Regjistruar: 10/01/2003
Vendbanimi: .
Mesazhe: 5233

B.ZENELI:"DUALIZIMI I ROLIT TË HARRI HOLKERIT KRIJON DYSHIME SE BISEDIMET TEKNIKE PRISHTINË-BEOGRAD NUK DO TË JENË SERIOZE"



Bernard Zeneli, analist


RADIO EVROPA E LIRË
Zoti Zeneli, pas takimit të shefit të administratës ndërkombëtare në Kosovë, Harri Holkeri me Grupin e Kontaktit në Moskë, është thënë se zoti Holkeri do të jetë ndërmjetës në bisedimet për çështjet teknike Prishtinë- Beograd. Duke patur parasysh postin e zotit Holkeri dhe mungesën e kompetencave të kosovarëve në raport me pjesëtarët e delegacionit serb, cili është mendimi juaj, a nuk do të duhej që kryeadministratori Holkeri të jetë pjesë e delegacionit kosovar?

BERNARD ZENELI
Unë pyetjes suaj do t'i përgjigjem pozitivisht. Në fakt duhet të jetë pjesë e delegacionit kosovar, për më tepër që nuk është pala kosovare ajo që ka, unë do të thoja, legjitimitetin për të hyrë në këto bisedime. Kjo sepse mesa di unë nga pala serbe nuk është përcaktuar që po hyn në këto bisedime me qeverinë e Kosovës dhe që e njeh qeverinë e Kosovës si të tillë, e për të tjera probleme të tilla. Ajo që më çudit është ky dualizimi i rolit të zotit Holkeri, pra në njërën anë si negociator, dhe në anën tjetër si udhëheqës, si person i cili kryeson Kosovën. Ndoshta në qoftë se personi që do të jetë negociator ka në të njëjtën kohë edhe rolin e udhëheqësit të Kosovës, mund të jetë pozitiv, por në pikëpamjen ligjore, do të thoja, dhe në pikëpamjen politike më duket pak e çuditshme. Kur them është pak e çuditshme, duhet të them që zoti Holker ka qenë kryeministër, ka punuar në të njëjtën kohë edhe për Kombet e Bashkuara dhe e di mirë ndarjen e detyrave. Në këtë kohë, në këtë situatë, ky lloj dualiteti të krijon dyshime. Në rradhë të parë unë do të thoja që ndoshta këto bisedime nuk janë shumë serioze. Përderisa ai që është kreu i Kosovës merr rolin e negociatorit, atëhere pala tjetër, mund të themi për një moment, mund të jetë e anashkaluar. Nga ana tjetër ajo të ngjall dyshim, sepse në Kosovë ne mund të themi çfarë negociatori do të jetë ky njeri dhe çfarë interesash të serbëve do të mbrojë në krahasim me Kosovën. Pra duhet të jetë një i paanshëm. Është më vështirë për njeriun që është kryeadministrator i Kosovës, të mbajë një paanësi në situata, sado që janë këto teknike, por që janë vitale.

RADIO EVROPA E LIRË
Disa analistë konsiderojnë se mbajtja e mbledhjes së Grupit të Kontaktit në Moskë, në ecencë është kërkesë e Rusisë, që të ketë vend më të rëndësishëm për çështjet teknike mes Prishtinës dhe Beogradit. Cili është mendimi juaj zoti Zeneli?

BERNARD ZENELI
Rusia ka një vend të rëndësishëm në fakt, sepse është një nga anëtarët e Këshillit të Sigurimit që ka të drejtën e vetos në Kombet e Bashkuara. Dhe në qoftë se do të merrej një vendim, i cili për një moment mund të përkrahej nga katër anëtarët e tjerë dhe Rusia do të ishte kundër, kjo gjë do të krijonte probleme. Në qoftë se nga ana tjetër bindet Rusia, atëhere nuk do të jetë shumë e vështirë për t'u bindur edhe Kina për të marrë disa vendime, që unë besoj se shumë shpejt do të merren për sa i takon situatës apo çështjeve praktike në lidhjet Kosovë Serbi. Nuk e shoh shumë problematike çështjen që u mbajt takimi në Rusi. Moska vazhdon të luajë një rol të rëndësishëm në diplomacinë ndërkombëtare dhe duhet vlerësuar si e tillë dhe duhet parë në këtë aspekt. Është një vend që është anëtar i Këshillit të Sigurimit me të drejtën e vetos dhe si i tillë, është i rëndësishëm që të merret parasysh, por në të njëjtën kohë të përpiqemi që të bindet për një zgjidhje të favorshme të situatës në krahun e kosovarëve, jo në krahun e Serbisë.

