin e Shqipėrisė pėr Irakun
Marre nga Albworld.
Raporti i Grupit Ndërkombëtar të Kriz-ave u bën thirje BE dhe komunitetit ndërkombëtar që Shqipërisë ti kushtëzohen ndihmat dhe negociatat për Marrëveshjen e Asociim-Stabilizimit me kryerjen e reformave institucionale dhe ndjekjen e politikave të përgje-gjshme rajonale nga qeveria. Raporti del për koincidencë me marrjen e vendimit nga qeveria shqiptare për të dërguar komando në Gjirin Persik.
Qefmbetja e europianëve për Shqipërinë dje është kthyer në një kërcënim të hapur. Këtë herë përmendet rishikimi i ndihmave dhe i procesit të negociatave për asociim-stabilizimin. Në mes është çështja e Irakut dhe pozicioni që shteti shqiptar ka marrë në mbështetje të veprimeve të SHBA-së. Grupi Ndërkombëtar i Krizave me qendër në Bruksel i sugjeron Bashkimit Europian që të kufizojë ndihmën për Shqipërinë. Shteti shqiptar edhe më parë ka pasur të njëjtat probleme, për të mos thënë më të rënda. Në raportin e Grupit Ndërkombëtar të Krizave përmenden fakte tepër tronditëse për Shqipërinë. Më shumë se konstatimet që bëhen, tronditëse janë sugjerimet e këtij institucioni. Në raport thuhet se problemet e thella ekonomike e shoqërore mund të kthehen në politike nëse lihen pa zgjidhur. Konstatimi vazhdon me faktin se përparimi i reformave pengohet nga korrupsioni dhe paaftësia e sektorit publik. "Qeveria nuk po tregon asnjë shenjë se po e lufton me seriozitet korrupsionin. Konsensusi politik i arritur midis partive po prishet dhe tensionet pritet të shtohen me afrimin e zgjedhjeve lokale në tetor". Në raport përmendet edhe qëndrimi konfrontues i qeverisë me shtypin. Sipas këtij raporti, është rritur krimi i organizuar, sistemi i drejtësisë vazhdon të jetë i dobët, papunësia është e lartë, rendimenti i ulët dhe kriza energjetike vazhdon. Varfëria e thellë, veçanërisht në pjesën veriore të vendit ka çuar në rritjen e emigracionit dhe të trafikut njerëzor. Rekomandohet përmbushja e angazhimeve para opozitës dhe komunitetit ndërkombëtar për reformën zgjedhore, ti jepet përparësi zhvillimit të zonave të ndryshme si dhe luftimit me ashpërsi të krimit të organizuar dhe korrupsionit. "Qeveria të heqë dorë nga presioni ndaj shtypit dhe të marrë masa që Shqipëria të përmbushë detyrimet e saj ndërkombëtare për lirinë e të shprehurit", thuhet në raport. Konstatimet janë të nagjashme me shumë raporte ndërkombëtare të institucioneve të ndryshme, por ndryshojnë në një pikë. Ndërsa në të parat nuk sugjerohen ndëshkime, në raportin e dalë, mbase për koincidencë me vendimin e Shqipërisë për trupat në Irak, kërkohet që BE të kushtëzojë ndihmën për Shqipërinë. Ajo që bie më shumë në sy është fakti që përveç reformave si kusht futet edhe "politika e përgjegjshme rajonale e qeverisë". Nëse bëhet fjalë për politikën me vendet fqinje, kjo e fundit është vlerësuar më shumë se një herë si pozitive si nga vendet e BE-së ashtu edhe nga SHBA-ja.
Denonco kėtė mesazh tek moderatorėt | IP: e regjistruar
|