tresh
.
Regjistruar: 16/11/2003
Vendbanimi: .
Mesazhe: 2752
|
Armėt, ja biseda sekrete mes Nanos e Abdiut nė 1997
Nikollë Lesi lexon në Kuvend tekstin e përgjuar të dialogut në hotel "Rogner"
"Dhjetra abuzime me pronat, vjedhje e shpërdorime"
Botohet procesverbali i transkriptit të përgjuar në Tiranë më 15.12.1997 ndërmjet Kryeministrit Fatos Nano dhe deputetit të PS Fehmi Abdiu, rregjistruar në Rogner në tavolinën A 20. Eshtë rregjistruar nga ora 17.40 deri në 18.05. Biseda ka të bëjë me shfuqizimin e disa neneve në Kodin Penal, të miratuara nga Kuvendi me ligjin 8175 të datës 23.12.1996. Pas bisedës së bërë mes Nanos e Abdiut, këto ndryshime u rrëzuan në datën 15 janar 1998. Nikollë Lesi ishte ai që paraqiti dje në Kuvend një doumkent sipas tij, ofruar nga një ambasadë e huaj, e cila jepte një bisedë të përgjuar mes Nanos dhe Fehmi Abdiut. Nikollë Lesi në fillim ka lexuar ligjin e ndryshuar nga ana e Kuvendit. Më pas ai ka bërë një prezantim të dokumentit që do të lexonte duke thënë se këtë dokument dhe mikrofilmin e ka prokuroria e përgjithshme dhe shërbimi informativ. Ndërsa vetë Lesi e ka siguruar nëpërmjet një ambasade. Lesi ishte përgatitur me një çantë ku mbante dokumentat dhe faktet që do paraqiste në Kuvend. Ai pasi vendosi përballë një kasetë video dhe një kasetë audio, nisi të bënte mbrojtjen e tij. Ndërsa nuk dha asnjë shpjegim për kasetën video ai paraqiti edhe një dokument të dytë, dëshminë e një oficeri policie, të cilën tha se e kishte të shoqëruar edhe me kasetë audio. Ndërsa dokument i përgjimit të bisedës mes Nanos dhe Fehmi Abdiut ai e paraqiti vetëm të zbardhur duke e lexuar vetë fjalë për fjalë para deputetëve.
Fehmi Abdiu: Sidoqoftë bëre shumë mirë zoti kryeministër. Ai shtangu kur të pa, siç duket kujtoi se do ta shaje.
Fatos Nano: E kush e çan bythën për atë. Më shumë i fola prej teje plehrës. Do t'ia tregoj mirë se kush jam, pasi s'i ka ardhur rradha, kam hesape të tjera tani....
Kmarierja: Mirëmbrëma. Do porosisni tani apo të vj më vonë.
Fatos Nano: Jo jo, tani se nuk kam kohë. Për mua një ujë, xhin tonic dhe një kafe të mirë, kështu siç je ti bukuroshe.
Kamarierja qesh
F.Abdiu: Për mua një lëng portokalli dhe një kafe.
Kamarierja: Si urdhëron.
F.Abdiu: Zoti kryeministër, kot u munduat, e kishim lënë për nesër.
F.Nano: Jo jo. Nuk ka problem, ti ke ardhur apostafat me urgjencë dhe mua më intereson shumë kjo çështje.
Si ia bëre, e gjete zgjidhjen?
F.Abdiu: Po, besoj se ia kam gjetur për të gjitha ato që më ke thënë, vetëm po qe se me kundërshton Thimio (e ka fjalën për Thimio Kondin).
F.Nano: Vazhdo se nuk ka bythë ai të të kundërshtojë.
F.Abdiu: Po flas më shkurt meqenëse nuk kemi kohë. Unë e kam gjetur zgjidhjen më të mirë të mundshme dhe e kam gati materialin. Si fillim duhet të shfuqizojmë një ligj të Saliut.