RADIO EVROPA E LIRË
Zoti Zeneli, krerët e institucioneve të Kosovës, kërkojnë që në bisedimet për çështjet teknike të inkuadrohen në mënyrë të drejtpërdrejtë edhe Shtetet e Bashkuara të Amerikës. Sipas jush, sa është kjo e rëndësishme për suksesin e bisedimeve?

BERNARD ZENELI
Unë e kam theksuar edhe më përpara se këto bisedime edhe pse mund të quhen praktike apo teknike, peshën politike e kanë jashtëzakonisht të madhe. Dhe, edhe pse më vjen keq që kanë marrë këtë ngjyrim, kjo është një gjë mëse normale. Në fakt jemi në prag fushatash zgjedhore, qoftë në Serbi, shumë shpejt edhe në Kosovë, për zgjedhjet e 2004. Kështu që secila palë do të përpiqet t'a përdori këtë, edhe mbështetjen që mund t'i japë çfarëdo fuqi ndërkombëtare, për të rritur rezultatin pozitiv në zgjedhjet që do të kenë në vendet e tyre. E parë në këtë kontekst, ndihma që mund të jepte pjesëmarrja e Shteteve të Bashkuara, mund të shikohej, flas gjithmonë në planin politik, si një mbështetje për Kosovën. Por për të qenë realist, roli që mund të luajnë nuk është shumë i madh, megjithatë thashë edhe roli për sa i takon aspektit politik të situatës është shumë i rëndësishëm, se tregon edhe njëherë që interesi i Shteteve të Bashkuara për këtë pjesë të globit nuk ka rënë.

Intervistoi Bekim Bislimi

__________________
It takes just as much courage to express your love when it's right, as it does to walk away when it's wrong.

