northwest
derri do plumb
Regjistruar: 28/04/2006
Vendbanimi: mbrapa PC tende :)
Mesazhe: 362
|
Sipas një artikulli të botuar në New York Times, administrata e presidentit Klinton kishte në plan të hartonte një notë zyrtare diplomatike për të protestuar ndaj kontrabandës së karburantit që prej muajsh kryhej nga Shqipëria në drejtim të Federatës Jugosllave, kontrabandë e cila shkelte sanksionet e OKB. Por vetë presidenti shqiptar i atij viti, reagoi ndaj këtyre akuzave duke përgënjeshtruar lumin e kontrabandës që kryhej në veriun e Shqipërisë: Eshtë e papërfillshme kjo kontrabandë - ka deklaruar Berisha në një intervistë sipas New York Times - ne bëjmë të pamundurën për të kontrolluar kontrabandën duke patur parasysh edhe ato pak mjete dhe stërvitje të kufizuar që kanë forcat tona.
Qeveria shqiptare në atë kohë siguroi komunitetin ndërkombëtar se kishte marrë masa për të ndaluar kontrabanën e karburantit në drejtim të Malit të Zi, duke ndaluar përshembull ndërtimin e pikave të furnizimit në një rreze prej 5 kilometrash nga liqeni i Shkodrës.
Por që në atë periudhë vëzhguesit ndërkombëtarë zbuluan se ky ligj kishte mbetur vetëm në letër dhe shteti nuk e zbatonte.
Në një tjetër lajm të 9 korrikut 1994 të agjencisë Reuters, zbulohet fakti që Shqipëria jo vetëm që ishte shkelëse e embargos, por kërkonte edhe dëmshpërblim për shkak se ishte dëmtuar nga embargoja.
Pjesën më të madhe të dëmit e përbënte bllokimi i transmetimit të energjisë nëpërmjet linjave që kalonin në Malin e Zi. Si rrjedhojë Shqipëria nuk mund të shiste energjinë e prodhuar.
Qeveria Meksi dhe ministria e Financave, që në atë kohë drejtohej nga Dylber Vrioni bënë një përllogaritje të thjeshtë të 3 viteve e gjysëm embargo ndaj ish jugosllavisë, dhe dëmit që i ishte shkaktuar Shqipërisë nga vendosja e embargos. Sipas dëmit që llogariste qeveria shqiptare ai shkonte në vlerën e 200-300 milionë dollarëve.
Madje Ish kryeministri Aleksandër Meksi, nuk i fshehu këto fakte edhe në shtypin e kohës.
Kërkesa për ndihmë e Shqipërisë për shkak të embargos, u drejtua ndaj organizmave prestigjoze ndërkombëtare, edhe ndaj OKB. Por Shqipëria, asnjëherë nuk arriti të marrë dëmshpërblimin e kërkuar, sepse të gjitha shtetet, e dinin që Shqipëria e kishte thyer që në fillim embargon e naftës ndaj ish-Jugosllavisë.
Për 1253 ditë me rradhë ndaj ish jugosllavisë ishte vendosur embargo. Mijëra ton naftë hynin nga pika e Kakavijës, Porti i Durrësit etj., me destinacion kryesor Shkodrën.
Në Shkodër, aty ku ndihej më shumë efekti i kontrabandës, qyteti po jetonte dhe po lulëzonte me këtë trafik: kontrolle të panumërta të organeve të rendit, por të toleruara, gjoba, por që lejonin edhe pjesën e fitimit, sekuestrime e bllokime malli, por ndërkohë edhe lulëzim pothuajse në çdo metër territor të qytetit të pikave të karburantit.
Një shoqëri Shqiponja u krijua në këtë kohë, që bënte transportin e karburantit, shoqëri që ishte e lidhur me PD dhe qeverisjen e kohës. Por asnjëherë nuk u thanë se ku shkuan paratë, ndoshta një pjesë e tyre të humbura edhe në skemat piramidale.
Kontrabanda e naftës ka qenë edhe një shesh beteje politike midis pozitës dhe opozitës në harkun kohor të viteve 92-96.
Opozita e akuzonte ish-qeverinë e PD-së se po shkelte embargon e OKB-së ndaj ish-Jugosllavisë. Sipas saj, në këtë aferë ishte përfshirë edhe firma ekonomike e PD-së, Shqiponja. Ky fakt është denoncuar edhe në Kuvend nga ish-deputeti i PD-së, Azem Hajdari.
Në realitet, pak para heqjes së embargos kjo firmë u zhduk, duke provuar se mbijetesa e saj kishte qenë kontrabanda e naftës.
Nafta e transportuar me bote shkarkohej në Shkodër në qindra pika karburanti, si dhe në kufi me Malin e Zi.
Nafta pasi zbrazej në depozitat e karburantit, merrte më pas rrugën qetësisht për në Mal të Zi nëpërmjet Liqenit të Bunës, Hanit të Hotit, si dhe nëpërmjet pikave të tjera të kalimit kufitar.
Tankera, tubacione nën dhe, mbitokësore, kalonin mijëra ton naftë nga Shqipëria në Mal të Zi.
Nafta shitej me 1 markë gjermane më shtrenjtë për një litër naftë. Nga gjithë kjo kontrabandë masive përfituan mjaft tregtarë nga Shkodra dhe zonat për rreth, si dhe ish-pushtetarë, zyrtarë të policisë, të kufirit etj
po deshe me do vin me vone.
__________________
If you can make life better for others and you fail to do so,you are wasting your time on earth..
Denonco kėtė mesazh tek moderatorėt | IP: e regjistruar
|
15 Korrik 2007 22:37
Forumi Horizont > Media dhe Politika > Politika Shqiptare > A ka te drejt Berisha ?
