Gjergj Kastrioti
Veritas Odium Parit
Regjistruar: 21/10/2004
Vendbanimi: God is busy, me too...
Mesazhe: 2957
|
Meqe na kujtoi rakine cedrusi i njohur ndryshe edhe si qederi...
Po postojme disa foto te bombes alkolike qe mban emrin "Raki" dhe ajo qe behet ne Skrapar eshte padyshim me e mira ne Shqiperi.
Ka edhe vere:
Shesh i Zi eshte varietet i kuq i rrushit shesh. Gjenden nje seri klonesh te ketij varieteti . Ne kemi perzgjedhur me kujdes fidanin me te mire per kultivimin e tij ne vreshte duke siguruar keshtu nje vere me shije unikale .
Rrushi, "Babai" i verës, mbreti i tavolinës Është fryti që na "dhuron" verën, pijen më fisnike që na shoqëron në çdo festë, ngjarje të rëndësishme apo thjesht në ditët e zakonshme të jetës. Me origjinë të panjohur, shkrimet dhe legjendat e vjetra tregojnë se rrushi kultivohej kryesisht në një zonë të madhe mes Evropës, Afrikës së Veriut dhe Azisë, rreth 8000 vjet më parë. Vendlindja e tij evropiane është Franca, ku bimët e hardhisë u sollën nga fenikasit në vitin 600 para Krishtit, ndërsa romakët e sollën në Gjermani në shekullin e fundit pas Krishtit. Në kontinentin aziatik, e sidomos në Kinë, rrushi dhe pijet e prodhuara prej tij, mbërritën falë tregtisë nga Arabia në shekullin e dytë p.e.s. Aktualisht, prodhimi botëror i rrushit që përdoret si fryt tavoline i kalon 70 milionë kuintalë në vit, ndërsa Italia mban vendin e parë me më shumë se 15 milionë të tillë. 75.866 mijë kilometra katrorë e të gjithë botës i është dedikuar kultivimit të këtij fryti magjik. Po sipas të dhënave, rreth 71 për qind e prodhimit botëror të tij përdoret për bërjen e verës, 27 për qind për përdorimin si fryt tavoline dhe 2 për qind për tu tharë. Po ashtu, një pjesë e mirë e tij shkon për prodhimin e lëngut, i cili përdoret si ëmbëlsues për produktet që përmbajnë etiketat "pa sheqer të shtuar" apo "100 për qind natyral". Nga ana tjetër, është për tu theksuar fakti se zonat që i dedikohen rrushit për prodhimin e verës po rriten me rreth 2 për qind në vit. I cilësuar si mbreti i tavolinës, varietetet e ndryshme të tij ngjajnë shumë pak me njëri-tjetrin. Rrushi ka veti të mira ushqimore e dietike. Kokrrat e tij përmbajnë sasi të konsiderueshme sheqeri, që shkon deri në 25%, acide organike, kripëra të kalciumit, të hekurit, vitaminë B dhe C, lëndë tanike etj. Por rrushi ose lëngu i tij përdoret gjerësisht edhe për qëllime terapeutike. Ai këshillohet të përdoret nga ata që vuajnë nga gurët në veshka, nga nefritet, ata që kanë gurë në mëlçi, probleme me fshikëzën e urinës, apo tek njerëzit që vuajnë nga tensioni i lartë i gjakut. Ka efektshmëri të lartë edhe tek të sëmurët nga pleurititi, bronkiti kronik, në rastet me astma bronkiale të formës së lehtë e të mesme, si dhe në sëmundjet e mushkërive. Një bistak mesatar rrushi është i barasvlefshëm me dy gota uji meqenëse rreth 80 për qind e tij përbëhet nga uji, një mënyrë shumë natyrore, për të larguar helmet nga veshkat, për të mbajtur gjakun të pastër dhe për të luftuar grumbullimin e likuideve, që një nga shkaktarët kryesorë të celulitit. Këshillohet të hahet me gjithë lëkurë, pasi është shumë e pasur me fibra dhe ndihmon në pastrimin e zorrëve. Jo më kot thonë se aty ky hyjnë frutat, nuk hyn mjeku. I vetmi përjashtim është se nuk rekomandohet të përdoret nga diabetikët, sepse përmban shumë sheqer. Aq shumë veti pozitive ka ai, sa që kohët e fundit dietologët e kanë cilësuar si bazën e ampelo-terapisë, ose kurës me bazë rrushin, që konsiston në reduktimin