Vizioner
...ne Timon
Regjistruar: 23/11/2007
Vendbanimi: Frankfurt
Mesazhe: 6857
|
 Gjithė pushtetet Berishės, pėrveē vilės nė Vlorė
!
14 Gusht, 2012
Nga Mero Baze
Sali Berisha është kryeministër i Shqipërisë. Qeveria e tij ka ministra, zëvendësministra, këshilltarë, vetura, helikopterë, zyra, vila pushimi
që varen prej tij.
Shqipëria ka një President, gjysmë njeriu, gjysmë politikani, gjysmë intelektuali, gjysmë nëpunësi, gjysmë komunisti, gjysmë demokrati, gjysmë burri, për ti lënë gjysmën e pushtetit të tij kryeministrit të vendit që tashmë është dhe president.
Shqipëria ka një kryetare parlamente, një grua, humori i së cilës nuk varet nga menopauza, por nga humori i Berishës, një grua që qetësia e saj nuk varet nga shpirti dhe mendja, por axhitimi apo qetësia e Berishës, një grua që mendja e saj e ka të ndaluar të mendojë, por vetëm të recitojë ato që mendon Berisha, një zonjë, e cila flet si lavire kur i duhet Berishës dhe tenton të hiqet si zonjë kur ka punë me laviret e Berishës, një grua që është në krye të parlamentit thjesht se është kryeministër Sali Berisha.
Shqipëria ka një Shërbim Informativ Shtetëror, që ka plot të punësuar si agjent, ka dosje të vjetra dhe të reja, histori të shëmtuara dhe të lavdishme, një ndërtesë që ka parë tmerre dhe heroizma, që ka parë aleatë dhe terroristë në dyert e saj, dhe që në fund ka dhe një kryetar të ri që është gati të vdesë vetëm për Sali Berishën.
Shqipëria ka një Këshill të Lartë të Drejtësisë, mbushur me gjyqtarë barkfryrë, që gjënë më të vështirë në jetë kanë sa të kuptojnë me kë është shefi i tyre. Tashmë që e kanë kuptuar se të gjitha pushtetet janë të Berishës, janë të qetë dhe votojnë 100 për 100 vetëm për të.
Shqipëria ka një Gjykatë të Lartë, që videon ku flitet me zë dhe figurë për vjedhje milionëshe e quan se nuk ekziston, një gjykatë që lë shkallëve një dosje që flet për 220 milionë euro të vjedhura nga kollovari i Familjes, një gjykatë që pushon çështjen për një ministër që ka vrarë 26 vetë vetëm pse bashkëpunëtori i tij është i biri i kryeministrit, një gjykatë që të sharat nga nëna të Sali Berishës për nënat dhe motrat e opozitarëve i quan normale dhe akuzat për korrupsion për të birin dhe të bijën e tij i quan krime, një Gjykatë me gjyqtarë që kanë leje të bëjnë miliona nëse sillen mirë me Familjen, dhe që tashmë njihen si grup i gatshëm i Sali Berishës.
Shqipëria ka një Gjykatë Kushtetuese me njerëz që janë dorëzuar para pushtetit të Sali Berishës, me një kryetar që fillon punën duke marrë bekimin e tij dhe gjyqtarë të trembur që bëjnë sikur shikojnë punët e tyre dhe nuk shikojnë si po bie Republika nën shalët e gjata të Sali Berishës.
Shqipëria ka një prokurori të trembur, me një kryeprokurore me ditë të numëruara, që tashmë mezi pret ushtarin e ri të Sali Berishës, të bëjë dhe ai parakalimin krenar të servilit para Familjes Berisha duke i kërkuar njëkohësisht ndjesë për ndonjë shqetësim të krijuar nga institucioni.
Shqipëria ka një Agjenci të Kthimit të Pronave, që për 7 vjet ka bërë pronarë barktharë dhe u ka tharë barkun pronarëve, që ka nxjerrë Shkëlzenin dhe Rrahmanin pronare të Orikumit dhe Vlorës, që ka bërë Argitën pronare të Lalzit dhe Plazhit të Gjeneralit, që ka pritur e përcjellë drejtorë sipas orekseve të avokatëve të Shkëlzenit, dhe që vazhdon të varet prej tij.
Shqipëria ka një media në shërbim të pushtetit, që nga ajo shtetërore, publike dhe private. Ka një RTSH që të kujton vitin 1976, një medie proqeveritare si Klani që të kujton kohën e fletërrufeve më 1968-ën, kur Berisha u bë komunist, një medie konformiste private, që konverton në lek heshtjen ndaj shëmtive që ndodhin, dhe një armatë të tërë botuesish dhe gazetarësh që vrasin mendjen si ti hyjnë në zemër Sali Berishës.
Shqipëria është një republikë e pashembullt, një republikë ku qytetarët nuk pyetën më për kë votojnë, por pranojnë vetëzgjedhjen e Sali Berishës, i cili pastaj ka në dorë gjithë pushtetet.
Duhet të bëjmë një vetëm një saktësim.
Nuk paska hipur akoma tek një veturë Benz 700 mijë euro të blinduar dhe nuk paska fjetur akoma me Lirinë tek vila qeveritare prej 1 milionë euro që po privatizon realisht në Vlorë, vilë të cilën nuk e gëzoi dot as Mehmet Shehu. Ndoshta hë për hë flenë mbesat, djali dhe vajza.
Keni besim tek ndershmëria e tij.
Ka aq shumë pushtet, pasuri, vila, vetura, helikopterë dhe njerëz në dispozicion, sa nuk e ka shijuar akoma vilën e Vlorës. Dhe është mërzitur aq shumë që ia kemi thënë që e ke dhe këtë vilë, sa na ka sharë me libër shtëpie. Po e korrigjojmë. Të gjitha pushtetet dhe pasuritë e këtij vendi janë të Sali Berishës dhe Familjes së tij
, përveç vilës së Mehmetit në Vlorë. Atje paska frikë të shkelë se i duket se nuk do ta gëzojë.
Si Mehmeti!
__________________
I am the author of my life;
unfortunalty, I'm writing in pen & can't erase my mistakes.
Denonco kėtė mesazh tek moderatorėt | IP: e regjistruar
|
30 Maj 2012 16:06
mi griti nervat.
Forumi Horizont > Media dhe Politika > Politika Shqiptare > Shenjat e "lindjes" te nje Diktatori
