Forumi Horizont Forumi Horizont > Shkenca > Interneti dhe Shqipėria > Hyn Interneti Wireless ne Shqiperi. Vlerėsimi i Temės: 2 votime, mesatarja 5.00.
  Tema e mėparshme   Tema Tjetėr
Autori
Titulli Hap njė temė tė re    Pėrgjigju brenda kėsaj teme
lezhjani-82
I Pavdekshem

Regjistruar: 02/01/2005
Vendbanimi: Eternity...
Mesazhe: 4813

Hyn Interneti Wireless ne Shqiperi.

Marre nga gazeta Shekulli
Interneti pa tela hyn në baret dhe hotelet e Tiranës
Fjoraldi Zguro
Lidhje interneti pa tela bashkë me kafen, moda më e re nga bizneset e shërbimeve në kryeqytet. Një avantazh konkurrues që vjen nga teknologjia. Specialistët e ISP-së Abissnet shpjegojnë si funksionon shërbimi hot-spot.
Komunikimi pa tela nuk është më një monopol vetëm për aparatet celularë. Së fundmi në lokalet prestigjioze në Tiranë po përhapet me sukses një tendencë e re komunikimi. Është teknologjia Wi-Fi, e cila mundëson navigimin e shpejtë në internet pa qenë nevoja e lidhjeve kabllore, por vetëm nëpërmjet valëve. Mjafton të lëvizësh me laptop në dorë në zonën e ish-Bllokut në kryeqytet dhe mund të gjesh jo pak bare, restorante apo hotele, të cilat, krahas shërbimeve të tyre parësore, i ofrojnë klientëve akses në internet nëpërmjet hot-spoteve të vendosura pranë ambientet e tyre. “Kostot e këtij shërbimi që ofrojmë janë minimale, nëse do të shohim avantazhet që sjell”, - thotë Akiva Offstain, administratori amerikan i Insomnia në Tiranë që ofron këtë shërbim në kontratë me Abissnet. Sipas tij, klientët që përdorin këtë shërbim kanë një status dhe gjendje ekonomike relativisht të lartë. Kështu që ofrimi i këtij shërbimi ndihmon në mbajtjen e kësaj kategorie klientësh, të cilët mund të përhapin fjalën te rrethi i tyre shoqëror dhe të ndikojnë pozitivisht në të ardhurat e biznesit.
Si të lidhemi me wireless?
Abissnet, kompania më e madhe e furnizimit me internet (ISP) në vend, krahas zgjerimit të rrjetit të vet është duke përhapur edhe teknologjinë Wi-Fi. Specialistë pranë qendrës së Abissnetit në Tiranë shpjeguan për “Shekullin”, me fjalë të thjeshta, mënyrën se si realizohet shpërndarja e internetit Wi-Fi nëpër ambientet e lokaleve dhe bizneseve të tjera. Kështu, fillimisht, do të duhet që bari, restoranti apo hoteli në fjalë të bëjë një abonim të thjeshtë për marrjen e sinjalit të internetit. Kjo tarifë fillon nga 50 euro në muaj.
Për këtë Abissnet ofron dy mundësi zgjedhjeje. E para realizohet nëpërmjet rrjetit kabllor (xDSL, CableTV ose Fiber Optike) dhe e dyta nëpërmjet kapjes së sinjalit të internetit me antenë. Gjithsesi, në të dyja rastet, pasi sinjali i internetit mbërrin në lokal, është fare e thjeshtë që ky sinjal të degëzohet për nënpërdoruesit e tjerë, që në rastin në fjalë janë klientët e lokalit. Por më parë nevojitet pajisja me një “wireless router”, një aparaturë e vogël sa një bllok shënimesh, e cila përhap valë interneti në shpejtësi gjeri në 54 Mbps dhe në një reze mbulimi deri në 300 m. Kjo hapësirë, e cila mbulohet me internet pa qenë nevoja e një rrjeti kabllor nga router-i specifik, quhet “hot-spot”.
Sipas specialistëve të Abissnetit, në rrjetin e tyre profesional të bazuar në teknologjinë WiFi-MESH, kjo rreze mund të shkojë deri në 2 kilometra, por për klubet në kryeqytet për shërbimin e tyre të brendshëm nuk aplikohet një reze më e madhe se 300 metra. Në momentin që router përhap sinjalin internet, çdo kompjuter laptop, PocketPC apo çdo pajisje që suporton standardet Wi-Fi 802.11a/b/g dhe që gjendet brenda zonës së mbulimit të hotspot-it dedekton sinjalin dhe mund të lidhet me internetin.
Avantazhi konkurrues
