Forumi Horizont Forumi Horizont > Tema Shoqėrore > Besimi Fetar > Feja krishtere > Krijimi - evolucioni
Gjithsej 7 faqe: « 1 2 3 [4] 5 6 7 »   Tema e mėparshme   Tema Tjetėr
Autori
Titulli Hap njė temė tė re    Pėrgjigju brenda kėsaj teme
BARIU
Anetar i regjistruar

Regjistruar: 14/07/2005
Vendbanimi: Shqiperi
Mesazhe: 145

Ka shume

Ka patur, ka dhe do te kete shume. Darvinizmi dhe evolucioni jane thjesht teori te paprovuara dhe si ato ka patur dhe ka shume.

http://www.answersingenesis.org/
Vetem ketu punojne me shume se 300 shkencetare por edhe te krishtere, hidhi nje sy punes se tyre.

Bariu

__________________
Vetëm Jezu Krishti të shpëton

Denonco kėtė mesazh tek moderatorėt | IP: e regjistruar

Mesazh i vjetėr 06 Shkurt 2014 10:11
BARIU nuk po viziton aktualisht forumin Kliko kėtu pėr Profilin Personal tė BARIU Kliko kėtu pėr tė kontaktuar me BARIU (me Mesazh Privat) Vizito faqen personale tė BARIU't! Kėrko mesazhe tė tjera nga: BARIU Shto BARIU nė listėn e injorimit Printo vetėm kėtė mesazh Shto BARIU nė listėn e monitorimit Ndrysho/Fshij Mesazhin Pėrgjigju Duke e Cituar
robert
Veteran ne forum

Regjistruar: 08/05/2010
Vendbanimi: Gjermani
Mesazhe: 871

Per Bariun: Sipas fjaleve te bariut ketu, mua me del nje problem: si e shpjegon ky bari, qe ka barinj te tjere te kishes, te cilet besojne ne Zot si dhe -njekohesisht- ne evolucionin e llojeve?
Nese me lejohet, po hedh ketu me poshte te ndare ne dy-tre pjese nje tregim timin te para disa vjeteve, me kete teme, jo aq i persosur artistikisht, sepse dhe vete tema eshte e tille.

__________________
Kush i ben qejfin vetes, eshte
budall!

Denonco kėtė mesazh tek moderatorėt | IP: e regjistruar

Mesazh i vjetėr 08 Shkurt 2014 13:47
robert nuk po viziton aktualisht forumin Kliko kėtu pėr Profilin Personal tė robert Kliko kėtu pėr tė kontaktuar me robert (me Mesazh Privat) Kėrko mesazhe tė tjera nga: robert Shto robert nė listėn e injorimit Printo vetėm kėtė mesazh Shto robert nė listėn e monitorimit Ndrysho/Fshij Mesazhin Pėrgjigju Duke e Cituar
robert
Veteran ne forum

