Forumi Horizont Forumi Horizont > Shkenca > Mjekėsia > Sherbimi mjeksor ne Shqiperi
Gjithsej 8 faqe: « 1 [2] 3 4 5 6 7 8 »   Tema e mėparshme   Tema Tjetėr
Autori
Titulli Hap njė temė tė re    Pėrgjigju brenda kėsaj teme
shelgu
-

Regjistruar: 27/11/2007
Vendbanimi: EU
Mesazhe: 8928

Citim:
Po citoj ato që tha AmonAmarth


Eshte e vertete qe duhen leke .......... po edhe ti japesh 2000 $ ne muaj nje doktori ne shqiperi ........ ku rrogat jane tek 400$ sikur nuk ka kuptim nga ana ekonomike ...........
Nga ana tjeter ........ ai katnari apo puntori qe merr 400$ ne muaj ....... ku do i gjeje t'i jape gjoben doktor e infermier e roje te porta ( se atje ka shtatembedhjete roje per pese porta ....... vetem e vetem qe te hapet fronti i lekut) ?
Me e drejte do ishte te vendoseshin tarifa fixe per sherbimet mjeksore ........... te rregulluara nga shteti ........ .
Pastaj edhe ketu nga ne ...... mjeku i pergjithshem nuk eshte se ben me shume se 130 - 150 mije ne vit ............ (Specialisti eshte tjeter muhabet) ........ .



Eshte e vertete. Nuk ka ku t'i gjeje as fshatari dhe as qytetari aq lek qe te paguaje nevojat e mjekut.

Atehere edhe cilesia e sherbimit do te jete korresponduese.
Une dua te them pikerisht kete gje. ne kapitalizem cdo gje leviz ne baze te sasise se karburantit (lexo parase) qe ke investuar.

Nga ana ekonomike ka nje indeks qe mat sasine e parave te harxhuara per te prodhuar nje mall, ne rastin tone nje kuader, pra shteti harxhon nje sasi lekesh per te prodhuar nje mjek.
Keto shpenzime duhet t'i kthehen shtetit mbrapa ne menyre qe te prodhoje te tjere mjeke. Cikli duhet te behet i plote.

Ketu lind edhe nje problem tjeter qe e preku Enigma me siper. Kur mjeku ndihet i paafte qe te mbuloje ato tre aspektet qe thashe me siper(ekonomik, shkencor dhe moral-humanitar) atehere ai ka te drejte te kerkoje nje vend tjeter qe ja siguron keto.


Ai ka te drejten e zgjedhjes se nje vendi qe i jep mjaftueshem para per te mbajtur familjen, qe t'i kenaqe deshirat per t'u rritur nga ana shkencore dhe qe te jete edhe nga ana morale i qete (te flere rehat ne mbremje dhe te mos e vrase ndergjegja per rrjepjen e te tjereve me pa te drejte)

Keshtu shteti humbet shume me teper. te pare do te ikin ata qe kane mundesi dhe te tille jane mjeket me te pregatitur, profesoret, pra ajka e mjekeve.

Humbjet jane kolosale, jo vetem se humbet specialistet, por humbet nje kontigjent njerezor qe disballancon strukturen shoqerore te vendit. Do te rritet relativisht shume keshtu numuri i te pashkolluarve, i joelitareve dhe per te riparuar kete edhe po te kesh deshiren e mire duhen te pakten dy breza = 50-60 vjet.

Denonco kėtė mesazh tek moderatorėt | IP: e regjistruar

Mesazh i vjetėr 19 Maj 2010 13:04
shelgu nuk po viziton aktualisht forumin Kliko kėtu pėr Profilin Personal tė shelgu Kliko kėtu pėr tė kontaktuar me shelgu (me Mesazh Privat) Kėrko mesazhe tė tjera nga: shelgu Shto shelgu nė listėn e injorimit Printo vetėm kėtė mesazh Shto shelgu nė listėn e monitorimit Ndrysho/Fshij Mesazhin Pėrgjigju Duke e Cituar
Fajtori
Apo jo?

Regjistruar: 11/06/2002
Vendbanimi: Europe
Mesazhe: 10706

Nje nderhyrje.

Duke pare diferencat mes shteteve dhe kulturave kam arritur te kuptoj se çdo kulture i pershtatet nje shtet. Per shembull, ne Italine e jugut ka taksiste abuzive me shumice. Atij i mjafton te kapi nje peshk qofte dhe me çmim normal qe te mbuloje shpenzimet e gjithe dites.

Cfare domethene kjo?

Domethene qe diferenza mes kostos efektive te nje makine qe ecen 15 minuta dhe çmimit te paguar (psh 15 euro) eshte e ezkagjeruar.

Pse vjen kjo?

Sepse taksia paguan taksa te medha. Shteti i merr per liçencen, per vendin e parkimit etj. Pra shteti eshte teper prezent per ate lloj kulture qe gjen organizime jashte tij.

Atehere.... ?

Atehere, ne kultura ku shteti nuk respektohet duhet ti largohemi formave majtiste. Sa me kulture anti-komunitare te kete nje popull (psh. shqiptaret) aq me shume nevojitet nje kapitalizem i thate, me kosto qe paguhen nga xhepi per çdo sherbim. Shteti duhet te heqe duart nga mjekesia, bizneset etj. Me mire te mbash taksat e uleta qe te lejosh zhvillimin normal te ekonomise, sesa te vesh taksa idiote dhe te detyrosh njerezit te jetojne me mashtrime (siç eshte sistemi mjekesor ne Shqiperi).
Shqiperia eshte vend pa kulture komunitare dhe s'do kete kurre. Prandaj funksionon vetem me nje shtet te dobet, pa utopi komuniste, pa mjekesi falas, me taksa shume te uleta dhe organizim autonom te njerezve. Sepse dihet qe leket aty jane, por vetem se mjeket i marrin ilegalisht ne vend qe te krijohet sistem i ndershem pagesash.

P.s. Kjo eshte pikepamje e djathte, por ne Shqiperi s'ka te djathta qe ta zbatojne. Ka vetem bythe per karrike dhe ca komuniste qe ndajne sezonet elektorale ne tavoline. Dhe mjeke langaraqe qe fusin dhjetemijelekshat ne xhep. Nuk me harrohet asnjehere intervista e ketij burrit ne tren, qe s'ka buke te haje dhe duhet ti paguaje ekografine gruas... ne sistemin mejeksor "falas".
http://www.youtube.com/watch?v=izHR7ZOgGhY#t=52

Ti do thuash ne sistem kapitalist ky njesoj s'do kishte leke. Une te them te pakten do ishte sistem i ndershem. Keshtu si eshte tani edhe leket paguhen, edhe njerezit mashtrojne dhe vjedhin. Krimbje morale e ruajtur me ligj.