Le të kthehemi te vetë lokalet. Të pasurit e avantazheve konkurruese bën që dita ditës lokalet të fusin produkte dhe shërbime të reja në ambientet e tyre, duke tentuar thithjen e një klientele të re dhe, sigurisht, duke shndërruar në klientë besnikë pjesën e tregut të arritur. Në këtë mënyrë, pjesa më e madhe e lokaleve e ofron internetin “wireless” falas, duke e lënë të hapur për përdorim sinjalin që transmeton router-i. Inxhinierët e Abissnet shpjegojnë se klientët nuk do të hasin asnjë vështirësi lidhjeje me internetin, mjafton të hapin kompjuterin laptop dhe menjëherë “wireless” (teknologjia e komunikimit pa tela me të cilën janë të pajisur të gjithë laptop-ët të prodhuar vitet e fundit) dedekton sinjalin e routerit, i cili konvertohet në lidhje interneti pa kabëll. Përgjithësisht nuk është e nevojshme që klienti të vendosë në mënyrë manuale fjalëkalime apo seri numerike të internet protokollit, kjo për linjat e hapura dhe falas.
Abissnet ofron edhe një mënyrë tjetër lidhjeje që mundëson lokalet të aplikojnë edhe një tarifë për shfrytëzimin e internetit në ambientet e tyre. Kështu, përveç ofrimit të internetit, lokalet kanë edhe një burim tjetër të ardhurash. Vetë lokalet duken mjaft të interesuara për futjen e kësaj teknologjie, sepse edhe kërkesa nga klientë shqiptarë dhe të huaj është e lartë.
Drejtoresha e Abissnet, Bruna Foto, na thotë se pranë kësaj kompanie ka mbërritur një numër i konsiderueshëm kërkesash nga ana e bizneseve për pajisje me routera shpërndarës të internetit Wi-Fi. Gjithashtu, Abissnet planifikon kompilimin e një direktorie dhe website ku do të shënohen të gjitha bizneset që kanë këtë lloj shërbimi, për ta lehtësuar gjetjen e tyre nga klientët e interesuar.
Wi-Fi, pjesë e jetës së përditshme
Në botë interneti “wireless” është gjerësisht i përhapur jo vetëm në ambientet e bareve restoranteve, hoteleve, por edhe në aeroporte, në zyrat e kompanive dhe deri në parqe apo të tjera ambiente publike. Kështu, nuk është çudi që nëse një i afërm apo miku juaj në SHBA apo të tjera vende ku kjo teknologji është e përhapur, të komunikojë me ju nëpërmjet internetit pa kabëll. Shpejtësia e internetit Wi-Fi është mjaft e lartë, për shkak të teknologjisë së avancuar që sigurohet nga routerët. Madje në këtë mënyrë mund të komunikoni duke shkëmbyer sinjal të pastër video dhe audio në kohë reale dhe pa pagesë, edhe sikur të dy kompjuterët laptop të jenë në lëvizje, sigurisht brenda hapësirës që mbulon hotspot-i. Për mjaft biznesmenë, të pasurit e internetit në çdo moment dhe në çdo vend do të ishte një ndihmë e madhe. Kontrolli i postës elektronike, një ndër ritualet e përditshme të miliona njerëzve në botë, mund të kryhet fare mirë edhe në Shqipëri, duke pirë kafen e mëngjesit në barin e preferuar mes miqve apo kolegëve.
Çfarë duhet për të marrë shërbimin hotspot për lokale dhe hotele nga Abissnet:
Kosto e instalimit dhe pajisjeve: 350 euro
Kosto mujore interneti 256 kbps duplex: 50 euro/muaj
18/10/2006

__________________
Jeta eshte nje semundje vdekjeprurese seksualisht e transmetueshme.

Denonco kėtė mesazh tek moderatorėt | IP: e regjistruar

Mesazh i vjetėr 19 Tetor 2006 02:48
lezhjani-82 nuk po viziton aktualisht forumin Kliko kėtu pėr Profilin Personal tė lezhjani-82 Kliko kėtu pėr tė kontaktuar me lezhjani-82 (me Mesazh Privat) Vizito faqen personale tė lezhjani-82't! Kėrko mesazhe tė tjera nga: lezhjani-82 Shto lezhjani-82 nė listėn e injorimit Printo vetėm kėtė mesazh Shto lezhjani-82 nė listėn e monitorimit Ndrysho/Fshij Mesazhin Pėrgjigju Duke e Cituar
lezhjani-82
I Pavdekshem

