Regjistruar: 04/11/2003
Vendbanimi: Italy ( Rome )
Mesazhe: 802

Gjendet i vrarë emigranti shqiptar, dyshohet se u grabit

Gjergj Marku

MIRDITË-Një ngjarje e rëndë është njoftuar dje në mbrëmje nga komuniteti i emigrantëve mirditorë në Greqi. Sipas tyre është vrarë me armë zjarri një 28-vjeçar, i cili është gjetur i vdekur në makinën e tij, në një prej rrugëve të kryeqytetit grek. Aleks Simoni, 28 vjeç, ndodhej në Greqi prej shumë vitesh. Lindur në Vaushkjezë në Rubikut, ai është njëri prej katër djemve të Preng Simonit të cilët kanë emigruar në shtete të ndryshme, në Amerikë në Greqi, prej 15 vitesh. 28-vjeçari Simoni është gjendur nga policia, ndërsa ende nuk është konfirmuar shkaku i vdekjes. Të afërmit e tij që janë në Greqi, me gjithë përpjekjet e tyre, ende nuk kanë mundur të mësojnë për arsyen e kësaj vrasjeje. Besohet se mund të jetë vrarë për t’u grabitur pasi ai ishte i punësuar si roje në disa lokale në Athinë.
Familjarët kanë nisur përpjekjet për sjelljen e trupit të pajetë në fshatin e tij të lindjes.


04/03/2006 ( Shekulli )

__________________
[o_O]-[JuVeNtUs]

Denonco kėtė mesazh tek moderatorėt | IP: e regjistruar