F.Nano: Akoma me atë kafshën ti?
F.Abdiu: Nuk mund të veprojmë dot ndryshe, është shumë e rëndësishme kjo çështje dhe përbën rrezik për nesër. Vjet në dhjetor, parlamenti ka miratuar disa shtesa në kodin penal ku janë shtuar dhe ndryshuar 40 dispozita. Eshtë shtuar trafiku i njerëzve me konfiskim të mjeteve, si për shembull makina që transportojnë klandestinët, gomonet, skafet etj. Eshtë shtuar shkelja e pasurisë së vënë nga krimet dhe kjo me konfiskim të pasurisë nëse provohet. Është shtuar trafiku narkotikëve.
F.Nano: Në ç'kuptim, pse deri para këtij ligji nuk ka patur dënim për trafikantët?
F.Abdiu: Jo, sipas ligjit tonë, import- eksporti dhe tranzitimi nuk dënoheshin.
F.Nano: Vazhdo, vazhdo.
F.Abdiu: Janë shtuar dispozitat për doganat, konfiskimet lokale, prostituta etj,etj.
Kamarierja: Më falni doni gjë tjetër?
F.Nano: Ik ore pirdhu.
F.Abdiu: Por ajo që është më e rëndësishme, ka ndryshuar në nenet 280 të kodit penal dhe e ka trajtuar si dispozitë të veçantë vetëm për trafikun e armëve. I ka futur një sanksion deri në 15 vjet burg dhe konfiskim të pasurisë (për trafikun e armëve). Prandaj duhet t'a shfuqizojmë këtë ligj dhe mundësisht menjëherë, që çdo gjë të jetë e sigurtë, sidomos për problemin e armëve, që ato je i interesuar zoti kryeministër.
F.Nano: Çfarë inventar leshi, depot janë të shpërthyera në të gjitha anët.
F.Abdiu: E di, e di. Por të gjitha janë me numër të stampuar dhe shumica janë nëpër depo që nuk janë prekur. Le pastaj që Gramshi nuk është prekur fare.
F. Nano: Po ke të drejtë. Hë për hë, për Gramshin nuk do ta ngacmojmë derisa të gjejmë një zgjidhje. Kemi qenë boll në opozitë, na duhen ca para.
F.Abdiu: Meqënëse është shfuqizim i ligjit, që të paktën po ndodhi gjë, askush të mos mbajë përgjegjësi penale, por të mbetet histori gazetash e shoqëruar me ndonjë kokë turku.
F.Nano: Bukur, ateherë çfarë do nga unë?
F.Abdiu: Dua vetëm që të mos ketë ndonjë reagim nga deputetët socialistë.
F.Nano (qesh): Kaq pak kërkon?
F.Abdiu: Për mua është kryesorja.
F.Nano: Deputetët e mi? Nuk ua mban bytha atyre, po të dua i tredh të gjithë, dakord. Na vaftë mbarë. Nëqoftëse do të funksionojë siç duhet edhe nëqoftëse nuk do të na përzihet ndonjë.... nëpër këmbë, vë bast që do ta mbajmë 50 vjet të tjera ushtetin. Po për doganat si ia bëre?
F.Abdiu: Aty janë të gjitha. Po u shfuqizua ligji, hapim dyert për gjithçka dhe mbyllen kur të duam ne.
F.Nano: Kuptoj. Edhe ti ke frikë nga një pederast që i shpëton shurra kur më shikon mua?
F.Abdiu: Nuk është puna aty. Thimio i ka të gjitha. Egoist, grindavec, inatçi dhe do të dali ai para teje si shpëtimtari i situatës.
F.Nano: Mo çfarë ti bëj se është spiun... dhe ti e di mirë që më detyruan ta bëj kryetar, por po të ishte për mua ai do të kishte marrë arratinë, qeni.
F.Abdiu: E di, e di. Tani jam i qetë dhe e quaj këtë punë të mbaruar.