Modifikuar nga Fajtori datė 19/05/2010 ora 13:27

Denonco kėtė mesazh tek moderatorėt | IP: e regjistruar

Mesazh i vjetėr 19 Maj 2010 13:11
Fajtori nuk po viziton aktualisht forumin Kliko kėtu pėr Profilin Personal tė Fajtori Kliko kėtu pėr tė kontaktuar me Fajtori (me Mesazh Privat) Vizito faqen personale tė Fajtori't! Kėrko mesazhe tė tjera nga: Fajtori Shto Fajtori nė listėn e injorimit Printo vetėm kėtė mesazh Shto Fajtori nė listėn e monitorimit Ndrysho/Fshij Mesazhin Pėrgjigju Duke e Cituar
shelgu
-

Regjistruar: 27/11/2007
Vendbanimi: EU
Mesazhe: 8928

Politika sociale ne Shqiperi, por jo vetem, duhet bere gjithmone me kujdes. ka nje linje shume te ngushte ku duhet kaluar sepse rendimi nga e majta do te sillte parazitizem dhe abuzim dhe rendimi nga e djathta do te sillte vuajtje te metejshme. une jam per politiken e ekuilibruar ne mjeksi dhe gjetke.
Eshte shume e kollajshme te thuash "kapitalizem i thate", por kur ndodhesh para situatave qe kerkojne asistence, kupton sa e nevojshme eshte kjo. paaftesia per pune ( e lindur + e fituar) ne Shqiperi vertitet tek 7%. Qeverri e mire eshte ajo qe mbron keta fatkeqe dhe detyron te aftet te paguajne per ta. Duket shume komuniste, por nuk eshte aspak e tille.
Nuk eshte puna per te veshur me ngjyra politike cdo lloj ideje e mendimi, por per te treuar konkretisht si eshte me e mira dhe me e qendruashmja politike shendetsore, e palidhur nga luhatjet ne ngjyrat e qeverrive

Denonco kėtė mesazh tek moderatorėt | IP: e regjistruar

Mesazh i vjetėr 19 Maj 2010 14:26
shelgu nuk po viziton aktualisht forumin Kliko kėtu pėr Profilin Personal tė shelgu Kliko kėtu pėr tė kontaktuar me shelgu (me Mesazh Privat) Kėrko mesazhe tė tjera nga: shelgu Shto shelgu nė listėn e injorimit Printo vetėm kėtė mesazh Shto shelgu nė listėn e monitorimit Ndrysho/Fshij Mesazhin Pėrgjigju Duke e Cituar
Fajtori
Apo jo?

Regjistruar: 11/06/2002
Vendbanimi: Europe
Mesazhe: 10706

E pra, nuk ka shume shtete me mjekesi publike eskluzive (ndoshta Kanadaja). Ose kane asikuracione (Gjermani, USA), ose kane struktura private te konvencionuara qe krijojne balancin e mizeries shteterore (Itali), ose mjekesia eshte krejt private. Shteti shqiptar kerkon te mbaje krejt mjekesine falas ne kushte te mjerueshme, me rroga qesharake. Keto jane vendime politike, jo llogjike. Prandaj ka te beje me mentalitetin komunist. Ne Shqiperi nuk behet dot "Mishi te piqet dhe helli te mos digjet". Me se shumti mishi mbetet pa pjekur ose ndonje doktor digjet nga operacionet antikorrupsion...

Prandaj mendoj se funksionon vetem kapitalizmi i thate tani per tani. Cdo forme tjeter e perzjerjes sociale eshte e destinuar te deshtoje. Njerezit do gjejne menyra qe t'ia fusin shtetit ose te mashtrojne me bileta, receta apo operacione. Keto po ndodhin ne Itali (operacione fallco sa per ti marre leket shtetit), jo mos ndodhin te nje republike bananesh.

Modifikuar nga Fajtori datė 19/05/2010 ora 15:26

Denonco kėtė mesazh tek moderatorėt | IP: e regjistruar

Mesazh i vjetėr 19 Maj 2010 15:19
Fajtori nuk po viziton aktualisht forumin Kliko kėtu pėr Profilin Personal tė Fajtori Kliko kėtu pėr tė kontaktuar me Fajtori (me Mesazh Privat) Vizito faqen personale tė Fajtori't! Kėrko mesazhe tė tjera nga: Fajtori Shto Fajtori nė listėn e injorimit Printo vetėm kėtė mesazh Shto Fajtori nė listėn e monitorimit Ndrysho/Fshij Mesazhin Pėrgjigju Duke e Cituar
NS-6
Mnemonic

Regjistruar: 16/01/2005
Vendbanimi: Raccon City
Mesazhe: 3634

Tematika qe eshte hapur eshte mjaft e gjere (urime per temen se desh harrova ) dhe permban brenda shume elemente qe duhen marre parasysh perpara se te gjykohen mjeket dhe sistemi mjekesor. Ne disa raste faji eshte i tyre por ne disa raste te tjera, eshte thjesht nje efekt indirekt i asaj qe eshte ndertuar.

NESE KA NDONJE GJE QE MUND TE RRENOJE (SIC EDHE MUND TA NDERTOJE) NJE SISTEM SHENDETSOR AJO ESHTE POLITIKA!
Cdo organizim i sistemit mjekesor fillon me nje aprovim politik dhe pastaj aplikohet. Cdo projekt, cdo ndryshim, cfaredo ideje qe mund te hidhni, do kerkoje nje aprovim nga ata individe qe drejtojne (qofshin shtangista, qofshin mjeke, qofshin basketbollista, qofshin topmodele, qofshin humorista, qofshin "shpirta motrash" , qofshin mercenare, qofshin ca te duan).
Te organizosh nje sistem mjekesor qe te sherbeje ne kohe te gjate, kerkon nje stabilitet politik dhe kompetenca, por cfare mund te organizohet ne nje shtet qe kur nderron qeverite, nderron edhe pastruesit e institucioneve! Te mos flasim per kompetenca sepse nje nder ministrat e mjekesise me duket se e kemi pase me 8 klase shkolle! Efektet e ketyre problemeve? Organizim i keq, mungesa ilaçesh, mungesa aparaturash, probleme me mjeket, nje sherbim i keq! Por efekti me i keq eshte qe nuk mund te besh asnje projekt qe mund te shkoje me teper se 4 vjet sepse ekziston mundesia qe sapo te nderrohet qeveria ti te shpallesh "tradhetar" sepse ke punuar me qeverine tjeter dhe te hiqesh ose ose ne rastin me te mire te marresh komentin "po une cfare fitoj?" (kete pergjigje ja ka dhene nje person drejtues nje mikut tim kur ky i fundit kerkoi te hapte nje qender per fibrozen cistike ne shqiperi dhe te sillte mjeket nga Italia! Projekti falimentoi! ) Thene keto, fare thjeshte ti qe lexon, mund te ndalesh ne kete pike sepse vazhdimi i ketij shkrimi nuk do te te thote asgje te re por vetem do analizoje keto qe thashe me siper dhe se cfare do kishte ndryshuar nese ky element do te funksiononte sic duhet.

