trojani
Veteran ne forum
Regjistruar: 20/12/2003
Vendbanimi: danimarke
Mesazhe: 900
|
Kosova Shqiperia dhe miqte Islame
Po lexoja shtypin, dhe hasa ne kete artikull. Nuk po e kuptoj se pse kaq shume shqiptare vazhdojne ti bien daulles se islalmit. Tani qe ceshtja kosovare eshte shume delikate dhe do shume mbeshtetje dhe njohje prej gjithkujt. Te ashtequajturit vellezer myslimane kan vendosur te na kthejne shpinen.
A ka ndonje ekspert kendej nga forumi te na shpjegoje kete veprim te organinzates myslimane qe Sala na beri anetare pa pyet asnje?
Marre nga shekulli.
Peticioni për Kosovën niset drejt vendeve islame
ELTION HOXHA | 16/02/2009 | BIZNES | 0 KOMENTE | SHARE | - +
Një vit pas shpalljes së pavarësisë, vetëm 7 nga 60 vende të Konferencës Islamike e kanë njohur shtetin e ri
Mbi 50 mijë firma të mbledhura nga qytetarë të të gjitha feve, u nis dje drejt vendeve të Konferencës Islamike
Besimtarët myslimanë prezantuan në një ceremoni përmbyllëse peticionin e mbledhur me më shumë se 50 mijë firma, i cili iu dërgua Konferencës së Vendeve Islamike. Në peticionin e tyre, besimtarët myslimanë, por edhe qytetarë të besimeve të ndryshme, kërkojnë nga këto vende të njohin pavarësinë e Kosovës, një vit pasi ajo shpalli pavarësinë dhe sovranitetin e saj. "Ne duam të besojmë vetëm në përkohshmërinë e hezitimit e dyshimit, me të cilin mjaft vende anëtare të OKI-it e shohin ende këtë çështje", - tha në fjalën e tij imami i xhamisë "Dina Hoxha" në kryeqytet, Ahmed Kalaja. Ai njoftoi se peticioni origjinal, me më shumë se 50 mijë firma, do t'i dërgohet Sekretarit të Përgjithshëm të OKI-it, Ekmeledin Ihsanoglu dhe të gjithë vendeve anëtare, të cilat nuk e kanë njohur akoma pavarësinë e Kosovës. Një kopje e saj i është dërguar për dijeni Ministrisë sonë të Punëve të Jashtme dhe ambasadave të vendeve anëtare të OKI-t në Tiranë. Gjithçka nisi rreth një muaj më parë, kur disa besimtarë njoftuan se do të nisin të mbledhin firma në formën e një peticioni, ku kërkojnë nga vendet islame të njohin shtetin më të ri në botë. Tavolina me letra dhe stilolapsa janë vendosur gjatë këtyre javëve në oborret dhe dyert e xhamive, dhe përveç besimtarëve myslimanë, kanë hedhur firma në solidaritet të këtij akti edhe qytetarë të besimeve të tjera. "E falënderojmë zotin që na ka obliguar t'u ndihmojnë atyre që u është bërë e padrejtë", - tha në fjalën e tij imami Kalaja. Sipas tij, myslimanët janë qytetarë shqiptarë, që kontribuojnë për shoqërinë dhe vendin e tyre. "Si qytetarë të këtij vendi, ne u drejtohemi qytetarëve të një vendi tjetër, si një popull që i drejtohet një populli",- theksoi ai. "Kjo është një lëvizje krejt e veçantë, shumë çuditshme, por që bëhet në kohën e duhur dhe që na nderon",- u shpreh profesori i Shkencave Politike, Aleksandër Kocani, i pranishëm në ceremoninë përmbyllëse. Në fjalën e tij, ai tha se qytetarët e këtij vendi po marrin mbi supe disa detyrime që u takon niveleve të larta diplomatike. Sipas tij, klasa politike në Kosovë ka qenë apatike. "Vendet islame duhet të ishin ndër të parat në procesin e njohjes së Kosovës. Nëse këto vende e njohin pavarësinë, atëherë zgjidhet një çështje e madhe",- tha profesor Kocani. Gjatë kësaj jave, ministri i Punëve të Jashtme, Lulzim Basha, ishte për një vizitë zyrtare në Arabinë Saudite, ku një ndër temat kryesore ka qenë njohja e pavarësisë së Kosovës. Ky vend, së bashku me Egjiptin, kanë influencë të madhe në organizatë, por deri tani kanë refuzuar të njohin pavarësinë e Kosovës. Nga 60 vende anëtare të Organizatës së Konferencës Islamike, ku tre janë me statusin e vëzhguesit, vetëm shtatë vende, përfshi Shqipërinë, kanë njohur pavarësinë e Kosovës, pavarësi, e cila nesër mbush fiks një vit nga data e shpalljes.
__________________
Dite me te mira pasketaj vine
shkoi erresira
Denonco kėtė mesazh tek moderatorėt | IP: e regjistruar
|