Lela_Dr
** dream **
Regjistruar: 25/06/2004
Vendbanimi: Duke ėndėrruar
Mesazhe: 9455
|
Letėr Sali Berishės....
Bashkangjitje: berishablackout.jpg
Ky file ėshtė shkarkuar 145 herė.
Zoti Kryeministër, Je i paaftë dhe mëndjemadh, llafazan dhe gënjeshtar, i mërzitshëm dhe i padurueshëm, i frikshëm dhe i ankthshëm, i dëmshëm dhe i rrezikshëm! E ke përmbytur Shqipërinë me hajdutllëk dhe kriza. Prandaj nuk po përmbahem ta dërgoj këtë letër.
Mirëpo të dërgosh ty letër është njëlloj sikur ti dërgosh letër dikujt i cili edhe është i verbër edhe kujton se sytë i ka pishë, edhe është memec edhe i duket vetja bilbil, edhe është shurdh edhe mburret se dëgjon fëshfërimën, etj.. Pra krejt e kotë, sepse e padobishme.
Megjithatë po e provoj. Në fund të fundit, meqënëse zarfin e kësaj letre mbase do ta lë hapur, edhe nëse nuk do ta lexosh ti, ndoshta mund ta lexojnë ca të tjerë, për shembull postieri, disa kuriozë rreth tij, dhe, nëqoftëse letra mbërrin, mund të ndodhë që ta lexojnë disa rob rreth partisë tënde. Pra letra ime drejtuar ty gjithsesi pa u lexuar nuk do mbetet. Prandaj edhe po marr mundimin ta shkruaj.
Mirëpo ka shumë vështirësi të shkruash letër ty.
Vështirësia e parë është se spo di si të të quaj. Prandaj edhe tek e nisa këtë letër pata mëdyshje nëse duhej të të drejtohesha; Kryeministër apo Kryemaestër? Sepse ti formalisht kryeministër je, por në fakt nuk je veçse një kryemaestër, një kryemjeshtër i intrigave, kërcënimeve, pushtetit, mashtrimeve, dhe një mijë e një të zezave të tjera. Prandaj në vazhdim as Zoti Kryeministër, as Zoti Kryemaestër, por po i bie thjesht dhe
shkurt si e meriton - ti.
Tjetër problem është Gjuha, në kuptimin Termat, që duhet të përdor me ty. Sepse, unë, duke mos pasur asnjë haber nga gjuha jote bolsheviko-populiste, e vetmja gjuhë që ti di, gjuha me të cilën normalisht duhet ti drejtohem një Kryeministri, për më tepër Kryeministrit të vendit tim, është gjuhë të cilën ti nuk e njeh, dhe unë për këtë shkak, nuk e di si mund të merrem vesh me ty. Lidhur me gjuhën, edhe diçka duhet ta dish; Njoh shumë të shkolluar jashtë të etur të vijnë në Shqipëri. Dhe vijnë. Por zbrapsen pikërisht sapo konstatojnë se për punët që duhet të bëjnë nuk merren dot vesh pikërisht për shkak të terminologjisë që është bërë lëmsh.
Tjetra, je gënjeshtar i madh! Ka mbetur shqiptar që nuk di cilën të ta besojë, atë që thua tani apo atë që do thuash pastaj? Aq gënjeshtar sa je, a mund të ndodhë letrës time ti besosh?! Jo! Ky është një tjetër problem shumë i madh të shkruash letër ty. Një letër që dihet se nuk do besohet, as nuk shkruhet!
Nga ana tjetër, lidhur përsëri me gënjeshtrën, je i tillë gënjeshtar sa as në të gënjyer nuk je koherent. Pra je përsosmërisht jo-serioz. Dhe po deshe ta dish cili është karagjozllëku yt më i madh, ja ku po ta them; Individët Burra Shteti të vërtetë, ashtu sic prentendon të jesh ti, janë njerëz të butë, të urtë. Nën ta, pikërisht për meritë të urtësisë dhe butësisë së tyre, është i ashpër, madje dhe i egër, Ligji! E kundërta e kësaj quhet karagjozllëku më i madh shtetëror. Dhe shëmbulli ilustrues i këtij realiteti kriminal qeverisës je ti. Ti që
duke e grumbulluar rreth vetes tërë autoritetin, e lë Ligjin poshtë të bëhet leckë!
