sarandaebukur
Veteran ne forum
Regjistruar: 21/06/2003
Vendbanimi: New-York
Mesazhe: 817
|
Filloi dhe Viti I mbare !!
Berisha: Trafikantët para drejtësise
Kryeministri Sali Berisha siguroi dje gratë e trafikuara, se do të kenë mbështetjen maksimale të qeverisë për të nisur një jetë të re, ndërsa kërkoi dënime të ashpra ndaj trafikantëve. Gjithashtu, kreu i qeverisë u shpreh për vënien para drejtësisë të të gjithë trafikantëve të qenieve njerëzore. Gjatë një vizite që zhvilloi dje në ambientet e qendrës së rehabilitimit të viktimave të trafikut në Linzë, kreu i qeverisë shqiptare theksoi se qeveria po bën të gjitha përpjekjet që kjo shtresë të kthehet në jetën normale. "Jam këtu për të uruar dhe shprehur mbështetjen e plotë të qeverisë ndaj grave të dhunuara. Ne do të bëjmë ç'është e mundur për një rikthim sa më të shpejtë në jetën normale dhe të zakonshme të tyre", tha Berisha në këtë takim. Po kështu, Berisha tha se këto gra nuk kanë nevojë vetëm për një strehim, por edhe për një mbështetje materiale dhe psikologjike, që ato të kenë funksionet e tyre në jetë. Për këtë arsye, kryeministri ka premtuar një program të veçantë punësimi mbi bazën e kurseve të trainimit që merren në këto qendra. "Ne, me përgjegjësi, duhet të bëjmë çdo përpjekje që këtyre grave t'u japim një shans të ri si në fushën e jetës, në përgjithësi, ashtu edhe në aspektin psikologjik. Në këtë mënyrë, këto gra të përmbushin funksionet e tyre në jetë. Ne mund të bëjmë një program të veçantë për punësimin e këtyre vajzave dhe grave, mbi bazën e aftësimit të tyre nga programet dhe mësimet që marrin në qendër. Këtu nuk duhet vetëm të luftohet analfabetizmi, por edhe të trainohen që të kenë mundësinë e marrjes së një profesioni", është shprehur Berisha. Ai shpjegoi se këto projekte janë shumë të rëndësishme, pasi, përveçse largojnë një numër të lartë femrash nga duart e trafikimit të vazhdueshëm të tyre, krijojnë mundësinë e një baze reale për integrimin e atyre grave që kanë qenë viktima të trafikimit. "Shansi i një fillimi të ri është e drejtë e çdo njeriu për të krijuar kështu një bazë reale për t'u integruar", deklaroi kreu i ekzekutivit. Gjithashtu, kryeministri tha se një nga detyrat kryesore të Ministrisë së Brendshme dhe strukturave të saj është vendosja para ligjit e atyre personave që kanë favorizuar, ndihmuar apo trafikuar vajzat shqiptare. "Të gjithë ata persona që kanë kryer këtë krim të shëmtuar, duhet të vendosen para drejtësisë", tha Berisha. Kryeministri u shpreh se duhet të ketë një bashkëpunim mes ministrisë, Prokurorisë së Përgjithshme si dhe Interpolit, që këta njerëz të vihen para drejtësisë dhe ligjit.
Gazeta RD
Denonco kėtė mesazh tek moderatorėt | IP: e regjistruar
|
31 Dhjetor 2007 15:27
Forumi Horizont > Media dhe Politika > Politika Shqiptare > Te lutem O Zot ndihmoje qeverine tone te ndryshoje per te miren e popullit!
