arturm
Veteran ne forum
Regjistruar: 06/12/2006
Vendbanimi: itali
Mesazhe: 1195
|
Po duan te na shpikin edhe Presidentin Provizor
Topalli President, rrezikohet Sollaku
"Plani i Berishës", kalimi i kompetencave kreut të Kuvendit kërcënon Prokurorin e KLD-në
Çelësat e zyrës së Presidentit mund të jenë çështja e re që do marrë në shqyrtim Gjykata Kushtetuese. Pak kohë para fillimit të procedurave për zgjedhjen e kreut të ri të shtetit kanë filluar të qarkullojnë dy skema politike. Pika e përbashkët sa edhe ndarëse mes tyre, është Kushtetuta e Shqipërisë. Interpretimi i ndryshëm mund të sjellë vënien në jetë të dy skenarëve me impakt krejt të kundërt nga njëri-tjetri. Sakaq mendohet se palët do ti drejtohen Gjykatës Kushtetuese për të vendosur mbi kushtetueshmërinë e pretendimeve reciproke. Ndërkohë sekretari politik i PS-së, Ben Blushi, ka deklaruar se opsioni i Moisiut President, ashtu sikurse i Topit nga ana tjetër, do ishin provokime mes palëve. Sipas tij, çdo vendim do duhet të dalë nga një tryezë e përbashkët mes partive.
Skenari 1
Nëse nuk do të mundësohet zgjedhja normale e një Presidenti të ri, çka kërkon 84 vota minimalisht, situata komplikohet. Shtyrja e procedurave të zgjedhjes së kreut të shtetit krijon një vakum institucional në presidencë. Presidenti Moisiu mund të zgjedhë një prej interpretimeve të Kushtetutës, duke qëndruar në postin e tij deri në zgjedhjen e një Presidenti të ri. Çka i jep atij mundësi të ushtrojë të gjitha kompetencat e kreut të shtetit edhe pse mandati mund ti ketë përfunduar. Skemë që nuk pritet aspak mirë nga mazhoranca qeverisëse.
Skenari 2
Ajo çka duket se po gatuhet brenda Partisë Demokratike, ka në themel një skenar të dytë. Selia blu pretendon se do arrijë të interpretojë në linjën e saj Kushtetutën. Duke i dhënë kështu të drejtën Kryetares së Kuvendit që të ushtrojë funksionet e kreut të shtetit deri në momentin kur do të zgjidhet Presidenti i ri. Demokratët në këtë argumentim i qëndrojnë idesë së neni 91 për zëvendësimin në rast pamundësie gjen zbatim në rastin e mungesës së votave dhe shtyrjes së zgjedhjes së Presidentit. Por zbatimi i kësaj skeme në vetvete mbart shumë të papritura. Shumica parlamentare mund të shfrytëzojë këtë moment për të sjellë në tavolinën e kreut të shtetit nismat e kthyera mbrapsht nga Presidenti Moisiu. Kështu rrezikohet që të zbatohet nisma për shkarkimin e prokurorit të Përgjithshëm, Theodhori Sollaku, ndërhyrjet në Këshillin e Lartë të Drejtësisë, Gjykatën Kushtetuese, Gjykatën e Lartë dhe institucionet e tjera të pavarura.
Kushtetuta
Dokumenti themeltar i shtetit nuk parashikon shumë detaje për rastin konkret ndërmjet përfundimit të mandatit të një Presidenti dhe zgjedhjes së një tjetri. Konkretisht neni 88 thotë se Presidenti i Republikës, në çdo rast zgjidhet për 5 vjet, me të drejtë rizgjedhjeje vetëm një herë. Ndërsa procedura për zgjedhjen e Presidentit fillon jo më vonë se 30 ditë para mbarimit të mandatit presidencial paraardhës. Në nenin 91 parashikohet rruga ligjore e zëvendësimit në rast kur kreu i shtetit është i pamundur të kryejë detyrën që i është ngarkuar. Pika një e këtij neni thotë se kur Presidenti i Republikës është në pamundësi të përkohshme për të ushtruar funksionet e tij, ose kur vendi i tij mbetet vakant, Kryetari i Kuvendit zë vendin dhe ushtron kompetencat e tij. Në pikën dy thuhet se në rast se Presidenti nuk mund të ushtrojë detyrën për më shumë se 60 ditë, Kuvendi, me dy të tretat e të gjithë anëtarëve, vendos dërgimin e çështjes në Gjykatën Kushtetuese, e cila vërteton përfundimisht faktin e pamundësisë. Në rast të vërtetimit të pamundësisë, vendi i Presidentit mbetet vakant dhe zgjedhja e Presidentit të ri fillon brenda 10 ditëve nga dita e vërtetimit të pamundësisë.
Kushtetuta
Neni 88. (Mandati i Presidentit)
1. Presidenti i Republikës, në çdo rast, zgjidhet për 5 vjet, me të drejtë rizgjedhjeje vetëm një herë.
2. Procedura për zgjedhjen e Presidentit fillon jo më vonë se 30 ditë para mbarimit të mandatit presidencial paraardhës.
Neni 91. (Zëvendësimi në rast pamundësie)
1. Kur Presidenti i Republikës është në pamundësi të përkohshme për të ushtruar funksionet e tij, ose kur vendi i tij mbetet vakant, Kryetari i Kuvendit zë vendin dhe ushtron kompetencat e tij.
2. Në rast se Presidenti nuk mund të ushtrojë detyrën për më shumë se 60 ditë, Kuvendi, me dy të tretat e të gjithë anëtarëve, vendos dërgimin e çështjes në Gjykatën Kushtetuese, e cila vërteton përfundimisht faktin e pamundësisë. Në rast të vërtetimit të pamundësisë, vendi i Presidentit mbetet vakant dhe zgjedhja e Presidentit të ri fillon brenda 10 ditëve nga dita e vërtetimit të pamundësisë.
Denonco kėtė mesazh tek moderatorėt | IP: e regjistruar
|