qershor13
Vagabonding
Regjistruar: 05/02/2003
Vendbanimi: Rio
Mesazhe: 2547
|
Derek Crane, britaniku 54-vjeçar që promovon me dëshirë turizmin shqiptar në Britani.
Si po i sjell turistët anglezë në Shqipëri
Deri tani Derek ka bindur të vijnë 80 turistë. Vitin e ardhshëm synon të organizojë udhëtime në grupe.
Për britanikun 54 vjeçar Derek Crane, Shqipëria është bërë tashmë shtëpia e tij të dytë. Vjen katër apo pesë herë në vit dhe qëndron rreth një javë. Që nga hera e parë kur ai mbërriti këtu në vitin 2000, vendosi të kthehej përsëri, e përsëri. Do më pëlqente të jetoja këtu, por
të punoja në Londër, thotë ai, pasi janë fitimet e mëdha që ai merr nga kompania e tij, që i bëjnë të mundur shpenzimet e mëdha të udhëtimit e qëndrimit në Shqipëri.
Pasi shëtiti në disa nga pjesët më të bukura e mbresëlënëse të Shqipërisë, i lindi dëshira për ti promovuar këto vlera te bashkëqytetarët e tij anglezë. Një degë e kompanisë së tij D Crane Consultants Ltds, tashmë i kushtohet turizmit, kryesisht atij shqiptar. Ka krijuar një faqe interneti www.travelonholiday.co.uk , posaçërisht për Shqipërinë, ku prezantohen pamje piktoreske nga vendi, foto të zonave malore, pamje të ndryshme të Tiranës e të Korçës si dhe plazhet e Durrësit e Sarandës. Po kështu, jepen edhe shumë udhëzime se ku mund të pushosh, të akomodohesh apo të shohësh pamje të rralla tipike shqiptare. Derek Crane gjithashtu ka përgatitur tri broshura enkas për Shqipërinë dhe vendet e mundshme ku mund të zhvillohet turizmi. Njërën broshurë e ka botuar tashmë. Në të janë përzgjedhur pamje nga Shqipëria, një historik i shkurtër dhe përshkrime të vendeve, të cilat vetë Derek i ka parë nga afër.
Broshura e dytë e cila botohet në gusht, do të jetë si një guidë për udhëtimet nga Shqipëria në Londër, pasi Derek mendon se edhe shqiptarët duhet të kenë të njëjtat mundësi e lehtësira për të udhëtuar jashtë vendit të tyre. Ai është duke përgatitur një udhëtim për në muajin shtator të një grupi turistësh shqiptarë për në Angli. Sigurisht kjo do të arrihet nëse shqiptarët që do të nisen për turizëm, do të bindin ambasadën britanike këtu si persona të besueshëm që do të kthehen patjetër në atdhe. Megjithatë Derek është duke punuar edhe në këtë pikë me qeverinë britanike, për të bërë të mundur dhënien e vizave një mujore turistike për shqiptarët. Ndërsa për pjesën tjetër Derek-u thotë se do ta organizojë gjithçka vetë, kundrejt pagesës më të ulët të mundshme.
Broshurën e tretë ai po e përgatit si një guidë për të vizituar malet e Shqipërisë, pra zonën e veriut.
Turizmi në Shqipëri
Por puna e Derek-ut nuk janë thjesht botimet apo publikimet në internet. Ai ka organizuar dhe vazhdon të organizojë shumë udhëtime të britanikëve në Shqipëri. Vjet kam sjellë 30 vetë, ndërsa këtë vit më shumë, ndoshta 40-50. Për këta Derek-u dhe kompania e tij kanë siguruar gjithçka: fluturimin, akomodimin, transportin dhe vendet që ata do vizitonin. Po kështu u jep edhe informata praktike: për transportin, për doganat etj.. Megjithatë ai thotë se në faqen e internetit të tij vijnë dhjetëra mesazhe që kërkojnë të dhëna më shumë për Shqipërinë dhe pastaj ata udhëtojnë vetëm. Derek thotë se në përgjithësi i këshillon turistët anglezë të qëndrojnë në hotelet ku ai ka qëndruar, ku njeh menaxherin apo pronarin. U rregullon shoferin apo përkthyesin me të cilët ka kontakte, dhe mbi të gjitha i garanton se Shqipëria është vend i sigurt. Unë u them që të mos kenë frikë. Dhe kur ata kthehen në Angli më thonë gjithnjë se nuk kishte asgjë të frikshme në Shqipëri, dhe se jo vetëm që nuk është vend i rrezikshëm, por është shumë miqësor. E fatmirësisht, deri tani ai thotë as ai, as miqtë e tij, nuk kanë patur ndonjë përvojë të hidhur në Shqipëri. Kemi patur vetëm vonesa që nuk kanë të bëjnë me shqiptarët. Këto gjëra ndodhin kudo në çdo aeroport. Të vetmet ankesa janë se rrugët përshembull apo transporti në përgjithësi nuk janë në standardin e duhur, por në fund thonë se kjo është pjesë e argëtimit këtu. Turistët anglezë në përgjithësi kanë shumë ankesa edhe për Spanjën, për Qipron apo Greqinë. Ai thotë se një nga problemet më të mëdha aktuale të biznesit të tij është mungesa e një linje ajrore direkte Tiranë-Londër. Shpresoj që gjërat të përmirësohen në këtë drejtim, thotë Crane, duke shtuar se është një shenjë e mirë që British Airways ka ndërmend të hapë së shpejti një zyrë në Tiranë. Por Derek për gjithë udhëtimet që ka organizuar deri tani ka mundur të zgjedhë rrugët më pak të kushtueshme si Tiranë-Bari-Londër (e anasjelltas) apo Tiranë-Beograd-Londër. Megjithatë ai shpreson se kjo linjë mund të kryhet së shpejti edhe nga Albanian Airlines.
