Regjistruar: 04/11/2003
Vendbanimi: Italy ( Rome )
Mesazhe: 802

Një automjet tip “Nisan” ka dalë nga autostrada. Humbi jetën Elvis Shelgjo, dy të tjerët të paidentifikuar

Aksident në autostradë, vdesin 3 persona

Shekulli

TIRANË- Humbja e kontrollit në drejtimin e makinës u ka kushtuar jetën 3 personave, të cilët mbrëmjen e djeshme po udhëtonin në autostradën Tiranë-Durrës. Aksidenti i rëndë automobilistik ka ndodhur rreth orës 20.00, në afërsi të Qendrës Tregtare Univers, në autostradë. Burime nga policia e Tiranës pohojnë se mbrëmjen e djeshme, automjeti i tipit “Nisan” me targa DR 7953D, brenda së cilit po udhëtonin tre persona ka humbur kontrollin e drejtuesit. Makina ka dalë nga autostrada, ku po ecte me shpejtësi të madhe, ç’ka ka sjellë edhe dëmtimin e pasagjerëve. Kanë qenë kalimtarë të rastit ata që u kanë dhënë ndihmën e parë të dëmtuarve, të cilët janë nisur menjëherë në drejtim të spitalit ushtarak të Tiranës. Burimet sqarojnë se tre personat që ndodheshin në makinën e aksidentuar kanë humbur jetën njëri pas tjetrit, në mjediset e spitalit, pasi plagët që kishin marrë ishin shumë të rënda. Deri në orët e vona të mbrëmjes së djeshme, i vetmi i identifikuar ishte 25-vjeçari Elvis Shelgjo, ndërkohë që dy viktimat e tjera të aksidentit tragjik nuk ishin identifikuar ende. Në vendngjarje kanë mbërritur inspektorët e qarkullimit rrugor të Tiranës, të cilët filluan hetimet për zbardhjen e shkaqeve të këtij aksidenti. Ata kanë kryer veprimet e para hetimore në vendngjarje, ndërkohë që automjeti i aksidentuar është dërguar në mjediset e Inspektoriatit të Qarkullimit Rrugor, ku edhe do t’i nënshtrohet ekspertizës. Ndërkaq, në orët e vona të mbrëmjes së djeshme punonjësit e policisë kanë filluar punën për identifikimin e dy viktimave të tjera të këtij aksidenti tragjik, që shkaktoi 3 të vdekur në autostradën Tiranë-Durrës.



04/03/2006 ( Shekulli )

__________________
[o_O]-[JuVeNtUs]

Denonco kėtė mesazh tek moderatorėt | IP: e regjistruar