Ana
Whatnot
Regjistruar: 17/02/2003
Vendbanimi: Ja ketu
Mesazhe: 405
|
Ypsiloni, ja cfare lexova sot. Eshte shkrim pak i gjate por shume interesant.
Azem Hajdari, deputeti i vrarë i Partisë Demokratike, i ka kërkuar ish-Kryeministrit Aleksandër Meksi të dorëhiqet më 27 shkurt 1997, gjatë një séance parlamentare. Ishte koha kur shteti në Vlorë kishte kapitulluar për shkak të falimentimit të skemave piramidale. Pikërisht për zgjidhjen e këtij problemi, pra për qetësimin e kreditorëve, Meksi propozon disa zgjidhje, që nga krijimi i një ansambleje të kreditorëve deri në krijimin e zonave të lira të tregtisë apo edhe dhënien me qera për 5 vjet të lagunës së Nartës për shfrytëzimin e kripës. Meksi informon deputetët se qeveria po vazhdonte bisedimet me institucionet financiare ndërkombëtare për zgjedhjen e krizës dhe ftoi të gjithë ata që mund të kontribuonin me ide, nisur nga parlamentarët. Pasi ai përfundoi, një nga diskutantët, pikërisht Azem Hajdari, tha se zgjidhja duhet të ishte largimi i Kryeministrit. Ja fjala e tij.
Në radhë të parë të falenderoj për mundësinë që na dhe që të fillojë kjo seancë e diskutimit për Vlorën me një minutë heshtje për viktimat në Vlorë. Do të bëhen hetime dhe organet e hetimit do ti sqarojnë ato probleme, por në fund të fundit ne bëmë atë që duhet të bëjë një Parlament demokratik. Së dyti, do të thoja që problemi i fajdeve është një problem global në tërësi dhe Vlora sot është një fenomen i tij në veçanti. Eshtë hera e tretë që Kryeministri vjen në Parlament dhe flet, thotë atë që do, por nuk thotë atë që duhet ta mendojë e ta thotë. Edhe sot, po ta keni vënë re, tha tri gjëra, që unë jam plotësisht i bindur se edhe një student i çdo lloj fakulteti në Shqipëri, i cili ka studiuar pa leksione e pa pedagogë, mund ti thoshte. Dhe çfarë tha zoti Meksi? Ai tha që është problem i madh problemi i inflacionit. Duhet të krijohet, tha, asambleja e kreditorëve të Gjallicës dhe të rishihet problemi i rivlerësimit të atyre që kanë futur paratë. Dhe, së treti, tha që duhet të bëhet politika sociale. Nuk tregoi që pronat e Gjallicës janë shitur në datën 15 janar të vitit 1997. Ai nuk u mor me këtë problem dhe nuk e trajton problemin e fajdeve si një problem global, por na ka futur në një rreth vicioz, na thotë për ta mbledhur Parlamentin kur të dojë ai, të flasë në Parlament çfarë të dojë ai, dhe do të vinte koha që ne nipave të Isa Boletinit, në kuptimin moral të fjalës, në një 90 vjetor ose 100 vjetor të shpalljes së Pavarësisë të na hiqte të drejtën morale që përkrah vëllezërve tanë vlonjatë dhe jugorë të shkonim dhe të përkujtonim ngritjen e Flamurit. Pse? Sepse ai propozoi gjendjen e jashtëzakonshme atje.
Në vitin 1991, kur thërrisnim Vlora heroike me Partinë Demokratike, ka qenë një gëzim i madh për të gjithë shqiptarët, sepse ajo ndërpreu programin ogurzi të Ramiz Alisë me shokë për tendenca separatiste në Shqipëri e për të bërë strategjinë e gjakderdhjes. Por edhe sot është për tu falenderuar Vlora, e cila rrëzoi taboret e atyre njerëzve që kishin marrë vullnetarë të paguar për të shkuar dhe nënshtruar qytetarët e lirë të një ndër pjesëve më historike të kombit shqiptar...Pra, problemet për të cilat duhet të rrëzohet Meksi nuk është se 60 studentë janë në grevë dhe kërkojnë ta rrëzojnë Meksin, sepse këto më kujtojnë diskutimet e Parlamentit të vitit 1921, kur çdo njeri i projektuar tribun çohej nga kjo sallë e Parlamentit, shkonte në male, merrte 300 veta për të rrëzuar Qeverinë ose Parlamentin. Problemi pse duhet të rrëzohet Meksi nuk është thjesht problemi që do ta rrëzojë një qytet, sepse qyteti duhet të kapet me problemin e qeverisë së vet, me deputetin e vet dhe me këshillin e vet bashkiak, problemi që duhet të bjerë Meksi është problem kombëtar. Liria është virtyti i njerëzve që kanë luftuar në histori për liri dhe sot vlonjatët janë vërtetë flamurtarët e protestës, duke i ndarë nga ata njerëz që duan ta manipulojnë atë. Pra, Qeveria duhet të bjerë sepse tenderat bëhen në mënyrën më të keqe që mund të bëhen e zhvillohen në një vend; Qeveria duhet të bjerë sepse nuk shtrohen rrugët; Qeveria duhet të bjerë sepse nuk mblidhen para as nga doganat dhe as nga taksat, Qeveria duhet të bjerë sepse administrata është e korruptuar për të marrë që nga një pasaportë, që nga një letër për të kaluar brenda ose jashtë vendit e deri për të kryer një problem më të madh; Qeveria duhet të bjerë sepse 80 për qind ose 90 për qind e demokratëve në Shqipëri e dëshirojnë një gjë të tillë. Pse? Janë të ndershëm, kanë luftuar që prej 6 vjetësh për demokracinë, i kanë bërë Shqipërisë kaq nder, kaq reforma, kanë privatizuar tokën, kanë ecur me guxim drejt dekomunizmit të vendit, kanë arritur të ndërtojnë institucionet, kanë bërë një kushtetutë, e kanë integruar Shqipërinë në Europë, i kanë krijuar asaj miq dhe u vjen keq që sot Shqipëria nuk ka miq dhe miqtë e saj thonë: ore zotërinj, çfarë çmimi ka ky njeri që ju përsëri e mbani? Ky qëndron ky problem? Kush është sekreti i tij? Unë mendoj që studentët e Vlorës dhanë një shembull dhe shfrytëzuan lirinë e Vlorës për tu futur në grevë urie. Unë jam plotësisht i bindur që nuk trajtohet problemi duke pllakosur opozitën ose duke thënë se opozita nuk mund të fitojë karta morale. Le të fitojë opozita karta morale dhe le të mundohet ta shfrytëzojë momentin, por të jeni të bindur që opozita, për faktin që nuk u thotë njerëzve se si do tu kthejë paratë, do të bjerë po në të njëjtin rreth vicioz siç ka rënë Kryeministri, i cili su thotë njerëzve se si do tua kthejë ky njeri paratë. ...