Regjistruar: 08/05/2010
Vendbanimi: Gjermani
Mesazhe: 871

Evolucion apo jo

Tek po bëja pastrimin e shtëpisë me themel, gjeta një kasetë, që se ç’më kujtoi diçka. Ishte një ngjarje këtu e dhjetë vjetë të shkuara. Mund të kem qenë atëhere rreth dhjetë-njëmbëdhjetë vjeçe dhe, duke kujtuar se isha edhe e imët nga trupi, mund të dukesha edhe më e vogël në moshë; ndoshta aq e vogël, sa edhe atyre dy burrave të cilët u ulën pranë meje, nuk do u kem rënë në sy…
E pashë kasetën me përmallim dhe një tufë vizionesh të kaluara mu rikthyen përpara syve. Prindërit më kishin blerë atëhere një kasetofon të bukur me ngjyra, e biles, për gëzimin tim, ngjyrat e tij përziheshin në ngjyrat e një fustani të bukur veror që vishja asaj kohe. E merrja kasetofonin dhe shkoja gjithandej duke inçizuar. Pasi ulesha diku, e vija aparatin me ngjyra në prehër, duke i bashkuar ngjyrat e tij me ato të fustanit, dhe inçizoja gurgullimën e një prroi, inçizoja fërshfërimën e erës, inçizoja zhurmën e makinave, e ç’nuk inçizoja. Edhe zhurmën e një aeroplani në qiell nuk e lija pa e futur tek shiriti i kasetës së manjetofonit. Biles bleva edhe nja dy-tre kaseta të tjera, me sa mbaj mënd. Isha apasionuar aq shumë pas inçizimit të zhurmave sa, me tu kthyer nga shkolla, merrja manjetofonin e bukur dhe dilja për të inçizuar. Ai aparat më kishte bërë për vete…
Mirpo vitet kaluan dhe interesi i dikurshëm u zëvëndësua nga dëshira të tjera. Manjetofoni përfundoi gjysëm i prishur diku tek qoshja e lodrave të papërdorura, ndërsa kasetat u shkelën sa me këmbë, e disa u hodhën në plehra më duket. Bisedat dhe zhurmat e inçizuara nuk tërhiqnin më vëmëndjen time. Mirpo, një kasetë unë nuk e hodha. Mbaj mënd se atë kasetë unë e njihja, ndaj e vura mënjanë. Nuk e di pse veprova ashtu asaj kohe, ndoshta sepse tema e saj i përshtatej mësimeve që bënim në shkollë, apo diçka tjetër, nuk e di; sidoqoftë unë e ruajta atë kasetë. E vura diku dhe koha bëri që unë ta harroj dikur edhe atë. Mirpo, tek e gjeta sot padashur, mu mbush trupi me mornica nga emocionet. Unë kisha inçizuar ata dy burra në parkun e qytetit tonë dhe, ngaqë nuk e kuptoja përse ata kishin biseduar, mendova se kisha inçizuar diçka me rëndësi. Më dukej se ata dy burra kishin përdorur një gjuhë të përzier me fjalë të huaja, në mënyrë që mos ta kuptoja unë. Sepse ata erdhën dhe u ulën në stolin ku isha ulur edhe unë. Ata po flisnin, po po, ata vazhdonin dhe flisnin me njëri-tjetrin pa e patur vëmëndjen tek unë, tek vajza e imët në krah të tyre që kishte vendosur një kasetë të re në manjetofon dhe po inçizonte. E dukej se ata as nuk e vunë re aparatin mbi fustanin tim, që po i inçizonte…
E mora kasetën me kujdes dhe e vura në impiant për ta dëgjuar. Doja ta kujtoja edhe një herë atë moment të dikurshëm. Ndoshta tani, që isha mbi njëzet vjeç, mund të kuptoja diçka nga ajo bisedë e atëhershme. Shtypa butonin dhe u ula në kolltuk…
Kështu u ula asaj kohe në atë stolin e parkut, hodha sytë rreth e përqark, mprefa veshët pipëz për të dëgjuar nëse kishte diçka interesante dhe shtypa butonin e inçizimit. Diku më tej, në barin e jeshiltë luanin disa fëmijë të vegjël. Prapa kokës time cicëronin disa zogj. Nja dy plaka po kalonin përpara këmbëve të mia dhe se ç’po ankoheshin mbi një shoqen e tyre. Një grua e re po kalonte me karrocën e bebit të saj, dhe zhurma e rrotave të karrocës dëgjohej përbukuri. Ndërsa këmbët e dy burrave që po afroheshin nën shëtitjen e ngadaltë, nuk dëgjoheshin akoma. Mirpo zërat e tyre nisën të hynin në shiritin e zi të kasetës, pa u larguar mirë karrocja e bebes. Atë moment nuk e dija se ata do të qëndronin e të uleshin pranë meje, të humbur në bisedën e nisur kushedi sa minuta më parë. Njëri prej tyre duhet të ish mbi të gjashtëdhjetat, pra afërsisht sa gjyshi im, ndërsa tjetri duhet të ish tek të pesëdhjetat, pra më i ri.
