Regjistruar: 13/06/2004
Vendbanimi: •
Mesazhe: 3949

Gjermani ka dalë nënkampion bote dhe kampion europe në disiplinat ku garon

Pfeifer, gjermani që habit Tiranën


Jeta e tij është padyshim motori dhe rreziku. Ata që patën fatin ta shohin "live" dje në qendrën tregtare "Univers", janë mrekulluar nga ekzibicionet që ofronte nën asfaltin përpara ndërtesës. Kris Pfeifer, gjermani që ka dalë nënkampion Bote dhe kampion Europe, ka mbërritur në Shqipëri nëpërmjet kompanisë "Red Bull" dhe për dy ditë do të jetë padyshim figura më popullore në rrugët e metropolit shqiptar. Kryeqytetasit, të apasionuar pas autometjeve dhe "finteve" të rrezikshmërisë së lartë, do të shohin me sytë e tyre një profesionist të vërtetë, që dje dhe sot në sheshin ndërmjet "Tajvan" dhe "La Voljës", krejt i vetëm do të bëjë realitet ëndrrat e të gjithë njerëzve që pa motorin e kanë shumë të vështirë për të jetuar. Dje në mesditë personazhi gjerman ka qenë në qendër të mediave dhe të një auditori të zgjedhur dhe pasi ka kryer xhonglimet e tij me "Dukatin" personal, nuk ka ngurruar që t'u përgjigjet të gjitha pyetjeve për kureshtarët që e shihnin me habi dhe zili. "Kam filluar të bëj xhiro me motorë që në moshën 5-vjeçare, kështu që për mua tashmë është më shumë sesa një argëtim. Kjo është e tërë jeta ime, aty unë jam vetvetja dhe sigurisht që, përpos të gjitha problemeve që mund të dalin, gjithnjë kam qenë i lumtur që kam bërë një zgjedhje të tillë". Pyetjes nëse ka provuar ndonjëherë rreziqe të mëdha, Pfeifer i është përgjigjur i qetë, sikur në fakt të mos i kishte ndodhur asgjë: "Po, një herë në Itali, në një mal që në fakt ishte një vend i preferueshëm vetëm për alpinstët. Jam ngjitur me motor dhe, të them të drejtën, e kam parë veten shumë ngushtë në zbritje". Sot gjermani do të japë përpara publikut shqiptar shfaqjen e tij madhështore dhe shpreson që t'i gëzojë sado pak shqiptarët, që me aq sa ka parë janë shumë të apasionuar pas garave të shpejtësisë: "Me kaq sa kam qëndruar, kam parë njerëz të interesuar për automjetet dhe për garat e shpejtësisë. Kjo sigurisht është një gjë shumë, shumë pozitive dhe unë mendoj që të tilla gjëra të bëjnë mirë edhe për gjendjen psikologjike". Sfida me rrezikun është e hapur. Pfeifer është padyshim kombinimi i talentit, forcës dhe moskokëçarjes përpara asaj që mund t'i ofrojë rreziku. Ekzibicionet e tij kanë frikësuar dje edhe gazetarët, fotoreporterët e kameramanët e pranishëm. Në fund sigurisht nuk ndodhi asgjë. Çdo gjë ishte e llogaritur me detaje. Të tillë në qarkullim ka pak, shumë pak…

__________________
Nė faktin se jemi askushi dhe nuk kemi me tė vėrtetė kurrgja. Sa mė pak kemi, aq ma tepėr mundemi me dhan. Duket diēka e pabesushme, por kjo ashtė llogjika e dashunis.

Denonco kėtė mesazh tek moderatorėt | IP: e regjistruar