Regjistruar: 03/12/2004
Vendbanimi: veēse nė dorėn e Zotit!
Mesazhe: 2053

E gjitha filloi me një murg, i cili në vitin 310 pas Krishtit bëri një ndarje fikse të kohës me 5 vakte lutjesh gjatë ditës, duke vënë kështu bazat shpirtërore për jetën në Manastir. Duke u bazuar në këtë ndarje të kohës, 2000 vjet më vonë një njeri nga Benedikti shpiku për herë të parë një mjet për disiplinimin e saktë të kohës, gjë e cila vendosi një rregull social në Evropë dhe si pajisje automatike me tingull, u shërbente edhe murgjve për t’u kujtuar kohët e lutjeve.

Jashtë mureve të Manastirit, deri në shek. 13 njerëzit orientoheshin kryesisht me anë të këndesit dhe pozicionit të diellit.

Ata donin të dinin me saktësi kohën. Kështu “Nga koha e Zotit u kthye në kohën e tregtarëve” siç e përshkruajti historiani Adolf Holl këtë ndryshim.

Deri më sot masa e njerëzve ecën sipas diktimit të orës. Nga java 7-ditëshe me rreth 70 orë punë përpara 100 vjetësh është shndërruar në një javë 5-ditëshe me rreth 30 orë punë, por megjithatë askush nuk ka më kohë.

“Koha është flori” – është motoja e ditëve tona dhe humbja e kohës është mëkati më i madh në shoqerinë tonë. Për të organizuar më mirë kohën e tij menaxheri i suksesshëm lexon libra si: “Menaxhimi i plotë kohës”, “Ora 90 minutëshe”, “Planifikimi i kohës” etj. Këto lojëra të planifikimit të kohës në fakt nuk kanë për qëllim që njeriu të fitojë më tepër kohë; psh. për të menduar, ato shërbejnë për ta mbushur edhe “kohën e fituar” me punëra të tjera deri në sek e fundit. Kjo nuk vlen vetëm për menaxherët, gjithashtu nxënësit dhe pensionistët kanë një axhendë të tejmbushur. Asgjë nuk është më e vështirë sesa të kesh kohë. Fjali të tilla si: “Javën e ardhshme e kam tepër të zënë” na dëshmojnë për njeriun e suksesshëm. Të kesh kohë nuk është e mirë për imazhin tek të tjerët.

Duket sikur industrializimi dhe automatizimi i shpejtë janë absurdë, pasi çdo pajisje e re, çdo kompjuter duhet t’ia lehtësojë punën njeriut, t’i krijojë kohë, të cilën mund ta shfrytëzonte për diçka tjetër. Por pas rreth 1500 vjetësh përpjekje për disiplinimin e kohës njeriu nuk mund të bëjë më asgjë, sepse kur ai nuk ka ndonjë punë për të bërë e harxhon kohën e tij përpara Tv-së, ose në plazh, nëpër zbavitje të ndryshme etj. Disa shkencëtarë globalë po përpiqen të formojnë një mendim apo këndvështrim të ri për kohën dhe një marrëdhënie të re me të, sepse ata kanë zbuluar se shpejtësia e zhvillimit ekonomik duhet të jetë në përputhje me “planet e natyrës” për të gjetur një rrugëdalje nga kriza ekonomike dhe e ndotjes së mjedisit. Duhet të lejojmë sërish që të kemi kohë dhe të ndajmë kohë për veten. Duhet të përpiqemi të mendojmë më gjatë se deri tani mbi gjërat, përndryshe shumë probleme, të cilat krijohen nga neglizhimi i kohës nuk do të mund të gjejnë më zgjidhje.



Perkthyer nga gjermanishtja.

__________________
Vdes vetem ajo dashuri, per te cilen nuk enderrohet mė (Pedro Salinas)

Denonco kėtė mesazh tek moderatorėt | IP: e regjistruar