Kaseta rrotullohej ngadalë në impiantin tim. Unë rrija e dëgjoja. Burri i vjetër dallohej për zërin e ëmbël, të folurën e ngadaltë, por edhe një zgjatje të fjalëve. Ndërsa ai më i riu fliste me ton pakëz më të lartë, por i kuptoheshin fjalët më mirë. -…jo,jo, flasim për thelbin e çështjes,… -…po,po, edhe kategoritë nuk e shmangin thelbin e çështjes…, dëgjoheshin kështu fjalët e para në shirit. Asaj kohe unë nuk e kuptoja përse të dy burrat flisnin, ndonëse shumë fjalë të tyre i kisha të qarta. Më së shumti isha e përqëndruar ta mbaja manjetofonin në një pozicion të tillë, që të mos më shpëtonte asnjë fjalë e tyre.
-Nuk e kuptoj me çfarë mund ta zevëndësosh krijimin e Gjithësisë nga Zoti!? -fliste burri i vjetër, ndërsa më i riu ia kthente: -Nuk është problemi i krijimit në radhë të parë! E lëmë krijimin e Gjithësisë nga Zoti, pikërisht sipas versionit biblik, po të duash!. Ky nuk është thelbi i çështjes që po diskutojmë! Problemi është: a ekziston apo jo evolucioni!?
-Dhe përderisa do të pranosh krijimin e Gjithësisë nga Zoti, përse të duhet evolucioni i dashur!? -fliste ai më i vjetri.
-Sepse pa evolucionin nuk ka vlerë asnjë teollogji! -ia kthente prerë ai më i riu.
-Nuk ju kuptoj!
-Të mos pranoni ndryshimin e gjithshkaje në këtë botë, është e kotë që flisni për përmisimin e njeriut! Është e kotë të predikoni për përmisimin e njeriut!
Unë zgjatja pak më tej aparatin tim në prehër, duke mos qenë e sigurtë akoma për cilësinë e inçizimit. Më i vjetri nuk foli njëherë. Pastaj, pasi ai ishte menduar duket, foli: -Ju më duket e ngatërroni evolucionin e llojeve me evolucionin e ideve! Tek Hegeli mund të shihni shumë qartë evolucionin e ideve. As unë nuk jam kundër!...
-A kuptoni se ç’po flisni i dashur!? -vazhdoi menjëherë ai më i riu, -Po flisni si një nxënës i klasës së katërt!.. Pas ideve përfshihet gjithë ajo veprimtari e njeriut, duke filluar qysh nga lëvizjet më rutinore të përditshme e deri tek revolucionet! Të gjitha këto sjellin ndryshimin e gjymtyrve të njeriut. Dallohet qartë, se nga veprimtaria e përditshme gruaja nuk ka muskuj si burri, ndaj edhe mërdhin më shumë, basketbollisti është më i gjatë sepse luan basketboll, ata dy pleqtë atje që po luajnë me letra dhe bëjnë pak lëvizje, kanë patjetër një gjoks femre pa muskuj, e kushedi sa miliona shembuj kemi rreth e rrotull.
Unë hidhja sytë rreth e rrotull pa kuptuar asgjë. Nga një anë kuptoja diçka, e nga ana tjetër nuk kuptoja gjë. Megjithatë, kujdesi për të inçizuar çdo fjalë të tyre ishte permanent. Plaku nuk foli menjëherë as kësaj here.
-E megjithë këto ndryshime për shkak të aktivitetit të përditshëm, njeriu ka mbetur ashtu siç e ka krijuar Zoti!
-Kjo quhet vetgënjim! E si mund të mbyllësh sytë përpara zbulimeve arkeollogjike të skeleteve të ndryshëm!? Kemi kormografi të ndryshme kafkash, kemi gjatësi jo të njëjtë kockash. Ku janë tani këto lloje të dikurshme? Ato specie duhet të ekzistonin akoma sot, nëse do ti kish krijuar Zoti sipas versionit biblik!
Plaku nuk foli menjëherë edhe kësaj here. Unë prisja e ngrirë që shiriti të regjistronte gjithshka. -A nuk mendoni se ky evolucioni juaj i heq botës dhe ideve qëllimin e jetës? Kësaj radhe ishte burri i ri që u mendua pak. -Jo, jo, përkundrazi, ky evolucion i jep një kuptim jetës së njeriut. Mendoni sa pa kuptim do të ishte jeta sikur të mos kishte ndryshimin dhe evolimin! Në këtë rast, ideja dhe veprimtaria e njeriut nuk do të kishte vlerë, pra as predikimi yt!
-Nuk ju kuptoj!
Pas kësaj kaluan disa sekonda, para se burri i ri të fliste.

