myzeqari
daddy
Regjistruar: 13/10/2004
Vendbanimi: England
Mesazhe: 2498
|
Boterori , Gjermani 2006 !
Trajneri i kombëtares argjentinase, Hoze Pekerman, ka paralajmëruar kundërshtarët e tij në grupin C të botërorit, i quajtur ndryshe "grupi i hekur", se skuadra bardhekaltër po përgatitet për të zhvilluar një botëror në nivele të larta. Argjentina, edhe pse ishte në vazon kryesore, nuk u favorizua nga shorti, pasi kundërshtarët e saj në finalet e Kupës së Botës do të jenë Serbia, Holanda dhe Bregu i Fildishtë. "Skuadra do të jetë në formën e duhur kur të vijë botërori. Kemi një ekip të mirë dhe jam i sigurt se do të bëjmë një Kupë Bote të madhe, - tha Pekermani në një deklaratë për shtypin argjentinas. - Në Gjermani do të shihni një Argjentinë krejt ndryshe nga ajo e parë në botërorin e kaluar, në Azi." Argjentina në botërorin e kaluar nuk arriti të kalojë as fazën me grupe, pavarësisht se konsiderohej si një nga pretendentet për titull. Edhe atëherë, amerikano-latinët bënin pjesë në një "grup të hekurt" me Anglinë, Suedinë dhe Nigerinë. Pekermani tha: "Jemi një skuadër ndryshe. Nëse do të luajmë si në pjesën e parë ndaj Brazilit, nuk do të kemi përse t'u druhemi kundështarëve në grupin tonë, - tha argjentinasi, duke iu referuar ndeshjes që skuadra e tij fitoi 3-1 për eliminatoret e Kupës së Botës, ndaj Brazilit. - Brazili është skuadra më e mirë për momentin, për mënyrën se si luan. Unë i pëlqej futbollistët e "Selesaos", idetë dhe futbollin e tyre...edhe Anglia është favorite. Ka një skuadër të kompletuar, më të fortë se ajo e vitit 2002. Por ne nisemi nga një pozicion më i favorshëm. Jam i bindur se do të jetë botërori i Argjentinës." Gjithsesi, Pekermani ka kërkuar edhe pak kohë për të perfeksionuar detajet e fundit në skuadër: "Kemi edhe gjashtë muaj për t'u përgatitur dhe kemi programuar një ndeshje miqësore ndaj Kroacisë. Me fjalë të tjera, do ta formoj skuadrën duke parë formën e futbollistëve nga ndeshjet me skuadrat e tyre." Në lidhje me lënien jashtë skuadrës së kapitenit në botërorin e kaluar, mesfushorit të Interit, Huan Sebastian Veron, trajneri i Argjentinës tha: "Për momentin kam në mendje futbollistë të tjerë që plotësojnë nevojat e mia në atë pozicion të fushën." Në fund të deklaratës së tij, Pekermani ka shprehur bindjen se një ditë Diego Armando Maradona do të bëhet trajneri i kombëtares argjentinase. "Diego Maradona do të jetë trajneri i Argjentinës në të ardhmen. Jam i bindur se kur t'i vijë oferta, ai do të pranojë. Nuk e di përse refuzoi bashkëpunimin me ne në këtë botëror, por është idhulli im dhe i të gjithë popullit argjentinas. Kësisoj, një figurë e domosdoshme për skuadrën kombëtare."
Ergi LUBANI
Gazeta Shekulli
---------------------------------------------------------------------------------------------------
Po ju o njerez cfare mendimesh keni , kush ju duket juve si pretendeti kryesor i kupes se arte ?
__________________
Ja fute kot
Denonco kėtė mesazh tek moderatorėt | IP: e regjistruar
|