Vizioner
...ne Timon
Regjistruar: 23/11/2007
Vendbanimi: Frankfurt
Mesazhe: 6857
|
Halili: Tirana, sfidė Milanit tė madh
Drejtuesit bardheblu janë shprehur se Tirana do të tentojë ta mposhtë skuadrën më të mirë në botë
Tirana e ka vlerësuar ndeshjen me Milanin, që do të luhet më 14 tetor, ora 19:00, në stadiumin kombëtar Qemal Stafa jo thjesht si miqësore. Madje bardheblutë do të tentojnë të futen në histori, pse jo edhe duke e mundur skuadrën kampione të botës. Me këtë qëndrim është shfaqur Refik Halili, një nga donatorët e Tiranës, që mban presidencën e radhës te ekipi bardheblu, në konferencën për shtyp të mbajtur në ambientet e restorant Vjena. I shoqëruar nga donatorja Shefikat Ngjela dhe shefi i klubit Ed Gjini, Refik Halili ka siguruar që Tirana do të bëjë një paraqitje dinjitoze me Milanin e madh, duke u angazhuar maksimalisht, me qëllimin për të marrë një rezultat pozitiv. Për ne është një nder i madh që Tirana është përzgjedhur nga organizatorët si kundërshtarja e Milanit për ndeshjen e 14 tetorit. Milani është një skuadër e madhe, kampione e botës, dhe nuk ka nevojë që ti bëhet reklamë famës së saj. Megjithatë, futbollistët tanë janë të angazhuar maksimalisht për këtë takim. Ju siguroj se Milani nuk do ta ketë aspak të lehtë me Tiranën, madje do të dëshiroja që ndeshjen ta mbyllinim të paktën në barazim dhe ta çonim te gjuajtjet e penalltive. Në fakt, ndoshta do të duket e tepruar, ne do të tentojmë që trofun e këtij aktiviteti ta mbajmë në Shqipëri. Me një fjalë, do të tentojmë që edhe të fitojmë. Dhe nëse do ta arrinim këtë, do të ishte moment historik për Tiranën dhe futbollin shqiptar, ka deklaruar Refik Halili.
2000 bileta për ultrasit bardheblu
Donatorët e Tiranës kanë menduar edhe për tifozët e zjarrtë bardheblu. Halili ka sqaruar se 2000 bileta të kësaj ndeshjeje do të bllokohen nga donatorët, të cilët do tua shpërndajnë më pas tifozëve të Tiranës, të cilët do të vendosen veçmas në tribunën përballë. Qëllimi është që tifozët bardheblu të ndihen më të privilegjuar, duke i blerë biletat me një çmim më të lirë se ai i hedhur në treg. Ne si donatorë kemi vendosur që tifozët e zjarrtë të Tiranës, që janë të shumtë në numër, të vendosen në një vend të veçantë në tribunën përballë. Për këtë arsye, kemi blerë rreth 2000 bileta, që do ti shpërndajmë si klub. Përveç kësaj, kemi vendosur të krijojmë një dekor të veçantë në pjesën e stadiumit ku do të qëndrojnë tifozët bardheblu. Qëllimi ynë është që në këtë ndeshje tifozët e Tiranës ta ndiejnë veten më të privilegjuar, çka do të thotë se ne, që përbëjmë bordin drejtues të Tiranës, do të vendosin se me çfarë çmimi do tua japim biletat tifozëve tanë. Kuptohet me një çmim më të ulët se ai i tregut. Ne do të bëjmë gjithçka për tifozët tanë, sigurisht brenda mundësive tona, sepse nuk jemi ne organizatorët e kësaj miqësoreje. Në fund të fundit, ne duhet të jemi krenarë dhe të privilegjuar që jemi zgjedhur si kundërshtarë të Milanit të madh.