__________________
Kush i ben qejfin vetes, eshte
budall!

Denonco kėtė mesazh tek moderatorėt | IP: e regjistruar

Mesazh i vjetėr 08 Shkurt 2014 13:48
robert nuk po viziton aktualisht forumin Kliko kėtu pėr Profilin Personal tė robert Kliko kėtu pėr tė kontaktuar me robert (me Mesazh Privat) Kėrko mesazhe tė tjera nga: robert Shto robert nė listėn e injorimit Printo vetėm kėtė mesazh Shto robert nė listėn e monitorimit Ndrysho/Fshij Mesazhin Pėrgjigju Duke e Cituar
robert
Veteran ne forum

Regjistruar: 08/05/2010
Vendbanimi: Gjermani
Mesazhe: 871

-Unë nuk mund ta imagjinoj që një hajdut apo kriminel të kenë të njëjtën paraqitje si të një njeriu të mirë!
-Këtë nuk e pres as unë! Por, ndryshimi i fizionomisë së fytyrës nuk do të thotë ndryshim gjymtyrësh!
-E pse jo!? A nuk është ndryshim gjymtyrësh gjithë kjo shumllojshmëri fytyrash që shohim rreth e qark!?.
Më kujtohet që burri i vjetër buzëqeshi në këtë rast. Unë mund ta shikoja atë, sepse fytyra e tij ishte e drejtuar nga unë. Ndërsa ai i riu më kishte kthyer kurrizin; pa atë intonacion të lartë zëri që kish, magnjetofoni im nuk do të arrinte ta inçizonte.
-E megjithë këto ndryshime në fytyrë dhe në gjatësi, jemi prej dhjetra mijra vjetësh, për t’mos thënë qindra mijra vjetësh, po ajo specie e dallueshme nga specia më e ngjashme e jona, majmuni. A nuk tregon kjo krijimin tonë sipas një koncepti biblik? Apo të paktën, sipas një ideje universale?
-Mundet, -vazhdoi ai më i riu, -…mundet, … mendoj se kjo është e bukura e jetës! Ne jemi akoma në fillim të vrojtimeve dhe koncepteve tona. Nuk kemi vetëm se disa mijra vjet që vrojtojmë dhe formojmë konceptet mbi jetën dhe botën që na rrethon!
-E ndoshta këto koncepte na janë dhënë qysh në krijimin tonë! -u dëgjua zëri i më të vjetrit.
-Kjo dhënie konceptesh është përsëri diçka e paqartë dhe jo e sigurtë. Në historinë tonë kemi patur disa raste kur një foshnje njerëzore është rritur nga prindër kafshësh, si ulkonja përshëmbull. Në këto raste ky fëmijë vetëm ka uluritur dhe është sjellë si një ujk. Ku janë konceptet e dhëna tek ky njeri?
-Ndoshta konceptet kanë qenë aty në trurin e tij, përderisa pas pak vjetësh ky njeri është përshatur në shoqërinë njerëzore!?.
-Edhe ju thoni „ndoshta“! Dhe me të drejtë! Sepse ne nuk kemi përse ti japim të drejtë vetes sikur i dimë të gjitha! Ndoshta ne jemi produkt i asaj ideje universale të Krijuesit, por ndoshta jemi një rastësi në këtë Univers!.. Ndonëse koncepti i rastësisë është në të njëjtën kohë i pakuptueshëm për trurin tonë, sepse vetë rastësia në vetvete nuk lë vend për tu analizuar.
-Atëhere duket se ju afroheni në domosdoshmërinë t i m e! Kjo domosdoshmëri e pashkëputur në të gjitha analizat e trurit tonë, e vrojtuar gjatë gjithë jetës në çdo aktivitet shoqëror apo fenomen natyror, pra kjo domosdoshmëri e prezantuar si ligj natyror a nuk tregon se edhe jeta dhe gjithë aktiviteti në Univers e ka një shkak!?.
-As që mund ta kundërshtoj dot! -u dëgjua zëri i lartë i më të riut. -Mundet që pas çdo fenomeni natyror dhe shoqëror të jetë shtysa e asaj ideje Universale hegeliane!... Por ne nuk mund ti lejojmë vetes ta identifikojmë cilëndo veprimtari shoqërore si program të idesë së Zotit që predikoni! Në këtë rast ju jo vetëm çvlerësoni llogjikën dhe punën e njeriut, por ju çvlerësoni edhe punën e Krijuesit tuaj, Zotit!..
-Si, në ç‘kuptim?... -u hodh ai më i vjetri.
-Përderisa e keni vënë njeriun në punën krijuese të Zotit, atëhere i kini vënë edhe një qëllim asaj pune të këtij Krijuesi! Ky Zot krijues ka një qëllim në punën e Tij, … të paktën sipas llogjikës tonë njerëzore, apo jo!?. Burri i vjetër tundte kokën dhe dëgjonte. -Dhe të marrim vetëm qëllimin minimal, pra thjesht ekzistencën e jetës në Univers, a nuk kërkon kjo një ligjësi të caktuar?!. Në të kundërt do të kishim anarshinë që nuk garanton jetën, por gllabërimin e më të dobtit nga më i forti.
-Dhe ku doni të dilni? Ai më i riu nuk foli menjëherë por duke mërmëritur diçka, nisi me ngadalë: -Kjo,… kjo është e kuptueshme! Përderisa pa domosdoshmërinë do të ishte gjithshka pa kuptim, përderisa shohim se gjithshka kalon në kuadrin e shkak-pasojës, i bie që Zoti nuk luan njërën dorë të Tij thjesht për të lëvizur dorën tjetër, sepse kjo do të ishte pa kuptim për ‘Të, por ai ka lënë qëniet jetësore dhe trupat në Univers të lëvizin brënda dhe në bazë të disa ligjësive, të cilat ne sapo po i zbulojmë. Pra, jemi vetë ne shkaktarët dhe pasuesit e veprimeve tona…
-Ëëmm… -u duk sikur do të thoshte diçka burri më i vjetër. Mirpo i riu vazhdoi me zërin e tij të lartë.
-Po, po, ne jemi vetë ata që vendosim për veprimet tona dhe për zhvillimin tonë. Vetëm kështu ne mund ta nderojmë dhe adhurojmë atë Zot që ju predikoni. Nëse veprimet tona do të vareshin të gjitha nga Zoti, për ç’nderim dhe adhurim ndaj Zotit flisni pastaj?!. A nuk ka të bëjë ky nderim, respekt dhe adhurim për Zotin me një veprim të llogjikës tonë? Po të mos e pranoni këtë, atëhere është e kotë që flisni për adhurimin e Zotit!

