Vizioner
...ne Timon
Regjistruar: 23/11/2007
Vendbanimi: Frankfurt
Mesazhe: 6857
|
Citim:
Po citoj ato që tha IQVLORA
Patriot te medhenj ne fakt jane Edvin Kristaq Leshi,Ilir Xhelil Gjoni,Ditmir Sulejman Qorri,Ilir Beqja,Mimi Kodheli e nje liste e pafund njerzish pa vlera.Keta pinjoll komunistesh jane qeniet me te peshtira njerzore.Duke patur ne krye nje hajvan enveriste ata klysh po e cojne opoziten shqiptare drejt katastrofes.Hajvani Edi Rama,per te cilin une doja te fitonte po vepron si Saliu ne vitet mbas 1997.E ka harruar ky gedhe izolimin qe i beri komuniteti nderkombetar doktorit.Ai ishte njeriu me i paparanueshem ne Bruksel dhe Washington.Por ky do te pesoj me keq se Saliu se bashku me klushet e ishve.Ai dhe lepujt e tij qe do te bojkotojne parlamentin po bejne nje vetvrasje politike.Populli i ka votuar te shkojne te 65-t ne kuvend e jo te sorrollaten rrugve.Brukseli i quajti zgjedhje me te mira te zhviluara ndonjehere ne Shqiperi,po ashtu edhe shoqeria civile.Jam i bindur se edhe ata qe na monitoruan do t'i vleresojne pozitivisht.Edvini po zhgryhej edhe para zgjedhjeve se nuk do t'i bojkotonte ato,por njr senator amerikan deklaroi:''Po ja mbajti le t'i bokotoje!''.Ne '96 ishte State Department qe e hodhi upsidedown Saliun,ndersa kete do te beje te kthehet tek thonjte e paprese rrugve te botes ose edhe ndonje dicka tjeter me e keqe.Te gjithe pinjollet e ishve me kete qendrim tregojne se jane antikombetare e luftojne vetem per pushtet personal.Por do ta paguajne antikombetarizmin e tyre!
Nga Mero Baze
U bënë dy ditë që thuajse në çdo ekran shikoj dy kandidatë për ministra të LSI, Petrit Vasilin dhe Dritan Priftin, që flasin për idetë e tyre mbi dikasteret që do drejtojnë, planet për reforma, dhe ndonjëherë angazhime që mund ti bëjnë nesër qesharakë. Nuk dua të paragjykoj idetë dhe as aftësitë e tyre, por në një kohë kur qeveria ende nuk është formuar, në një kohë kur ata ende nuk janë emëruar ministra dhe mbi të gjitha në një kohë kur ende nuk ka një program qeveritar, duket paksa fëminore të shikojmë në ekran kandidatë për ministra që të nesërmen e Marrëveshjes flasin për projektet e tyre, a thua se e kanë ditur një vit më parë që do bëheshin ministra të këtyre dy ministrive dhe kishin përgatitur projektet.
Por përveç anës formale, në nxitimin e tyre ka dhe një problem real. Shëndetësia dhe Ekonomia ishin dy kuajt e betejës së Sali Berishës në këtë fushatë, e cila u bazua te premtimi për ta bërë Shqipërinë fuqi energjitike në Evropë, duke e nisur me hidrocentrale e duke e sosur me TEC qymyri dhe centrale atomike, dhe nga ana tjetër reforma në shëndetësi ishte premtimi i tij madhor.
Unë nuk kam asnjë dyshim se dy ministrat e LSI janë po aq të zot ose të pazot sa ata që do të vendoste Sali Berisha dhe nuk kam asgjë me personalitetin e tyre në këtë rast. Pikërisht pse skam gjë me ta, më duket foshnjarak pozimi i tyre në ekrane dhe deklarimi për prioritete që shkojnë shpesh kundër projekteve të Sali Berishës.