Denonco kėtė mesazh tek moderatorėt | IP: e regjistruar

Regjistruar: 10/01/2003
Vendbanimi: .
Mesazhe: 5233

K PATEN: DEKLARATAT KUNDËR DHE PRO PAVARËSISË JANË TË PADOBISHME



Zijadin Gashi, Prishtinë


Duke rikujtuar sulmet terroriste të 11 shtatorit, para dy viteve mbi Nju Jork e Uashington, shefi i Misionit të Kombeve të Bashkuara Harri Holkeri dhe komisioneri i lartë i Bashkimit Evropian për Politikë të Jashtme, Kris Paten, kanë bërë thirrje sot në Prishtinë që qytetërimi të ngadhjejë mbi terrorizmin. Zyrtarët ndërkombëtarë e vlerësuan lartë pozicionimin e Kosovës përkrah botës demokratike, kundër terrorizmit dhe shprehën shpresën e tyre se edhe në Kosovë, dhuna nuk do të mund të ngadhnjejë mbi paqen. Këto komente, Holkeri dhe Paten, i kanë bërë para deputetëvë të Kuvendit të Kosovës, të cilit iu drejtuan me mesazhet e qarta të bashkësisë ndërkombëtare se Kosova është pjesë e Evropës dhe se ajo do të jetë pjesë e integrimeve evropiane. E di, tha Kris Paten, se çështja që juve ju shqetëson më shumë është statusi i pazgjidhur i Kosovës. Mirëpo, statusi, tha ai, nuk është një çështje që mund të zgjidhet menjëherë, por nuk do të jetë as një çështje që mund të shtyhet përgjithmonë. Ai më pas tha se si Beogradi ashtu edhe Prishtina, duhet t’i ndërpresin veprimet, të cilat mund të nxisin rritjen e tensioneve dhe shtoi, se këto mesazhe do t’ia adresojë nesër Beogradit. Kurse të njejtat mesazhe, ai ua drejtoi dhe ligjvënësve kosovarë:
“Deklaratat parlamentare kundër pavarësisë, nëse mund ta them shumë butë, janë të padobishme, e të tilla do të ishin dhe deklaratat për pavarësi nëse bëhet këtu, sepse asnjëra nuk do të kishte as ndikimin më të vogël në vendimin përfundimtar rreth statusit”, tha para Kuvendit të Kosovës, Kris Paten, për të shtuar se forcat politike në Kosovë, tani duhet të përqëndrohen në dialogun me Beogradin. Ai tha se BE-ja do të ofrojë ndihmën e vet në këto bisedime, kurse liderëve kosovarë u tha se ata nuk janë vetëm në këto bisedime, sepse aty do ta kenë UNMIK-un. Ndërsa shefi i administratës ndërkombëtare Harri Holkeri, ka folur më pas dhe rreth spekulimeve sa i përket rolit të tij në bisedimet teknike me Beogradin:
“Disa po më pyesin nëse jam unë udhëheqës i bisedimeve, apo cili do të jetë roli im. Roli im është përfaqësues Special i Sekretarit të Përgjithshëm të Kombeve të Bashkuara dhe se unë i kam instruksionet nga Këshilli i Sigurimit, kështu që nuk më duhet tjetër post”, tha Holkeri.
Fjalimet e zyrtarëve të lartë ndërkombëtarë para Kuvendit, janë përshëndetur me duartrokitje dhe me falënderimin e kryeparlamentarit Nexhat Daci:
Gjatë paradites, Kris Paten takoi kryetarin dhe kryeministrin dhe tërë qeverinë e Kosovës. Kryetari Ibrahim Rugova, tha se e çmonte lartë angazhimin e BE-së në Kosovë, por tha ai, kërkesa e kosovarve për njohjen e shtetit të pavarur të Kosovës nuk është pengesë për angazhimet e tanishme, por është qëllim i popullit të Kosovës.
Ndërsa kryeministri Bajram Rexhepi, ka kërkuar dhe këtë herë që bisedimet teknike të ndërmjetësohen nga Shtetet e Bashkuara dhe Bashkimi Evropian si dhe ka kërkuar qartësimin e këtij dialogu, nëse behet fjalë për bisedime me Serbinë apo me Unionin Serbi e Mali i Zi.
Përndryshe, gjatë vizitës së tij në Kosovë, Kris Paten, i dorëzoi sot letrën aprovuese që do t'i lejojë Kosovës dhe pjesës tjetër të rajonit të përfitojë nga asistenca prej 31.5 milion eurosh të ofruara nga Bashkimi Evropian me qëllim të nxitjes së bashkëpunimit rajonal në Evropën juglindore. Letra u pranua zyrtarisht nga përfaqësuesi special i Sekretarit të Përgjithshëm të OKB-së, Hari Holkeri, gjatë një ceremonie të nënshkrimit në Prishtinë.

__________________
It takes just as much courage to express your love when it's right, as it does to walk away when it's wrong.

Denonco kėtė mesazh tek moderatorėt | IP: e regjistruar

Regjistruar: 10/01/2003
Vendbanimi: .
Mesazhe: 5233

Marash Berisha, Beograd


Në deklaratë këmbëngulet në sovranitetin shteror dhe tërësinë territoriale të Republikës së Serbisë, duke përfshirë pandashmërinë e Kosovës në rajon. Në fjalën hyrëse kryetari i Qeverisë së Serbisë, Zoran Zhivkoviq, vlerësoi se përgjegjësinë më të madhe për gjendjen aktuale në Kosovë e mbanë Bashkësia Ndërkombëtare, sepse KFOR-i dhe UNMIK-u, siç tha ia nuk e kanë kryer si duhet detyrën e tyre. Ai tha se zgjidhjen e qendrueshme për Kosovën duhet ta verifikojë Bashkësia Ndërkombëtare. Është vështirë të presësh tha Zivkoviq, se ajo do të arrihet në bisedat midis Beogradit e Prishtinës. Sipas fjalëve të tij, pas miratimit të deklaratës përfaqësuesit e Qeverisë së Serbisë do të bisedojnë me kryeadminsitratorin e Kosovës Hari Holkeri. "Duam të dëgjojmë cilat janë planet e tij për muajin e ardhshëm në realizimin rezolutës 1244 të KS të OKB-së, të ofrojmë ndihmën tonë në realizimin e atyre planeve, në qoftë se ato do të jenë në përputhje me rezolutën 1244, atëherë ekzistojnë kushet që të fillojë realizimi i saj. Treguesi i këtij përparimi për ne do të jetë, theksoi kryeministri serb, kthimi më i madh i serbëve të dëbuar dhe mbrojtja absolute e atyre që ndodhën në Kosovë. Duke folur për shkaqet e miratimit të deklaratës së propozuar nga nënkryetari i Qeverisë së Serbisë, Nebojsha Çoviq tha se autoritetet e Beogradit po angazhohen për pajtimin historik të serbëve dhe shqiptarëve në Kosovë. Shefi i grupit të deputetëve të Partisë Demokratike të Serbisë, i cili e kryesoi ishpresidentin Voisllav Koshtunica, Dejan Mihajllov, deklaroi: "Deklaratën e konsiderojmë si një bazë të shëndoshtë për fillimin e strategjisë së shtetit të Serbisë dhe çështjes së Kosovës për fillimin e procesit, i cili duhet brenda disa vitesh të sjellë si rezultat autonominë e Kosovës në kuadër të Sërbisë dhe autonominë e serbëve në Kosovë, konkludoi Mihajllov. Ngjashëm foli edhe përfaqësuesi i koalicionit në pushtet DOS në Kuvendin e Serbisë, Bojan Pajkiq. Ai tha se deklarata ofron garancinë e sovranitetit në Kosovë, parimin e pandashëmirë s ë territorit të republikës nga i cili sigusrihst nuk do të heqim dorë theksoi Pajkiq. "Përkrahja unanime e deklaratës në Kuvendin e Serbisë do të jetë një inkurajim i madh për bashkëadhetarët tanë në Kosovë dhe në Evropë, se nuk kemi hequr dorë nga ta", konkludoi Bojan Pajkiq.