__________________
Kush i ben qejfin vetes, eshte
budall!

Denonco kėtė mesazh tek moderatorėt | IP: e regjistruar

Mesazh i vjetėr 08 Shkurt 2014 13:50
robert nuk po viziton aktualisht forumin Kliko kėtu pėr Profilin Personal tė robert Kliko kėtu pėr tė kontaktuar me robert (me Mesazh Privat) Kėrko mesazhe tė tjera nga: robert Shto robert nė listėn e injorimit Printo vetėm kėtė mesazh Shto robert nė listėn e monitorimit Ndrysho/Fshij Mesazhin Pėrgjigju Duke e Cituar
robert
Veteran ne forum

Regjistruar: 08/05/2010
Vendbanimi: Gjermani
Mesazhe: 871

Pas këtyre fjalëve pasoi një heshtje e gjatë. Më kujtohet që unë rrija pa lëvizur, duke mbajtur manjetofonin në prehër, për të mos lënë asnjë fjalë të më shpëtonte. Asaj kohe unë nuk kisha kuptuar gjë, por tani po kuptoja diçka. Biseda e dëgjuar për së dyti po më dukej interesante. Pas pak u dëgjua zëri i dobët i atij më të vjetrit.
-Llogjika juaj duket interesante, … ndoshta keni të drejtë në atë që thoni, … por, … por, për sa i përket evolucionit të gjymtyrëve, pra krijimit të specieve të ndryshme, ju nuk … nuk e di ku i kini argumentet! Përsëri pasoi një heshtje, por jo gjatë. Më i riu nisi të flasë me ngadalë.
-Po të pranoni shkak-pasojën, nuk do të mbyllni sytë përpara fakteve që biologët e antropologët kanë sjellë mbi evolucionin e llojeve! Dhe po nuk pranuat faktet, është e kotë të flasim!
-Nuk e kuptoj, përse duhet të humbte Zoti kaq shumë kohë me evolucionin e llojeve, me gjith‘ këtë zinxhir të gjatë gjallorësh, për të ardhur deri tek njeriu?!.
Burri i ri qeshi pakëz. Ai lëvizi pak nga vendi, ndërsa unë bëra sikur nuk e kisha mëndjen tek ata. Me duar kisha mbuluar tastaturën e shtypur të inçizimit. Edhe po të hidhnin sytë nga manjetofoni im shumë-ngjyrësh, shpresoja mos tu binte në sy inçizimi i që po u bëja.
-Interesant me pyetjen tuaj! Në fakt, përgjigjen e kësaj pyetje duhet ta kërkonit në pozicionin tuaj!... Pas një lëvizje tjetër të trupit, ai më i riu vazhdoi: -Sidoqoftë, unë do t’ju përgjigjem me kënaqësi për këtë gjë! Ai kapi hundën e tij me dorë, (çudi si nuk e kisha harruar këtë veprim të tij!), dhe duke ngrejtur sytë nga parku, vazhdoi: -Unë e konceptoj atë Krijues apo Zot, siç i thoni ju, në një tjetër formë dhe shfaqje nga ajo që e konceptoni dhe përshkruani ju. Mendoj se koha ka vlerë për ne gjallorët e vdekshëm. Mendoni për një moment, që disa lloj insektesh jetojnë vetëm për pak minuta apo për pak orë. Dhe mendoni se jeta jonë njerëzore ësht‘ po ashtu shumë e shkurtër në krahasim me atë të planeteve dhe diejve, të cilët nuk i dallojmë si qënie gjallore, por përderisa ato kanë një energji lidhëse midis tyre, në ndryshim të përhershëm derisa të vdesin, i konsiderojmë për një moment si qënie të caktuara gjallese. Tani, po të besoni, apo të supozoni, apo pse jo, edhe të zbuloni, që kjo energji lidhëse është jeta e tyre, pas të cilës shohim ose nuk shohim një Zot, pranojmë ose jo një Zot, a nuk mund ta kuptoni se kjo kohë evolucioni e deri-tanishme nuk është veçse një pikë uji në oqean në krahasim me atë që ky Univers ka përpara dhe pas këtij momenti që ne po flasim?!. A e kuptoni që këto ide ku ka arritur deri tani njeriu nuk mund të jenë idetë e fundit të tij!?.
Më i vjetri pshehrëtiu njëherë thellë. Manjetofini im i kish inçizuar të gjitha qartë.
-E çmund të ketë pas idesë mbi Krijuesin? Njeriu ka mijra vjet në këtë ide!
-Duhet ta kuptoni që ideja mbi Krijuesin ka ndryshuar deri në kohën e sotme. Të paktën në skemën biblike të krijimit të Gjithësisë dhe Globit tonë besojnë vetëm pak njerëz sot…
-Duhet ta kuptosh se ajo skemë krijuese e Biblës është thjesht formë e përshtatur ideve dhe koncepteve të atëhershme të njeriut, kur është shkruajtur ai kapitull. Por ne pranojmë sot pa diskutim një tjetër formë krijimi.
-Në rregull, sepse kundër fakteve shkencore nuk mund të dilni, siç the. Por nuk flasim vetëm për formën e krijimit, të cilën më së shumti e lidhin me kohë-zgjatjen dhe masën e kësaj materie, një formë e pranuar bie fjala është Big-Bengu i Lemetrit.
Burri më i ri pushoi pak sekonda dhe vazhdoi përsëri. -Për mendimin tim, thelbi i çështjes nuk qëndron tek pranimi apo jo i kësaj teorie, … në fund të fundit unë kam shumë rezerva për ‘të, me një fjalë më duket një pesë me hiç, më duket mëse jo-reale, mëse naive dhe jo-llogjike. Problemi qëndron në atë, se ne njerzit kemi pretenduar gjithnjë të kemi zbuluar gjithshka, si ju fetarët shabllonistë, nëse më lejon t’ju quaj për një moment kështu, ashtu edhe ateistët e thatë, nëse e pranojmë për një moment këtë cilësim për ‘ta. Mirpo, ajo mistikë e fshehur pas krijimit, shtytjes dhe rishtytjes së materies, vdekjes së qënieve të gjalla dhe shumë trupave të tjerë matërialë, kjo mistikë e konfonduar para dy shekujsh nën termin „perpendum mobile“, është shumë më e thellë më duket mua nga konceptet e deritanishme. Ne mund ta quajmë Zot, mund ta quajmë Big-Beng, mund ta quajmë Jetë dhe si të duam, por kjo për aq sa na ndihmon të studjojmë më tej dhe, kështu, ti afrohemi këtij misteri, me një fjalë të zbulojmë përherë e më shumë si lëviz dhe jeton ky Univers me trupat e tij, cila është rruga e tij dhe cili është shkaku i kësaj lëvizje, nëse vërtet ka një shkak, nëse vërtet rastësia ka një ligjësi!
-Po pikërisht këtë përpiqet ta shpjegojë teollogjia jonë…
-Pikërisht teollogjia juaj bazohet në përvojën e deri-atëhershme kur është shkruajtur. Ndërsa kërkimi i njeriut ka ecur më tej. Mësimet e deritanishme teollogjike janë si ai kapaku i një tenxhereje që është rritur e është rritur, ndërsa ai kapak ka ndenjur në atë madhësi të dikurshme, ndaj edhe nuk i përshtatet më tenxheres së rritur.
-Më duket se ne nuk jemi krejt kundër shkencës! Apo i pëlqen shkencës të kryejë tani rolin e një teologu mesjetar, për shkakun e vetëm se nuk po bën më tej në gjetjen e atij shkaku pa shkak të lëvizjes së materies?!.
-Hëm, -qeshi pakëz me sarkazëm burri më i ri, -në këtë të jap të drejtë, dhe jo vetëm sepse shkarazi bët‘ një autokritikë për të kaluarën tuaj, por sepse kuptimi i asaj të kaluare duhet t’ju bëjë të kuptoni edhe raportin e të tashmes tuaj me të ardhmen. Edhe burri më i vjetër nënqeshi pak, ndërsa ai më i riu vazhdoi. -Shkencëtarët e sotëm janë bërë vërtet si teologët e dikurshëm, dhe kjo falë atij priftit shkencëtar, Lemetrit me Big-Bengun e tij, dhe ndoshta edhe Ajnshtajnit që bëri sikur e anashkaloi shkakun e lëvizjes, në një kohë që nuk mundi ti ndahej pikërisht këtij shkaku, duke pretenduar ta shpërndante atë tek pikat e ndryshme të referimit, në fakt e absolutoi në mistiken e papërmendur.
-Ndonëse nuk ju kuptova tërësisht, diçka e kuptova nga ju. Ju jeni dakort për këtë ngecje të shkencës sot! Dhe nëse jeni dakort për këtë ngecje, duhet të ktheheni mbrapsh të shikoni ku keni bërë gabimin, apo jo? -fliste zëri i ngadaltë i më të vjetrit.
-Kjo është mëse normale…
-Atëhere, pse nuk e kërkoni gabimin edhe tek evolucioni i juaj i llojeve?
-Sepse evolucioni është mëse i provuar. Është diçka që ndodh çdo ditë, dhe ne e shohim atë me sytë tanë…
-Atëhere pse nuk po ndryshon njeriu sot? E kam fjalën për këto mijra vitet e fundit?

