arturm
Veteran ne forum
Regjistruar: 06/12/2006
Vendbanimi: itali
Mesazhe: 1195
|
Cudia, ne mes te krizez eksportojme drita ne Greqi
Dje Shqipëria i ka dhënë energji Greqisë për plot 4 orë. Shkak për ketë janë bërë problemet që kishte shteti helen me prodhimin e energjisë në 3 termocentrale të tij. Në këto rrethana vendet e rajonit, ku ndër to edhe Shqipëria kanë nisur eksportin e energjisë drejt Greqisë.
Eksporti
Që Shqipëria të eksportojë energji në gjendjen e vështirë energjetike në të cilin ndodhet vendi tingëllon çuditshëm për këdo që e dëgjon një lajm të tillë. Por, kjo është e vërtetë. Sipas kanalit të dytë shtetëror grek NET, dje Greqia ka importuar energji elektrike nga Bullgaria, Maqedonia dhe Shqipëria për shkak të problemeve që kanë pasur tre termocentralet në prodhimin e energjisë. Duke iu referuar lajmit të dhënë nga televizioni grek rezulton se Shqipëria ka qenë një ndër vendet që ka ndihmuar Greqinë në furnizimin e saj normal me energji elektrike, edhe pse vetë ndodhet në një gjendje kritike. I kontaktuar nga gazeta drejtori i Operatorit të Sistemit të Transmetimit (OST), Ymer Balla, ka shpjeguar rastet se kur mund të ndodhë një gjë e tillë dhe pse. Sipas tij, vetë sistemi i transmetimit të energjisë e lejon shkëmbimin e energjisë mes vendeve të rajonit, në rastet ku njëra prej tyre has probleme me prodhimin e energjisë në vend. Sipas drejtorit të OST-ë Balla, në këto raste energjia e eksportuar rikthehet sërish në një moment të dytë. Sipas drejtuesve të OST, ekziston një pakt i pashkruar mes vendeve të rajonit. Sipas këtij pakti në rastet kur një vend ka probleme të papritura me prodhimin e energjisë, atëherë vendet e tjera e ndihmojnë duke i eksportuar energji. Në gjendjen energjetike që është Shqipëria është e pamundur që të eksportohet energji, pasi vetë vendi ynë ka mungesë të thellë në furnizimin me energji, çka vërtetohet mjaft qartë me grafikun e kufizimeve që po aplikon KESH-i. Kjo pasi gjatë këtyre ditëve të nxehta vere qytetarët e kanë parë si zgjidhjen e vetme për të përballuar vapën e madhe, përdorimin e kondicionerëve. Kjo ka rritur konsumin ditor të energjisë, që ndryshe nga vitet e mëparshme këtë vit mund të ketë arritur në 18 milionë kilovat orë në ditë. Por importi nga Greqia është i kufizuar, pasi kjo e fundit importon vetë energji dhe vendi ynë mund të marrë vetëm në rastin kur Greqia nuk importon.
Fierza
272 metra niveli i ujit në liqenin e Fierzës
29 metër kub në sekondë prurjet e ujit
25 cm në ditë rënia ditore e ujit
13.2 milionë kilovat orë konsumi ditor i energjisë
8.2 milion kilovat orë prodhim vendas
5 milionë kilovat orë importi
Denonco kėtė mesazh tek moderatorėt | IP: e regjistruar
|