progresiv të të gjitha ushqimeve, deri sa arrihet vetëm në ngrënien e tij deri në dy kilogramë në ditë. Një këshillë vërtet e vlefshme për të gjithë ata që duan të bien nga pesha. Në të vërtetë, kjo është edhe një nga dietat më të përdorshme nga yjet e famshëm të Hollivudit. Por përveç vetive të shumta distike dhe terapeutike, është shumë i njohur përdorimi i tij edhe në kuzhinë, nga përgatitja tradicionale e marmelatave, lëngjeve, reçelrave, kompostove e deri tek përdorimet më origjinale dhe moderne, si shoqëruesi më i mirë mishit të bardhë apo peshkut. Shefat e rinj të kuzhinës thonë se ata që nuk e kanë provuar çokollatën e shkrirë të përzier me lëng dhe kokrra të thata rrushi, nuk e dinë çdo të thotë të shijosh një ushqim apo të falënderosh natyrën për dhurata kaq të arta. Pastruese: Një bistak mesatar rrushi është i barasvlefshëm me dy gota uji, meqenëse rreth 80 për qind e tij është ujë. Në këtë mënyrë, largon helmet nga veshkat, mban gjakun të pastër nëse hahet me gjithë lëkurë, e cila është shumë e pasur me fibra, ndihmon në pastrimin e zorrëve. Energjike: E gjithë merita qëndron në përqendrimin e sheqernave që janë një ndihmesë e madhe për të bërë të ndihen energjik të gjithë ata që merren me aktivitete sportive Antistres: Meqenëse përmban metatoninë, një hormon i rëndësishëm për të rregulluar ciklet gjumë-zgjim, konsumi i tij garanton një fjetje të qetë në darkë vitaminë C Forcon kockat dhe muret e kapilarëve, sistemin imunitar, aktivizon mekanizmat kundër radikaleve të lira. Gjithashtu, ai përmban edhe antocianinë, kurecinë që kanë veti antioksiduese dhe antibakteriale dhe ndikon në rritjen e kolesterolit "të mirë" në gjak , 75.866 mijë kilometra katrorë e të gjithë botës i është dedikuar kultivimit të këtij fryti magjik. Po sipas të dhënave të kësaj organizate, rreth 71 për qind e prodhimit botëror të tij përdoret për bërjen e verës Dietik Kohët e fundit dietologët e kanë cilësuar si bazën e ampelo-terapisë, ose kurës me bazë rrushin, që konsiston në reduktimin progresiv të të gjitha ushqimeve, deri sa arrihet vetëm në ngrënien e tij deri në dy kilogramë në ditë Maska Për një fytyrë që shkëlqen Që në kohët e lashta, ky fryt njihej për cilësitë depurative, ndaj tashmë industritë e mëdha të kozmetikës e kanë zbuluar që përbërësit e tij aktivë kanë një fuqi të madhe antioksiduese. Ai është jashtëzakonisht i mirë për të hidratuar, ushqyer dhe bonifikuar lëkurën dhe ndihmon në parandalimin e plakjes së saj. Kështu për të pasur një fytyrë më të shndritshme dhe më të pastër, këshilla është shumë e thjeshtë. Lëngu i përftuar nga shtrydhja e një bistaku rrushi lihet të fermentohet për disa orë, pastaj vendoset në lëkurë, duke shmangur pjesën rreth syve. Pasi lihet të veprojë për 20 minuta, shpëlahet me ujë të bollshëm. Efekti? Pastrues dhe regjenerues. Sepse një përgatitje e tillë është edhe kundër rrudhave, duke e bërë lëkurën të duket më e pastër dhe më e shëndetshme se kurrë. Vera, uthulla dhe rakia "Bijëzat" fisnike të rrushit Rakia është një pije alkoolike që krijohet nga fermentimi dhe distilimi i rrushit. Ajo njihet ndryshe edhe si pija tradicionale turke dhe një nga pijet më të dashura për tavolinat e shqiptarëve. Mendohet se ajo erdhi në Shqipëri nga turqit, gjatë pushtimit otoman të vendit, rreth fundit të shekullit të 18-të. Ndër më të mirat janë ato të Skraparit dhe Përmetit. Mënyra më e mirë për ta shijuar atë janë gotat e vogla prej qelqi dhe sigurisht një pjatë e madhe me meze