Duhet te kemi parasysh qe deri rreth viteve 80-85 kemi qene afersisht me nje ritem me shtetet e tjera per sa i perket kualitetit te sistemit mjekesor dhe se gjithe problemet filluan pasi qe shteti u fut ne krize. Edhe sot kemi mjeke qe njihen ne mbare Europen (ndonjeri prej tyre ndoshta nuk te merr persiper pa i lene te pakten 1000 euro, po hajd mo) qe e kane marre edukimin ne ate periudhe. Keshtu qe te thuash qe nuk kemi mjeke te afte, nuk me duket e drejte. Por mendoj qe keto mjeke kane pasur mundesine te marrin nje edukim te duhur dhe kane gjetur nje fare ambienti qe deri ne ate periudhe te lejonte "Tarrasi". Duhet thene ama qe brenda mundesive qe ka pasur, sistemi mjekesor ne ate kohe ka pasur nje fare rregulli! Nuk po them qe ishte i plote per nga menyra si ishte ndertuar por siguronte gjerat baze qe i nevojitej popullsise.

Nje pike tjeter e rendesishme eshte qe politikat shendetsore duhet te shihen edhe ne baze te potencialit qe ka shteti. Kur kemi nje shtet qe e ka PIL-in sa shpenzimet e finales se futbollit amerikan, nuk eshte qe mund te kerkojme edhe shume prej ketij shteti por te shihet se si mund te perdoren ne menyre sa me efektive keto burime! Edhe ne kete pike, nga momenti i aprovimit te ndonje fondi deri ne momentin e zbatimit, e kane "lemuar" disi keshtu qe leket qe mberrijne ne fund nuk mjaftojne me blere as nje cope te aparaturave a ilaceve. Efektet? Kushdo qe vjen me nje projekt dhe me nje fond te duhur, do ta gjeje veten qe fondin do ta menaxhojne ujqerit dhe ne fund nuk do behet asgje. Ngelim akoma me aparatura te gjenerates se pare qe te japin rezultate qe nuk hyjne ne pune ne klinike (kam pare radiografi "te djegura" nga rrezatimet dhe me kane thene qe jane bere ne laboratoret me te mire qe jane ketu).

Nje pike tjeter qe ka rendesi eshte kontrolli i shtetit mbi sistemin shendetsor! Duhet te kryhen kontrolle ne sistemin mjekesor, ne cilendo pike te ketij sistemi Komenti yt qe po lexon kete shkrim eshte alla shqiptarce : "futja pordhes kot"! E them kete gje sepse duhet te kryhen kontrolle per te pare se ku ngec sistemi, ku ka te meta, si mund te rregullohen keto te meta dhe cilat jane mundesite e zhvillimit! Kjo pike humb qe ne themel duke qene se eshte serish shteti qe nese nuk ecen, nuk ka si te krijoje nje institucion qe te beje keto gjera! Efektet? Me ka qelluar te blej amoksiciline dhe mu dhane dy alternativa : ilac grek dhe ilac italian. diferenca ishte 15.000 leke!!!! si eshte e mundur qe i njejti princip aktiv me keto diferenca? a e justifikon kjo diference ne cmim kete gje? Me ka qelluar qe mjeku dhe infermieri nuk te prek me dore te afermin nese nuk i jep leke sy per sy, me ka qelluar te shoh qe ne terapi intensive nuk kryhen analiza gjaku sepse "jane shpenzime", ashtu sic me ka qelluar qe kryerja e nje analize te vetme te kushtoje edhe me teper se 500 euro.

Per momentin po ndalem ketu por kam edhe ca fjale te tjera ne te ardhmen mbi centalizimin e mjekesise ne Tirane, sistemin e ri te mjekut te familjes,cili sistem eshte me i pershtatshem per Shqiperine, mjekesia ne universitet, mjeket si individe etj etj dhe ne fund Shqiptarin vete (qe po nuk i erdhi shpirti ne fyt nuk shkon me bere nje vizite por kur ngelet ne kete pike te kryp koken me leke vetem e vetem qe ta sherosh)....qenka bere vone per sonte!

p.s: Enigem ur turn per komente! Dashje pa dashje me ktheve ne kete zone :p

__________________
Kurre mos debato me nje idiot!Njerezit mund te mos e bejne dallimin! (Ligj i Marfit)
Think Different!Think Again! (National Geographic Channel)

Denonco kėtė mesazh tek moderatorėt | IP: e regjistruar

Mesazh i vjetėr 15 Qershor 2010 01:23
NS-6 nuk po viziton aktualisht forumin Kliko kėtu pėr Profilin Personal tė NS-6 Kliko kėtu pėr tė kontaktuar me NS-6 (me Mesazh Privat) Vizito faqen personale tė NS-6't! Kėrko mesazhe tė tjera nga: NS-6 Shto NS-6 nė listėn e injorimit Printo vetėm kėtė mesazh Shto NS-6 nė listėn e monitorimit Ndrysho/Fshij Mesazhin Pėrgjigju Duke e Cituar
shelgu
-

Regjistruar: 27/11/2007
Vendbanimi: EU
Mesazhe: 8928

Ne kete periudhe te zhvillimit te Shqiperise, ka nje sere kontradiktash qe pengojne aplikimin e nje sistemi shendetsor adekuat.

Ne njeren ane ka nje nxitje per zhvillim kapitalist te mirefillte dhe ne anen tjeter shohim aplikime sociale qe nuk perputhen aspak me te. Kjo sigurisht qe pjell te keqia te pafund.

Pra, ne Shqiperi funksionon nje sistem tregetar krejt i pakontrrolluar( ose i kontrrolluar ne menyre fiktive). Aty ka nje sistem ligjor qe nuk fuksionon aspak.