Regjistruar: 02/01/2005
Vendbanimi: Eternity...
Mesazhe: 4813

Rrjeti Abissnet mbulon 100% Tiranën

Marre nga Shekulli
Lidhje ADSL 2+ kudo në kryeqytet. Kosto më të ulëta instalimi në zonat ku përdoret wireless

Kompania më e madhe e internetit në vend, Abissnet ka bërë të ditur se ka përfunduar kabllimin e kryeqytetit. Përfundimi i këtij projekti i mundëson Abissnet të ofrojë internet të kapacitetit të lartë me ADSL 2+, për të cilën është e njohur në treg në çdo zonë të kryeqytetit. "Gjatë një viti kemi punuar me intensitet. Janë struktura prej mëse 150 punonjësish që kanë mundësuar shtrimin e këtij rrjeti. Puna është shumëfishuar, sepse në të njëjtën kohë na është dashur të përballojmë lidhjet për abonentët të cilët ishin shumë më tepër se kishim parashikuar në këtë fazë. Çdo gjë është standardizuar dhe do të na lejoje minimumin e shkëputjeve, si dhe nevojës për suport",shpjegon drejtori teknik i Abissnet, Gentian Bajraktari. Sipas Bajraktarit, ADSL 2+ është mënyra më e menaxhueshme dhe e sigurt për të ofruar lidhje interneti me kapacitet të lartë. Nga Abissnet është realizuar një kombinim i fibrës optike deri në lagje dhe me kabllo bakri deri në shtëpi, me parim të njëjtë me ato telefonike të telekomit, por të një cilësie shumë më të lartë. Përdoruesi nuk ka nevojë për linje telefonie fikse, madje ata që nuk kanë mundur të përfitojnë numër fiks telefonie tradicionale, duke përdorur linjën e internetit të Abissnet. "Deri tani, në zona ku nuk kishim mbulim rrjeti, përdorueseve ju kryhej lidhja me antenë, që ishte një procedurë më e ndërlikuar teknike me më pak garanci se rrjeti tokësor.

Përfundimi i sotshëm i rrjetit të vendosur mundëson ofrimin e ADSL 2+ në të gjithë Tiranën, duke eliminuar nevojën për zgjidhje wireless dhe duke rritur shumë cilësinë e shërbimeve internet dhe telefonik",ka sqaruar Bajraktari. Por çfarë ndryshimesh konkrete do të sjellë përfundimi i këtij rrjeti për përdoruesit kryeqytetas? Drejtori i marketingut në kompaninë Abissnet, Sajmir Alickolli, sqaron për "Shekullin" se "ndryshimi i parë është se nuk do të ketë më lidhje me antenë në zona të brendshme të Tiranës. Në praktikë, për përdoruesin kjo është një ulje prej 100 Euro në koston e instalimit e kombinuar me cilësinë superiore të ADSL 2+. Abissnet tashme ka dominancë në lidhjet e internetit me ADSL, por kapaciteti i këtij rrjeti gjithashtu na lejon të ofrojmë edhe sinjal televiziv me anë të teknologjisë IP TV, një zgjidhje e re por interesante për përdoruesin shqiptar.

Kapaciteti i lartë i internetit ndërkombëtar që kemi, i kombinuar me rrjetin e saposhtruar, do të mundësojë ofrimin e shërbimit pothuajse kudo në kryeqytet, me shpejtësi dhe qëndrueshmëri shumë më të lartë se më parë. Si përfundim, për përdoruesin kryeqytetas ka më shumë kursim, më shumë cilësi dhe sigurisht më shumë zgjedhje". Pyetjes lidhur mbi afatet kohore të një lidhjeje interneti, Alickolli i përgjigjet: "Lidhjet Abissnet ADSL 2+ të internetit, të cilat tashmë i njohin të gjithë, janë që tani të mundura për publikun. Për sa i përket ofertave në telefoni dhe IPTV, jemi duke shqyrtuar kërkesat e tregut dhe balancat, ndoshta edhe mundësinë e ofrimit nën brande të ndryshme, por për çdo rast, nuk do të vonohen më shumë se 3-4 javë. Pra janë zhvillime të shpejta". Abissnet është kompani e regjistruar si Provider Interneti në vitin 1998 dhe është ISP e parë në Shqipëri. Si klientë të saj figurojnë institucionet dhe bizneset kryesore shqiptare e të huaja që operojnë në vend. Nga shtatori 2007 me projektin 'Sepse interneti nuk është me luks', Abissnet ka nxjerrë në treg oferta të destinuara për përdoruesit familjarë, me çmime dhe shpejtësi të përshtatshme me këtë segment, si dhe në nivele të njëjta me shtetet e rajonit.

