arturm
Veteran ne forum
Regjistruar: 06/12/2006
Vendbanimi: itali
Mesazhe: 1195
|
Gafa e trete e Presidentit Topi
Pas dy gafave te para te Presidentit Topi, heqjes se Prokurorit te Pergjithshem pa pritur njehere vendimin e Kushtetueses dhe vajtjes (si pordhaci Nano) ne koncertin e Vjenes, vjen edhe gafa e trete e tij:
Marre nga gazeta Panorama
Gjashtë muaj pas drekës në qytetin e Vlorës, ku Topi u pa në praninë e rreth 20 deputetëve, tani në krye të shtetit ai ka zgjedhur sërish një qytet bregdetar për të drekuar me deputetët, të cilët e kanë mbështetur gjatë garës presidenciale. Por përpara kësaj dreke, kreu i shtetit ka pritur në zyrën e tij kryeministrin Sali Berisha. Takimi mes tyre është bërë para nisjes së mbledhjes së qeverisë dhe ka zgjatur rreth 45 minuta. Burimet nga kryeministria konfirmojnë takimin mes tyre, por pa dhënë detaje lidhur me atë çka mund të jetë diskutuar. Më pas, në orën 13:00, makina e Presidentit Topi TR 0001 Z është parë t'i drejtohet restorantit "Arragosta" në qytetin e Durrësit. Para kreut të shtetit në këtë restorant kishin ardhur edhe deputetë të maxhorancës si dhe disa ministra të kabinetit qeveritar, të cilët vetëm pak para nisjes së drekës kishin përfunduar mbledhjen e qeverisë. Burimet bëjnë të ditur se kreu i shtetit ka thirrur deputetët dhe ministrat demokratë të drekojnë në këtë restorant peshku me rastin e festave të fundvitit. Por ajo që bie në sy është fakti që në ndryshim nga "takimi i Vlorës", pjesëmarrës janë edhe ministra të kabinetit qeveritar si ministri i Jashtëm, Lulzim Basha, ministrja e Integrimit, Majlinda Bregu, ministri i Shëndetësisë, Nard Ndoka apo edhe ish-ministri Besnik Mustafaj. Zyrtarët që kanë përgatitur këtë drekë duket se kanë bërë kujdes edhe për vendet për secilin nga pjesëmarrësit, ku kreu i shtetit ka pasur në krah të tij pikërisht Mustafajn dhe Bregun. Në fillim të saj ish-nënkryetari i PD-së ka përshëndetur të gjithë të ftuarit, duke i konsideruar ata si miqtë dhe mbështetësit e tij më të ngushtë. "Faleminderit që keni ardhur në këtë drekë, pasi ju konsideroj miqtë e mi më të ngushtë", mësohet të ketë thënë kreu i shtetit në këtë drekë me mbështetësit e tij. Për rreth 60 minuta, Presidenti Topi ka biseduar me të gjithë të pranishmit në këtë drekë, ku megjithëse sipas burimeve, nuk është diskutuar për asnjë moment për ngjarjet politike në vend, kjo tregon edhe njëherë mbështetjen e gjerë që ka kreu i shtetit në radhët e Partisë Demokratike. E pranishme në këtë drekë ka qenë edhe muzika, ku pas peshkut të shoqëruar me verë, nuk kanë munguar as performancat e kërcimit të disa prej deputetëve si Sali Shehu, Pal Dajçi apo Ndriçim Babasi. Në të njëjtën kohë, edhe dollitë kanë qenë pjesë e kësaj dreke, ku sërish protagonist ka qenë deputeti Sali Shehu. Deputeti demokrat mësohet të ketë ngritur nga një dolli për kreun e shtetit për të cilin ka thënë, se "jemi të gëzuar që kemi arritur një pikësynim tonin", duke iu referuar pikërisht bërjes së Topit president. Por një tjetër dolli e Sali Shehut ka qenë edhe për deputetin e pavarur Gilman Bakalli. Ndërkohë, mosbesues ndaj teknologjisë së fundit të celularëve, deputetët demokratë i kanë kërkuar kreut të LDK-së, Nikollë Lesi, të mos filmojë performancat e kërcimit, apo edhe ndonjë batutë të deputetëve me njëri-tjetrin. Nga ana tjetër, restorant "Arragosta" për tri orë e gjysmë ka qenë në mbikëqyrje të plotë të Gardës së Republikës dhe forcave të rendit, të cilët nuk kanë lënë për asnjë moment përfaqësuesit e medias të bëjnë fotografi apo të marrin prononcime për këtë drekë. Kjo nuk është hera e parë që kreu i shtetit mbledh në dreka të tilla jo zyrtare deputetët demokratë, të cilët e kanë mbështetur në garën e tij presidenciale. Disa herë radhazi, pas marrjes së mandatit të Presidentit, Topi ka organizuar dreka të tilla me një pjesë të grupit të PD-së.
Të pranishëm në drekë
Bamir Topi
Majlinda Bregu
Gazmend Oketa
Besnik Mustafaj
Aleksandër Biberaj
Sami Gjergji
Osman Metalla
Nard Ndoka
Lulëzim Basha
Fatos Beja
Engjëll Cara
Gilman Bakalli
Genci Juka
Nikollë Lesi
Galip Ramadhi
Pal Dajçi
Sali Shehu
Aurel Bylykbashi
Edi Paloka
Blerim Çela
Gëzim Karapici
Idriz Xhomara
Rrahim Kaleci
Safet Sula
Dashnor Sula
Aleksandër Flloko (presidenca)
Dashamir Xhaxhiu (presidenca)
Bashkim Bekteshi
(këshilltar grupi)
Denonco kėtė mesazh tek moderatorėt | IP: e regjistruar
|