përpara. Rakia e fortë e rrushit, në kushte shtëpiake, mund të zëvendësojë edhe alkoolin. Ajo përdoret për shpëlarjen dhe dezinfektimin e plagëve, për fërkime të ndryshme në kurriz dhe në gjoks në raste ftohjesh, si nxitëse të sistemit të tretjes, për hapjen e oreksit dhe për të shtuar nxehtësinë e trupit gjatë dimrit. Uthulla Përftohet falë bakterit të uthullës, që në prani të oksigjenit e shndërron metanolin në acid acetik. Mund të jetë me ngjyrë të bardhë apo të kuqe dhe aciditeti i saj shkon deri në 60 gramë për një litër. Historia e saj daton mijëvjeçarë më parë, megjithatë të dhëna të sakta nuk ka ende. Përmendet edhe në Bibël, ndërsa mendohet se dëshmia më e hershme për ekzistencën e saj ka qenë një vazo egjiptiane, që është gjetur rreth 10000 vjet më parë, në varrin e një faraoni. Në fillim njihej vetëm uthulla që bëhej nga vera, por filloi të përdorej gjerësisht edhe ajo e mollës. Vera Nuk ka verë pa rrush, ndërkohë ne mund të themi se nuk ka njeri që nuk ka dëgjuar për vetitë çudibërëse të saj. Pothuajse pjesë e çdo studimi që nga e kaluara, të gjithë e dimë se një gotë verë në ditë ndihmon në parandalimin infarktit dhe shumë sëmundjeve të zemrës ndërkohë që jo pa të drejtë e kanë cilësuar si eliksir i jetëgjatësisë. Shkencëtarët kudo në botë thonë se kanë gjetur arsyen përse vera e kuqe parandalon rrezikun e sëmundjeve të zemrës dhe sipas tyre i gjithë sekreti qëndron tek një substancë kimike që parandalon bllokimin e enëve të gjakut, shkaktarët kryesorë të këtyre sëmundjeve. Sipas tyre, janë pikërisht substancat e quajtura si polifenole që gjenden në lëkurën e rrushit të zi dhe të kuq dhe rrjedhimisht edhe tek vera, që i japin asaj vetitë magjike. Vera prodhohej rreth 7000 vjet përpara në Iranin e sotshëm, dhe është një nga herët e para ku procesi i fermentimit ka filluar të përdorej. Evidenca më e hershme mbi verën është e vitit 5400 para lindjes së Krishtit. Verërat e rralla, të vjetra dhe të mira janë ushqimi më i shtrenjtë që shpesh shitet për mijëra dollarë shishja. A e dini se përse numri i njerëzve të sëmurë nga zemra në Francë është më i vogël se në Shtetet e Bashkuara, edhe pse ndër ushqimet më të përdorura janë gjalpi, djathi dhe të tjera me përmbajtje të lartë kolesteroli? Sepse pija më e përdorur në Francë është vera e kuqe. Pjesa më e madhe e verës ekskluzive vjen nga Franca dhe Italia, ndërkohë që atyre që u kushtohet më shumë rëndësi janë "Bordeoux" dhe Port. Ndër prodhuesit më të mëdhenj të verës në botë janë Franca, Italia, Spanja dhe SHBA-të që janë njëkohësisht edhe rajonet ku zonat e kultivimit të rrushit janë jashtëzakonisht të mëdha. Aktualisht terapia me bazë verën është një nga tendencat më të përhapura në modën e kurave të mirëqenies dhe estetikës. Ajo ka lindur në Francë, rreth 10 vjet më parë, në Bordo, me nismën e Mathilde Cathiard, vajza e pronarit të kantinës së njohur të verërave "Chateaux Smith Haut-Lafitte" Vetite Kokrrat e tij përmbajnë sasi të konsiderueshme sheqeri, që shkon deri në 25%, acide organike, kripëra të kalciumit, të hekurit, vitaminë B dhe C, lëndë tanike etj. Por rrushi ose lëngu i tij përdoret gjerësisht edhe për qëllime terapeutike.Nje nga fabrikat me te mira ne vendin tone eshte ajo e Skraparit
__________________
It is in truth not for glory, nor riches, nor honours that we are fighting, but for freedom - for that alone, which no honest man gives up but with life itself.(Declaration of Arbroath)
Denonco kėtė mesazh tek moderatorėt | IP: e regjistruar
|