Reagimi në media
I dashuruar pas Shqipërisë, Derek Crane nuk duron dot kur ndonjë gazetar anglez shkruan ndonjë gjë të pavërtetë për këtë vend. Thotë se lexon të gjithë artikujt ku shkruhet për Shqipërinë. Duke e quajtur veten tashmë ekspert të çështjeve shqiptare kur sheh diçka të pasaktë, ai reagon, dërgon letra, apo opinione në gazeta të ndryshme kombëtare, një pjesë e të cilave botohen. Kështu në fillim të këtij viti në një artikull ishte shkruar në lidhje me një rebelim që u zhvillua në Sheshin Skënderbej (për të përndjekurit). Unë i shkrova gazetës Daily Telegraph, dhe letra ime u botua. Aty unë u thoja se nuk është një rebelim, por demonstrim paqësor, që ndoshta doli pak nga kontrolli nga një grup në minorancë. Protesta të tilla ndodhin shpesh edhe në Angli, rrëfen Derek Crane, i bindur që shpeshherë gazetarët britanikë janë më të prirur për anët negative të Shqipërisë. Megjithatë ai thotë se shqiptarët duhet të punojnë më shumë për veten e tyre, duhet të udhëtojnë më shumë dhe ta inkurajojnë vetë turizmin. Ky është vend shumë i mirë, dhe mendoj se brenda dhjetë vjetësh shumë evropianë perëndimorë do të dynden këtu. Kështu që unë jam me fat që jam nga të parët që kam ardhur.
Intervista
Çfarë ju shtyu, për herë të parë, të vizitonit Shqipërinë?
Vizita ime e parë ka qenë në vitin 2000. Kam ardhur vetë si turist, vetëm për të parë këtë vend. Kisha lexuar për problemet në Shqipëri në fund të viteve 90, dhe kisha dëgjuar më pas që gjërat ishin përmirësuar, dhe erdha për kuriozitet. Fillimisht isha kurioz për politikën në këtë rajon ballkanik. Në fakt ky vend nuk njihet mirë nga qytetarët anglezë.
E cilat ishin përshtypjet e para?
Përshtypjet e mia të para ishin se ky vend ishte nja dhjetë apo 15 vjet prapa nga çmendoja unë. Megjithatë natyra e këtij vendi, malet, ishin spektakolare. Mendova se ky vend ka potenciale mahnitëse, kryesisht për turizmin. I thashë vetes se duhet të kthehem për ta parë këtë vend nga këndvështrimi i këshillimit për turizëm. Më pas u ktheva në 2001 për të parë me sytë e një qytetari britanik, nëse do të ishte apo jo me leverdi për turistët britanikë.
Keni mundur ta vizitoni gjithë Shqipërinë?
Për mua tani kjo është vizita e trembëdhjetë këtu për katër vjet e gjysmë, por nuk kam parë gjithë vendin. Në fakt sa herë që vij shoh gjëra të reja. Më shumë pëlqej Tiranën, se është shumë aktive, por gjithashtu pëlqej Korçën e Voskopojën, pasi është më e qetë, paqësore, ka ajër të pastër dhe shumë njerëz miqësore. Kryesisht kam qenë në qendër e në jug të Shqipërisë. Shpresoj që të vizitoj veriun dhe Alpet në një udhëtim të planifikuar për vitin 2005. Mund të them se Shqipëria ndryshon dhe përmirësohet çdo herë që unë vij. Infrastruktura po përmirësohet gradualisht. Rrugët po bëhen më të mira, veçanërisht jashtë Tiranës, standardi i akomodimit apo i transportit përmirësohet gjithnjë e më shumë, aeroporti është përmirësuar ndjeshëm në krahasim me herën e parë. Kam shumë miq këtu, të gjithë janë të ngrohtë, miqësorë dhe mikpritës. Edhe kur takoj njerëz për herë të parë, ata më bëjnë të ndihem sikur i kam njohur prej kohësh. Nuk kam takuar ndonjë shqiptar që është sjellë ashpër me mua. Diferenca mes shqiptarëve dhe anglezëve është se në Angli ka shumë njerëz të ashpër, që nuk të respektojnë dhe nuk janë shumë mikpritës si këtu.
Cilat janë planet tuaja të ardhshme?
Interesi për Shqipërinë po rritet shumë shpejt. Për shembulll, që kur unë promovova për herë të parë faqen time të internetit, kishte vetëm 10 klikime në muaj, ndërsa tani ka rreth 100 klikime në javë, shumë e shumë e-mail-e ku kërkohen të dhëna për Shqipërinë, kështu që unë jam më aktiv në promovimin e këtij vendi. Ne po përgatisim një reklamë kombëtare këtë vjeshtë në shtypin kombëtar. Unë po organizoj një sferë më të madhe aktivitetesh për vitin 2005, përfshi edhe ngjitjen në Alpet shqiptare, të cilën po e organizoj në bashkëpunim me Autdor Albania. Gjithashtu po punoj në marrëveshje me disa njerëz në Shqipëri për të organizuar disa udhëtime turistike 7 ditore në Londër për shqiptarët. Grupi i parë ndoshta do të niset në shtator të këtij viti.
__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.
Denonco kėtė mesazh tek moderatorėt | IP: e regjistruar
|