Maria_Magdalena
Anetar i ri
Regjistruar: 10/06/2009
Vendbanimi: Shqiperi
Mesazhe: 13
|
Citim: Po citoj ato që tha RAIMONDI
--------Nga sa lexova ketu une ----------Poezia e kesaj poetes vlonjate eshte shume e Varfer------Pavaresisht se ajo perdor Simboliken per te shprehur idene e saj,
----------DUHET THENE SE AJO --kjo ka nje mendim filozofik------por jo POETIK-------AJO MUNDOHET TA SHPREHI FILOZOFINE E SAJ TE TE SHIKUARIT TE JETES NE MENYRE POETIKE------POR POEZIA E SAJ ESHTE E DOBET------
---Gjuha qe ajo perdor eshte shume e varfer ne Metafora---ose edhe kur i perdor ato, metaforat e saj vijne era FOLKLOR i MYKUR--
----Vargu i saj s'ka Muzikalitet fare, -----po ashtu edhe Rima nuk existon ne poezine e saj --
-------Me nje fjale kjo qenka nje poete e rendomte qe perdor keto Simbolikat folklorike te tipit--............Kumbulla prapa shtepise .... ---te cilat nuk te shkaktojne asnje impresion Poetik gjurmelenes ne shpirt,..........
-----.........me perjashtim te Keqardhjes qe te krijohet ne keto raste dhe qe shprehet me shprehjen e Famshme te nje presorit tim ne Vlore, Inxhinjer Ceci, qe ne kete rast do thoshte pa hezituar--
---------...Kendon mire por ja prish njecike zeri............looooooooooool----E kam fjalen si poete, por si mendim, ajo ka nje mendim filozofik shume te goditur
LIRIKË E PEIZAZHIT SHPIRTËROR
.
Vargut të poeteshave shqiptare të kohës sonë po i shtohen nga dita në ditë emra të rinj. Suzana Zisi, është pa dyshim një nga këta emra. Pas botimit të librit të saj të parë, E bardha është pak (2004), Suzana del para lexuesve me librin e saj të dytë Imazhet kanë ftohtë, që e shpalos në mënyrë akoma më të plotë e më të nuancuar botën e saj poetike. Shikuar nga pikëpamja e qëndrimit që mban ndaj jetës, njeriut dhe vetes poezia e Suzana Zisit do të mund të karakterizohej si poezi e peziazhit shpirtëror.
Shpalimi i botës komplekse shpirtërore të njeriut, të femrës në veçanti, depërtimi në labirintin e dëshirave, ëndrrave, shpresave, dilemave dhe shqetësimeve të subjektit lirik, është një veçori e përgjithshme e kësaj poezie. Ky pozicion, sa soditës, aq edhe refleksiv, e përcakton në masë të madhe edhe strukturën ritmike dhe figurative të kësaj poezie.
.I përbërë nga rreth njëqind poezi, vëllimi poetik Imazhet kanë ftohtë ndahet në tre cikle: Ëndrra në pjatën e mungesës
, Lulevjeshte dhe Metafora e diellit. Edhe pse nga pikëpamja e ligjërimit poetik libri ka një unitet të theksuar artistik, megjithatë bie në sy fakti se derisa në ciklin e parë mbizotërojnë motivet që lidhen me dehumanizimin dhe tjetërsimin e njeriut në kohën tonë (peziazhi urban, imazhet gri, ftohtësia dhe mungesa sugjerojnë pikërisht këtë emocion), në dy ciklet e tjera ndeshim një atmosferë disi më të butë e më subtile, pra kemi të bëjmë me një lirikë tipike femërore, nocion ky që në këtë rast nuk ka kurrfarë konotacionesh negative. Përkundrazi. Imazhet e rënda e dramatike të ciklit të parë, ku poetesha i referohet shpesh mitologjisë antike e biblike (Adami, Eva, Zoti, djalli, Krishti, Zeusi, Pandora, Prometeu, Narcisi, Dionisi etj.), por edhe realitetit bashkëkohor, e ku nuk mungojë herë-herë as vizionet apokaliptike, zëvendësohen në dy ciklet vijuese nga një ndjeshmëri më e butë lirike e intime, ku figura qendrore dalin lulevjeshta dhe dielli, që shfaqen që në titujt e cikleve.
