Endri
Moderator
Regjistruar: 02/01/2003
Vendbanimi: Today
Mesazhe: 1498
|
Femrat nė Shqipėri janė mė pak tė arsimuara se djemtė
Femrat në Shqipëri janë më pak të arsimuara se djemtë
Në bazë të të dhënave zyrtare,vetëm 27 % e vajzave 15 vjeç e lart kanë përfunduar shkollën e mesme, ndërkohë që vetëm 13 përqind e tyre janë diplomuar në universitete. Ky kufizim në arsim ndodh pavarësisht se rezultatet në mesime të femrave janë më të larta se të meshkujve. Sociologët argumentojnë se dukuria e arsimimit të ulëttë femrës,lidhet me mentalitetin e vjetër, sidomos në zonat rurale, me kushtet ekonomike dhe friken e prindërve, se po ti çojnë vajzat në shkollë ato mund të bien pre e rrjeteve të trafiqeve dhe prostitucionit për qëllime përfitimi
Statistikat flasin vetë për prezencën e fenomenit: Në Shqipëri vetëm 27 % e
vajzave nga mosha 15 vjeç e lart ka mbaruar shkollën e mesme, ndërkohe që
numri i tyre që kanë mbaruar arsimin e lartë përgjysmohet duke e çuar
shifrën në 13 %. Firot e vajzave janë më të dukshme në zonat rurale, ose ato që janë shpërgulur në periferi të qyteteve kryesore. Për prindërit e tyre me arsimimin 8- vjecar, sic duket mbyllet cikli per shumicën e vajzave, pasi kaq është e nevojshme për to që të çajne në jetë. Në bazë të mentalitetit të vjetër në moshën 13- 14 vjecare nje vajze konsiderohet e rritur dhe e gatshme për të nisur krijimin e nje familje te re.
Eglantina Gjermeni, drejtuese nje shoqate joqeveritare për gratë, mendon se
ky fenomen ka ardhur ne rradhë të parë nga ndryshimi i struktures së
vendndodhjes së shkollave në zonat rurale. Shkollat e mesme, të cilat vite
më parë kanë qenë brenda territorit të komunave, pra në afërsi të zonave te
banuara, jane mbyllur ose për arsye të numrit të pamjaftueshëm të nxënësve
ose për mungesë mësuesish. Kështu që është rritur distanca e shkollave nga
qendrat e banuara. Vajzat duke qenë në moshën e pubertetit, nuk lejohen nga
prindërit, per mentalitet e për friken se vajza e tyre mund të rrezikohet
nga grupet kriminale që trafikojne vajza dhe gra për qëllime prostitucioni në vende të tjera. Por të tjere mendojnë se vajza e tyre boll ka bërë shkollë e tani i duhet të mësoje role brenda familjes, si një përgatitje për t'u bërë një grua dhe një nënë e mirë. Kjo e theksoj është tipike për disa zona të thella rurale dhe jo për të gjitha.
Sociologu, Zyhdi Dervishi ka kohë që kryen studime dhe anketime në lidhje me këtë fenomen. Ai mendon se Ministria e Arsimit duhet të ndryshojë strategji, duke e bërë edhe arsimin e mesëm të detyrueshëm, ashtu sikundër është momentalisht arsimi 8 vjecar. Një nga aresyet kryesore, sipas tij se pse numri i vajzave që ndjekin arsimin e mesëm dhe të lartë është i ulët, vjen
nga vështiresitë ekonomike të familjeve në Shqipëri. Ai përmend dhe
tendencën e prindërve për ti martuar vajzat që në moshe të re, apo duke i
mbyllur në shtëpi. Pavarësisht se ato kanë dëshirë të vazhdojnë shkollën,
kjo ju privohet. Në media janë dhënë herë pas herë evidenca për raste të
kalimit në depresion ose të kryerjes së vetvrasjes nga vajzat e mbyllura,
ose atyre që ju bëhet presion për të mos shkuar në shkollë.
Prof. Dervishi mendon se duhen aktivizuar disa tradita shumë të mira të
shoqërisë shqiptare, siç ka qenë ajo në zonën e Elbasanit, kur familjet e
pasura investonin për arsimin e fëmijëve nga familjet e varfra gjatë viteve
20-30 të shekullit të kaluar,duke i mbeshtetur ata që të ndiqnin studimet
edhe jashtë vendit, si në Austri, Itali, Gjermani etj.
Kufizimi në arsimin e vajzave në ditet e sotme reflektohet edhe në nivelin më të lartë të analfabetizmit, krahasuar me djemtë, si dhe nga kërkesa më e
ulët në tregun e punës, ku femra të punësuara janë vetëm 23 %, ndërkohë që
në rradhët e meshkujve shifra është dyfish.
Burimi: "Deutsche Welle"
Denonco kėtė mesazh tek moderatorėt | IP: e regjistruar
|