__________________
Kush i ben qejfin vetes, eshte
budall!

Denonco kėtė mesazh tek moderatorėt | IP: e regjistruar

Mesazh i vjetėr 08 Shkurt 2014 13:51
robert nuk po viziton aktualisht forumin Kliko kėtu pėr Profilin Personal tė robert Kliko kėtu pėr tė kontaktuar me robert (me Mesazh Privat) Kėrko mesazhe tė tjera nga: robert Shto robert nė listėn e injorimit Printo vetėm kėtė mesazh Shto robert nė listėn e monitorimit Ndrysho/Fshij Mesazhin Pėrgjigju Duke e Cituar
robert
Veteran ne forum

Regjistruar: 08/05/2010
Vendbanimi: Gjermani
Mesazhe: 871

-Njeriu ndryshon çdo ditë sipas kushteve ku kryen veprimtarinë e përditshme, por ndryshimi i gjymtyrëve të tij dallohet vetëm pas dhjetra, qindra dhe mijra vjetësh; ashtu siç kemi të dalluar disa specie të kaluara si floriosi në Indonezi, apo pigmenët e sotëm në Afrikën jugore, apo Neandertalin me kafkë më të madhe nga kjo e sotmja, apo homonidët e ndryshëm para austrolapitekut. Faktet nuk mund të mohohen! Biles, po të flasim në gjuhën tuaj, vetë Zoti na i ka ruajtur këto fakte, që të kuptojmë se rruga dhe qëllimi që Ai i ka zgjedhur të gjitha qënieve në evolim, është e gjatë dhe komplekse! Dhe kushedi, Ai i ka përcaktuar qënieve këtë rrugë në mënyrë që ato mos ta urrejnë jetën, por ta duan edhe më shumë, sepse vetëm zbulimi i vazhdueshëm i jep një kuptim jetës! ǒfarë kuptimi do të kish jeta po të ishin zbuluar të gjitha?! Apo, po të ish zbuluar Zoti?!
-Por, edhe tallje me njeriun Zoti nuk bën! Ai nuk do të luajë me njeriun pa hesap dhe pa fund!
-Përkundrazi, nëpërmjet këtij ndryshimi dhe evolimi, -si gjithnjë, të flasim me fjalët tuaja-, Zoti i ka përcaktuar njeriut një rrugë kuptimi, i ka përcaktuar një dallim nga e kaluara dhe nga ai tjetri, pra dallim në kohë dhe në hapsirë, përndryshe nuk do të kishte fërkim, nuk do të kishte as lëvizje.
-Dhe ti mendon se Zoti e ka përcaktuar evolucionin si rrugë në këtë Universin tonë?
-Po ta kuptojmë Zotin në një formë dhe ide më ndryshe nga ajo që paraqet teollogjia juaj, do të thoja: po. Sepse vetëm në këtë mënyrë Zoti i jep njeriut vetë në dorë ta kuptojë ai rrugën e tij të dashurisë, paqes dhe mirqënies. Nëse Zoti do t’ia jepte njeriut të gatshme idetë, dhe njeriu ta kishte krejt të qartë këtë, ky njeri nuk do të gëzohej aspak për rrugën e ndjekur, nuk do të gëzohej sepse kjo rrugë i është shtruar atij e gatshme nga Ajo Qënia Qiellore që e quajmë Zot.
-Nuk e kuptoj ku i kini provat për këtë teori kaq të këndshme?
-Kjo teori është e këndshme, për vetë faktin se nuk ka prova. Kjo ngelet hipoteza më e llogjikshme përpara kushtit të domosdoshmërisë dhe faktit të njohur të shkak-pasojës. Duke patur para syve edhe gjithë këtë shumllojshmëri të përafërta llojesh që ka kaluar jeta e gjallesave, ngelet automatikisht pranimi i teorisë dhe faktit të evolucionit; evolucionit të gjuhës, ideve, fesë, jetës, gjymtyrëve, fizionomisë, kulturës e t’jer‘. Është vetë Ai Zoti juaj që i ka lënë gjallesave rrugën evolutive nëpërmjet fërkimit dhe përplasjes!...
Për një moment shiriti i manjetofonit vazhdonte pa fjalë. Këtë moment unë nuk e kujtoja, e ndoshta kjo ngaqë nuk isha brënda thelbit të bisedës së dy burrave aty pranë.
-Çudi, çudi, -u dëgjua zëri i dobët i më të vjetrit. -I bie që përplasja na e çoka shoqërinë dhe njeriun përpara!.. Atëhere kot që predikojmë për dashurinë njerëzore! Për dashurinë që njerëzit duhet të ushqejnë për njëri-tjetrin!
-Pse… Mirpo zëri i më të riut u ndërpre nga ai i më të vjetrit, -vërtet, përse do ta krijonte Zoti këtë ndjenjë të bukur!? Do të mjaftonte fërkimi dhe përplasja për të realizuar rrugën evolutive!.. Në manjetofon u dëgjua një nënqeshje e lehtë e burrit më të ri.
-Dashuria … hëm, është vërtet një nga misteret më të mëdha të këtij Universi!... Nuk e di, vërtet nuk e di nga vjen kjo ndjenjë, … sidoqoftë, diçka është tepër e dallueshme. Edhe kjo ndjenjë, apo energji, sido ta quajmë, ekziston në konceptin dualist të të kundërtave…
-Hëm..
-Po, po, si me të gjitha subjektet dhe nocionet tona. Kot nuk thotë edhe filozofia popullore: „pa të mirë nuk ka të keqe dhe pa të keqe nuk ka të mirë!“ Kështu edhe me dashurinë, përballë saj rri urrejtja … dhe, pikërisht, këto dualizma me fushat e tyre të ndërmjetme janë autonome në veprimtarinë e tyre.Më kuptoni ç’farë dua të them me: autonome! Veprimtaria e tyre lëviz brënda ligjeve ekzistuese, por nuk rregullohet në të gjitha hollësitë dhe çdo çast prej dorës qiellore, pamvarësisht se mund të ketë qenë kjo dorë qiellore që i ka krijuar.
Kësaj radhe zëri i më të vjetrit nuk vonoi. -Meqë i ditkeni të gjitha, na thoni përse Zoti i krijoi gjërat dhe i la pastaj në rrugën e tyre të evolimit!? Për të parë në cilat rrugë do të eci jeta? Për të mësuar Ai vetë nga kjo rrugë e panjohur?
U dëgjua pas kësaj një nënqeshje e lehtë e më të riut.
-Pyetja juaj është interesante dhe patjetër do të jetë bërë qysh në kohë të Njutonit. Sikur të lëviznim pak, si mendoni?...
-Po, po, lëvizim… Zhurma e ngritjes u dëgjua në shiritin tim. Po ashtu edhe zëri i atij më të riut. -Ndoshta ajo Ide Absolute apo Zot, siç quhet në gjuhën popullore, mund të ketë përcaktuar vetëm ligjet kryesore në të cilat do të eci jeta e kësaj materie dhe energjie të Universit. Biles mund t’ju sjell një fakt interesant nga të rejat e mekanikës kuantike…
Fjalët e fundit mezi arrita ti kap me veshin tim, sepse zërat e dy burrave të larguar ishin tepër të dobët. Biles hapat e tyre dëgjoheshin më mirë se sa zërat e tyre. Mirpo unë nuk i kisha ndjekur nga mbrapa, sepse asaj kohe nuk e dija përse ata po bisedonin. Ndërsa tani më vinte keq që nuk i kisha ndjekur edhe pak me manjetofonin tim. Biseda e tyre më kish pëlqyer. Po rrija e ulur në kolltuk dhe po sillja në mënd atë moment të dikurshëm. Kisha dalë edhe ditë të tjera nga parku me manjetofonin tim, por ata dy burra nuk i pashë më. Po kushedi, thashë, ndoshta ata dy burra, që tani duhet të ishin edhe nga dhjetë vjet më të vjetër të paktën, mund të dilnin më shpesh nga parku!? Sa gjë e bukur do të ishte ti takoja e tu tregoja kasetën e inçizuar!.. Ah, budallaqe, mendova, ata duhet të kenë bërë me njëri-tjetrin edhe dhjetra biseda mbi evolucionin dhe gjithshka tjetër. Patjetër, emocionet e bisedës dhe inçizimit ishin vetëm të miat. Ata, thjesht vetëm do t‘ më falenderonin me mirsjellje dhe do t’ma linin sërish kasetën në dorë. Sidoqoftë, ngulmova me mëndje duke u ngritur dhe vënë kasetën në një sirtar, po të qëllonte që unë ti shihja sërish ata të dy, do t’ua tregoja inçizimin e dikurshëm, ... e pse jo, po të ishin duke debatuar sërish, të merrja manjetofon e vjetër e ti inçizoja përsëri. Ha, qesha me naivitetin tim fëminor.