Ne te njejten kohe sheh reforma shendetsore qe ju pershtaten vendeve te zhvilluara industriale me histori te gjate ne luften per te drejta, si Franca, apo Suedia.

Vendosja e cmimeve eshte krejt e pakontrrolluar nga sistemi financiar dhe kjo jo vetem ne tregun e vogel te mallrave, per edhe ne tregetine me vendet e tjera. Cmimet ne treg luhaten sipas deshires se pronarit shites madje edhe brenda te njejtes dite.

Por ne mjeksi luftohet per ngritjen e nje sistemi shendetsor kryesisht publik???
Dihet qe sistemi i sigurimit shendetsor ka lindur nga nevoja per te mbuluar te varferin dhe te semurin, por kjo nuk mund te zbatohet ne Shqiperi, kur edhe i pasuri nuk e di se cdo te behet me te diten e neserme.

Kush do paguaje per te mbuluar shpenzimet e sistemit te sigurimeve?

Te huajt? Per sa kohe do kete te tille asistence? Taksat nuk mblidhen, korenti nuk paguhet, doganat nuk funksionojne, tatimet punojne per lesh. Nga do te dalin parate per te mbuluar te semuret dhe te varferit?

Pra asgje nuk mund te thuhet dhe te shpjegohet per sistemin shendetsor ne Shqiperi. Ai do te vazhdoje te funksionoje si edhe sektoret e tjere te ekonomise per aq kohe sa shteti te beje detyren e tij.

Denonco kėtė mesazh tek moderatorėt | IP: e regjistruar

Mesazh i vjetėr 15 Qershor 2010 15:04
shelgu nuk po viziton aktualisht forumin Kliko kėtu pėr Profilin Personal tė shelgu Kliko kėtu pėr tė kontaktuar me shelgu (me Mesazh Privat) Kėrko mesazhe tė tjera nga: shelgu Shto shelgu nė listėn e injorimit Printo vetėm kėtė mesazh Shto shelgu nė listėn e monitorimit Ndrysho/Fshij Mesazhin Pėrgjigju Duke e Cituar
AndreaPirelli
Veteran ne forum

Regjistruar: 06/03/2008
Vendbanimi:
Mesazhe: 5672

Citim:
Po citoj ato që tha cedrus
Ne kete periudhe te zhvillimit te Shqiperise, ka nje sere kontradiktash qe pengojne aplikimin e nje sistemi shendetsor adekuat.

Ne njeren ane ka nje nxitje per zhvillim kapitalist te mirefillte dhe ne anen tjeter shohim aplikime sociale qe nuk perputhen aspak me te. Kjo sigurisht qe pjell te keqia te pafund.

Pra, ne Shqiperi funksionon nje sistem tregetar krejt i pakontrrolluar( ose i kontrrolluar ne menyre fiktive). Aty ka nje sistem ligjor qe nuk fuksionon aspak.

Ne te njejten kohe sheh reforma shendetsore qe ju pershtaten vendeve te zhvilluara industriale me histori te gjate ne luften per te drejta, si Franca, apo Suedia.

Vendosja e cmimeve eshte krejt e pakontrrolluar nga sistemi financiar dhe kjo jo vetem ne tregun e vogel te mallrave, per edhe ne tregetine me vendet e tjera. Cmimet ne treg luhaten sipas deshires se pronarit shites madje edhe brenda te njejtes dite.

Por ne mjeksi luftohet per ngritjen e nje sistemi shendetsor kryesisht publik???
Dihet qe sistemi i sigurimit shendetsor ka lindur nga nevoja per te mbuluar te varferin dhe te semurin, por kjo nuk mund te zbatohet ne Shqiperi, kur edhe i pasuri nuk e di se cdo te behet me te diten e neserme.

Kush do paguaje per te mbuluar shpenzimet e sistemit te sigurimeve?

Te huajt? Per sa kohe do kete te tille asistence? Taksat nuk mblidhen, korenti nuk paguhet, doganat nuk funksionojne, tatimet punojne per lesh. Nga do te dalin parate per te mbuluar te semuret dhe te varferit?

Pra asgje nuk mund te thuhet dhe te shpjegohet per sistemin shendetsor ne Shqiperi. Ai do te vazhdoje te funksionoje si edhe sektoret e tjere te ekonomise per aq kohe sa shteti te beje detyren e tij.



Je bo me keq se Fatos Nano kur flet ............. .

Denonco kėtė mesazh tek moderatorėt | IP: e regjistruar

Mesazh i vjetėr 19 Qershor 2010 20:10
AndreaPirelli nuk po viziton aktualisht forumin Kliko kėtu pėr Profilin Personal tė AndreaPirelli Kliko kėtu pėr tė kontaktuar me AndreaPirelli (me Mesazh Privat) Kėrko mesazhe tė tjera nga: AndreaPirelli Shto AndreaPirelli nė listėn e injorimit Printo vetėm kėtė mesazh Shto AndreaPirelli nė listėn e monitorimit Ndrysho/Fshij Mesazhin Pėrgjigju Duke e Cituar
~Enigme~
Simplexity

Regjistruar: 08/10/2005
Vendbanimi: My soul
Mesazhe: 4073

Ou NS-6 me behet qefi qe te lexoj. Po c'te kontriboj une kur s'ja kam haberin fare ose me mire s'ja kam pare syte per shume vjet Shqiperise dhe s'jam prekur me realitetin as nuk e ndjek me neper gazeta.

Ti Cedrus - i ke vene kapak pasurimit te kesaj teme pse keshtu... Ne fakt eshte e veshtire te veshesh trurin dhe temen pasi eshte shume e gjere dhe e nderlikuar. Jo pak kohe me pare u be nje reforme thelbesore ne Amerike ne kete fushe dhe nuk eshte aspak e lehte sidomos akordimi ne agjensite te siguracionit, spitale, qendrat ku preken dhe ato te doktoreve etj.

Ketu mendoj se duhen te meren gjerat sere-sere.

Pikat celse qe mar nga keto materiale/mendime qe jane hedhur eshte nje pamje te procesit te tipit "atehere dhe tani" ku jane prekur aksesi, cilesia, manaxhimi, dhe burimet financiare.

Falas nuk me duket se funksionon ne Shqiperi sherbimi. Te gjithe qytetaret te ndergjegjesohen sic po behet ketu ne amerike -paguan per te mirembajtur shendetin ashtu sic paguan para per te mirembajtur makinen. Qe te mendosh andej eshte per lluks makina kurse ketej nje domosdoshmeri.

