misterioz
rrugaē
Regjistruar: 30/12/2004
Vendbanimi: rrugeve
Mesazhe: 892
|
Artikull i botuar tek Koha Jone
Nga Eglantina Nasi
Vdekja në dhëmbët e ushtarëve grekë
Nuk e di se çfarë duhet të bëjë tjetër Greqia, këtë radhë për t'i mbushur mendjen edhe vetes, që nuk mund të ndahet dot nga ksenofobia që ushqen ndaj shqiptarëve. Më tepër se ajo shpurë ushtarësh që këndonte me mllef gjatë 50 kilometrave për "zorrët e lidhura të shqiptarëve", nuk di se çfarë i duhet një shteti që t'i bindë të tjerët se do kalojnë shekuj, porse nuk do e kapërcejë dot ndjenjën raciste që ka në deje ndaj gjakut shqiptar. Kjo urrejtje e kthyer në patologjike, kërkon vetëm gjak.
Ajo flet për "litarë", apo pjesë të shqyera të trupit njerëzor. Më shumë se me një mos-honepsje të deklaruar të fqinjit, tashmë ajo po shfaq qartë idenë se ka të bëjë me një ndjenjë të tepruar të një hakmarrje e cila duket kaq absurde. Ajo, e cila nuk e dimë akoma se ku i ka rrënjët, flet tashmë jo vetëm me një gjuhë të rëndë dhe fyese, por edhe me një gjuhë gjaku. Kjo e fundit është më e rënda nga të gjitha.
Dhe kur vjen ajo, i përmbys të tëra ekuilibrat e deritanishëm që me zor janë sendërtuar ndër shekuj nga dy popujt tanë fqinjë. Në të mirë e në të keq, këta dy popuj janë përpjekur të bashkëjetojnë. Porse mbërrijnë momente të tilla stakimi të kësaj lëvizje të natyrshme, që e ngecin atë dhe se vështirë të mund të vihet në punë sërish.
E vetmja gjë që duket se është ndryshe nga rastet e tjera të shfaqjes së ksenofobisë greke ndaj shqiptarëve, këtë radhë duket se është edhe bashkimi i saj në një të vetme, me atë që grekët ushqejnë edhe ndaj turqve.
Në një rast të tillë, Shqipëria del edhe më fisnike, duke i treguar botës se Greqisë jo vetëm që nuk i ka patur faj ndonjëherë, porse ka edhe shtete të tjera që gjenden në të njëjtën situatë si ajo. Dhe kjo e bën vendin tonë edhe më "të larë" në lidhje me të gjitha qëndrimet greke ndaj tij.
Nuk e di sesi mund të ngrihet një lloj justifikimi nga shteti grek për atë që ndodhi me ushtarët grekë të cilët pohonin në këngët e tyre se "me zorrët e shqiptarëve do të bënin litarë". Sikundër nuk e marr dot me mend sesi mund të mendohet të gjendet një justifikim në të tilla raste. Për të gjitha gjërat, grekët kanë gjetur një justifikim. Edhe për rastin e vjedhjes së eshtrave në Përmet, u gjend.
Edhe në këtë rast, i cili ka qenë i fundmi i skandaleve publike mes dy shteteve tona, u gjend një rrugë e mesme e cila fashiti çdo debat që lindi me të drejtë nga dy vendet. Por këtë radhë, me çudi vërtet që do të presim sesi do të reagojë pala greke ndaj një fakti të tillë. Për më tepër që tashmë janë të implikuara edhe vetë instancat shtetërore, siç janë ato në rastin konkret, të ushtrisë, të cilat me zell të madh i nisnin ushtarët në një vrap 50 kilometërsh me fjalët "vdekje" në gojë. Por me siguri, edhe këtë radhë Greqia, ka për t'ia hedhur kollaj.
Të paktën ndaj shtetit shqiptar. I cili ende nuk ka mundur të heqë ligjin e luftës që ka lidhje me të. Dhe përsëri në të ardhmen, do të kemi raste të tilla. Pasi ndjenja raciste, ku ekziston, vetëm rritet dhe nuk mund të pretendohet të shuhet në një popull i cili nga dita në ditë vetëm shpreh mllefe të tilla.
Një gjë është e sigurt. Që shqiptarët, duhet të ruajnë dhe do të dinë ta ruajnë qetësinë e tyre dhe të lënë grekët të turpërohen me sjelljet e tyre "pseudo-demokratike" të shekullit 21, për më tepër si një vend i Bashkimit Evropian.
E Shtune 3 mars 2007
- Kur kemi shtet legen qe drejtohet nga politikane mjerane (nga te dyja partite)dhe me mentalitet komunist keshtu do ndodhi.Politikanet tek ne e kane mendjen ti hane kokat njeri-tjetrit dhe jo te gjejne nji rrugezgjidhje per t'ju pergjigjur ashtu siç duhet kesaj ksenofobije greke.
A ka ndonji reagim zyrtar nga ana e qeverise shqiptare apo lesh,si perhere nji sy qorr dhe nji vesh shurdh.
Denonco kėtė mesazh tek moderatorėt | IP: e regjistruar
|