F.Nano: Meqë këtë punë e quan të mbaruar, quaje të mbaruar edhe punën e kryetarit të Gjykatës Kushtetuese. Kështu, që nuk do të ketë bir kurve që do të të bëjë pordhë, jo Thimio bytha por as Bill Klintoni. Vetëm shiko që të zgjedhësh ushtarët që .... nënën, se ndryshe nuk të thonë baba. Nuk bëhet shaka aty. Ndodhi një gjë në Parlament, të paktën të kemi një siguresë në Gjykatën Kushtetuese. Boll kemi mbajtur koqet në opozitë. Tani të fitojmë para o Fehmi se një jetë kemi.
F.Abdiu: Ta them këtë se aty e kam pak vështirë që ti vë njëherë dhe pastaj ti heq. Nuk është njësoj si me këta të tjerët që janë një laps plumbi.
F.Nano: Mos u bëj merak se nuk do të zhgënjej, por për pak desh harrova. Kam dëgjuar se ato të Bukoshit janë lidhur me Saliun, kështu që mund të na prishin pazaret.
F.Abdiu: Për çfarë e ke fjalën?
Kamarierja: A do porosisni diçka tjetër?
F.Nano: Ik ore pirdhu ti. Na bëj llogarinë.
F.Abdiu: Do paguaj unë se kam sebep.
F.Nano: Unë e kam lajmin më të mirë se ti. Do fitojmë para.
Mbaji, mbaji ti kamariere. Për çfarë e kishe fjalën Fehmi?
F.Abdiu: Mendoj që do përzihen dhe ata në lojën e armëve dhe me siguri që do na prishin pazaret, ose akoma më keq mund të na bëjnë gjëmë të madhe.
F.Nano: Faktikisht në një farë mënyre t'i ke të drejtë. Por jo për atë kafshën. Dikush tjetër është përzier në këtë histori. Ai shkërdhatë më bën të mendohem pak. Klosi më ka thënë se kanë bërë një lidhje me një deputet të PD-së, por akoma nuk di gjë të saktë. Sipas tij, bëhet fjalë dhe për një lidhje për Ahmet Krasniqin. (Ahmet Krasniqi ka qenë ministër i mbrojtjes i qeverisë së Bukoshit dhe është vrarë në Tiranë- thotë Lesi).
Por Klosi është kurvë e keqe, intrigë e gjallë. Sidoqoftë deri tani, çdo gjë është në kontroll, por nuk jam plotësisht i sigurtë. Prandaj ia kam lënë në dorë këtij pisi që edhe po ndodhi gjë, ta çoj në të s'ëmës. Nejse ku e lamë?
F.Abdiu: Mbaruam. Unë jam gati që në janar të paraqes në Kuvend, kërkesën për shfuqizimin e ligjit.
F.Nano: Jo, jo më shpejt.
F.Abdiu: E kam vështirë.
F.Nano: S'ka problem. Më mirë kështu, shikoje edhe njëherë me kujdes. Kemi gjë tjetër?
F.Abdiu: Kisha një kërkesë të vogël.
F.Nano: Vetëm mes nesh kërko, se do të kesh mundësi të fitosh ti dhe yt bir.
F.Abdiu: Jo, jo. Bëhet fjalë për të rregulluar në një vend pune një juriste. E kam porosi nga miku im i ngushtë.
F.Nano: ...etj, etj, (nuk e them dot)
F.Abdiu: Ç'është ajo fjalë, jam burrë i vjetër, nuk e bëj dot.
F.Nano: ... (pasi thotë emrin e juristes) ububu çfarë katundareje. Për në Ministrinë e Drejtësisë, kur të duash më thuaj. Për andej nga gjykatat mundohu vetë tani, ose kur të fillosh në Gjykatën Kushtetuese. Unë vetë nuk i them atij legenit se nuk ia rris vlerat.