Po mire a ka ndonje komitet politik per keto transformime apo hic?

__________________
Fillimi i nje ngjarje, ku shpaloset ne kohe por lind jashte asaj, eshte njekohesisht perfundimi.

Modifikuar nga ~Enigme~ datė 14/07/2010 ora 22:29

Denonco kėtė mesazh tek moderatorėt | IP: e regjistruar

Mesazh i vjetėr 14 Korrik 2010 22:22
~Enigme~ nuk po viziton aktualisht forumin Kliko kėtu pėr Profilin Personal tė ~Enigme~ Kliko kėtu pėr tė kontaktuar me ~Enigme~ (me Mesazh Privat) Vizito faqen personale tė ~Enigme~'t! Kėrko mesazhe tė tjera nga: ~Enigme~ Shto ~Enigme~ nė listėn e injorimit Printo vetėm kėtė mesazh Shto ~Enigme~ nė listėn e monitorimit Ndrysho/Fshij Mesazhin Pėrgjigju Duke e Cituar
shelgu
-

Regjistruar: 27/11/2007
Vendbanimi: EU
Mesazhe: 8928

Komitet politik?

Puna eshte se organizmat e nevojshme ligjevenese dhe ligjzbatuese, nuk funksionojne sic duhet. Vete shteti funksionon ne menyre difektoze. Njehere republike parlamentare, nje here tjeter presidenciale, sic i do gajdja Sales, apo Edit.

Mosstabiliteti sjell te tjera pasoja, plogeshti, ngurim dhe frike.

NS flert per farmacite dhe ilacet. Po sikur te shiten vitaminat ne vend te kortizonit? Mos u cuditni, kjo eshte bere qe ne kohen e Enverit.
Po ne kete kohe qe kontrrolli i farmacive eshte pothuajse i pamundur?

Dhe nunk ka asnje cudi qe nje farmacist, brenda 10 vjetesh pune, ka aq para sa nuk e di as vete. E nderkohe bashkenxenesi i tij doktor, ose inxhiner, eshte ne nivel krejt tjeter.

Roli regulator i shtetit duhet te jete ai qe te nderhyje, te evidentoje te ardhurat dhe taksoje ne menyre selektive per te sjelle ballanca shoqerore.

Mendjoj qe kjo gje, pra evidentimi i te ardhurave, eshte hapi i pare ne rregullimin e sistemit ekonomik.

Enigme, ti sikur merr vesh nga ekonomia, na thuaj ndonje gje.

Denonco kėtė mesazh tek moderatorėt | IP: e regjistruar

Mesazh i vjetėr 15 Korrik 2010 14:27
shelgu nuk po viziton aktualisht forumin Kliko kėtu pėr Profilin Personal tė shelgu Kliko kėtu pėr tė kontaktuar me shelgu (me Mesazh Privat) Kėrko mesazhe tė tjera nga: shelgu Shto shelgu nė listėn e injorimit Printo vetėm kėtė mesazh Shto shelgu nė listėn e monitorimit Ndrysho/Fshij Mesazhin Pėrgjigju Duke e Cituar
~Enigme~
Simplexity

Regjistruar: 08/10/2005
Vendbanimi: My soul
Mesazhe: 4073

Fjala e Kryetarit tė PS E. Rama nė Tryezėn e Programit pėr Shėndetėsinė (9 Mars 2012)

Një shërbim shëndetësor sipas mundësisë për të paguar apo një shërbim shëndetësore sipas nevojës?

Kjo është pyetja që ndan qartë në përgjigje ata që sot qeverisin, nga ne që do qeverisim nesër. Për ata, merr shërbimin shëndetësor kush paguan dhe nëse nuk ka punë dhe prandaj edhe nuk paguan dot le të vdesë. Për ne shërbimi shëndetësor universal, për të gjithë, është e drejtë e çdo qytetari dhe detyrë e pashmangshme e shtetit. Në rast se politika e atyre që qeverisin sot në të gjitha aspektet, por sot flasim për shëndetësinë, bazohet në parimin “secili për vete dhe Zoti për të gjithë”, politika jonë bazohet në parimin “secili sipas mundësive dhe shteti për të gjithë”.


1. Sot 60 % e shpenzimeve për shëndetin e përbëjnë pagesa nga xhepi i qytetarëve. Pagesa që bëhen direkt tek shëndetësia jopublike, pagesa që bëhen për të plotësuar boshllëqet e atyre që shëndetësia publike ka marrë përsipër me ligj dhe me angazhimet e veta. Modeli ka dështuar dhe kalbet i gjallë mbi tokë nga korrupsioni kapilar. Kontributet e detyrueshme përbëjnë sot vetëm 1/5 e shpenzimeve publike për shëndetësinë. Sistemi kontributiv aktual është regresiv. Për këtë Sekretari për Programin do të bëj një sqarim të mëtejshëm.

Pra, në përgjithësi ne kemi një sistem shëndetësor ku më shumë se gjysma e shpenzimeve përbëhet nga pagesat nga xhepi dhe vetë pjesa publike mbështetet gjerësisht në buxhetin e përgjithshëm.

2. Sot pikërisht sepse modeli dhe politika që e mban atë në këmbë janë të ndërtuar mbi parimin secili për vete dhe Zoti për të gjithë, 1 milionë njerëz gjenden të përjashtuar nga sistemi i shërbimit publik shëndetësor sepse nuk janë të siguruar, për shkak se nuk e kanë një punë.

3. Në tetor të vitit 2009 tarifat për të pasiguruarit u rritën 4-5 herë. Ndërsa në fillim të vitit 2011 u vendos edhe TVSH-ja 10% në shëndetësi. Ne jemi të vendosur ta heqim TVSH-në qoftë për shërbimin, qoftë për ilaçet. Rëndesë direkte për 104 mijë familje që jetojnë me 40 mijë lekë të vjetra në muaj, po marrim vetëm një të dhënë zyrtare.

4. Jemi të bindur se politikat aktuale garantojnë vetëm rrënimin e mëtejshëm të shëndetësinë publike edhe për shkak të interesave aspak të panjohura të prapaskenës së vendimmarrjeve politike mbi shëndetësinë. Nuk është vetëm modeli në vetvete që ka dështuar dhe nuk funksionon, por ai kalbet mbi tokë nga një korrupsion kapilar i cili ushqehet nga këto interesa dhe forcon këto interesa. Atrofizimi i shëndetësisë publike ashtu si edhe ai i arsimit publik, nuk është vetëm pasojë e një qasjeje filozofike të gabuar, e një vizioni politik të gabuar, e një modeli të dështuar, por edhe e një paramendimi me nxitje korruptive.