__________________
It takes just as much courage to express your love when it's right, as it does to walk away when it's wrong.

Denonco kėtė mesazh tek moderatorėt | IP: e regjistruar

Regjistruar: 10/01/2003
Vendbanimi: .
Mesazhe: 5233

Florian Bieber, ekspert pranë Qendrës Evropiane për Pakicat


EVROPA E LIRË
Zoti Bieber, Cfarë përfaqëson deklarata e qeverisë serbe mbi Kosovën e cila po diskutohet në Parlamentin e Serbisë?

FLORIAN BIEBER
Mendoj se deklarata në një shkallë të madhe është publicitet për qëndrimet e qeverisë. Nuk ka dicka të re lidhur me përmbajtjen e saj. Mendoj se më së shumti kjo ka të bëjë me përpjekjet e qeverisë për të fituar sa më shumë mbështetje brenda vetë Serbisë për politikën e qeverisë; të fitojë ndoshta deri diku dhe një mbështetje nga partitë e tjera politike, pse jo dhe nga ato të opozitës.
Sa i përket përmbajtjes nuk shoh ndonjë ndryshim krahasuar me politikat e mëparshme të qeverisë. Në një pjesë të konsiderueshme është dhe përgjigje ndaj incidenteve të fundit në Kosovë. Dhe mendoj se në këtë kuadër duhet parë, përpara se të shihet si ndonjë ndryshim madhor në politikat e deritashme serbe, apo si synim i qeverisë serbe për të pasur një platformë reale për Kosovën.

EVROPA E LIRË
Partia e Koshtunicës dhe ajo e Sheshelit kanë mbështetur deklaratën. Cfarë do të thotë kjo për evolucionin e politikës serbe?

FLORIAN BIEBER
Kjo nuk është befasi e madhe për mua, pasi në një shkallë të madhe nuk ka kundërshtime apo dallime në pozicionet e qeverisë serbe dhe partive në fjalë mbi këtë cështje. Ka pasur diskutime në të shkuarën ku socialistët dhe radikalët kanë propozuar se duhet të ketë kërkesa konkrete për kthimin e forcave serbe të sigurisë në Kosovë, por në fakt ka shumë pak realizëm në këtë kërkesë. Mendoj se janë vetëm përpjekje të vogla për të fituar mbështetje politike brenda vendit.
Thelbi është se kjo deklaratë apo ky qëndrim i qeverisë është me vlera vetëm për shfrytëzim të brendshëm, për përkrahje më të madhe brenda dhe duket sikur pasqyron shqetësimet e bashkësisë serbe në Kosovë, ndaj nga kjo pikëpamje është shumë kundërshtuese dhe brenda vetë segmenteve të politikës apo parlamentit në Serbi.

EVROPA E LIRË
Sa do ndikojë një deklaratë e tillë në bisedimet e ardhshme teknike mes Kosovës dhe Serbisë dhe a mund të ketë ndikim në statusin përfundmitar të Kosovës?

