briseide
Shtrige
Regjistruar: 12/02/2007
Vendbanimi: Rrefime memece
Mesazhe: 4388
|
Vlore,lule ne 11 vjetorin e tragjedise se Otranto-s
Familjaret kerkojne drejtesi: "Shteti po krijon tragjedi te reja, tonat i ka harruar me kohe"
Familjarë të tragjedisë së Otrantos edhe këtë 28 mars kanë hedhur lule në det në nderim të viktimave të mbytur në kanalin e Otrantos. Edhe pas 11 vjetësh familjarët kanë bërë ritet e zakonshme, ndërsa kanë apeluar për vijimin e mungesës së vëmendjes për këtë çështje nga ana e shtetit. "Shteti po krijon të tjera dhe jo këto tonat që i ka harruar fare"-, tha një nga familjarët, i mbështetur edhe nga të tjerë që kujtojnë se çështja nuk ka drejtësinë e premtuar. Kjo, sepse sipas tyre shteti po vijon të bëjë indiferentin. Në 57 viktimat e konfirmuara dhe 24 të humburit ende sorollatet çështja në instanca të ndryshme, duke tentuar së fundi të mbërrijë edhe në Hagë.Më 28 mars të vitit 1997 rreth 115 shtetas shqiptarë janë imbarkuar në anijen "Katri i Radës". Rreth orës 15.00 kur anija ka ngritur spirancën dhe i është drejtuar brigjeve italiane, për të shkuar drejt tokës së ëndërruar. Pas rreth 4 orësh lundrim në det, kanë mbërritur në kanalin e Otrantos, aty ku dhe u formëzua tragjedia. Ora 19.50 kur gjithçka mori fund. Një goditje e anijes luftarake italiane Sibila ka tronditur anijen Katri i Radës e bilanci i tragjedisë ishte i rëndë 57 viktima, 24 të humbur dhe të mbijetuarit 34. Plot 81 familje filluan të kërkonin të drejtën për të afërmit e tyre, duke u sorollatur sallave të gjyqeve. Duke kërkuar me të gjitha mënyrat zgjidhje dhe ende për kujtimin e të afërmve të tyre. Pas 11 vjetësh nuk po gjen ende zgjidhje enigma e tragjedisë së Otrantos. Dje familjarët vizituan vendin nga u nis anija e vdekjes, duke kërkuar drejtësi.
__________________
I had seven faces,Thought I knew which one to wear...
Denonco kėtė mesazh tek moderatorėt | IP: e regjistruar
|