Po kështu është e papranueshme që këta mercenarë të shkojnë në sheshin Demokracia, siç shkuan parmbrëmë, dhe tu turren studentëve, ose sot tek Universiteti, të shkojnë tek godinat e 21-shit, tu vendosin edhe pistoletën në gojë. Çfarë janë këta njerëz? Kë përfaqësojnë? PD ka qenë e distancuar nga krimi, është e distancuar prej tij dhe është një forcë politike, për mendimin tim, që nuk ka ardhur dhe nuk ka kërkuar kurrë për të ardhur në pushtet me votat e hajdutëve e të kriminelëve, hajdutët e kriminelët kanë një vend tjetër dhe nuk kanë vend për të mbrojtur as lirinë, as demokracinë....Studentët e Vlorës nuk po kërkojnë që të ndërrohet sistemi, ata vërtet mund të kenë edhe ndonjë kërkesë ekstreme, por thonë që ju demokratët që jeni në Parlament, që ne ju kemi besuar, ta ndërroni shpejt Qeverinë.(...)
Nuk kam parë deri sot Kryeministrin të shkojë, ndonëse dhe mes gurëve, dhe mes domateve, dhe mes vezëve, tek populli, ai një ditë të pret mirë dhe një ditë të pret keq, dhe të diskutojë me ta për këto probleme, por e kam dëgjuar të thotë të futim tanket, të bëjmë gjendjen e jashtëzakonshme, të ecim përpara, se mund ti futim në asistencë këta njerëz etj etj. Nuk e kam parë atë të thotë me forcë se ka skema preventive të cilat realizojnë zgjidhjen e këtij problemi, por e kam dëgjuar të thotë:Po më hoqët mua, do të them këtë ose atë. Po hajde thuaje, mor zotëri, çfarë ke për të thënë, stë ndalon kush ta thuash, se ne në Shqipëri jetojmë, për demokracinë po punojmë të gjithë...Na ka rënë një hall i madh, na ka lindur në këtë Parlament një taotao i dytë. Greva pushon me ligjin e Taotaos, greva pushon kur një ministër të ndjehet kompetent e të thotë që unë jam përgjegjës dhe unë largohem zotërinj. Dhe të jesh përgjegjës nuk do të thotë që të mos të respektojnë të tjerët. Por u thonë studentëve: shkoni në auditore, bëni këtë, bëni atë. Më kujtojnë deputetët e dikurshëm para 6 vjetësh që na thonin neve: shkoni ju, se rruga jonë është e mirë. Jo, zotëri, këtu është problemi për të diskutuar dhe për të gjetur zgjidhje.
....Hajde ta zgjedhim Presidentin e vendit. Kush të mos dojë me e zgjedhë, të mos votojë, i lirë është, se është demokraci, ti japim kompetencat për të kontrolluar Qeverinë në gjendjen e jashtëzakonshme, të mos bëjmë lojëra cicmicësh, të firmosen ato që janë për tu firmosur dhe të ecim përpara, se kemi rrugë të gjatë për të bërë. Dhe kemi për ta fituar besimin edhe të BE, edhe të SHBA, kemi për të fituar besimin e të gjithë shqiptarëve për të ecur përpara. Përndryshe unë do të doja që do të bëjmë gabime të tjera.
Në këtë rast unë do tu bëja thirrje të gjithë atyre mercenarëve të Xhaferr Devës e do tu thoja: Ore, zotërinj kriminelë, ju nuk mund të gjakosni as studentë të Qytetit Studenti, as vlonjatë, as këdo. Ai që ju paguan është një terrorist. Gjithashtu do të kërkoja ti thoja Qeverisë se ata që kanë para shumë, mbi njëqind mijë ose mbi 70 mijë, të na botojë një listë, tu thuhet me çfarë i morët lekët e tu kthehen paratë atyre që kanë më pak. Domethënë, më saktë këtu është prishur një aleancë e Qeverisë me krimin, një krim i armatosur lufton një shtet. Dhe në të drejtën juridike e morale vetëm shteti ka të drejtë ti mbrojë të drejtat e shtetasve të vet.
__________________
Success stands mostly in not giving up, when the others have let go.
Denonco kėtė mesazh tek moderatorėt | IP: e regjistruar
|