__________________
Kush i ben qejfin vetes, eshte
budall!

Denonco kėtė mesazh tek moderatorėt | IP: e regjistruar

Mesazh i vjetėr 08 Shkurt 2014 13:53
robert nuk po viziton aktualisht forumin Kliko kėtu pėr Profilin Personal tė robert Kliko kėtu pėr tė kontaktuar me robert (me Mesazh Privat) Kėrko mesazhe tė tjera nga: robert Shto robert nė listėn e injorimit Printo vetėm kėtė mesazh Shto robert nė listėn e monitorimit Ndrysho/Fshij Mesazhin Pėrgjigju Duke e Cituar
AngelDevil
Shejtone

Regjistruar: 02/05/2009
Vendbanimi:
Mesazhe: 14611

Se di pse ky roberti me kujton raimondin por pa pika

__________________
.

Denonco kėtė mesazh tek moderatorėt | IP: e regjistruar

Mesazh i vjetėr 08 Shkurt 2014 19:09
AngelDevil  nuk po viziton aktualisht forumin Kliko kėtu pėr Profilin Personal tė AngelDevil Kliko kėtu pėr tė kontaktuar me AngelDevil  (me Mesazh Privat) Kėrko mesazhe tė tjera nga: AngelDevil Shto AngelDevil  nė listėn e injorimit Printo vetėm kėtė mesazh Shto AngelDevil  nė listėn e monitorimit Ndrysho/Fshij Mesazhin Pėrgjigju Duke e Cituar
BARIU
Anetar i regjistruar

Regjistruar: 14/07/2005
Vendbanimi: Shqiperi
Mesazhe: 145

Pikepamje Biblike

I nderuar Robert
Faleminderit per shkrimet e tua
Ne te vertete une dhe te tjeret si une po ndajme ate qe eshte pikepamja Biblike per modelin e krijimit dhe provat shkencore qe jane per te. Sigurisht qe Bibla ka per qellim baze te tregoje per shpetimin e Perendise nga mekati me ane te Krishtit ne kryq dhe ringjalljen e tij dhe jo te jete nje liber shkencor.
Mund te kete barinj qe besojne gjera te tjera, ne teresine e tij, Krishterimi ka besuar dhe beson ne zbulesen e Shkrimeve te Shenjta dhe jo ne opinionet njerezore per cdo ceshtje madhore edhe per krijimiin.

