Regjistruar: 04/11/2003
Vendbanimi: Italy ( Rome )
Mesazhe: 802

Dje ka dëshmuar shoku i ngushtë i viktimës, Like Bitaj, nga Vlora, i cili gjendej me të në çastin fatal.

Vrasja, seanca e 8-të ndaj nipërve të Luiza Hoxhës

Ardian Dauti

Është zhvilluar dje në Vlorë seanca e tetë në ngarkim të Arben Liçajt, Elidon Liçajt dhe Sokol Hoxhës, nipërit e Luiza Hoxhës, ish-deputetes së PS-së, e cila u arrestua disa ditë më parë. Tre të rinjtë akuzohen për vrasjen e Klodian Dalipit, në 8 dhjetor 2004. Dje ka dëshmuar shoku i ngushtë i viktimës, Like Bitaj, nga Vlora, i cili gjendej me të në çastin fatal. I tronditur dhe ndoshta i frikësuar, ai dëshmoi për rreth 3 orë dhe në disa raste kundërshtonte ato që kishte thënë më parë.
***
Bitaj e ka nisur dëshminë e tij me pasiguri e me ngatërrime fjalësh. “nuk jam në gjendje të dëshmoj me hollësi, i kam harrua shumë gjëra”,-i është drejtuar ai disa herë me zë të këputur trupit gjykues.
Madje në fillimin e seancës, Bitaj nuk ka pranuar të deklarojë asgjë me gojë, duke thënë se u përmbahej atyre që kishte lëshuar me shkrim në polici. Por pas disa minutash ka ndërruar mendje e ka nisur të dëshmojë.
Sipas tij, ai vetë e shoku i tij Klodiani ishin gridnur dy herë të tjera, për gjëra të vogla me Arben Liçajn. “Në 8 dhjetor Klodiani dhe unë ishim në një nga lokalet e Ujit të Ftohtë në Vlorë, tek “7 pallatet”, kur hyri Arbeni me pistoletë në dorë. Ai iu afrua Klodianit dhe e tërhoqi jashtë, duke e ofenduar e sharë. Ata nisën të dy të ziheshin fort, të dy me pistoleta në dorë. Pastaj u dëgjua një krismë. Klodiani u largua me vrap drejt rrugës që lidh Ujin e Ftohtë me Vlorën. Në këtë kohë Arbeni e qëlloi me pistoletën e tij, po ashtu edhe Sokol Hoxha e Elidon Liçaj, që e ndoqën shokun tim. Klodiani u vra rreth 100 metra larg lokalit”,-ka qenë pak a shumë dëshmia e Bitajt. Por gjatë marrjes në pyetje nga prokurori dhe avokatët mbrojtës i riu ka qenë i pasigurt. Njëherë deklaroi se Arben Liçaj kishte pistoletë kur u fut në lokal e një herë tjetër “nuk e pashë në kishte pistoletë”. Që nga vrasja e Klodian Dalipit, Like Bitaj është marrë 4 herë në pyetje dhe në të gjitha rastet ka dhënë deklarata me ndryshime. Sipas avokatëve të të pandehurve, ekziston një kasetë e incizuar ku Bitaj deklaron krejt ndryshe ngjarjen. “Do ta sjellim në gjyq seancën e ardhshme”,-thanë ata.
Në këtë seancë gjyqësore ishte i pranishëm vetëm i pandehuri Arben Liçaj,ndërsa Elidon Liçaj e Sokol Hoxha janë shpallur në kërkim me vendim nga gjykata e Vlorës.


04/03/2006 ( Shekulli )

__________________
[o_O]-[JuVeNtUs]

Denonco kėtė mesazh tek moderatorėt | IP: e regjistruar