Dritan Prifti për shembull po trashëgon një dikaster, ku familja e kryeministrit ka bërë kërdinë, siç e ka thënë dhe vetë Dritan Prifti, së paku në një emision timin televiziv. Ai duhet të tërheqë mbrapsht tashmë deklaratat për Bashkim Ulajn, biznesmenin e familjes Berisha, që ka marrë licenca për fabrika çimentoje, apo hidrocentralet e Devollit, që janë asistuar nga njerëzit e vajzës së kryeministrit. Ai duhet të tërheqë mbrapsht privatizimin problematik të OSSH, në të cilën shfaqen sërish njerëzit e familjes së kryeministrit. Dritan Prifti duhet ti drejtohet sektorit të pastrimit të parave dhe të hetojë se kush e ka mbushur llogarinë e Rezart Taçit në cilësinë e administratorit të ARMO-s më 21 nëntor të 2008, pasi më 19 nëntor bordi i blerësve të ARMO-s, me në krye Rezart Taçin, kanë deklaruar se nuk kanë parį për ta blerë dhe duhet të marrin kredi. Ai duhet të hetojë se si lekët e ISKSH, që drejtohet nga mbesa e familjes kryeministrore, janë përdorur për këtë transaksion të ndyrë të familjes kryeministrore, duke krijuar njëherësh disa konflikte interesi. ISKSH drejtohet nga Elvana Hana, mbesa e familjes, e cila është po ashtu pronare e Credins, e cila ka livruar një shumë që kalon dhjetë përqindëshin e kapitalit të saj për llogari të Rezart Taçit si administrator i ri i blerjes së ARMO-s. Gjithë kjo ngrehinë skandalesh është kultivuar në zyrat e dikasterit ku ai po shkon. Madje dhe një copë tokë me naftë që kishte ngelur pa u dhënë në Marinëz me koncesion, drejtoresha e madhe e koncesioneve, Vokshi, ia dha motrës së vet (burrit të motrës), duke tejkaluar gjithë standardet e konfliktit të interesit në shtetin shqiptar. Dhe tashmë ai do të ndeshet me burrin e një deputeteje të PD që ka marrë nga kunata e tij me koncesion një fushë nafte për ta shfrytëzuar si ta ketë pronë babe, ndërkohë që ndaj të tjerëve kanë ushtruar arbitraritet dhe kanë thyer gjithë ligjet e shtetit shqiptar.
Petrit Vasili po ashtu flet për reforma, të cilat nuk ia mbështet njeri. Buxheti i Ministrisë së Shëndetësisë tani nuk administrohet më prej ministrit të Shëndetësisë, po prej ISKSH, pra prej mbesës së familjes së kryeministrit. Ajo blen ilaçet, ajo blen shërbimet, ajo paguan trupën e mjekëve, dhe të gjitha paratë i nxjerr nga Thesari dhe i mban në bankën e saj familjare. Petrit Vasili ka çelësat e kashtës. Për këtë arsye është mirë të mos nxitohet të flasë, është mirë të mos nxitohet të shqiptojë fjalën reformë, është mirë të jetë më modest, pasi nesër do të bëhet qesharak, nëse ia ritransmetoj këto që thotë sot nëpër ekrane.
Qeveria ende nuk është formuar dhe ne ende nuk kemi një program të saj. Berisha ka hequr sërish përgjegjësinë nga prioritetet e veta duke ia lënë ato aleatëve, të cilët do të marrin faturat e qeverisjes familjare të Sali Berishës. Ndaj është mirë të mos nxitohen duke folur si ministra. Të paktën të presin ose të pyesin Genc Rulin se si duhet të sillen për të qenë ministra pa probleme. Dy kompetencat e tyre të vetme janë, të firmosin dhe të mos flasin. E kanë filluar keq duke folur.
__________________
I am the author of my life;
unfortunalty, I'm writing in pen & can't erase my mistakes.
Denonco kėtė mesazh tek moderatorėt | IP: e regjistruar
|
26 Qershor 2009 23:56
Forumi Horizont > Media dhe Politika > Politika Shqiptare > Patrioti i madh Lulzim Basha