Çmimi i biletave, i lartë
Në konferencën për shtyp është diskutuar edhe për çmimin e lartë të biletave. Gazetarët e pranishëm e kanë pyetur donatorin e Tiranës se pse janë vendosur çmime kaq të larta, kur dihet që të ardhurat e kësaj miqësoreje do të përdoren për bamirësi. Presidenti Halili ka shpjeguar me detaje se, për sa i përket organizimit të kësaj miqësoreje, drejtuesit e Tiranës nuk kanë të drejtë të ndërhyjnë. E thashë edhe më lart, ne duhet ti përgëzojmë organizatorët që kanë zgjedhur Tiranën si kundërshtare të Milanit të madh. Sa për anën organizative dhe për çmimin e biletave, nuk mund të themi asgjë. Ne do të bëjmë atë që kemi mundësi për tifozët tanë. Pra, kemi marrë 2000 bileta për mbështetësit bardheblu, çmimi i të cilave do të vendoset nga bordi drejtues i Tiranës, në mënyrë që tua japim më lirë.
Privatizimi, shpëtimi i futbollit shqiptar
Pa dashur, Refik Halili, duke iu përgjigjur pyetjes së të pranishmëve nëse do të jetë e përvitshme miqësorja me Milanin, ka prekur një temë të nxehtë të futbollit shqiptar: privatizimin e klubeve. Sipas Halilit, vetëm duke i privatizuar klubet do të vijë shërimi i kësaj loje të bukur. Ju më pyesni nëse do të jetë e përvitshme kjo miqësore, por çfarë përgjigje tju jap nëse klubet tona të futbollit akoma janë të paprivatizuara? Nëse Tirana do të privatizohej nga donatorët, unë mund tju përgjigjesha ndryshe, sepse angazhimi ynë do të ishte shumë më i madh, jo vetëm në kuadrin e një miqësoreje. Privatizimi i klubeve po e mban peng futbollin shqiptar. Është një problem që edhe media duhet ti kushtojë më shumë rëndësi. Pra, le të bashkohemi të gjithë, që futbolli shqiptar të ecë përpara si në çdo vend tjetër të botës.
Itinerari i Milanit në Shqipëri
10:00 Nisja nga Milano.
11.30 Mbërritja në Rinas.
12:00 Mbërritja në hotel Sheraton.
13.30 Dreka zyrtare.
15:00 Takim me Kryeministrin Berisha.
16.30 Konferencë për shtyp në ambientet e Sheratonit (besohet Maldini).
17.30 Nisja për në stadiumin Qemal Stafa.
19:00 Fillimi i ndeshjes.
19.45 Dorëzohet çeku për UNICEF in.
21:00 Mbaron ndeshja.
21:40 Skuadra niset për në aeroport për të udhëtuar drejt Milanos.
22:00 Darka gala, ku do të bëhet edhe ankandi me fanellat e lojtarëve të Milanit (përfitimet do të jepen për bamirësi). Do të marrin pjesë Masaro dhe Barezi.
Përbërja e Milanit:
Kristian Abiati
Masimo Ambrozini
Luka Antonini
Marko Borrielo
Matias Kardaçio
Mateo Darmian
Ronaldinjo
Nelson Dida
Xhuzepe Favali
Emerson
Methju Flamini
Filipo Inzagi
Zeljko Kalac
Kakhaber Kaladze
Paolo Maldini
Alesandro Nesta
Çinoje Osuji
Nikola Pazini
Andrea Pirlo
Klarenc Sedorf
Filip Senderos
Andrij Shevçenko
Rodnej Shtraser
Tabare Viudez Mora
Trajner: Karlo Ançeloti
__________________
I am the author of my life;
unfortunalty, I'm writing in pen & can't erase my mistakes.
Denonco kėtė mesazh tek moderatorėt | IP: e regjistruar
|
forca kush?! 
19 Shtator 2008 19:29
Forumi Horizont > Sporti > Futboll > TIRANA - MILAN / Se shpejti ne Qemal Stafa!