5. Shërbimi Shëndetësor Kombëtar që ne do të ngremë do të jetë blerësi unik i shërbimit shëndetësor për çdo shqiptar që jeton në Shqipëri. Pra nuk do t’i ndajmë shqiptarët në të siguruar dhe në të pasiguruar kur është fjala për t’i ofruar shërbimin shëndetësor, por shteti do ta blejë këtë shërbim për të gjithë njësoj dhe do ta ofroj nëpërmjet institucionit të ri të Shërbimit Kombëtar Shëndetësor.

6. Shëndetësinë jopublike, ashtu si dhe arsimin jopublik ne e vlerësojmë si partnere dhe si një forcë komplementare në ofrimin e shërbimit. Por në asnjë mënyrë nuk mendojmë se roli i qeverisë mund të katandiset në rolin ku ajo gjendet sot. Që nga njëra anë të mos jetë në gjendje të garantojë ato çka shëndetësia publike ka përsipër me ligj dhe me angazhime konkret dhe nga ana tjetër për shkak të boshllëqeve që lë qeveria, t’i dërgojë tek sistemi jopublik, siç bën me arsimin edhe me shëndetësinë, njerëzit që në atë sistem, përveç të tjerash, jo vetëm që nuk kanë mundësi të gjithë që të paguajnë, janë shumë më të pakët sesa ata që kanë nevojë, por nuk është se domosdoshmërish marrin gjithmonë shërbimin konform pagesës.

7. Po të bëjmë një retrospektivë të rrugës së rrënimit të sistemit shëndetësor, do të gjejmë në çdo stacion të kësaj rruge moment pas momenti si pjesë të këtij rrënimi, rrënimin e Ministrisë së Shëndetësisë. Ministria e Shëndetësisë sot është haptazi organizatë partie, një organizatë partie në shërbim të një partie të koalicionit. Ministria e Shëndetësisë prej kohësh ka qenë pjesë e pazareve të koalicionit, si një trofe i një partie të vogël. Dhe në mënyrë të hapur ajo është lejuar të kthehet në organizatë partie ku të gjitha shpezat e buxhetit të shtetit, të gjitha paratë e taksapaguesve për të mbajtur në këmbë sistemin e saj janë kthyer në rroga për anëtarët e partisë.

8. Në programin tonë të 5 nëntorit ne kemi marrë përsipër një angazhim shumë të madh në tërësi, ” Për Një Rilindje Shqiptare” që do të bëj kthesën duke ndaluar rrugën e rrënimit të mëtejshëm dhe një nga angazhimet më të forta, për një nga politikat më radikale të ndryshimit është angazhimi për ndryshimin në sistemin e shëndetësisë.

Shëndetësia shqiptare sot nuk arrin të realizojë asnjë nga funksionet e saj: nuk parandalon, nuk diagnostikon, nuk kuron dhe nuk rehabiliton. Flasim për sistemin si i tërë, nuk flasim për heroizmat apo sakrificat e individëve të veçantë, mjek ose infermierë. Flasim për sistemin si i tërë, nuk flasim për personalitete të fushës së shëndetësisë, apo për nxënës të tyre të pasionuar që në kushte barbarie në spitalet e Shqipërisë vazhdojnë t’u shërbejnë, lavdi Zotit qytetarëve dhe vazhdojnë të mbajnë gjallë një fije drite në tunelin tërësisht të errët ku ka hyrë sistemi shëndetësor shqiptar.

Ne dëshirojmë që sot t’ua them qartë qytetarëve shqiptarë, ata marrin një shërbim gjithnjë e më pak të sigurt për shëndetin dhe gjithnjë e më fyes për dinjitetin në kushtet e sotme. Ndërkohë që ne duam që kushtet të ndryshojnë që edhe shërbimi për shëndetin të jetë i sigurt edhe dinjiteti i tyre të mos jetë i fyer sa herë duhet të kapërcejnë pragun e sistemit shëndetësor, apo kur fatkeqësisht nuk marrin as kurajon të shkojnë ta kapërcejnë sepse duhet të paguajnë dhe rëndomtë paguajnë dy herë. Të paguajnë tarifat e rritura 4-5 vetëm dy vjet më parë, sepse janë të pasiguruar sepse nuk kanë punë dhe paguajnë edhe nën dorë tarifat e korrupsionit kapilar. Që është një sistem i tërë i organizuar me një prapavijë politike dhe me qëllimin aspak të fshehtë për ta atrofizuar tërësisht sistemin publik shëndetësor.

Ndërkohë që nga ana tjetër vetë profesionistët e shëndetësisë janë lënë edhe ata në kushte pasigurie dhe në kushte fyese për dinjitetin e tyre profesional dhe njerëzor. Me një financim publik krejt të pamjaftueshëm, me një model financimi krejt të dështuar dhe të kalbur, nën tutelën e drejtimit të korruptuar politik dhe injorant dhe në kanosjen e vazhdueshme të sigurisë së tyre fizike. Rastet kur siguria e mjekëve është vënë në rrezik kanë qenë jo të pakta dhe tërësisht të mjaftueshme, për të krijuar një klimë pasigurie në kushtet kur mjekët e kanë të pamundur të ofrojnë shërbimin që nuk u takon atyre personalisht por i takon shtetit ta garantojë në spitalet ku ata punojnë.

Sfida jonë është t’u rikthejmë qytetarëve besimin e humbur tek shërbimi shëndetësor, t’u japim atyre mbrojtjen e merituar përmes një shërbimi shëndetësor universal dhe t’u krijojmë edhe profesionistëve mjekëve, infermierëve e me radhë, kushtet e nevojshme që të rifitojnë besimin, të rimotivohen brenda një modeli i cili nga njëra anë duhet të garantojë çdo qytetar, por nga ana tjetër duhet të stimulojë shpërblimin e tyre në rrugë transparente dhe publike pa patur nevojë që të tundohen nga rrugë jo transparente dhe korruptive dhe njëkohësisht kushtet për të shërbyer me cilësi.

Sistemi i sotëm i financimit të shëndetësisë e stimulon korrupsionin. E stimulon burokracinë e tepruar në funksion të rritjes së numrit të rrogave që i duhen organizatës së partisë, që gabimisht quhet Ministria e Shëndetësisë së Republikë së Shqipërisë dhe diskriminim në masë të qytetarëve të këtij vendi dhe të mjekëve, infermierëve e të profesionistëve të këtij vendi. Është një sistem që i diskriminon të dyja palët dhe i kundërvendos rëndom në pozicione konfliktuale, në pozicione kundërshtie, në pozicione ku ndihen të kërcënuar nga njëri tjetri.