ADSL 2+ është mënyra më e menaxhueshme dhe e sigurt për të ofruar lidhje interneti me kapacitet të lartë. Nga Abissnet është realizuar një kombinim i fibrës optike deri në lagje dhe me kabllo bakri deri në shtëpi, me parim të njëjtë me ato telefonike të telekomit, por të një cilësie shumë më të lartë. Përdoruesi nuk ka nevojë për linjë telefonie fikse, madje ata që nuk kanë mundur të përfitojnë numër fiks telefonie tradicionale duke përdorur linjën e internetit të Abissnet

Abissnet tashme ka dominancë në lidhjet e internetit me ADSL, por kapaciteti i këtij rrjeti gjithashtu lejon të ofrohet edhe sinjal televiziv me anë të teknologjisë IP TV, një zgjidhje e re por interesante për përdoruesin shqiptar

__________________
Jeta eshte nje semundje vdekjeprurese seksualisht e transmetueshme.

Denonco kėtė mesazh tek moderatorėt | IP: e regjistruar

Mesazh i vjetėr 05 Mars 2008 00:30
lezhjani-82 nuk po viziton aktualisht forumin Kliko kėtu pėr Profilin Personal tė lezhjani-82 Kliko kėtu pėr tė kontaktuar me lezhjani-82 (me Mesazh Privat) Vizito faqen personale tė lezhjani-82't! Kėrko mesazhe tė tjera nga: lezhjani-82 Shto lezhjani-82 nė listėn e injorimit Printo vetėm kėtė mesazh Shto lezhjani-82 nė listėn e monitorimit Ndrysho/Fshij Mesazhin Pėrgjigju Duke e Cituar
shelgu
-

Regjistruar: 27/11/2007
Vendbanimi: EU
Mesazhe: 8928

Shihni cfare evoluimi ka marre kjo teme, vetem pas 10 vjetesh dhe duket sikur vjen qe nga koha antike

Denonco kėtė mesazh tek moderatorėt | IP: e regjistruar

Mesazh i vjetėr 06 Maj 2016 20:20
shelgu nuk po viziton aktualisht forumin Kliko kėtu pėr Profilin Personal tė shelgu Kliko kėtu pėr tė kontaktuar me shelgu (me Mesazh Privat) Kėrko mesazhe tė tjera nga: shelgu Shto shelgu nė listėn e injorimit Printo vetėm kėtė mesazh Shto shelgu nė listėn e monitorimit Ndrysho/Fshij Mesazhin Pėrgjigju Duke e Cituar
Ora tani: 11:41 Hap njė temė tė re    Pėrgjigju brenda kėsaj teme
  Tema e mėparshme   Tema Tjetėr

Forumi Horizont Forumi Horizont > Shkenca > Interneti dhe Shqipėria > Hyn Interneti Wireless ne Shqiperi.

Pėrgatit Kėtė Faqe Pėr Printim | Dėrgoje Me Email | Abonohu Nė Kėtė Temė

Vlerėso kėtė temė:

Mundėsitė e Nėn-Forumit:
Nuk mund tė hapni tema
Nuk mund ti pėrgjigjeni temave
Nuk mund tė bashkangjisni file
Nuk mund tė modifikoni mesazhin tuaj
Kodet HTML lejohen
Kodet speciale lejohen
Ikonat lejohen
Kodet [IMG] lejohen
 

 

Kliko pėr tu larguar nese je identifikuar
Powered by: vBulletin © Jelsoft Enterprises Limited.
Materialet qė gjenden tek Forumi Horizont janė kontribut i vizitorėve. Jeni tė lutur tė mos i kopjoni por ti bėni link adresėn ku ndodhen.