FLORIAN BIEBER
Nuk mendoj kështu. Nëse shihet qëndrimi i qeverisë, i cili është propozuar dhe ka kaluar dhe në komisionin parlamentar për Kosovën nuk besoj se ka një lëvizje të madhe në qëndrimin e qeverisë krahasuar me pozicionin e mëparshëm.
Nderkaq këmbëngulja e qeverisë për ta përcaktuar Kosovën si pjesë ekskluzive të Serbisë është dicka që mund të vështirësojë bisedimet e ardhshme teknike mes udhëheqësve të Kosovës dhe qeverisë serbe.
Por nuk mendoj se qëndrimi i fundit shënon një ndryshim radikal në politikën e qeverisë. Dhe në fakt vështirësitë që kanë qenë janë ende aty dhe ato janë të konsiderueshme. I vetmi ndryshim potencial është se qeveria ka bërë shumë publicitet duke folur rreth Kosovës dhe nëse shohim raportet e mediave në javët e fundit në Serbi, pas një mungese të Kosovës në to, pas incidenteve të fundit ka pasur një prani të Kosovës në media duke përdorur dendur shprehje te tilla si terroristët shqiptarë etj. Kjo ka të bëjë me krijimin e një opinioni publik dhe kjo mund të ketë pasoja negative krahasuar me një periudhë më pak të pakëndshme në të shkuarën, kur ka pasur disa fushta mediash mbi Kosovën, cfarë do ndikojë në cfarëdo bisedimesh.
Intervistoi Iliriana Bajo

__________________
It takes just as much courage to express your love when it's right, as it does to walk away when it's wrong.

Denonco kėtė mesazh tek moderatorėt | IP: e regjistruar

Regjistruar: 10/01/2003
Vendbanimi: .
Mesazhe: 5233

John Hulsman, analist në Fondacionin HERITAGE me seli në Uashington


RADIO EVROPA E LIRË
Si i shikoni zhvillimet e fundit në rajon pas miratimit të deklaratës për Kosovën nga ana e Kuvendit të Serbisë?

JOHN HULSMAN
Ideja se Bashkësia Ndërkombëtare pas gjithë asaj që ka ndodhur do të vazhdojë të lejojë që Kosova të jetë pjesë e Serbisë nuk është e mundshme. Në fakt këtu nuk bëhet fjalë për një gjë të tillë, kjo është çështje negociatash. Duke qenë se është një çështje e hapur bisedimesh serbët po bëjnë përpjekje të arrijnë përfitime maksimale për pakicën serbe të Kosovës dhe njëherësh këtu bëhet fjalë edhe për elementet nacionalistë brenda vetë Serbisë. Por, në fund të fundit, nga pikëpamja politike miratimi i kësaj deklarate është plotësisht i papërgjegjshëm.

RADIO EVROPA E LIRË
Cili është komenti i juaj mbi reagimet e OKB-së, Brukeslit dhe Uashnigtonit mbi këtë deklatarët?

JOHN HULSMAN
Përsëri mendoj se duhet shikuar çdo rast konkretisht, por për ta kuptuar qendrimin ndërkombëtar duhet të jemi të sigurtë se nuk do të lejohet asgjë që prish statuskuon në një afat të afërt. Kjo vlen veçanërisht për SHBA, politika e jashtme e të cilave për momentin lidhet me rreziqet kryesore, siç janë Al Kaida, Korea e Veriut dhe problemet në Irak. Shqetësimet lidhur me sigurinë kombëtare përbëjnë thelbin e intersave tona dhe për momentin Ballkani nuk futet në interesat tona parësore sa i përket sigurisë kombëtare. E përsëri edhe një herë se çdo hap që do të prishë statuskuon e momentit nga ana e SHBA-ve do të shihet si diçka tepër ngative.

RADIO EVROPA E LIRË
A besoni se kjo deklaratë do të ketë ndikim në bisedimet për çështje teknike midis Prishtinës e Beogradit?