Paratë publike, edhe pse të pamjaftueshme në funksion të një sistemi i cili do të donim t’i ngjante sistemeve shëndetësore të vendeve rreth e rrotull nesh, në fakt nuk shpenzohen për shëndetësinë publike në një masë të madhe, por shpërdorohen në mënyrë kriminale, ndërsa qytetarët paguajnë nën dorë deri edhe për shërbime jetike minimale. Ky sistem i marrë fund shëndetësor nuk arrin të plotësojë as edhe nevojat e asaj gjysme të popullsisë që është e siguruar. Pa llogaritur të varfrit, apo ata janë të papunë edhe prandaj edhe të pasiguruar që po e po sistemi as nuk mund t’ua plotësoj nevojat në këto kushte ku është katandisur.

Shëndeti publik është për ne një pasuri e përbashkët, por është edhe një faktor themelor i zhvillimit shoqëror dhe ekonomik. Të gjithë atyre që varfëria apo papunësia i ka lënë pa shërbim shëndetësor, një shërbim shëndetësor publik universal, mund t’u ofrojë jo vetëm mundësinë që të trajtohen nga pikëpamja shëndetësore por po aq e rëndësishme edhe mundësinë që të trajtohen dhe të ndjehen të barabartë në kuadrin e Republikës së Shqipërisë edhe të shoqërisë sot ku jetojmë.

Sot 1/5 e territorit të vendit gjendet pa asnjë shërbim shëndetësor. Shërbimi Kombëtar Shëndetësor ( SH. K. SH), siç e thashë, ku të gjithë do të jenë të siguruar sepse do të jetë shteti që do ta blej shërbimin dhe do ta ofrojë pastaj për të gjithë, do të bëj të mundur që të gjithë të kenë mundësi ta marrin kujdesin e duhur shëndetësor, pavarësisht nga vendbanimi, pavarësisht nga gjendja shoqërore dhe sigurish, e thashë, pavarësisht nga situata financiare. - A ESHTE KJO E MUNDESHME NE KUSHTET E SHQIPERISE?

Gjithashtu besojmë shumë se kjo shoqëri ka sot nevojë imediate për një solidaritet social mes të shëndetshme dhe të sëmurëve. Të gjithë kemi pasur mundësinë të shkojmë në spitale, qoftë për tu vizituar, qoftë për të vizituar njerëz të shtruar në spital. Gjendja e spitaleve publike është e mjerueshme, por akoma më e mjerueshme bëhet kur llogarit sesa shumë para publike figurojnë të shpenzuara për rindërtimin, rikonstruksionin, rigjenerimin, ri rindërtimin, ri rikonstruksionin, ri rigjenerimin e tyre. Praktikisht, është fare e qartë sapo e kapërcen derën e spitalit, që më shumë sesa vende ku paraja publike shkon në shërbim të shëndetit publik, ato janë vende ku paraja publike shpërdorohet për shkak të një modeli dhe një sistemi që mbahet në këmbë nga organizata e partisë, e quajtur Ministria e Shëndetësisë.

Mungesa e ilaçeve në spitalet tona është tanimë një dukuri kronike, aq sa shqiptarët mund të konsiderohen edhe nga anketimet që ne kemi bërë në funksion të programit, të mësuar me faktin se në spital duhet të shkohet me ilaçe me vete. Se për çarçafët e kanë parasysh vetë dhe kanë kohë që janë mësuar me këtë.

Ne do të hapim kantierin e shëndetësisë, me qëllim modernizimin infrastrukturor dhe rritjen e sigurisë në spitale dhe në ambulanca. Qoftë për personelin, qoftë për të sëmurët. Është fakt që pamja e parë që të vjen në sy kur përfytyron një hapësirë spitalore, s’ka lidhje fare me një vend ku në fakt kurohen njerëz të sëmurë. Kaos, anarki, pisllëk, rrëmujë, zhurma dhe gjithçka tjetër që mund t’i ngjaj shumë më tepër një stacioni treni në ato filmat bardhë e zi të Far West-it sesa një hapësire spitalore në mes të Europës. Spitalet publike duhet dhe ne do të bëjmë çmos të jenë, jo vetëm vendet ku njerëzit vizitohen dhe kurohen, por edhe qendra që e mishërojnë në përmbajtjen dhe në pamjen e tyre solidaritetin shoqëror dhe kulturën e të jetuarit shoqërisht në mes të Europës.

Ne besojmë se janë të gjitha mundësitë që të rritet financimi për shëndetin publik edhe në aspektin e programeve të parandalimit. Nga ana tjetër shpenzimet farmaceutike dhe në rastin e programit të parandalimit ne besojmë se një rol të rëndësishëm do të luaj sinergjia mes sistemit shëndetësor publik dhe sistemit arsimor publik. Shpenzimet farmaceutike zënë 1/3 të shpenzimeve të përgjithshme të shëndetit. Por çmimet e barnave, dihet botërisht, se shpesh janë shpesh janë më të larta se në vendet e Bashkimit Europian. Në zonat rurale nuk ka shërbimi farmaceutik. Skema aktuale mbulon pjesërisht vetëm ¼ e barnave të regjistruara që jepen me recetë. Ulja e çmimit të shitjes së barnave në Shqipëri është një sfidë më vete. Ata që e kanë studiuar problemin, e dinë mirë që kjo sfidë lidhet jo vetëm me mënyrën sesi funksionon sistemi, jo vetëm me organizatën e partisë që menaxhon sistemin për llogari të partisë, në emër të Ministrisë së Shëndetësisë kuptohet, por edhe me një politikë që duhet të ndryshojë në këtë drejtim.

Ne duam të vendosim një kusht, që asnjë produkt farmaceutik i regjistruar që do të shitet në vendin tonë nuk do të shitet me çmim më të lartë se vendi i origjinës. Sigurisht që nga ana tjetër këtu bëhet edhe një përpjekje e madhe për ta ndotur sistemin farmaceutik dhe shërbimin farmaceutik me barna që kanë një siguri të ulët. Ndërkohë që ne dëshirojmë dhe kemi bindjen se kemi identifikuar edhe rrugën për t’ja dalë jo vetëm zgjerimin me mbulim të shërbimit farmaceutik të kualifikuar në të gjithë vendin, por edhe një koordinim duke garantuar shërbim farmaceutik publik, aty ku nuk ka mbulim me shërbim privat.

