amoxil
I perjashtuar nga forumi
Regjistruar: 13/06/2004
Vendbanimi:
Mesazhe: 3949
|
Hamza Bushi: Ndërtojmë shtëpi në Greqi, me bullgarët e rumunët
Quhet Hamza Bushi dhe është 27 vjeç. Jeta e tij ka kaluar përgjatë një emigracioni të thellë dhe të vështirë, por Hamzai na tregon se vështirësitë nuk e kanë trembur asnjëherë. Ka lindur në Peshkopi dhe ka mbaruar aty shkollën 8-vjeçare, më pas shkollën e mesme për ekonomik në Lezhë dhe prej 11 vjetësh familja e tij jeton në Tiranë. Jeta e tij tashmë është e ndarë midis dy shtetesh, Shqipëri Greqi. Kjo tashmë përbën rrugën e jetës së tij. Punon në Greqi dhe lekët që merr i harxhon në Tiranë me miqtë dhe të afërmit. Puna e tij e përhershme në mërgim ka qënë ndërtimi dhe ai beson se do të vazhdojë të punojë gjatë në këtë profesion.Midis Tiranës dhe Athinës, ku ai jeton prej 7 vjetësh dhe ku ka miq të shumtë edhe nga vende të tjera, ai mendon se ka një hendek të madh, midis asaj që përbën shpirtëroren dhe materialen. Kapitalizmi në Greqi ka kohë që mbizotëron dhe kjo i ka bërë ata si popull më të ftohtë, indiferent dhe të prirur drejt parasë si i vetmi kriter vlerësues për njeriun, kurse shqiptarët për vetë faktin që janë vetëm 15 vjeçar në ekonomi tregu, janë më të dashur dhe më njerëzor, por ka nga ata që herë pas here e nxjerrin kokën dhe tregojnë rinovim të traditave të mrekullueshme shqiptare,- thotë me keqardhje Hamzai.
I është dashur të largohet në Greqi sapo i kishte mbushur të 20-at, padyshim për tu ardhur në ndihmë familjarëve të tij dhe për të siguruar ca para më shumë si çdo i ri tjetër. Fillimisht,- na tregon ai, ka qënë e vështirë, sepse nuk dija as gjuhën, vendin dhe nuk e kisha të qartë se me çfarë do të merresha. Largimi nga shtëpija me të gjitha komoditet që të ofron ajo e sidomos për pjatën e ngrohtë të gjellës që ta sjell nëna kur vjen nga puna është vërtet ëndërruese kur je atje larg dhe shpesh të vjen të rigosh lot të nxehtë trishtimi, por nuk ke nga tia mbash, të duhet të çohesh sërish dhe tia nisësh çdo gjëje nga e para, sepse për ndryshe je fiks kampioni i duhur për tu kapur nga policia. Hamzai është një djalë i thjeshtë, i cili mendon se kushdo që është larguar në mërgim nesër, pasnesër do të rikthehet në Shqipëri, sepse vetëm Shqipëria,- thotë ai, është për shqiptarët dhe kjo jo për faktin se në Greqi ia ka kaluar keq apo ka pasur probleme me policinë, por për faktin se të paktën këtu mund të komunikosh në gjuhën e nënës tënde. Në Greqi ka shumë miq, shqiptar e grekë, por më përshtypje i bëjnë rumunët dhe bullgarët, që janë më të pasur në shpirt dhe për personazhin tonë të ditës të kesh një shpirt të mirë do të thotë më shumë se shumë. Sot Hamzai na kujtoi diçka që shumë nga ju mund ta kishit harruar, ajo çka i bën jetët tuaja, jeni vetëm ju dhe jo materialia pas së cilës tundoheni dhe lodheni përgjatë gjithë ditës, në të kundërt, ju jeni ca kartmonedha të gjelbërta me emrin e dikujt tjetër
Ku jetoni aktualisht?
Aktualisht jetoj dhe punoj në Greqi, por jam këtu në Tiranë për pushime dhe pas disa javësh do të rikthehem sërish atje, sepse më pret puna dhe nuk mund të rri dot më gjatë këtu.
Sa kohë keni në Greqi?
Në Greqi kam gati 7 vjet dhe tashmë është kthyer në shtëpinë time të dytë, pasi aty kam miqtë dhe duket se i jam përshtatur deri diku jetesës së tyre, por nuk mendoj asnjëherë të qëndrojë andej, mendoj se shqiptarët e kanë vendin e tyre në Shqipëri edhe pse Shqipëria është larg standarteve europiane, ajo do të dijë tI presë njerëzit e saj.
Si është jetesa me grekët?
Të gjithë e dinë se grekët janë racistë dhe ziliqarë, por jo të gjithë janë njësoj. Unë kam plot miq grek, me të cilët ia kaloj po aq mirë sa në Tiranë, por edhe shqiptarët kanë bërë shumë prapësira andej, prandaj dhe them se është një situatë gati-gati reciproke. Di të them se nëse je i rregullt në punë dhe nuk bën asgjë jashtë ligjit, atëherë ti shihesh me të njëjtin sy si greku.
A jeni i kënaqur nga puna në Greqi?
Unë punoj prej 7 vjetësh në ndërtim dhe të punoj nuk përbën ndonjë çudi për mua, pasi puna më fal kënaqësi të madhe dhe të ardhura të konsiderueshme, por sido që tëb jetë je në tokë të huaj dhe flet një gjuhë të huaj, ndaj asnjëherë nuk mund të jesh i kënaqur totalisht, por unë deri tani ia kam dalë mbanë.
Mendoni se do të riktheheni në Shqipëri?
Shqipëria është jeta ime dhe padyshim që në të ardhmen do të qëndroj këtu për gjithnjë. Në fakt unë vij dhe iki shumë shpesh dhe më duket se asnjëherë nuk jam larguar totalisht nga Shqipëria. Jeta ime është e ndërthurur midis këtyre 2 shteteve, por Greqia është për grekët, sikundër është Shqipëria për shqiptarët. Çfarë të mungon më shumë nga Shqipëria kur jeni në Greqi?
Çdo gjë. Që nga rrëmuja në rrugë, mosrespektimi i rregullave e deri tek gjërat më shpirtërore që mund të tI jap vetëm vendi ytë. Në fakt më shumë më mungon njerëzorja, ajo që i jep kripë shqiptarëve dhe i ndan nga të tjerët është pikërisht fakti që kanë një ndjesi humaniteti më të madh se kushdo.
Ku e shikoni të ardhmen tuaj?
Të ardhmen time e shoh padyshim në Shqipëri pranë familjarëve të mi dhe miqve për të cilët ia vlen të kthehesh, por edhe për disa kohë do të qëndroj andej duke e ndarë jetën time midis Greqisë dhe Shqipërisë.
Bisedoi Irena Ruçaj
Marë nga gazeta "SOT"
Ja nji rrefugjat për smari...
__________________
Nė faktin se jemi askushi dhe nuk kemi me tė vėrtetė kurrgja. Sa mė pak kemi, aq ma tepėr mundemi me dhan. Duket diēka e pabesushme, por kjo ashtė llogjika e dashunis.
Denonco kėtė mesazh tek moderatorėt | IP: e regjistruar
|