Dashuria është një lajtmotiv i poezisë së Suzana Zisit. Këtë ndjenjë kaq të thellë dhe motiv të lashtë poetik autorja e këtij libri arrin ta trajtojë me një ndjeshmëri të hollë lirike e shprehje moderne poetike. Në disa nga vjershat më të bukura të librit, çfarë janë, fjala vjen, Në ëndrrën time, Fillim-fundi im, Pëshpërimë etj. ndjenja e dashurisë merr përmasa kozmike. Në lojën magjike të dashurisë hyjnë: dielli, qielli, yjet, retë, shiu
Është një valle, që ta kujton pak a shumë vallen eterike lasgushiane, por e luajtur ndryshe, me mjete të tjera e tingëllim të ri dhe në tjetër kohë gjithsesi.
Suzana Zisi është krijuese që e zotëron mirë ritmin, figurën, fjalën, rimën dhe ngjyrimin stilistik, predispozitë kjo pa të cilën askush sështë bërë poet në këtë botë. Është për tu përshëndetur gjithashtu fakti që elementet fundamentale të poezisë (rimën, ritmin, metaforën etj.) ajo i vë në shërbim të mendimit poetik. Fjala dhe ideja në vargun e saj janë në harmoni të plotë
Unë jam pëshpërimë,e stinës së ndezur.
Dehem duke pirë, honeve të trillit
Ndërsa ti i drojtur
.i derdh lulevjeshte,
Kupës së praruar me mushtin e pyllit
thuhet në vjershën Musht i lulevjeshtës, ndërsa vjersha Vjeshtë
Mëngjes hapet e mbyllet me vargjet:
Vjeshtë
Mëngjes
Pi të trishtën mjegull, në vend të kafesë
.
Muza poetike e Suzana Zisit ndërton mure marrëzie. Absurdi dhe rebelimi nuk janë të panjohura për të, por në aurën e saj mbizotërojnë dashuria dhe humanizmi. Poeti, sipas Suzanës, i ngjan një zogu fantastik që çukit simbole dhe ftillon metafora, duke mbështjellë gjithçka me rima e asociacione.
Zogjtë e malit çukisin simbole
Metaforat, ftillohen deteve me shkum
Tkurren vargjet, shkretëtirave të heshtjes,
Jam unë...
Të mbështjell me rima dhe asosiacione.
.Tretem
.e detit shkumë,
e qiellit, re
Ashtu e përgjakur, nderem mbi lëkurën tënde,
Dhe duke pëshpëritur: Je imi Diell
Fle
Një nga poezitë e librit në fjalë titullohet Ty që po më lexon tani
Është e qartë se poetesha jonë, si çdo krijues tjetër, dëshiron të komunikojë me lexuesin e saj hipotetik, me atë të cilit ia dedikon vargjet e saj dhe ia detyron frymëzimin. Me çiltërsi e modesti autorja shpreh dëshirën e saj që të krijojë një varg që shpirtin ta ngroh, me një ritëm që ti ngjajë lëkundjes së valëve; një varg që të përçojë dritë në shpirtin e njeriut e të gdhendë një varkëzë me emrin fjalë, për të përfunduar:
Dhe ti,
i ulur brenda saj,
Nëse do ndihesh i gëzuar,
Ëmbël do më pëshpërisësh:
Është shpirti yt, duhet lexuar
.
Është shpirti i poeteshës, që flet me afsh e mall. Është një pëshpërimë që duhet dëgjuar; një libër që duhet lexuar.
Prishtinë, dhjetor 2006
Agim Vinca
Denonco kėtė mesazh tek moderatorėt | IP: e regjistruar
|