Ana
Whatnot
Regjistruar: 17/02/2003
Vendbanimi: Ja ketu
Mesazhe: 405
|
Re: Shqiperia dhe dritat
Citim:
Po citoj ato që tha arturm
Disa dite me pare pashe ne lajmet e nje TV shqiptar nje kronike per spitalin e Gramshit (nqs nuk gaboj) ku fikeshin dritat rreth 10 ore ne dite.
Filmimet neper korridoret e spitali ku njerezit dhe/ose pacientet leviznin me qirinj ne dore me shtine friken.
O Zot, jemi ne 2007. Paskemi qene te mallkuar.
Kriza energjetike që ka përfshirë gjithë vendin, ka tronditur dhjetëra biznese të fuqishme në rrethin e Gjirokastrës dhe kryesisht ato që janë të vendosura në komunën e Dropullit të Poshtëm. Të ndodhur përballë një situate të pazakontë e që po i çon drejt falimentimit të plotë, shumë biznese private po mbyllin aktivitetin e tyre. Ndërsa, është bërë normale hedhja në rrugë e punëtorëve që janë punësuar në firma të ndryshme. Vetëm gjatë dy ditëve të fundit, 20 biznesmenë të zonës së minoritetit, shumica e të cilëve ushtrojnë aktivitet në fshatin Derviçan, kanë dorëzuar në degën e Tatim-Taksave të Gjirokastrës licencat e tyre. Bëhet fjalë për firma që punojnë me lëndë inerte, përpunim guri, druri, mermeri apo aktivitete industriale. Përfaqësues të këtyre bizneseve kanë deklaruar se mungesa e energjisë elektrike është për ta një katastrofë e vërtetë dhe se do ti rikthehen punës vetëm nëse qeveria aktuale merr masa të menjëhershme për zgjidhjen në kohë të këtij problemi. Ndërkohë, pritet që shembullin e biznesmenëve minoritarë të ndjekin dhe disa firma të tjera të njohura që operojnë në qytetin e Gjirokastrës.
MBYLLJA E
BIZNESEVE
Një javë më parë, përfaqësues të bizneseve të ndryshme në Gjirokastër bënë publike gjendjen e jashtëzakonshme të krijuar nga kufizimet drastike të energjisë elektrike. Ata paralajmëruan se po shkojnë drejt falimentimit të plotë dhe se nga situata e krijuar do të detyrohen të mbyllin aktivitetet e tyre, çka do të thotë hedhja në rrugë të madhe e mijëra punëtorëve. Heshtja e pasuar nga qeveritarët, ka bërë që gjatë dy ditëve të fundit 20 biznesmenë nga më të fuqishmit në komunën e Dropullit të Poshtëm të dorëzojnë licencat e tyre tek dega e Tatim-Taksave. Në listën e bizneseve të mbyllura përfshihet një firmë e njohur e prodhimit të plastmaseve, një e përpunimit të mermerit, të prodhimit të lëndëve inerte, një firmë mobilierie e një tjetër e përpunimit të gurit në fshatin Derviçan të kësaj komune etj. Ndërkaq, pritet që të dorëzojnë licencat dhe dy firma ndërtimi të fuqishme që ushtrojnë aktivitet në qytetin e Gjirokastrës.
REAGIMI
Pronarë të aktiviteteve të ndryshme në komunën e Dropullit të Poshtëm dje janë shprehur për Gazeta Shqiptare se nuk kanë asnjë mundësi mbijetese, ndaj dorëzimi i licencave është veprimi më i drejtë për të shpëtuar fitimet e deritanishme. Në momentin që kanë dorëzuar licencat, biznesmenët kanë kërkuar që të mos shqetësohen më nga strukturat shtetërore, të cilat edhe në këto kushte nuk u kanë falur asnjë qindarkë nga detyrim financiar. Do rihapim aktivitetet tona vetëm atëherë kur qeveria të na sigurojë furnizim të pandërprerë me energji elektrike, kanë deklaruar biznesmenët. Kryetari i Shoqatës së Biznesmenëve, Thanas Nacopulli akuzon shtetin shqiptar, si aktorin kryesor në shkatërrimin e bizneseve në jug të vendit.
__________________
Success stands mostly in not giving up, when the others have let go.
Denonco kėtė mesazh tek moderatorėt | IP: e regjistruar
|
27 Korrik 2007 22:57
Forumi Horizont > Media dhe Politika > Politika Shqiptare > Shqiperia dhe dritat