JOHN HULSMAN
Po, besoj se do te ketë ndikim në afat të shkurtër. Nga pikëpamja e negociatave mendoj se Serbia po bën përpjekje të marrë maksimumin e mundshëm për pakicën serbe në Kosovë, që të themi të drejtën nuk po trajtohet mirë. Në këtë kuptim këtu nuk ka diçka problematike, por duke ditur se qendrimet në këtë rajon nuk janë fleksibël kjo mund të sjellë probleme. Në qoftë se këto hapa të Serbisë bëhen thjesht për të përfitur sa më shumë për pakicën serbe në Kosovë, atëherë këtu mund të them se nuk ka asgjë të gabuar. Por në qoftë se kjo përfaqëson qendrimin e vërtetë të Serbisë atëherë kjo ka për të sjellë probleme.

RADIO EVROPA E LIRË
Si e shihini politikën e Serbisë ndaj serbëve të Kosovës në 4 vitet e fundit?

JOHN HULSMAN
Mendoj se është një gjendje e vështirë për ta, pasi ata nuk mund të them se janë trajtuar vertet mirë. Serbët e Kosovës nuk kanë pasur shumë ndikim në zhvillimet në Kosovë dhe Serbia ëshët përpjekur në këtë kuptim që të japë një të ashtuquajtur ndihmë sebëve të Kosovës. Por, megjihtatë, dihet se Kosova administrohet nga OKB dhe ideja që ajo do t'i kthete një ditë Serbisë ëshët e paqendrueshme dhe nuk të çon drejt stabilitetit

RADIO EVROPA E LIRË
Si e parashikoni statusin final të Kosovës?

JOHN HULSMAN
Mendoj se sa i përket statusit final të Kosovës në planin afatmesëm dhe afatgjatë kemi nevojë për ide kreative. Askush në një afat të afërt nuk është i gatshëm të pëfshihet në zgjidhje të këtij problemi, duke i parë realitetet gjeopolitike dhe gjeostrategjike të sotme, veçanarisht nga këndvështrimi amerikan. Sa i përket evropianëve ata po e rrisin rolin e tyre në Ballkan si pjesë e asaj që quhet politikë e evropianizimit të rajonit. Dhe paqendrueshmëria e rajonit është gjëja e fundit që ata dëshirojnë.
Duke u nisur nga ideja e kreativitetit që përmenda ne duhet të kemi parasysh se edhe zgjidhjet do të jenë rajonale. Lajmi i mirë është se ne tash kemi më shumë qeveri demokratike, me të cilat mund të punojmë dhe në qoftë se do të do mund të shprehesha kështu, kombinimet në lojën e shahut janë më të mira tani. Greqia është e interesuar për një zgjidhje të problemit, po ashtu edhe Bullgaria, Rumania, një Serbi demokratike, një Kroaci demokratike dhe njëkohësisht një Shqipëri demokratike, duan të njëjtën gjë. Mendoj se të gjitha këto janë hapa në drejtimin e duhur.
Udhëheqësit e rajonit duhet të marrin përsipër përgjegjësitë në drejtimin e proceseve të tilla. Në qoftë se ata janë të gatshëm të merren me çështjen e statusit duke ndryshuar edhe ndryshimin e kufijve, për shembull të trajtonin problemin e shtetit të Bosnjës që nuk mund të jetë një shtet i qëndrueshëm, problemin e Malit të Zi apo të Kosovës në të njëjtën kohë. Në një rast të tillë ndoshta do të duhej t'i ofronit gjithkujt dicka. Dhe nëse ata do të mund të pranojnë ndryshimin e kufijve si zgjidhje, që do ta bënte rajonin më të qëndrueshëm, atëherë është e pranueshme.
Duke parë historinë e rajonit, pavarësisht nëse ju jeni pro osë kundër, duket se përcaktimi i kufijve mund të shihet si shpresa e fundit për një zgjidhje përfundimtare. Kështu për Kosovën mund të ketë një ndarje të arsyeshme, për shembull veriu i Kosovës mund t'i bashkangjitej Serbisë, Kosova fitonte pavarësinë, në Bosnjë mund të bëheshin rregullime të ngjashme, derisa dhe Mali i Zi mund të zgjidhte atë që dëshironte. Por, nëse ndarje e përcaktime kufijsh në rajon ndodhin si procese të ndara atëherë kjo do jetë destabilizuese. Megjithatë është e nevojshme një zgjidhje përfundimtare.
Intervistoi: Vullnet Poshka

__________________
It takes just as much courage to express your love when it's right, as it does to walk away when it's wrong.

Denonco kėtė mesazh tek moderatorėt | IP: e regjistruar