Një gjë dëshiroj ta them me zë shumë të lartë. Është bërë modë dhe praktikë banale, sidomos nga përgjegjësit e mëdhenj të këtij rrënimi në sistemin shëndetësor shqiptar, që janë ata që kanë drejtuar në vite organizatën e partisë, të quajtur Ministri e Shëndetësisë, që sa herë lind ndonjë problem akut me korrupsionin në sistemin shëndetësor, apo sa herë flitet për korrupsionin në tërësi të këtij sistemi, të drejtojnë gishtin nga mjekët apo nga infermierët. Madje janë vënë në lëvizje edhe metoda të denja vetëm për diktaturat banale, të përndjekjes së mjekëve dhe të përndjekjes së personelit shëndetësor me spiunë, anëtarë partie edhe ata, shumica të angazhuar si spiunë për tu shkuar mjekëve nga mbrapa dhe për t’i kapur mjekët me korrupsion, ndërkohë që marrin për vete rrogë si anëtarë partie. Deri dhe në përpjekje për të diskretituar kështu figurën e mjekut.

Për ne mjeku, mësuesi dhe polici janë tre figura qendrore të cilave do t’jua kthejmë plotësisht dinjitetin dhe autoritetin. Do të jemi vendosmërisht në krah të mjekëve, infermierëve dhe profesionistëve të shëndetit. Nuk do të bëjmë një reformë të imponuar nga lart poshtë, por do të bëjmë një reformë të dakordësuar. Ku ne besojmë që mjekët dhe posaçërisht personalitet që sot vazhdojnë të kontribuojnë në këtë sistem që nuk i meriton, do të jenë me ne në një dialog të vazhdueshëm dhe ndërkohë duhet të marrin përgjegjësi shumë më të mëdha në administrimin e spitaleve. Ne respektojmë përkushtimin dhe sakrificat që bëjnë mjekët dhe i gjithë personeli i profesionistëve të shëndetit.

Nga ana tjetër duam të ndërtojmë një rrugë bashkëpunimi me ta për të adresuar çështjet që lidhen me formimin e gjeneratës së re të mjekëve, me kërkimin shkencor, me autonominë profesionale, me përfshirjen në qeverisjen klinike, pa lënë mënjanë boshllëqet e krijuara në vite në trupën mjekësore të vendit. Ku më të talentuarit që rriten nën kujdesin e profesorëve të shquar, në një moment të caktuar largohen për shkak të pamundësisë për të vazhduar të mbeten në lartësinë e ambicieve të tyre dhe për të vazhduar të zhvillojnë dijet e tyre në raport të drejtë me arritjet dhe me praktikat bashkëkohore.
Profesorët e shquar me eksperiencë të gjatë në shërbimin shëndetësor shqiptar, pa asnjë lloj dallimi për shkak bindjesh apo simpatish politike, do të jenë për ne partnerët e pandashëm për reformimin e gjithë sistemit të formimin të mjekëve të rinj dhe për një transformim që ne e kemi premtuar solemnisht në Kongresin e 5 nëntorit dhe unë dua ta përsëris në mbyllje të fjalës sime, të Qendrës Spitalore Universitare “Nënë Tereza” në një universitet mjekësor të Shqipërisë ku të garantohet ky transferim dijesh dhe përvojave të çmuara, por më shumë se kaq. Ku të ndërtohet një model rrezatues për atë çka është për një vend europian shëndetësia publike, formimi i gjeneratave të mjekëve dhe profesionistëve të shëndetit publik dhe vendi ku garantohet njëkohësisht pa u ankuar dhe pa u kufizuar nga fakti se financimet mund të jenë gjithmonë të pamjaftueshme për të bërë idealen, ajo që është më e rëndësishmja, dinjiteti shoqëror, kultura e një vendi dhe vetëdija e një shoqërie në hapësirën ku të shëndetshmit dhe të sëmurët që ndajnë bashkë të njëjtin atdhe, jo vetëm që duhet të ndjehen njësoj të trajtuar dhe duhet të ndjehen njësoj bashkë në anijen e përpjekjeve për tu shëruar nga sëmundjet por edhe ku merr jetë një solidaritet që shkon përtej derës së spitalit kur secili kthehet në shtëpinë e tij, apo në punën e tij apo në jetën e përditshme shoqërore.

Dua ta mbyll duke thënë, se edhe këtu zgjedhja është e qartë:
Një Rilindje Shqiptare, apo një Rrënim i Mëtejshëm.

__________________
Fillimi i nje ngjarje, ku shpaloset ne kohe por lind jashte asaj, eshte njekohesisht perfundimi.

Denonco kėtė mesazh tek moderatorėt | IP: e regjistruar

Mesazh i vjetėr 15 Mars 2012 21:09
~Enigme~ nuk po viziton aktualisht forumin Kliko kėtu pėr Profilin Personal tė ~Enigme~ Kliko kėtu pėr tė kontaktuar me ~Enigme~ (me Mesazh Privat) Vizito faqen personale tė ~Enigme~'t! Kėrko mesazhe tė tjera nga: ~Enigme~ Shto ~Enigme~ nė listėn e injorimit Printo vetėm kėtė mesazh Shto ~Enigme~ nė listėn e monitorimit Ndrysho/Fshij Mesazhin Pėrgjigju Duke e Cituar
Ora tani: 15:22 Hap njė temė tė re    Pėrgjigju brenda kėsaj teme
Gjithsej 8 faqe: « 1 [2] 3 4 5 6 7 8 »   Tema e mėparshme   Tema Tjetėr

Forumi Horizont Forumi Horizont > Shkenca > Mjekėsia > Sherbimi mjeksor ne Shqiperi

Pėrgatit Kėtė Faqe Pėr Printim | Dėrgoje Me Email | Abonohu Nė Kėtė Temė

Vlerėso kėtė temė:

Mundėsitė e Nėn-Forumit:
Nuk mund tė hapni tema
Nuk mund ti pėrgjigjeni temave
Nuk mund tė bashkangjisni file
Nuk mund tė modifikoni mesazhin tuaj
Kodet HTML lejohen
Kodet speciale lejohen
Ikonat lejohen
Kodet [IMG] lejohen
 

 

Kliko pėr tu larguar nese je identifikuar
Powered by: vBulletin © Jelsoft Enterprises Limited.
Materialet qė gjenden tek Forumi Horizont janė kontribut i vizitorėve. Jeni tė lutur tė mos i kopjoni por ti bėni link adresėn ku ndodhen.