Te uroj shendet
Bariu

__________________
Vetëm Jezu Krishti të shpëton

Denonco kėtė mesazh tek moderatorėt | IP: e regjistruar

Mesazh i vjetėr 12 Shkurt 2014 10:32
BARIU nuk po viziton aktualisht forumin Kliko kėtu pėr Profilin Personal tė BARIU Kliko kėtu pėr tė kontaktuar me BARIU (me Mesazh Privat) Vizito faqen personale tė BARIU't! Kėrko mesazhe tė tjera nga: BARIU Shto BARIU nė listėn e injorimit Printo vetėm kėtė mesazh Shto BARIU nė listėn e monitorimit Ndrysho/Fshij Mesazhin Pėrgjigju Duke e Cituar
robert
Veteran ne forum

Regjistruar: 08/05/2010
Vendbanimi: Gjermani
Mesazhe: 871

Per Bariun: Shrimet e shenjta? Po ato jane shume! Dhe me mjaft kontradikta midis tyre! A nuk tregon kjo se ato jane nga mendja e njeriut?! Apo mjafton vetem sjellja e mire dhe kaq dashamirse e jotja, qe une (apo tjetri dhe tjetri) te besojme symbyllazi predikimin tend (e te tjerve fetare), dhe te mos pranojme evolucionin qe ndodh para syve tane, pikerisht nga ai shkak qe jepet dhe predikimi fetar, NDRYSHIMI, i cili vjen si pasoje e ligjit universal shkak-pasoje, veprim-kunderveprim, i pranuar edhe Bibla dhe Kurani, dhe i cili shkakton nder shekuj dhe mijravjecare edhendryshimin e llojeve, qe ndryshe quhet EVOLUCION?!.

Per AngelDevil: me duket se keto kujtimet u bene si ato kujtimet e xhaxhit Enver, per te cilat nuk guxonte njeri mos ti duartrokiste.

__________________
Kush i ben qejfin vetes, eshte
budall!

Denonco kėtė mesazh tek moderatorėt | IP: e regjistruar

Mesazh i vjetėr 16 Shkurt 2014 12:12
robert nuk po viziton aktualisht forumin Kliko kėtu pėr Profilin Personal tė robert Kliko kėtu pėr tė kontaktuar me robert (me Mesazh Privat) Kėrko mesazhe tė tjera nga: robert Shto robert nė listėn e injorimit Printo vetėm kėtė mesazh Shto robert nė listėn e monitorimit Ndrysho/Fshij Mesazhin Pėrgjigju Duke e Cituar
BARIU
Anetar i regjistruar

Regjistruar: 14/07/2005
Vendbanimi: Shqiperi
Mesazhe: 145

Jashte teme

Robert
Cfare po thua eshte goxha jashte teme. Per pyetjet e tua, ka tema ne kete forum dhe mund te lexosh me shume. Une e bera te qarte qe jam i krishtere dhe po flas per ate qe thote Bibla, ato jane shkrimet e shenjta per te krishteret.
http://pergjigje.org/bibla/ ketu ka informacion per shkrimet e shenjta per te krishteret.

Nese ke argumenta per cfare eshte thene per modelin e krijimit dhe teorine e evolucionit me siper, je i mirepritur qe ti sjellesh.

Une e besoj ate qe Bibla thote: Se ka nje Perendi, krijues i universit, se te gjithe jemi mekatare, paga e mekatit eshte vdekja, Jezu Krishti ka vdekur ne kryq dhe eshte ringjallur per t'i dhene cilitdo qe beson ne te faljen e mekateve dhe jeten e perjetshme me Te. Eshte kjo mardhenie personale me Krishtin e gjalle qe ka ndryshuar jeten time dhe te miliona te tjereve sot por edhe ne histori. Pra jo demagogji boshe, por po flas per nje mardhenie te vertete, jetendryshuese. Ne cdo fushe te jetes ne bote, ka njerez qe kane nje mardhenie e tille.
Une shpresoj qe duke i njohur shkrimet dhe besuar ato edhe ti te kesh kete mardhenie me Krishtin e gjalle dhe jeten e perjetshme me te.

Gjithe te mirat
Bariu

__________________
Vetëm Jezu Krishti të shpëton

Denonco kėtė mesazh tek moderatorėt | IP: e regjistruar

Mesazh i vjetėr 20 Shkurt 2014 15:14
BARIU nuk po viziton aktualisht forumin Kliko kėtu pėr Profilin Personal tė BARIU Kliko kėtu pėr tė kontaktuar me BARIU (me Mesazh Privat) Vizito faqen personale tė BARIU't! Kėrko mesazhe tė tjera nga: BARIU Shto BARIU nė listėn e injorimit Printo vetėm kėtė mesazh Shto BARIU nė listėn e monitorimit Ndrysho/Fshij Mesazhin Pėrgjigju Duke e Cituar
Ora tani: 21:24 Hap njė temė tė re    Pėrgjigju brenda kėsaj teme
Gjithsej 7 faqe: « 1 2 3 [4] 5 6 7 »   Tema e mėparshme   Tema Tjetėr

Forumi Horizont Forumi Horizont > Tema Shoqėrore > Besimi Fetar > Feja krishtere > Krijimi - evolucioni

Pėrgatit Kėtė Faqe Pėr Printim | Dėrgoje Me Email | Abonohu Nė Kėtė Temė

Vlerėso kėtė temė:

Mundėsitė e Nėn-Forumit:
Nuk mund tė hapni tema
Nuk mund ti pėrgjigjeni temave
Nuk mund tė bashkangjisni file
Nuk mund tė modifikoni mesazhin tuaj
Kodet HTML lejohen
Kodet speciale lejohen
Ikonat lejohen
Kodet [IMG] lejohen
 

 

Kliko pėr tu larguar nese je identifikuar
Powered by: vBulletin © Jelsoft Enterprises Limited.
Materialet qė gjenden tek Forumi Horizont janė kontribut i vizitorėve. Jeni tė lutur tė mos i kopjoni por ti bėni link adresėn ku ndodhen.