lezhjani-82
I Pavdekshem
Regjistruar: 02/01/2005
Vendbanimi: Eternity...
Mesazhe: 4813
|
Shqiptarët dënojnë 4 terroristët, në një peticion drejtuar Kongresit të SHBA-ve
Shekulli
12-05-2007
Më shumë se 3668shqiptarë kishin nënshkruar deri mbrëmjen e djeshme një peticion dhe "kërkesë falje" drejtuar Kongresit Amerikan dhe medieve, ku firmëtarët distancohen dhe dënojnë aktin e katër shqiptarëve nga Maqedonia, të cilët akuzohen se do të sulmonin një bazë ushtarake amerikane, ku më 199 ishin strehuar refugjatët nga Kosova.
Në faqen petitiononline.com/mod_perl/petition-sign.cgi?Albanian, ftohen të gjithë shqiptarët që të nënshkruajnë peticionin e shkruar në anglisht. Numri i atyre që shënojnë emrat në këtë faqe rriten në çdo minutë dhe deri mbrëmë në orën 23.00 ai ishte 3668. Përmbajtja e peticionit ka për synim jo vetëm të dënojë aktin por edhe të përgënjeshtrojë titujt e disa gazetave në SHBA, ku thuhet se shqiptarët urrejnë amerikanët. "Ne shqiptarët nga e gjithë bota, dënojmë fuqishëm aktin dhe idenë e katër shqiptarëve, Dritan, Shain, Eljvir Duka dhe Agron Abdullau, të përfshirë në komplotin e Fort Dix.
Këta njerëz që planifikuan të sulmojnë dhe të vrasin sa më shumë ushtarë në Fort Dix nuk përfaqësojnë shqiptarët",- thuhet në peticion. Ndërsa më tej shtohet se shqiptarët ndihen të turpëruar dhe të zemëruar me këta shqiptarë, "të cilët që prej këtij momenti janë të përjashtuar nga komuniteti shqiptar". Aty njëkohësisht flitet për ndjenjat e shqiptarëve ndaj Amerikës, falënderimin për ndërhyrjen dhe ndihmën e dhënë, ndërsa shtohet se "Shqiptarët nuk mund të jenë terroristë".Ndërkohë dje gjykata amerikane e Nju Xhersit, ka dhënë masën e sigurisë për 6 personat e arrestuar disa ditë më parë. Për të gjashtë të arrestuarit mes të cilëve edhe 4 me origjinë shqiptare, Gjykata Federale në Kamden ka vendosur t'i lërë në burg.
__________________
Jeta eshte nje semundje vdekjeprurese seksualisht e transmetueshme.
Denonco kėtė mesazh tek moderatorėt | IP: e regjistruar
|