Endri
Moderator
Regjistruar: 02/01/2003
Vendbanimi: Today
Mesazhe: 1498
|
Librazhd , Gjeli Ben Veze
Në Librazhd një gjel ka bërë vezë, madje dy herë më të madhe se veza e zakonshme. E zonja e shtëpisë Zenepe Valla tregon se Gjeli hermafrodit prej tri ditësh qëndronte i shkëputur nga tufa. Sipas të moshuarëve kjo është një shenjë e ligë, që paralajmëron fundin e botës. Në Elbasan dhe në trevat rreth tij, këto çudi po bëhen të zakonshme
Fatos Alliu
E pabesueshme, por këtë radhë është e vërtetë. Në Librazhd gjeli ka bërë vezë, madje dy herë më të madhe se vezët e zakonshme të pulave. Ngjarja e rrallë ka ndodhur në familjen e Llazi Vallës me banim në një lagje periferike të qytetit Librazhd. Çudia që qëndron në kufiijtë e irreales bëhët akoma më e besueshme, kur mëson se i zoti i shtëpisë ka punuar si veteriner. E zonja e shtëpisë, Zenepe Valla tregon se që prej 3 ditësh gjeli, që do të paralajmëronte mrekullinë, apo mallkimin nuk ishte mirë. Ai qëndronte i shkëputur nga tufa, "i mërzitur" madje i turpshëm sepse e kishte "kuptuar" biseksualitetin në vetvete, një gjë tepër e rrallë kjo për sojin e tij. Por pasi ka bredhur i vetmuar për tre ditë gjeli hermafrodit ka hipur në furrik. Pasi ka bërë vezën tortoruese ai nuk ka zbritur që andej. Ndoshta ka dashur të fshehë gjurmët për çka ka bërë, ose duke "e kuptuar" feminilitetin e tij ka qëndruar ta ngrohë vezën për të lindur zog, fenomen i shpjeguar shkencërisht bazuar në instiktin e riprodhimit. I zoti i shtëpisë, Llazi Valla e përjashton mundësinë e kryqëzimit të gjelit me gjela të tjerë. "Unë jam specialist dhe askush nuk mund të më mbushë mendjen për të kundërtën". Gjeli ka qëndruar i vetëm dhe ka lindur vezën e pabesueshme, shton ai më tej. Zenepe Valla, 65 vjeç duke shqyer sytë dhe duke shkitur faqet nga habia shprehet e alarmuar se kjo është një shenjë e ligë që paralajmëron fundin e botës. "Diçka e keqe do të ndodhë. Kështu kanë thënë më të moçmit", shton e frikësuar e moshuara. Ndërkohë gjeli, ndonëse me turp ka filluar të bashkohet me tufën. Nuk është hera e parë që ndodhin çudi të tilla në zonën e Librazhdit dhe më gjerë deri në Elbasan. Pak vite më parë u bë e ditur se në një fshat pranë Librazhdit, polli një mushkë, fenomen ky i paparë dhe i padëgjuar ndonjëherë edhe për faktin se shkencërisht nuk mund të ndodhe kurrë një gjë e tillë. Në një fshat të Elbasanit 5 vite më parë një fëmijë ka lindur me një krah në mes të shpatullës. Po në këtë qytet dy vjet më parë ka lindur një viç me dy koka, që u shit tek disa të huaj 25 mijë dollarë. Duke u nisur nga këto fakte të pabesueshme qytetarë të ndryshëm, mes tyre dhe intelektualë, po hedhin hipotezën se në trevën e Librazhdit çudi të tilla mund të hasen dhe në njerëz!.
Korrieri
Denonco kėtė mesazh tek moderatorėt | IP: e regjistruar
|