Tulipani
< ArtHolic >
Regjistruar: 11/01/2007
Vendbanimi: Secret Garden
Mesazhe: 4717
|
Bashkangjitje: 20080306214003wounded_203bap.jpg
Ky file ėshtė shkarkuar 11 herė.
Sulmi në një seminar hebre në zemër të Jeruzalemit perëndimor ku u vranë tetë persona, është dënuar ndërkombëtarisht.
Presidenti Bush, Sekretari i Përgjithshëm i OKB-së, Ban Ki-moon dhe presidenti palestinez, Mahmoud Abbas e kanë denoncuar me forcë sulmin.
Incidenti
Njoftimet bëjnë të ditur se personi i armatosur hyri në bibliotekën e seminarit gjatë një ore mësimi dhe hapi zjarr. Forcat izraelite të sigurisë ndërhynë dhe e vranë në vend.
Njoftimet e medias izraelite e identifikuan vrasësin si palestinez nga Jeruzalemi Lindor.
Reagimi izraelit
Zëdhënësi i qeverisë në Izrael, Mark Regev, e përshkroi sulmin si masakër. Ai i bëri thirrje administratës palestineze të presidentit Abas të bëjë më shumë për parandalimin e sulmeve të tilla.
"Është e rëndësishme që të dëgjohet zëri i më shumë palestinezëve të moderuar. Ai do të ishte një mesazh i rëndësishëm politik", tha zëdhënësi Regev.
Zëdhënësi i qeverisë së Izraelit kishte edhe një mesazh për autoritetet palestineze:
"Fjalët janë të rëndësishme, por bëmat janë edhe më të rëndësishme. Ne e kuptojme se ju jeni në procesin e ndërtimit dhe forcimit të institucioneve tuaja të sigurisë, por ju mund të bëni shumë më tepër kundër terrorizmit dhe ta luftoni këtë lloj ekstremizmi", tha Mark Regev.
Reagimi ndërkombëtar
Këshilli i Sigurimit të OKB-së nuk arriti të merret vesh për një deklaratë, sepse disa vende anëtare, përfshirë Libinë, donin që krahas dënimit të vrasjeve në Izrael të dënohej edhe Izraeli për vrasjen e një numri të madh civilësh palestinezë në Rripin e Gazës.
Ambasadori rus, Vitali Çurkin që është drejtuesi aktual i Këshillit të Sigurimit, tha se nuk e kuptonte se sa i rëndë duhet të ishte një sulm terrorist që të dënohej menjëherë, pa i hyrë gjithë historisë së konfliktit mes izraelito-palestinez
Bbc
__________________
"Sono gli altri le strade, io sono una piazza, non porto in nessun posto, io sono un posto"
Denonco kėtė mesazh tek moderatorėt | IP: e regjistruar
|