tresh
.
Regjistruar: 16/11/2003
Vendbanimi: .
Mesazhe: 2752
|
Firma e Arben Rakipit nė pėrgjim
Zbulimi i grupit të prokurorëve në faksimiljen e transkriptimit të bisedës Nano-Abdiu
Ish-kryeprokurori mohon siglimin e dokumentit
Grupi i prokurorëve që mori në dorë çështjen e përgjimit Nano-Abdiu nuk e ka patur të vështirë të zbulojë një detaj mjaft të rëndësishëm në faksimiljen e transkiptimit. Pas shumë viteve pune në Prokurorinë e Përgjithshme ku kishin kaluar ndër duar me dhjetra shkresa zyrtare, nuk mund të mos njihnin firmën e ish-kryeprokurorit Arben Rakipi. Një sy i tillë i stërvitur arriti të dallonte se e njëjta firmë kishte sigluar dokumentin e transkriptimit të publikuar nga Gazeta Tema. Pikërisht, në pjesën e sipërme, në cepin e majtë të dokumentit, poshte datës 15 dhjetor 1997, të shkruar me shkrim dore, ndodhet edhe firma e ish-kryeprokurorit të Përgjithshëm. Një tjetër argument që i ka shtuar më tepër dyshimet e prokurorëve ka qenë edhe fakti që në fund të dokumentit të hartuar nga majori Sokol Koçiu, thuhet se një kopje e transkriptimit dorëzohet në Prokurorinë e Përgjithshme.
Mohimi i Rakipit
Falë zbulimit të firmës së dytë në faksimiljen e transkriptit, prokurorët shtinë në dorë një element të mirë për të hedhur më tepër dritë mbi origjinën e tij. Pas refuzimit nga burgu 302, i Sokol Koçiut, për t'iu përgjigjur pyetjeve të hetuesve, Rakipi mbeti i vetmi "As nën mëngë". Në këtë mënyrë, tre ditë më parë, pak pasi kishin lënë qelinë e Koçiut, hetuesit, jo pa vështirësi, u detyruan të marrin në pyetje ish-shefin e tyre. Pas përfundimit të një masteri në SHBA, Rakipi është rikthyer prej disa muajsh në profesionin e tij të ri të pedagogut në shkollën e magjistraturës. Detajet e seancës së marrjes në pyetje janë ruajtur me fanatizëm nga prokurorët, por megjithatë burimet nga Prokuroria e Përgjithshme theksojnë se një nga kërkesat kryesore ka qenë pikërisht origjina e firmës së siglimit në dokumentin e përgjimit. Burime nga prokuroria e përgjithshme sqarojnë se ish-kryeprokurori ka mohuar firmosjen e dokumentit duke pretenduar se siglimi me firmën e tij është i montuar.
Siglimi
Pas një deklarimi të tillë të Rakipit, nuk është vendosur ende nëse do të kryhet një ekspertizë shkencore nga prokuroria për të përcaktuar origjinalitetin e firmës. Kjo edhe për faktin se për një përfundim plotësisht të saktë nevojitet dokumenti origjinal apo një kopje e fotokopjuar shumë pastër për të kryer krahasimin me një firmë tjetër të Rakipit. Sipas specialistëve të përgjimeve, firma dhe data e shkruar me shkrim dore, në cepin e majtë të një transkripti, vendoset normalisht si një shenjë që vërteton marrjen në dorëzim të tij prej një autoriteti. Në të shumtën e rasteve, në dokumentat që nuk protokollohen kjo është një rrugë zyrtare për të arkivuar një përgjim.
INTERVISTE/ Flet Valter Haxhiraj, anëtar i Shoqatës së Ekspertëve Privatë
Eksperti: Gjashtë dyshimet e mia për firmën
TIRANE - Pas zbulimit të faktit se mbi dokumentin e transkriptimit të bisedës Nano-Abdiu ishte firma e Arben Rakipit, Gazeta kërkoi ndihmën e një eksperti kriminalistik për të bërë krahasimin me firmën e Rakipit në një dokument zyrtar. Valter Haxhiraj, një ish-ekspert kriminalist i policisë, i specializuar për falsifikimin e dokumentave, flet më shumë me veprime. Një nga ata njerëz, që nuk kanë qejf hyrjet e gjata në temë, ai rrëmben një vizore dhe një lupë të madhe dhe përkulet mbi dokumenta, duke dhënë përshtypjet e para. "Për mua është një firmë e dyshimtë. Por të më kuptoni, opinionet e mia do të ishin më të sakta, madje juridikisht të vlefshme, nëse unë do të kisha para dokumentin origjinal dhe të paktën 2 të tjerë me firmën e saktë, për krahasim", thotë eksperti i cili tashmë, pas largimit, jo për shkak të tij, nga policia, është inkuadruar në Shoqatën e Ekspertëve Privatë, që drejtohet nga i mirënjohuri Estref Myftari. Ja opinionet e tij për dokumentin e përgjimit të bisedës Nano-Abdiu, pikërisht për firmën në krye të faqes së parë të transkiptimit.
Mund të na jepni një mendim tuajin për firmën në krye të faqes së transkiptimit të kësaj bisede duke e krahasuar me firmën tjetër, e cila është origjinale?
Do mundohem. Duke qenë se firma është mbi një material të fotokopjuar, madje me cilësi shumë të dobët, unë nuk mund të jap një mendim vendimtar, por vetëm një opinion paraprak. Sipas meje firma mbi transkiptim është e dyshimtë. Ky dyshim mund të fillohet tek fakti se ajo duket e ndarë në dy pjesë, ky e dyta duket më e besueshme, ndërkohë që të dyja këto pjesë nuk qendrojnë në një plan, por pjesa e dytë paksa më lart. Më tej unë dyshoj, -nëse do të pranojmë se firma është fjala "Rakipi",- që pikërisht tek gërma "a" ka dy ndërhyrje, pasi firma është hedhur. Nuk mund të jem tepër i saktë, pasi duhet origjinali, por në pamje të lirë duket që pjesa sipër "a-së" dhe pjesa lidhëse me shkronjën tjetër, janë të shtuara më pas. Të njëjtin dyshim mund të ngre edhe për bishitin e shkronjës së parë "R". Më tej kam dyshime edhe për pjesën e dytë të firmës. Kështu, edhe pse duket si më e saktë, kjo pjesë ndryshon me origjinalin, pasi është e shkëputur dhe bishti i "p-së" nuk është i zgjatur poshtë si në firmën origjinale. Gjithsesi të gjitha këto dyshime kuptohet që janë hipotetike, pasi origjinali mungon.
Ju renditët disa mospërputhje. Po përputhje, që të bindin, a ka mes firmës mbi transkiptim dhe origjinalit?
Po të nisem nga të fshehtat e zanatit, them se ka. Kështu për shembull lakimi i parë pas gërmës së parë "R" është shumë i ngjashëm në të dyja firmat, po kështu edhe dy lakimet në fund të firmës. Një tjetër ngjashmëri është se, nëse do të bëjmë një vazhdim imagjinar, vijat e "R-së" dhe "p-së" do të puqen diku lart, në të dyja firmat. Ju lutem ju përsëris se të gjitha që u thashë
marre nga Gazeta Shqiptare.
__________________
il primitivismo e la non cultura sono forme eterne!! CHI CREO LE DONNE??!!DIO E STATO UN GENIO
Denonco kėtė mesazh tek moderatorėt | IP: e regjistruar
|