arturm
Veteran ne forum
Regjistruar: 06/12/2006
Vendbanimi: itali
Mesazhe: 1195
|
Jozefina Topalli dhe Bleona Qereti tregojnë histori personale në konventën e PD për gratë
Partia Demokratike ka organizuar konventën për gratë, ku të paktën dy gra u shfaqën të emocionuara dhe treguan historitë e tyre personale.
Fillimisht ishte këngëtarja Bleona Qereti, që tregoi historinë e vëllait të saj.
Dhjetë vite më parë vëllai im pësoi një aksident. Pasi e dërguam në spital, mjekët thanë se gjendja e tij ishte shumë e rëndë. Ata më thanë se nëse do ta shpëtosh vëllain, duhet ta dërgosh jashtë shtetit. Në atë moment mendova oh Zot, ai nuk ka vizë. Por tani falë Partisë Demokratike dhe Sali Berishës, asnjë shqiptar nuk kufizohet në lëvizjen e lirë, tha Bleona.
Në momentet kur ajo po rrëfehej, në sallë hyri kryeministri Sali Berisha dhe Bleona shpërtheu: Heroi i kombit, Sali Berishaaaaaa.
Kurse Jozefina Topalli u përlot ndërsa tregonte historitë personale më fëmijët e saj.
Fati e donte që Megi të lindte ditën kur babai im u nda nga jeta. Ishim në internim. Unë ëndërroja të bëhesha matematikane si Mari Kyri, kurse për politikane as e çoja ndërmend. Vite më vonë një mik i mençur më tha se ti Jozefinë ke qenë e destinuar për tu marrë me këtë gjë.
Kur kisha Megin për dore dhe kishte lindur Genari, jeta ime ndryshoi pasi presidenti Berisha më kandidoi në qytetin tim të përjetshëm. Kështu nisa rrugëtimin tim në politikë si gjyshi dhe xhaxhai im, që janë burrat më të mençur që njoh.
Genari ishte disa muajsh pas rebelimit të vitit 1997. Në atë kohë jetoja në Shkodër dhe për të ardhur në Tiranë më duheshin disa orë për të ringritur PD-në. Por kisha një udhëtar të pandarë, Genarin e vogël që nuk flinte pa ardhur unë. E kam akoma në mendje kur më thoshte: Të lutem mami, mos ik, tregoi Topalli.
Më pas ajo rrëfeu se si e kishin bllokuar në vitin 2000 në Peshkopi dhe e kishin mbajtur me kallash tek koka.
Kisha një grua vlonjate pranë, që nuk iu dridh qerpiku. Por ky episod është pak se një televizion privat lajmëroi se Topallit i është bërë atentat. Genari qante dhe thërriste: Mama, mama. Ai deri vonë është rritur me ankthin se mos mamit do i bënin keq. Ky ishte motivi që ne të mos llogarisnim as jetën./ep
Denonco kėtė mesazh tek moderatorėt | IP: e regjistruar
|