Por ti nuk ke të ndalur në rrugën e karagjozllëkut. Ti për shembull, në tërë xhestet e tua prej karagjozi, nuk lë rast të të iki pa lënë të kuptohet se je Lider Historik demek nga ata që bëjnë punë të mëdha që mbeten me shekuj! Nuk je lider fare, e jo më historik. Për arsyen e thjeshtë dhe të qartë se, përveç llafeve të gënjeshtërta pa fund, nuk ke
asnjë bilanc punësh të kryera. Ngule në tru; Nuk ke për të mbetur në Histori! Vërtet Historia nuk është ndonjë shkencë e saktë, por edhe aq e pasaktë sa të të pranojë ty, nuk është. Nuk po i futem më thellë kësaj se nuk dua ti prish gjakun as vetes as lexuesve.
Shteti modern është një realitet statistikor nga i cili ti nuk ke asnjë haber. Shqiptarët e sotëm ndoshta nuk e kuptojnë mirë këtë, por sigurisht e ndjejnë. Ata kanë bërë shumë rrugë përpara dhe ty të kanë lënë prapa. Ata nuk e meritojnë qeverisjen tënde të keqe. Atyre nuk u lypsen thirrjet e tua prej gjoja patrioti. Me mënyrat e tua djallëzore ti vazhdimisht i ofendon dhe i invadon jetët e tyre.
Por smbaron këtu!
Më e keqja e punëve të tua është se ti duke pasur të vetmin qëllim shtimin e pafund të lirisë tënde, e bën këtë duke pakësuar lirinë e të gjithë të tjerëve. Kjo, o zoti kryemaestër i hileve, quhet mënyrë despotike e të qeverisurit dhe është më e keqja, më e shëmtuara dhe më e pa merituara mënyrë qeverisjeje për Shqipërinë dhe shqiptarët e sotëm. A sështë krim që një vend si Shqipëria që ka vuajtur dekada të tëra diktaturë nga bashkimi i mungesës së ndërgjegjes së lirë me vullnetin për pushtet të ca burokratëve ca moralistëve të gërditshëm tani të durojë edhe moralizmat, gënjeshtrat e tua?
Sistemi yt piramidal qeverisës, piramida gjigande autoritare në majë të së cilës rri vet, dhe qindrat e piramidave despotike butaforike brenda së madhes, përbëjnë turpin e sotëm kombëtar shqiptar. Nga brenda këtyre piramidave të turpshme, ti dhe të tutë, vetëm vidhni dhe vetëm poshtëroni, vetëm pengoni dhe vetëm ngadalësoni, dhe asgjë tjetër sbëni.Mund të thuash se sështë kështu, se shqiptarët të duan etj.etj. Nuk është e vërtetë. Shumica e shqiptarëve, të cilët ti sot me mjetet e tua djallëzore i ke bërë të heshtin, nuk të duan dhe mezi presin të ikësh. Mund të insistosh duke thënë se të duhet qarë halli, se Shqipëria ka punë të vështira për të bërë, se shqiptarët është vështirë ti qeverisësh etj. Jo! Punët e Shqipërisë nuk janë as të vështira as të pamundura, janë thjesht punë. Të vështira punët i bën ti dhe të ngjajshmit që mban përrreth, ju që punët i pengoni duke i mbështjellë me lyrën e injorancës dhe misterin e fatalitetit. Sot Shqipëria nuk është ajo e një shekulli më parë si të duket ty. Shqiptarët kanë bërë mjaftueshëm rrugë drejt qytetërimit dhe iluminimit. Sot Shqipëria dhe shqiptarët mund të qeverisen fare mirë me dituri dhe ligje, punë dhe përkushtim. Prandaj ti sot je i prapambetur, i tepërt, i panevojshëm. Prej këtyre dhe shumë e shumë marrëzive të tjera o kryemaestër na është bërë shpirti zeher.
Se njeriu i sëmurë mund të jetojë edhe dhjetra vite me ilaçe buzë varrit. Ashtu e ke katandisur Shqipërinë e bukur ti! Prandaj as po ta nis fare këtë letër. Nuk meriton letër ti.
Nga Elisa Spiropali
Gazeta Albania
(peshkupaujë)
__________________
L'ottimismo č il profumo della vita!
Denonco kėtė mesazh tek moderatorėt | IP: e regjistruar
|