F.Abdiu : Jo, jo. Për Xhepin s'ka probem se flas vetë.
F.Nano : Kujdes me atë Rexhep trapin, është koqe po merri anën.
F.Abdiu: E rregulloj unë me atë.
F.Nano: Megjithatë kujdes që të mos kuptojë gjë, se është strikt ai, koqe është, një mut janë si ai, si Serveti, dhe Namiku. Me këto të dy mos fol.
Berisha: Pas kësaj do të hetojmë Nanon
Kreu i PD Sali Berisha ka kërkuar dje pas votimit të imunitetit të Lesit largimin nga qeveria të kreut të saj Fatos Nano. "Kjo është një fitore e madhe mes fjalës së lirë dhe krimit të organizuar. Do të ndërmerret një hetim intesiv për të gjitha dokumentat e publikuara nga Lesi. Nga nxjerrja e këtyre dokumentave del edhe zanafilla e gjithë vendimeve të Gjykatës Kushtetuese. Ju duhet të merrni në dorë të 40 sanksionet e shfuqizuara nga Fehmi Abdiu. Me këto dokumenta u tregua qartë që Nano ishte arkitekt i trafikut të armëve, drogës e prostitucionit. Nano u përpoq të mposhtë mediat, por nuk ia arriti dot qëllimit" tha Berisha.
Reagimi i kryeministrit
Nano: Prokuroria e SHISH të hetojnë
I menjëhershëm ka qenë reagimi I zyrës së shtypit pranë kryeministrit Nano. Zëdhënësi Dalipi ka hedhur poshtë pretendimet e deputetit Lesi, ndërkohë që ka bërë prezent disa vendime të marra nga kryeministri pas kësaj deklarate:
1- Kryeministri Nano i kërkon Prokurorit të Përgjithshëm të Republikës së Shqipërisë fillimin e një hetimi të plotë shtetëror dhe të procesit penal për vlerësimin e të gjithë elementeve të përmendur nga deputeti Lesi në respekt të kushtetutës dhe ligjit, të marrëdhënieve midis institucioneve, të interesave të sigurisë kombëtare dhe të aleancave ndërkombëtare të Shqipërisë.
2- I kërkon Drejtorit të Shërbimit Informativ Shtetëror që, nën përgjegjësine ligjore dhe kujdesin e tij të drejtpërdrejte institucional të administrojë të gjithë dokumentacionin e pretenduar të periudhës në fjalë, që lidhet me aspekte mjaft sensitive të çështjes dhe interesave kombëtare dhe të Kosovës, të verifikojë respektimin e ligjit apo shkeljen e tij në veprimtarinë e SHISH apo në administrimin e informacionit të klasifikuar shtetëror dhe të bashkëpunojë tërësisht me Prokurorin
e Përgjithshëm për vlerësimin e të gjitha pasojave që mund të kenë rrjedhur prej këtej.
3- I kërkon të gjitha strukturave dhe institucioneve shtetërore dhe parlamentare të përfshira në vazhdimësi në kontrollin dhe monitorimin e veprimtarisë së shërbimit informativ që të bashkëpunojnë në përputhje me detyrimet e ligjit për zbardhjen e gjithë të vërtetës në lidhje me çështjen e pretenduar.
4- U kërkon të gjithë personave që për shkak të funksionit shtetëror të asaj kohe (ish-Prokuror I Përgjithshem, ish-drejtor I SHISH, ish-funksionarë të lartë të shtetit, etj) të bashkëpunojnë në hetimin shtetëror për zbardhjen e së vërtetës apo të abuzimeve me të.
MARRE NGA GAZETA SHQIPTARE e dates se sotme
__________________
il primitivismo e la non cultura sono forme eterne!! CHI CREO LE DONNE??!!DIO E STATO UN GENIO
Modifikuar nga tresh datė 09/11/2004 ora 10:55
Denonco kėtė mesazh tek moderatorėt | IP: e regjistruar
|